呢個聖誕認真唔 like

前提：公主爹生日系聖誕正日（25號！！）

由舊年聖誕正日系踏出溫達老豆屋企門口，我老公已經牙痛甘聲話 － 以後我生日唔同Eu 家過⋯⋯ 我已經話，你想俾老爺奶奶斬你咩？？？佢答：我受夠，一年比一年無隱。25號唔想見到巴渣（無追開呢個連續劇的朋友唔明唔該睇舊 post －如果系有養狗的朋友一定會憎佢同溫達老豆 － 一個開波子，但狗糧系1歐元1Kg 罐頭的人渣）

公主爹呢個念頭原來唔系流，9月已經同我講，今年要 book 定聖誕翻黎 Tuscany，我話到時先算，如果美人真系有左要計計時間。

美人唔知道系米知道阿爸要走佬心切，所以乖乖系10月23日就生左7小福，剛剛好佢地打左第一針（12月13日）一個星期20號其實已經可以去周圍玩⋯⋯

公主爹鬼甘高興就 book，同奶奶講24號晚會“根據Eu 家族傳統”一齊食晚飯，但唔留甘夜，因為唔放心 7 小福系屋企無人陪，然後25號就起程。

“Eu 家族傳統” －24日晚系一齊食晚飯，過半夜開禮物。但第一個唔理呢個傳統的系溫達老豆，自從巴渣生左個女之後就有張黃牌系手，24號晚要去同佢阿婆過，因為佢果邊25號唔搞⋯⋯呢條“法例”有效期至佢阿婆死渦。

奶奶已經牙痛甘聲，但都無辦法，都成40+歲人啦，鵝得幾多？？其實每年聖誕都好累，24號搞到3點之後25號13：00又食⋯⋯老爺奶奶都辛苦丫⋯⋯仲要26號連續3日真系唔容易頂得住（連個胃都系甘話，越老越唔掂），舊年26號我地散水都已經有D唔 like⋯⋯

24號晚，只有我地兩個，小狼老豆（小狼同小旗要同阿媽過⋯⋯佢地阿媽有癌病⋯⋯所以由得佢地啦），老爺奶奶。入到屋已經有D唔對路⋯⋯ 無平時果種高興。開飯，食左少少，老爺突然問公主爹：

你覺得聖誕節系乜？

哎呀⋯⋯乜揾D甘野搞？？？？

公主爹不以為意就答：一個商業化的日子。

我已經個心一跌⋯⋯死仔答錯啦！！你唔知道老爺想做乜咩？？？

老爺跟住問我

我答：我老公生日 － 我老公先醒起！

老爺話你無話我知道你25號唔黎

公主爹：我2個星期前話左俾阿媽知道咯。

老爺：但你唔系直接同我講。

公主爹：甘阿媽唔同你溝通咩？你兩個離左婚咩？

老爺：我系你老豆，我依家話你知道我好唔高興你25好唔系到，你完全唔黎家規。

公主爹：乜唔系24號晚咩？我地全家一直都系24號晚一齊過，25號系同D遠方親戚過。

老爺：唔系（哇⋯⋯你兩個自己搞掂⋯⋯我系聽到24號好多年，個版本由唔同 Eu 屋企人口出）

公主爹起身⋯⋯

我⋯⋯繼續食，反正我離座會仲衰，

奶奶鬧鬼老爺，都叫左你米講，仔大仔世界，我地幾唔高興都無用，佢地高興就得啦，小狼老豆又幫埋老爺奶奶果邊⋯⋯

我唔出聲，到食完碟意粉（絕對消化不良⋯⋯）起身，奶奶望住我，我俾個無奈表情佢睇。我做得D乜？你地搞到甘田地等，我收拾唔到啦。

你地睇住個孫的分上乜都得，其他人要做陪襯品，少2件 jee ⋯⋯系米要玩到甘唔開心先安樂？

我好佩服公主爹的 EQ ，俾著我已經踏出門口，佢系露台食煙，我又卷一支陪下佢，我問佢想點？走定翻埋檯？佢話都已經黎到好頭好尾。捱埋佢算，反正要早走，唔放心7小福同美人。老爺又走埋黎露台，我當然就閃人，系廚房遇上奶奶⋯⋯奶奶問我，點解公主爹有甘的念頭呀？幾時佢有甘的想法？

