廣東話⋯⋯

今日 click 條 link 聽廣東歌，已經唔系D乜近期作品，已經系張國榮⋯⋯
竟然發現我聽唔明！！！ 我要揾歌詞睇先知道唱乜⋯⋯
廣東話聽力有問題都唔系今日先發現，其實都知道一陣，
一直安慰自己⋯⋯D 新懶音我聽唔到唔出奇⋯⋯
但今日聽哥哥舊歌都有問題，我覺得問題有D嚴重⋯⋯

呢個就快發霉的 blog 要寫下嘢 - 因為開學了！

3月18日開咗學，上年我就系 Facebook 到報告，
但今年唔可以……因為好多同班同學系果到
唯有搬翻黎呢到寫 ：P
現在寫 blog 無以前甘方便，
因為俾公司逼我用公司部 laptop 所以大部分時間都系 laptop 到。加辛不加薪……
聽日開第二課，但我第一份的組功課未交，因為其中一個組員失去聯絡幾日，
打鑼搵佢（我打電話搵過搵唔到，最后叫老師搵佢，真系唔知道佢會唔會又好似舊年果個甘撞車！）
今日佢終于出現，原來佢老爺周末的時候心臟病入咗醫院，
所以幾日都周圍”藤“尋晚系甘開咗D mail check 咗但未回……
等緊佢 input，都估計無乜可以加，
自己果2份星期日交咗，但未收到老師的 comment。
（剛收到，話因為我錯手 Delete 果個我應該睇到的 file，所以我睇唔到個 comment ....
等老師搬D comment 去我見到果到……）

要講下 Ms.Hello

有D朋友已經知道佢系邊位，但都要講俾D唔知道的朋友知道
Ms.hello 系我的（依家系我妹的）25歲至28\29歲鸚哥。
年齡大概系甘上下，因為系人家送俾我，
但送俾我之前養咗一段日子，根據數手指的顯示，佢已經跟咗我成19年，
我走去北京做嘢，阿妹要去臺灣，所以唯有佢跟埋我上大陸。
到我去意大利的時候，本來系想搞佢跟埋我過意大利。
個 Agent 同我講，要系香港彭福公園做檢疫之后先可以繼續做文件。
點知道…… 我準備帶佢翻香港的時候，彭福公園就爆禽流感！！
香港爆禽流感點夠膽帶翻去落黎……
好在上海有個香港人朋友好鐘意佢，可以照顧佢，等阿妹翻香港穩定後再帶佢落香港。

當年我兩只貓，因為年紀唔細…… 11同13歲，
由北京落上海果程（當年9同11歲）只系2個鐘頭飛機都發現佢地頂唔順，
羅馬16個鐘頭機加3個月檢疫，我驚佢地定唔順，
問香港，但無人可以收留佢地，一個內地的舊同事，
話好鐘意佢兩個，本來都好放心就交咗俾佢。
但點知道…… 佢地兩個失蹤咗…… 話就話系佢奶奶因為佢老公突然對貓過敏
系佢返咗工之后送走咗佢兩個，唔知道送咗去邊。
后來知道原來佢懷孕……所以非常懷疑事實的真偽，
無論如何我好內疚……
因為我無實行我對佢兩個的承諾，等佢地好好活到終老。
每次我見到內地點對D貓，賣貓毛，我好驚，好驚佢兩個成為呢種受害者……

