相一相

爛玩精⋯⋯玩到瞓左上件玩具到⋯⋯

另一日，同一件玩具，日日換下，都系玩到瞓著

6月6 －7週年實驗品

端午－我農曆生日

6月6 － 結婚週年，話甘快已經7年。

節目－無乜，唔系無感覺，雖然公主爹話出去食餐飯慶祝，我話想同公主，英雄同美人一齊過。

甘自己煮 － 其實公主爹煮，我就例牌整餅。

草莓－公主爹鍾意食，我其實乜水果都鍾意。

反正佢上星期買左2盒，今日我又懶得叫佢買其他野特別整。

上星期五已經用左一盒整左一個草莓瑞士卷（我

貓應該唔應該沖涼？

呢個問題我之前會答，無乜需要米唔沖，反正貓好乾淨。
除非要出展，甘就一定要洗白白。
直至最近發現公主換毛換得超勁。有D地方有油污，以前佢唔系甘。
郁記話發現狗絕育之後D皮膚分泌都唔同。
但公主奇怪在淨得兩隻大腿系甘。之前都有一次系條尾，好似公貓尾甘。
問過獸醫，話要轉糧。轉左成年依家先再有甘情況。
有個配育員朋友本身正職系貓狗美容師，佢之前都有同我地講，
貓公要洗得密D，因為容易油，英雄就需要經常洗，不過淨洗條尾，因為佢有公貓尾。
母貓1個月一次都 ok。但公主同美人真系唔到需要我都唔洗佢地。所以無跟佢指示甘洗。

呢個配育員朋友星期六黎探我地，到甘上下醒起，笨⋯⋯
間城隍廟入到屋企都唔求簽？？即刻隊公主俾佢睇（公主本來系貓樹到眠緊 ：P)
問佢乜解救，佢檢查完之後叫我同公主沖涼，用去油用品洗果2tart油淋淋的地方，
之後都要多D同佢沖。
點解？佢D死毛掉唔噻，你日日點擦都唔會擦噻出黎，D死毛最容易積系D屁股，大腿位。
因為佢成日坐，所以摺埋D位，同個屁股一坐（雖然我已經不停甘吸塵都仲有毛系四周！）就粢噻D毛。
甘就局住D皮膚就會系甘出油。就算之後擦走都無用，因為油左就更容易粢系果到，
就越來越油，好似擦極都有死毛。其實系D毛系噻果幾到。
甘點解要用水洗？D死毛濕左之後就容易擦走。干洗無用。
呢樣真⋯⋯上次同公主洗完（都成個半月之前的事情）佢細左2個碼 － D死毛多到好似兩個冷球甘大！因為佢成年都無沖涼⋯⋯（甘你知道我幾唔想佢地沖涼⋯⋯）
短毛貓可能無甘嚴重⋯⋯但長貓都系要洗密少少。

貓“廁”文化

愛貓的老友住系屋企幾日，有一日早上我清理貓廁所的時候，
佢突然問”咦，你系用水晶貓砂咖？唔吸水咖啵…… 點解會用？“
一問就2個問題：
點解要用水晶貓砂？水晶貓砂吸水嗎？

市面上的貓砂大概都系果幾種
粘土、砂同現在歐洲有D系木糠環保。主要有結塊同不結塊的分別。
價錢有平有貴，只要只貓鐘意用就可以。

結塊，水分會將貓砂結為一塊。好多人都會覺得方便D清理。

雖然，英雄公主娘貪靚，但換水晶貓砂唔系靚的原因。
如果大家記得 Jerry 奶奶現在患有腎病的愛貓，
病發前佢系用結塊的粘土貓砂。問題就出在這里。
因為 Jerry 的腎出現問題，尿液有血，但因為結塊，加貓砂本身比較深色。
所以奶奶察覺唔到 Jerry 的尿尿有血。如果奶奶早可以睇到。
Jerry 就可以更早治理。
（講開， Jerry 最近都幾好，同老爺奶奶去咗山上間屋到避暑）
Jerry 住院期間用水晶貓砂。
再同老友獸醫傾過之后，
所以慢慢同公主換水晶貓砂（慢慢的原因，再落少少會講）。
健康的貓尿尿應該系淡黃色，用水晶貓砂等于可以每日睇到貓貓的健康情況。
如果較深色，可能系吸收的水分唔夠，或食得太多干糧（呢個情況系英雄同公主身上比較少見，因為佢地主要系食濕糧）
貓主就可以調節一下貓的飲食。
如果情況持續，可能要去驗尿，睇系咪腎同尿道有問題。
個人相信，防御好過治理。所以日日監督住，發現任何動靜都可以行動。

