熱熱熱

敗家罪證⋯⋯ 

 150歐元買左D甘野⋯⋯ 其實唔系一次半次。間中都網上訂購超過100歐元淨俾貓的用品。有罐頭同乾糧 － 應急用 －點知道會唔會停電，一停冰箱D生肉就系甘先。
一大堆貓草同兩個種貓草的兜 － 環保D，市面買的系膠兜或膠袋種⋯⋯。玩具⋯⋯ 次次都會買⋯⋯唉⋯⋯好在呢次個個都玩。磨爪，呢條話1米，但覺得實物無甘高，好衰地去度下⋯⋯得85cm⋯⋯算好過無，反正特價。個粉紅色的系最新貓箱，比依家D大同通爽（好多洞），上面可以打開，前門系密封（下面有窿通氣）所以唔怕D人隊D手指去摸我D貓。唯一唔鍾意⋯⋯粉紅色！買1個睇下好唔好用。好就等下睇有無其他顏色。

生日快樂－美人1歲！

阿娘其實真系發雞盲⋯⋯以為自己打左 Princess 就甘就save 左⋯⋯
原來個“i"無打到⋯⋯手快快趕呀！

時間真系過得好快，仲記得呢隻貓蜘蛛（我地成日笑佢 SpiderCat 因為成日爬個蚊窗，掛系上面）4個月大由瑞典見到果陣個樣仲系個腦海到。甘快已經同我地一齊8個月。

睇住佢長大，同英雄成日出雙入對，好安慰。
尋日已經準備好雞腿餐今日開 party 用。
美人尋日已經忍唔住走黎偷！最後俾左D佢都仲坐系廚房張枱到等。

我唔知道佢的生日願望系乜。
我地的願望系佢健康快樂，長壽安康。

今日已經送左D祝福俾佢3個細佬同妹妹 ：）
仲收到佢配育員，佢爸爸，哥哥（半個個）配育員的祝福。

美人的配育員收到美人新的相（我定期會報告同俾相佢地，今日系美人大日子當然有今日熱辣辣的新相啦），好開心，話美人D毛雖然唔系好長（睇佢同英雄就知道個分別），但佢件頭比想像中大，同D毛好有光彩。所以佢地好開心：）佢話仲記得一年前的今日佢好緊張，因為 I litter 將會出生，仲記得美人由阿媽個出黎個樣，一切一切都仲好深刻的印象，但眼前的相證明時間已經溜走，醜小鴨已經成長。