Ms.Hello 比較好彩，港人點都可靠，
朋友照顧佢直至現在，
本來阿妹學成歸來，想叫佢去上海帶翻 Hello 到香港
阿妹對感情處理比較精明，話，朋友對 Hello 都有感情
無啦啦就要翻，對朋友唔系好公平。都系
我只求有人對佢好，佢系邊到都無所謂。
直至早2個星期，突然友人來電郵
佢家人病重，要計劃全家搬翻香港，
問我想將 Ms.Hello點，我即問阿妹，好唔好帶（其實阿妹就已經以為我谷佢養……——）
我D語言（文字，因為 gtalk,我無開咪）能力真系越來越差……
佢同意帶佢翻香港，
趁香港禽流感幾近0，系最好機會帶佢翻黎，
我問過我個獸醫（佢系專科鸚鵡），Hello 甘年紀頂唔頂得住，
佢話 Hello 個品種如果照顧得好可以活到50歲過外（真系我死佢都未死……）
所以30歲之前都仲叫年輕，如果經常坐飛機（佢都唔知道坐咗幾多次啰！）
應該無問題。
我唔想佢俾其他人照顧，真系見過鬼唔怕黑咩！點知道俾其他人之后會唔會又俾其他人
再俾其他人，有無人愛佢照顧佢！
因為佢可以賣得到好貴的價錢，
大陸人有錢乜都做得出。（我睇完坑渠油仲唔知道大陸無改變咩……）
（講一講，因為上海照顧 Hello 的朋友唔系好清楚 hello 系乜品種，
問一間內地的物流公司，話400人民幣可以到香港機場，但要去香港機場接！ 嚇死我！
收咗你400之后賣埋佢都有知！我渴住我朋友唔好俾，我搵香港人搞！）
決定之后同朋友講，我地決定帶佢翻香港阿妹屋企。
我就開始系網到查公司，
特別多謝網友波菲媽幫忙俾咗好多資料同聯絡我。
其他如郁記都有幫忙刮料，
另外 plan 2 的唐生（港人），因為擔心如果搞唔切，臨時要系上海搵個地方收留住佢先。
唐生拔刀相助，話無問題，長短期都可以。
我由北京落上海未穩定之前（搵屋住）都系唐生照顧佢同二貓。
所以都好多謝佢，打擾咗佢兩個星期，因為佢都要安排如果真系要收留 Hello
擺佢去邊，邊個照顧……
亦好感激我朋友照顧佢甘多年，系果個時刻都問咗我先。
唔系求其搵人收留佢就算。
最最最要感激系阿妹，勞苦功高！
2個星期，要應付我呢個“催命符”一樣的家姐，一日唔知幾多個 mail 幾十個 plan
（睇都睇到人發顛）加上海朋友的聯絡同香港Agent的聯絡全部佢包辦。

23日 Ms.Hello 終于翻到“屋企”
大家都可以松口氣。
阿妹即刻俾個 vedio 我睇，我雖然系羅馬
阿妹開住電腦報告情況，Hello 入到屋等于好似我見到佢翻到屋企一樣。
等呢日真系等咗7年，中途有放棄過，因為朋友對佢如自己家人，
所以埝住如果朋友繼續能夠愛佢照顧到佢，我情愿佢系朋友身邊。
所以打消咗帶佢翻香港的念頭。
但最后，Ms. Hello 都系翻到黎。
黎羅馬的機會好微，入口有一定困難，唔系文件或錢問題，
而系檢疫，可能要3 個月系政府的鳥房。
甘多個鐘頭飛機…… 無謂要佢受D受苦。
阿妹同娘親一定會照顧得佢好好，好愛佢。
我翻香港就可以見佢，唔需要特登走多轉去我唔鐘意的上海。
所以我真系可以好安心。

發“港式包”寒的公主爹

公主爹第一次系香港試過菠蘿包之后，
就一咬鐘情，其實唔止系菠蘿包，
仲有腸仔包，甘我返到羅馬就開始狩獵食譜，
等佢回味香港的一切好嘢，
當然包只系其中一樣，
早餐系佢另一樣上癮的嘢 - 娘親同小怪俾我地個包“龍珠”茶，菠蘿包下午茶啦，夜晚系佢大讚娘親好嘢的紀子，當然唔少的小怪個真空樽，無咗佢，娘親的紀子就唔會甘“明目”，我都系第一次聽人講，飲咗一次見到有好大分別。講返個包先……

系miss 到搵到個比較簡單，加上我又搵到材料的食譜。
雖然搵唔到 Baking soda 呢樣嘢，
變咗雙份的 lievito di dolce，
不過菠蘿皮效果都做得唔錯。因為無溶到D牛油，加上系凍冰冰甘直接“差”
所以爆裂得非常唔錯。都夠酥脆

不過個包就試咗好多次，發現呢到D面粉有D古怪，
最后系原有食譜到減到用50g水開干yeast先唔會一pat漿甘出黎。
雞蛋同牛油都系放室溫，連奶都無落，因為呢度古怪的面粉，
減咗前面D水黎留D余地俾牛奶黎發，
個中種又發得唔夠盡興（差不多發唔起，發咗我6個種都發唔到一倍）