水晶貓砂吸水問題
健康的貓一般一日排出的尿液大約180ml 除非天氣太熱，
貓飲多咗水，可能會有多少少。
但如果突然好大量飲水就要注意貓尿尿的次數，尿的顏色，體重。
有可能系腎有毛病，或糖尿病。
水晶貓砂基本上系可以吸收得到呢個分量，
但因為每一只貓的尿尿姿勢可能有些許分別（男女都有別啦）
所以落點可能太集中就會好容易落到底。
水晶貓砂比較大粒，同底部的接觸面比較細，所以感覺好似唔吸。
所以清理便便后，就要炒底翻下D貓砂就可以。

貓廁所數目
一只貓最少要有一個貓廁所。
有D貓鐘意用兩個，一個開大，一個開細。
但最好系隨時有一個備用廁所。
個備用廁所系方便如果要換另一款貓砂或另一個牌子、
或由有香味到無香味的貓砂的時候用。
以及，方便貓主洗貓廁所的時候，唔需要好急快手快腳洗。
又要就住貓唔需要用廁所的時候先洗。
貓廁所最好每日最少清理一次，一個星期最少洗一次
隨時有一個干凈的，放好貓砂之后，放回原位，
要洗果個就可以慢慢洗干凈同消毒。

點解換另一款貓砂需要多一個備用廁所。
貓唔系好鐘意換嘢(除咗玩具同食物鐘意貪心忘舊外）
如果佢鐘意用開某牌子的貓砂，你想換，
你最好問咗阿貓先，唔系佢唔鐘意個新的貓砂，
就會系廁所以外，搵個佢鐘意的地方（如洗手盆同浴缸）方便。
點問佢，用個備用廁所放新的貓砂系原有的廁所附近。
貓好好奇，有多個廁所，佢一定會貢入去望下。
如果佢唔鐘意新的貓砂，就唔會用，
如果鐘意呢，佢兩個廁所都會用。
之后可以慢慢淡化原來用開的貓砂。
需要時間，所以慢慢換，等貓慢慢適應。


貓廁所位置
唔可以太多人經過的地方，地點需要安靜，
遠離人同貓飲水同食飯的地方，最好系另一間房。
好多人會選擇系人的廁所入面。
但好多貓其實唔鐘意，因為水聲太吵，兼貓好鐘意浴缸同洗手盆。
等于系吸引佢地去果到開。
如果有陽臺都系一個好的選擇。
如果貓鐘意果個位放佢的廁所，最好唔好隨便換地方，
換咗佢又可能唔鐘意，又會系廁所以外的地方解決。


所以……英雄公主娘屋企有5個貓廁所。
3個分別系兩層樓唔同的位置，另外兩個系備用。
公主同英雄用的都系有蓋屋型，唔鐘意“海闊天空”甘方便。
3個廁所原意系一貓一個，方便我檢查每一位少爺小姐開乜
點知道佢兩個，齊齊去一個地底果個開大（6日洗一次），齊齊去2樓其中一個開細 （5日洗一次）。
凈咗果個，就系當需要去果個廁正在有貓用緊的時候就會去用，
等于佢地自定的“緊急后備廁所”（7日洗一次）。
分開洗有原因，除咗尿尿果個最容易臭之外，
因為發現我一齊洗曬3個，洗走曬佢地D味之后兩個就發爛顛掙廁所……
所以分開洗之后就無事。