我：我唔可以代佢答你，你問佢等佢答。

奶奶呆左，佢以為我唔企系佢果邊，甘我補一句，我知道的系佢講俾我聽的，但我再講出黎可能同原來有差異，特別系我的意大利文唔好得去邊，你都 系自己問佢啦。

奶奶又問，25號完系米約左佢個老死系 Tuscany 食晚飯？我話應該無，我無聽聞，我只知道公主爹只系想同D貓過一個安靜的生日。

奶奶：又系D貓，你地花甘多錢同時間精力都仲未夠咩？

我：甘公主爹對住7小福個樣好幸福同滿足。都系5個月jee，D 貓仔我地賣左米回到少少本翻黎咯，甘人地生仔，養大個時間無本回渦。

即刻封左佢把口。我知道奶奶好著眼錢呢方面，用呢樣黎駁佢最收效。

我地已經講過 N 甘多次，我地唔生細路，羅馬的教育，生活環境絕對唔適合細路成長，我地兩個都過40，生乜鬼？？養得大到個細路24歲可能可以自立， 24歲仲要擔心個細路揾唔揾到工之類，米玩！兩老唔系唔知道，睇住小狼老豆幾辛苦帶2個細路，18歲女夜晚出街，阿爸接送，米攞苦黎辛！！

系 Secondo 之後，奶奶坐埋一邊同公主爹傾。我背向佢地系到聽，重點：溫達老豆想點就點，兩老唔會出聲，我只系正日唔系到就炳 。奶奶：甘溫達老豆有家室，你老婆無家人系義大利jee，唔系你都會好似佢甘安排。我唔系護住溫達老豆呀（此地無銀300兩。。。）。公主爹要駁一定會駁，我聽到佢唔出聲知道系“講都無謂，你根本聽唔入耳”。之後奶奶話佢生日1月3日正日唔搞，但6號“溫達老豆”唔得閒渦。。。公主爹米話，甘1月3日食夜晚飯咯。奶奶話：唔得“溫達老豆”話唔得閒。 公主爹：有心的一定 beep 到時間出黎，我淨系1月3日得閒，我地死趕爛趕2號到羅馬都系為你生日！如果 唔系我地留多個星期唔知道幾爽！！奶奶唔出聲。。。最後話甘睇3號搞唔搞得成啦。甘你地系2號翻黎？系呀！！甘多年溫達老豆系奶奶生日都閃左人，今次少佢又點？奶奶系想個金菠蘿出現jee。你甘想見米日日佢睇佢咯！！做乜逼我地 jee？？？

公平少少，系自己生日對住一個你唔 like 的人真系好無癮。系我系到之後佢先有個“自己”的生日蛋糕，以往系一個聖誕大包插臘燭就算。其實公主爹唔系好自在個生日點過，但真系唔想見到巴渣同佢個女，簡直系無眼睇個女會變成點（請睇下面1月3日奶奶生日就會更加明白）。成晚老爺聊公主爹講野，佢有一句又無一句擺明系唔想講野。小狼老豆就揾話題同我講。我話今年我真系唔好意思，完全無時間整餅，湊住7小福絕對系24小時。

回程，系車到我唔出聲，由得公主爹申，第一句：明年12月20日閃人，我都估到。。。 一年來好多次臨時改家庭聚餐都系因為溫達老豆。好似老爺生日10月12日，本來老爺話唔搞，有D失望，但老人家話唔搞米唔搞。我地約好其他 breeder 朋友10月22日星期六聚會，我地系搞手，因為知道美人生的話，3個月唔會出黎一齊食飯。約左2個星期一共15人，點知道星期三老爺話星期六一齊食飯，補祝佢生日？？？下過左成10日先黎搞？？公主爹無講任何野，臨急臨忙，即刻發 mail 打電話 say sorry 改早一日，但因為約左2個星期，好多人改噻本來星期六D聚會去星期五。。。 最後得 3個人。。。包我地兩個一共5個，好在間餐廳算好，無講野。本來都無野，系後來發現甘突然“補祝”系因為溫達老豆“終於”得閒，同個金菠蘿可以出現。當然，我地兩個系唔點高興，不過算啦老人家高興就算。但一年以來甘的事情實在發生太多次。累積起黎真系佛都有火。但公主爹一直都無同兩老投訴，反正講都系淨會就個金菠蘿出現。甘聖誕正日，有個金菠蘿米得咯，反正舊年都系甘，我地唔系甘想見都要逼我地見，兩老知道我唔鍾意巴渣，我肯見系俾面佢兩個。但依家連公主爹都唔 like 到甘程度 － 事情除左舊年溫達老豆聖誕禮物事件之外，呢年個巴渣換左部 mac book，溫達老豆叫公主爹幫手搞個 setting，因為公司D野個 system mac 唔support。公主爹無所謂，一開機，要 password，甘 send 個 sms 問，無答，到公主爹打電話佢先講。。。之後好似佢俾錢出黎要公主爹做甘，有乜唔妥即刻打奪命 call，但系佢自己低能搞唔掂。。。所以搞到公主爹越來越唔 like 佢。甘搞法，我肯俾面出席都無用，開車果個唔 like 呀！我救佢地唔到。