依家差不多每兩個星期，公主爹就會問我，
“有時間整菠蘿包同包包嗎？”
佢系香港學識點講廣東話“菠蘿包”，“
腸仔包就有時記得有時又唔記得，所以最后變咗”包包”，
唔知道系咪學乜語言，粗話系最容易上口，廣東話pk佢就非常記得。
有次無啦啦，開緊車，隔離線條友突然壓過線，
險象環生之際，公主爹突然用好正宗的廣東話講“你個pk!"
個下我笑到唔識驚。

香港青衣酒店

好橋地同郁記都系同一間酒店，不過我走咗之后佢先到，寫下呢間酒店的感覺。      唔賣廣告（無錢收）所以個名唔寫出黎啦。

我地住個間系3連酒店最入個間，我地訂7晚，所以有特惠只要4200港幣左右，以香港的酒店的價錢，可以話幾價廉物美。

最鐘意間房無地毯！之前個間同北京個間個地毯搞到公主爹日日"fifi fefe" 房間設計現代化，細細地但好實用。我地住系頂樓，面對住貨運站，不過唔嘈，重有小小海景。工作人員（唔單系接待處，連打掃位姐姐）都非常友善同有禮貌。預訂個陣系用我名，之前攞間行李去存放，“鹿”我張卡，不過由個陣開始發現，所有嘢都寫公主爹個名，有D奇怪，后黎發現，原來酒店方面系將外國游客、香港結婚的客人同大陸游客分層。可能驚搞錯，所以就乜寫公主爹個名落所有嘢到。

本來都捻住再返香港都住呢間酒店，因為服務同個樣都唔錯，個游泳池好正，無人去，同好干凈。點知，出事在另外兩間大量接待中國客人的酒店（好似中間個間最多，我地住個間都有，不過眼見好似少好多）。因為3間酒店旁邊其實系住宅區（好似都幾高尚）。有一個小商場，基本嘢例如：快餐店、便利店、藥店同超級市場都有齊。所以都幾方便，不過有晚比較早返酒店，同公主爹落超級市場買D嘢個陣，大量中國客系超級市場，其實都唔乜所謂，大家都系游客（我都系半個），想開個雪柜攞啤酒，有個大陸婆”棟“只腳壓住個雪柜系到“坳”小腿，D白色的死皮系甘落，好貴嘔心，我同佢講請讓開，望望我唔理！ 甘點算，公主爹望望我，我甘兇狠，點會由得佢，好大力甘打開到門，佢又好兇狠甘望住我，我唔理佢，公主爹知到我系甘，所以唔會出聲（佢講乜個大陸婆都唔識啦）。后面有個男人好大聲打“乞嗤”，個大陸婆系我前面，仲系“棟”住只腳，前無去路，唯有由旁邊小巷走，兜去另一面買埋其他嘢，個死人大陸婆，又唔知幾時走咗系我地前面，又棟起只豬蹄系到坳！個打“乞嗤”的大陸男人好似跟住我地行甘，繼續好大聲甘打“乞嗤”，我叫公主爹去排隊先，我攞埋件嘢就去俾錢，快D離開個地方。

我地出咗超級市場之后，發現果個好大聲打“乞嗤”的男人仲系我后面，我就好鬼大聲鬧佢“無衛生常識，落后的人，掉中國人的臉”公主爹唔知我鬧乜，個個男人就眼光光望住我，再望到公主爹系我旁邊，就唔出聲當聽唔到。
返到酒店房，公主爹話下次唔住呢間酒店，本來捻住離開咗北京，就可以遠離無文化的人，間酒店其實好好，弊在唔可以控制系樓下都有D甘嘢出現。下次俾多D錢住間貴D的酒店，避開…… 中國人幾時可以整體文化水平提高？？

香港鴨寮街 - 公主爹墮落記

無相，因為無影……攞住相機的公主爹唔得閑影……

我地系香港最后7日，公主爹去咗鴨寮街3次……（我頭疼都陪佢去，小樓子病都要同佢去）
3次都唔系1、2個鐘……佢都仲覺得唔夠，鴨寮街系佢天堂，仲問我點解唔早D帶佢去，你咪當我傻，我就系知道你會系到墮落，所以拖到甘遲先俾你黎，如果唔系，咪日日行程都系鴨寮街！
佢好好心機間間鋪頭去貢。電腦商場當然都唔會放過。
最后，仲逼我換新手機。佢買咗乜，
iphone
psp
手指mouse
blue tooth 耳機
其實仲想買其他嘢，不過驚系意大利俾海關”周“同真系捻清楚真系要再買乜先買。
已經話，要明年再去香港鴨寮街，小樓子笑佢，會因為鴨寮街移民香港。