呢個都好，因為貓的便便同尿尿都系佢地溝通的途徑。
所以齊齊用一個開同一樣，等于多咗2條溝通的途徑。

做阿娘應該好安慰，如果唔系佢地一定系系廁所外解決。

貓爪熱

昨日睇香港東方日報的網上新聞，發現有“貓爪熱”的報道……寫到好嚴重，
追查一下，臺灣亦有個案，奇怪在好似D報道得一部分，唔夠深入，
想理解多D呢種病毒，開始系網上搵呢種由貓傳染人的文件，
用“巴東氏桿菌”去搵……得個吉，因為都幾夜，所以埝住今日先去刮過。
今早開 messenger 見到阿葡萄牙老友，同佢講開，
話我用個中文病毒名搵唔到個英文名，
老友好快就幫我去搵，真好，兩三下手勢就搵到維基的英文版本（cat scratch fever)！ 抵贊加抵嘴
因為搵到個英文病名，連病毒名都有 - Bartonella henselae，
就容易D搵更專業的文章，
系另一個獸醫的文章網站有更深入的介紹
維基的中文版本欠奉，意大利文版本亦無英文版本甘詳盡。
如果有興趣可以去參考獸醫的文章。我只略翻譯一部分，如果需要更詳盡的翻譯，請留言。

由于帶有這種病毒 Bartonella henselae 的貓可能沒有任何病癥，如果懷疑自己的貓受到感染，可以要求獸醫做血液檢查 Bartonella testing 多種測試中比較可靠的檢查，哪種測試請跟獸醫研究。（這樣這么重要的部分報紙無寫……）。

一般家貓，如果一直有管理跳蚤，沒有在街上跟其他的貓接觸，感染率非常底。這種病毒在貓群中由跳蚤傳染。貓傳人的機會只有：

1.被帶有病毒的貓咬或爪傷
2.沒有愈合的傷口被有帶有病毒的貓舔過。

所以盡量避免逗弄街上的貓，容易受這病毒感染的貓只主要為幼貓（又另一重要事項沒有報道）加上幼貓愛玩，弄傷而受感染的機會比較高。貓只不無故爪或咬人。多為意外或人為事故。

如果不幸被貓咬傷或爪傷（特別是街貓，由于欠缺跳蚤的治理，感染機會高），立即用清水和肥皂清理和消毒，如7至12日出現紅腫、腫塊或水泡，立即求醫。如不醫理，可能在一至三周后，在傷處附近出現淋巴結核，腫塊會持續數周至數月，患者同時可能會有感冒的病癥，如，頭疼、發熱、疲累、肌肉酸痛、無胃口等等。大部分的患者可以于數周痊愈。只有5%至15%的個案才會發展成為心臟、腦部、眼睛、腸臟的嚴重引發病癥 - 如被爪傷或咬傷的患者本身的免疫能力較低（如患有癌病，艾滋病，正接受藥物、荷爾蒙或病毒治療而減低免疫能力的人士，或接受內臟移植后的人士）容易引起并更嚴重感染。

如早在出現感冒相同病癥或更早醫治，只需服用抗生素便可。

希望不要因為報紙或網上的報道不詳盡而拋棄自己的貓。我不明白為什么東方日報跑去訪問名人紅星而不是跟獸醫采訪更詳細的資料 ，獸醫的采訪只有兩三句而已！！！反而明星的報道是兩三篇！

Jerry 劫后余生大公開！

Jerry 系佢陽臺上最鐘意打躉個位。

卷埋你就睇唔到我無咗毛的窿

我要食飯，咪左頭左勢，咬你咖！





Jerry 翻到羅馬，Boss 同奶奶都話佢好唔好老皮……無啦啦會咬人同爪人。
唔知道系咪心火盛，定系樓上系甘裝修嘈到佢發燜。

家貓街貓

前日系郁記到睇到Mel R 去咗 我都好唔開心，
雖然我未摸過 Mel R，未同佢玩過，
佢更加唔知道我系乜水，不過郁記一直都有寫同post佢由細細貓到去果日的照片，
好似我系睇住佢大甘，所以睇到佢甘離開，雖然未至于坐系地下喊，
不過一直睇就一直喊……
郁記有講過歐洲人對養貓狗的概念同我地好唔同。
貓狗地系系屋企外走動，有提供糧草同水，唔會入屋企，
我通常都覺得甘同“街貓‘無乜分別。我地唔同意甘叫養貓。
各人有各人意見點養自己的貓，我地無權利去插手人家點養。
自由系街上走動的代價就系危機…… 而且唔單系自己的貓，連人家的貓都會有危機.