如果真系要一家一齊開心食餐飯，邊日都系聖誕正日。如果系大家都開心，幾時都無所謂。我地一直太乖，唔乖一次即刻俾人鬧，D一直唔乖果D，乖一次好似系黃恩大賜。 我地一直 care 兩老感受，所以一直都好乖，但佢地已經唔再理會我地感受的時候，再乖都無意義。一個星期公主爹最少去探老爺奶奶一次，因為我地系 freelancer ，時間自由，所以揾我地黎 sip 位最好，呢個習慣要改變。

聖誕新年兩老都無打電話黎，系公主爹“好乖”甘打電話去。。。 最後決定1月3日奶奶生日夜晚飯。

1月3日

未入門口已經聽到巴渣把衰聲，我已經反眼，不過奶奶生日，算啦，俾面佢。入到屋，個金菠蘿系到食雞肉，奶奶系廚房洗菜俾佢，巴渣話哎呀D菜葉要抹到好干，唔系佢唔食，用左5張 kitchen paper 去抹2塊葉。。。之後奶奶捏細少少D菜葉，巴渣話唔得，甘佢唔食，要切到好幼佢先食，大帝，餐廳咩？。。。奶奶照做。。。我已經閃左出露台。我心捻溫達老豆米黎煩我。。。點知道佢真系出現。。。 我心捻。。。 你米再講美人靚過英雄，我已經好唔老黎甘答左佢2次。好在佢唔夠膽再講，唔識又亂答嘴。

一如以往我彈到老甘遠，佢入客廳我走去廚房，佢入廚房我出露台，露台系吸煙區，佢唔黎，所以我成日系露台，雖然凍都好過遇上佢。但食飯就走唔甩，一定同檯，對角但見唔到過種。全場，個金菠蘿系甘盯住我，當然我系唯一一個唔走埋佢到的人。奶奶生日系 pizza，巴渣又系一如以往，呢樣唔食，果樣唔要，都費事理佢。

巴渣同溫達老豆好自豪甘同大家講：尋日金菠蘿同佢阿媽講，阿媽去廚房整野我食，立即去！幾醒目。

我同自己講，米出聲米出聲，我握住公主爹隻手，佢完全知道我捻乜，我都知道佢捻咩。。。 但最令人驚訝的系全場，包括老爺奶奶，小狼老豆都讚金菠蘿醒目！！哇！！！乜世代！！系唔系我落後？？無大無細成甘大家都覺得細應該？？？定大家系想睇住個細路衰落去？？

唔夠膽捻。

是晚乜都好快，好快食晚，收碟個蛋糕已經上檯！平時最少磨一個半個鐘先上蛋糕慢慢磨。。。

巴渣路過，同我講，我等你個檸檬批渦。我完全系自然反應：我無時間 － 就甘一句好硬甘車埋去。我眼尾筲到溫達老豆好驚訝的表情。我心捻，甘都俾到個位你個8婆同我講野，你米自己攞理衰。佢笑住好鑒戒甘話唔緊要 － 你都神經病，點到你話緊要唔緊要？我唔系奉旨要整餅，我次次整，系我鍾意整，我 beep 到時間整，個個都開心我無所謂，但當成為一個奉旨的時候，我覺得我要停停。系佢一個夠膽甘問，其他人都知道我忙到顛，雖然都好懷念我整的餅，但都唔會甘蠢。我答佢一句，乜你以為湊住7隻貓仔唔需要時間咩？公主爹即刻猛我隻手，然後佢答嘴。佢 feel 到D火氣上升得好快。

個蛋糕一上，我個心一沈，點解系草莓同奇異果？奶奶唔食呢兩樣。。。個蛋糕奶奶訂渦 － 原因，因為金菠蘿鍾意食草莓。。。小狼唔食水果，淨食左個餅底。。。

甘好快收碟，因為金菠蘿要 zzzzz 仲要一定系佢張床先肯 zzzzz。所以散水，我心捻好呀，我唔需要繼續活受罪。

一上車，我兩個擁抱，大叫今年最後一次啦，甩難！！公主爹話實在到極限，唔想再“全家”甘食一餐法，簡直消化不良（又真系我兩個真系消化不良到翌日中午。。。）

公主爹問我有無發現今晚流程非常快？我話系呀，點解，因為金菠蘿明天第一日翻幼稚園。。。。 我問佢，點解巴渣好自豪甘話佢個女喝去整野食，仲大讚個女醒目，你點解唔出聲？由佢死。。。 但點解老爺奶奶無人出聲？？奶奶甘注重教育渦？公主爹：佢地出聲米無機會見個金菠蘿。哇。。。。真系黃牌出擊渦。我話我覺得大家的水平大量調低左。。。 公主爹：唔系今日的事情，所以我唔想再繼續“家庭聚會“。但點閃人呀？

今年參加多D 貓展避開下。上次個金菠蘿洗禮我地本來去參展都取消，以後無呢支歌仔唱。