系街上自由走動的貓，可以話”幾“幸福，
如果個”主人”系負責的話……
點叫負責，絕育其一，
健康方面，每年都要打針同做好多防疫。
要知道貓群中有好多傳染病，媒體可以包括：血液同排泄物、寄生蟲。
貓系有地盤主義的動物，好多時都會因為地盤而打架，
排泄物同時系劃分地盤的主要“工具”，
所以系街上自由走動的貓只都會好容易患病。
傳染病當中最恐怖的系 FIV, FeLV、FIP 呢幾種病毒，亦稱為貓的艾滋病。
感染的貓如果發病可以系1個月內死亡，無任何醫療方法。只有預防疫苗。
病癥如果無發病只能夠驗血鑒定。由呢幾種病毒可以引發其他的病。
如果要打預防疫苗，要先驗血，驗血一次通常要50歐元，
好多人就會因為甘而唔會做任何嘢，因為“貓之嘛……有9條命，唔洗甘緊張“的態度。

絕育除了系控制”貓口“之外，亦同時減低傳染病散播，
我日日都見到附近好多街貓，只只都又瘦又細，有D無咗只眼，
有d 斷腳，但我唔夠膽帶翻屋企，因為佢地系有人養！！！
同時我都唔知道佢地有無病同寄生蟲，好驚會傳染俾公主就大鑊。

現在的街貓好多都面對路面的交通。意外傷亡好高，以前系農莊，
D貓可以系農莊內自由自在，因為唔會有甘多車，遠離其他的貓，
但貓現在的生活環境唔系系農莊，日日都會見到好多120km/hr 的車！
同狗打架…… 亦系另一種無可避免的危機。
如果系自己的貓，請將佢變成家貓。遠離危機。
如自家家居環境唔許可，請唔好養貓，養貓系一種責任，唔系一種玩具。
唔系因為要教小朋友要有愛心的”教科書“。

點解甘勞氣，除咗因為見 Mel R 去咗之外，
公主最近幾個月都唔可以去花園玩。點解？
因為D無知的人，話自己養貓，可以連喂都唔喂，自己放假1個月，
去第二到度假，就掉底2只貓周圍走。
兩只貓自己搵食，搵貓砂。甘的主人，我唔相信呢兩只貓有打預防疫苗。
呢兩只可憐的貓走到系我花園開大細！我地花園唔系甘容易可以入，
但呢兩只貓就爬過4幅2米高圍欄走到我屋企個花園搞搞震。
夜晚有幾次見到佢地系我地花園到過夜……
公主當然就發曬爛渣…… 但又唔出得去！

后來同鄰居2貓太太講開，佢自己都有兩只家貓，
佢仲慘，唔單系佢屋企花園大小，偷佢只狗D 糧食，
兩只貓整爛個蚊窗3次，破門入屋搗亂，系人家屋企同人家的貓開片！
2貓太太去同呢兩只貓的主人鄰居“理論”，
已經唔要求賠償（3個蚊窗共210歐元，同自己只2只貓的醫藥費）
只系要求唔好俾兩只貓出外，請系自家屋企內養貓。
結論，該位缺德主人話：我唔得閑理甘多動物，養貓系甘咖啦，我唔俾佢地入屋咖，
整污垢個地板（下，甘你只狗又可以入屋？？！）
我好多嘢做，2只貓系我兩個仔，你要理論同佢地講，
下…… 你2位公子得3歲同5歲，
系呀，兩只貓系佢地咖，我都要教育下一代愛護動物。（真唔明原來甘叫愛護動物）
2貓太太好激氣，我都愛貓，但你甘唔叫養貓，
下次我見到佢兩只黎我屋企搗亂，我會打電話報警叫人黎帶走佢地。
缺德的主人仲好理直氣壯甘話，你依家恐嚇呀……

本來我聽到甘，想去鏟人，不過2貓太太拉住我，
我系意大利人呢位缺德的太太都可以甘對我，
你系亞洲人樣，仲要呢到得你一個，太容易認啦，無謂冶麻煩啦。
我好慶，意大利人無知到甘程度簡直難以想象，仲要甘反咬人，簡直過分。
兩只貓無罪，搞到佢兩只要自生自滅就系D甘無知的人。
我同情兩只貓，不過我更加同情公主依家連自己個花園都唔可以去玩，
This is an abuse!!
激死我啦！！

預祝中秋節快樂，人月兩團圓（加公主娘懶 blog 罪證……1次過3篇！）

自制月餅，祝各位姐妹（兄弟）中秋節人月兩團圓
甘買得到綠豆就會身痕發豆芽
仲有我地契仔照片！

終于有日俾我逼到公主爹同我落羅馬買中國材料整月餅，
不過條友話唔知道點渣車到間中國超級市場！（吹漲…… 唔想去就系甘講）
最后系話去 Castroni 本來好擔心，因為系間鋪頭個網站到見唔到有煉奶呢樣嘢。
已經打定輸數要用淡奶，連淡奶做冰皮的食譜到搵定，點知道出乎意料之外，佢地有煉奶！其實都明白公主爹點解唔肯落中國超級市場…… 之前見我買d 嘢品質可以嚇到佢目定口呆 ，D嘢系食落肚，當然佢會相信意大利人開的國際食品店多過中國人gee。

糯米粉（泰國），本來的材料入面系有占米粉，
不過得"farina di riso"(米粉……無指明系乜米）
公主爹話甘試下啦。
下……唔好食賴你咖！



煉奶！
所有材料都齊，就可以開工整冰皮。
材料好似系李錦記到刮翻來……唔系好記得
抄書抄到唔知道系邊到抄翻來……糯米粉 20 克，粘米粉 20 克，特幼糖霜 20 克，麵粉 10 克，鮮奶 100克，煉奶 20 克，油 18 克

將所有乾料過篩，加入鮮奶、煉奶及油拌勻成糊狀，用大火蒸30分鐘，   取出待涼。

呢個分量系夠整6個迷你月餅

豆沙，請點擊這里看原本食譜

我貪心，整紅豆同綠豆，跟住……
唔記得影好多相！！








豆泥過濾之后……


豆沙，之后先加糖煮……
不過唔記得影個冰皮蒸好個樣，因為對手太 sticky!!


個月餅模系上次返香港系山海街買，
用之前要用油浸，撒上白鑊炒過的糯米粉，就容易脫模。
將豆沙（當然咸蛋黃唔會少得，不過得3個蛋黃，所以得6個月餅有蛋黃…… 都話我懶到出汁……）放入冰皮搓成小圓球之后放入撒了糯米粉的餅模到壓平，輕敲餅模就成事！

就甘樣…… 雪凍，再整咗10個用糯米茲食譜扮冰皮（因為奶奶同有d 朋友對牛奶過敏……所以整定D無奶冰皮，就變成糯米茲皮）今年中秋有月餅！

















有綠豆當然唔會少得去發豆芽啦
發咗4日咋！
用洗沙律個兜，系最懶的方法！！




第二日個樣




第四日已經食得嚕











Leone!獅子，系公主爹個契仔，系獸醫屋企 n 甘多只貓之中最得我地心，
不過佢最近搵到個新屋企，所以下星期就去新家嚕…… 唔舍得，不過都系為佢好。

 

貓奴的新書

星期六去探朋友，因為朋友家的貓經常偷走，
希望公主爹可以幫手整整個防貓欄，
所以就去探佢順便玩下貓 
系我努力煞科前一個小 break。

我地兩個DIY掌門人唔洗5分鐘就搞掂個欄桿，
離晚飯時間還有3個鐘頭，甘做乜好？
雖然我可以系佢屋企繼續同貓玩，
不過朋友想出去逛逛新的 Romaeur2 商場，
橫豎系佢屋企附近唔洗15分鐘車程就到，
甘就去下啰……

公主娘平常都唔系甘鐘意逛街，意大利D嘢實在貴到無心情去買……
仲要唔鐘意做 Fashion victim 所以通常逛的地方都唔系甘“正常”
如寵物店、五金鋪、正常D咪系超級市場、電器鋪、電腦公司同書店。

聽聞間新商城有超過 250間鋪頭，都好可能有嘢可以刺激下D靈感都好。
講真，個商城的設計非常唔好，唔 user friendly，仲要周圍搵地圖，
成日唔知道自己行咗去邊，停車首2小時免費，不過第三個鐘頭就收曬前面兩個鐘的錢…… 即系6歐元（每個鐘頭2歐元），感覺好搵笨 ……
因為有3座停車場，其中2座系地底，另一座要離開商場去第二座到攞車，
對角型，行成15分鐘先到，星期六地底個兩個有3600車位的停車場都爆咗。
所以泊咗去最遠個到。
最唔好的設計系要穿過某D大D的商店去另一面D鋪頭，
有被逼行果間大鋪的感覺。
個商場占地好大，不過感覺好似香港D細商場甘，
D鋪頭門面細，不過好多間，走廊空間感好狹窄，
反而系近我屋企系羅馬北的 Porta di Roma 就好行好多。感覺舒服。

好多人……勁多人…… 乜d 人唔系已經去咗放暑假咩？仲有甘多人系到
因為開始做大出血，時裝店都人頭涌涌，由于我無乜興趣，
所以急急腳就走過。無乜特別目的，雖然個個商場都會有一間書店，
不過搵唔到個地圖，所以唔知道間書店系邊
行下行下系樓上見到樓下有間好似無乜人的鋪頭…… 個間就系書店。
都唔系完全無人，不過相對其他鋪頭就比較空。
睇書（盯書）的人其實都唔少，年紀都系30過外掛…… 小朋友都有，不過唔系甘多。（有興趣可以去 Allie 到睇歐洲的青少年不會看書）
最多人系邊到盯…… 我唔覺得有特定，好似到到都有D人。
3個貓奴當然沖到甘去搵下有無貓書，
朋友買唔到，反而我地買咗2本 ，其實2本都系我咖
1本系 Gattoterapia （貓治療法）, 另一本 Pet therapy - una proposta di intervento per i disabili neuromotri e sensoriali （寵物療法 - 應用于感官和神經性殘障病人的建議…… 中文翻譯出黎系甘上下嘢）。
本來仲有另外2本系 pet therapy 不過一本好似系小說多D，
另一本太深同太廣，驚會睇到頭暈，所以都無買。
去排隊俾錢的時候，有兩個收銀柜臺，都有龍，
小朋友占大部分（10歲左右或以下）老餅（如我一眾者）。
兩本書加埋24.5歐元。意大利D書系甘上下價錢。
就甘樣…… 就系書店磨咗成1幾鐘頭 點解好似我地用咗10分鐘甘之嘛……
公主爹本來想再睇其他 IT 書都唔系好夠時間…… 餐廳訂位過鐘唔等人，
所以都系早D去吧喇…… 仲已經系個商場到成2 個幾鐘頭。

Gattoterapia 比較輕松，當小品睇下，不過有D嘢其實都幾有啟發性。
另外個本就要好似讀書甘去睇，因為系完全一本工具書， 好多專業名詞
真系要對住本字典黎對號入座。
所以同本 gattoterapia 交叉甘睇就唔覺得甘辛苦。



好似公主好耐無出場……
俾個”肉“背大家睇睇。
佢唔俾我影…… 因為去嬲咗我同佢滴 FL
所以唔系甘合作。
公主最新近況，肥咗 仲于佢肥得起，仲要開始生新毛。
點解？因為御醫嚴禁佢食貓餅，
依家無貓餅的日子，佢就開始肥同唔挑食。

Jerry 奇跡地仲生歐歐！

上一篇貼子，再見 Jerry，
得到好多姐妹的關心，多謝，
星期六我地去奶奶屋企睇 Jerry，再同獸醫聊過 Jerry 的情況。
獸醫都好驚訝，Jerry 可以系屋企修養幾日后，
再活動自如！真系奇跡。

奶奶打電話，好開心甘同我講，
話 Jerry 跳到上去櫥柜個頂到！下，成2咪5高都可以2跳上到去！
即刻話俾獸醫聽！
獸醫話估唔到 Jerry 可以有甘好情況！
奶奶日日逼 Jerry 食，早晚同 Jerry 打抗生素，
早上 Jerry 唔點郁，下午就開始活躍。
D尿尿清好多，無乜血水。
不過果頭飲完水，個頭就尿尿……
有時得幾滴，就滴咗系地板到。奶奶就日日拿住塊布系甘抹……
獸醫話，依家最緊要 Jerry 肯自己食嘢，甘生存率同康復得高D。
個腎好唔得返，不過只要唔再壞落去，同肯食嘢，個肝就唔會有問題。
獸醫換咗令一只抗生素（因為 Jerry 尿道有感染），同D開胃的輔佐品，
希望刺激 Jerry 自己食，再過一個星期，可能再幫 Jerry 驗血同照超聲波。
再睇清楚情況。
其中一種輔佐品，奶奶搵咗4間藥房都搵唔到，
搵我地點算，因為獸醫到都缺貨，甘我就走去問屋企附近間藥房。
佢地竟然系個倉到有！當然即刻買啦，
個藥劑師仲問我要唔要長期訂，因為仲有2盒咋。
我又唔敢即刻買埋，1盒都可以食成40日。又唔可以決定 Jerry 系咪要長期食，
咪話暫時甘先，要再買啦，問咗訂要幾耐，
佢話要2-3個星期，
甘即系1個月啦（意大利人話個時間，通常再加乘1.5倍或以上先系真實時間……）
當然我地都希望 Jerry 可以自己食，
除咗系佢可以好D之外，奶奶都唔洗甘辛苦。
庸醫有打過電話問奶奶 Jerry 的情況。
奶奶簡直無氣理佢，系甘依打法佢就算。

加菲貓真貓版 - 奶奶家 Jerry

張相用手機影，所以麻麻地睇到 jerry 系“紅色”
所謂”紅色“Ginger 色系，
不過 Jerry 比較 cream colour D
如果再紅多少少就真系好似加菲貓，
特別系兩年前，佢肥仔到各肚腩癡住個地下。
貓癡肥其實都好常見，不過要救就要早，
好似Jerry 甘，依家已經算減得幾成功

上星期六去奶奶家，因為約咗奶奶同小琪（公主爹二哥個女女）齊齊做阿茂。
小琪突然問，jerry 有幾歲喇？
公主爹話8歲，我就望望佢，喂，你咪年年都話 jerry 得8歲先得咖！
你估真系年年18，永遠青春咩…… 我都聽佢話jerry 8歲咗x甘多年……
奶奶數數手指，阿 Jerry 原來已經12歲咖啦！
奶奶點解要數手指，因為 Jerry 系公主爹同溫達老豆（公主爹個大佬）加前任女友
送俾奶奶的生日禮物，甘奶奶就依家自己幾歲，減幾多歲個年有咗 Jerry 咪知啰。

Jerry 唔系純種貓，不過系2頭純種貓混出黎，
我懷疑溫達老豆同佢前任女友俾人老點，因為位太太話Ｊｅｒｒｙ　系波斯貓混出黎。
不過我點睇，都覺得，Ｊｅｒｒｙ　無波斯貓血統，系　Ｂｒｉｔｉｓｈ　ｓｈｏｒｔ　同歐洲種混的機會大好多。公主爹俾我成日同佢講貓經講得多，
睇多咗純種貓之后，都同意我的睇法，
脾氣同純種貓有分別，遲D再講有乜分別，不過點都系好貓一頭，
搞到老爺同奶奶爭jerry 寵。

大概2年前，又如常去奶奶屋企，發現jerry 有頭皮（我只能甘叫，貓全身都系毛，甘如果我叫身皮，恐怕大家都唔知我講乜），同毛色好暗……

我就問奶奶 Jerry 最近點，奶奶話Jerry 剛剛系獸醫到打咗每年的防疫針，
獸醫話 Jerry 幾健康，無乜問題，不過奶奶就為咗 Jerry 的頭皮同毛色，
唔系甘安樂，驚 Jerry 開始有病。問獸醫，獸醫話 Jerry 無事，
甘奶奶唯有信住獸醫講啰。

見奶奶唔安樂，Jerry 有唔系甘好樣，同癡肥，
我問奶奶，Jerry 呢半年好似肥得好快同好多。
奶奶呆一呆，系咩，唔覺啵，當然奶奶你日日都對住佢，
你點會覺得佢肥咗吖…… 不過又俾我講講，奶奶話，又系啵
Jerry　真系肥咗，之前都有個肚腩，不過唔會到地下……
個肚腩依家好似個地拖甘

點算呢，Ｊｅｒｒｙ　系咪有病阿！奶奶更加擔心……
我就問奶奶，你俾乜嘢 Jerry 食，
奶奶就打開 Jerry 個糧庫，我就睇睇有乜嘢解救。

第一樣，少貓餅，因為貓餅系最大的碳水化合物來源，
實施上，無大量的碳水化合物根本就做唔到貓餅。
大家都鐘意整餅，一定知點解。
Jerry　已經超過６歲，已經系　ｓｅｎｉｏｒ　貓
飲食其實已經要改變。普通成貓貓糧含的碳水化合物份量，
對年紀大的貓黎講實在太多，貓貓消化唔到，同吸收唔到，
又活動少咗，消耗唔到，所以就容易癡肥。
Jerry 習慣要有貓餅，就換成　senior 個種，
同換另一只牌子。因為間間廠的成分唔同，
有D系多好多好多碳水化合物，如果唔留意睇，
分分鐘唔知，因為睇住過一串長長的成分，好容易擾亂視線。

奶奶，呢只牌子的貓罐頭唔好俾 Jerry，呢只都系。
俾呢只，仲有我寫多另外兩個牌子俾奶奶。

奶奶望住我，點解？

好多貓罐頭的肉類的來源無寫得好清楚，
大大只寫住　ｃｏｎ　（ｗｉｔｈ）　牛肉，其實牛肉成分真正得個４％，
其他系叫肉同副產品，甘系乜肉同邊類型的副產品呢，邊個知？
蛋白質高唔等如可吸收的蛋白質高。
雞毛的蛋白質都好高咖，仲要系副產品的一種啵，不過食咗系吸收唔到個種，
要個消化系統做完一大餐之后，無用，真系運吉。
仲要系俾咗錢買，咪等于貼錢買難受（受個個系貓）？

我叫奶奶講，如果煮開魚同雞，
（奶奶年紀都一把，無謂要佢煩到好似我煮雞俾公主甘）
不妨留一塊無鹽油調味煮的俾　Ｊｅｒｒｙ　食啦。

奶奶就開始同　Ｊｅｒｒｙ　改牌子同買　ｓｅｎｉｏｒ　的貓糧，俾少一半貓餅 Jerry 食。
煮開雞，就蒸塊俾　Ｊｅｒｒｙ　，
Jerry 唔鐘意食熟牛肉，好間中，奶奶俾塊細細塊生的佢食。
幾個月之后，Ｊｅｒｒｙ　無用去頭皮洗頭水（Ｊｅｒｒｙ　１年沖１次涼，）之余，
都無沖過涼，毛色就恢復正常的光亮，無頭皮
瘦咗Ｄ，活躍咗，開始可以好似以前甘，跳到上廚房個柜頂，
奶奶非常高興。我都好高興，唔單只因為佢系 Jerry ，系家人，
我喜歡動物，見到動物受苦，或狀態唔好，我都會唔開心。
Jerry 本來就好可愛。
肥貓雖然令人感覺更可愛，圓錄錄，不過如果為佢健康著想，情愿佢瘦D。

依家 Jerry 無繼續肥，瘦就瘦唔到幾多，
絕咗育的貓，都系會肥Ｄ，
到甘上下，就提奶奶俾去毛糕 Jerry 食，
間中買D ”貓芝士“ 俾 Jerry 做 treats 
希望 Jerry 繼續健健康康開心陪伴兩老。