講真，系鴨寮街又真系唔覺眼有鬼佬同游客，雖然HKTA 個網站都有介紹，不過鬼佬游客又真系的公主爹1個！個到D sales 都識講英文，所以應該唔系語言問題，不過系旺角就多好多鬼佬

志蓮靜苑 - 到香港唔睇就笨

志蓮靜苑起好個陣，我系中國，之后一直都唔機會同時間去睇，今次俾我如愿以償！

志蓮靜苑，系香港鉆石山地鐵站附近，到地鐵站就有指示牌，指示你點去。

志蓮靜苑可以話有幾部分，寺院只供游覽至下午4：30， 有另一部分系唔開放，寺院對面系南蓮池園，開放至夜晚。

一直都好鐘意仿唐建筑，特別想研究點樣可以唔洗用釘都可以成個結構都甘穩固。當我話俾公主爹知系香港有個甘建筑，佢就雙眼發亮，一定要睇！

完全無失望，入到寺院，同寶蓮寺好唔同感覺，人好少，加上唔接待旅游團，所以唔見有大陸旅客（大家就可以非常輕松）。寧靜 - 無寶蓮寺的誦經，仲以為自己去做日本…… 所有做工都非常精致。每一個室的佛像都系我見過的佛像中最靚。不過唔可以影相，所以無得比大家睇，最好都系自己親身去睇，因為實在系文字無法形容。

南蓮池院，由凈苑管理，中國式的庭院設計，打理的分廠好，如果鐘意研究建筑的朋友，一定要去花園入面的博物館參觀，博物館有好多建筑模型，不單只有志蓮靜苑，更包括好多在中國境內的唐代，以同樣建筑方法建成的建筑物（包括故宮同天壇）。仲有每一件部件構成整個結構的實物。可惜無書賣……如果有，就真系會買返本返屋企研究。

池院入面仲有其他不同的建筑、石頭（唔知有無人好似我地甘鐘意睇石頭……）同有一個盤景展覽，非常值得睇，好多好奇異的盤景，系難的一見。池院，仲有餐廳，（不過無入去食）。半日游，你一定唔會失望。

海洋公園

故地重游，依然覺得海洋公園非常正！ 

約咗個朋友齊齊去，一行四人，雖然我仲'pak’緊藥，不過都仲要去玩。系金鐘站坐巴士，唔記得幾錢…… 海洋公園入場209港幣，果陣系萬圣節，不過我都系日間去。但都好友萬圣節氣氛。

一到先去咗睇鳥，D鳥好多都唔怕人，都可以走到好近睇真D，之后無耐就玩做個搞到全體“濕身”的機動游戲，因為我地搞錯咗，將兩個最重磅擺咗系船頭，系激流中下沖個陣，因為頭重尾輕，D水照頭淋……差不多玩嘥所有機動游戲（有一、兩個太低能，所以唔玩），最正系部跳樓機！不過如果back bone 或有心臟病就真系咪玩，無謂傷身。

每個館都想多留一陣，因為真系好靚（非常鐘意海洋館，細個第一次去個陣已經好鐘意，依家都仲系非常留戀），見動物系最開心，雖然佢地唔可以系真的大自然環境里生活，不過一想到，好多人為的災難令佢地本來已經好難生存的地方更百上加斤后，系人工環境生活，其實多已經系唔錯。

中午飯”麥記“搞點，之前買個D飽都已經落曬肚，一人一飽，公主爹問價錢，佢眼都突出黎！有無搞錯？甘平！羅馬1/4價錢…… （返里羅馬之后佢唔再成日嘈話要去麥記）新果個“口者”理館（水母館，小樓子叫佢做“口者”理館）非常disco feel，差D唔舍得走。

睇咗熊貓，依家有4只，小樓子話新個對系剛剛到港，所以好多人都“樸”系到睇對新熊貓仔，又真系好鬼cute，其中一只好返瞓，成日塞只腳落另一只個口到。

玩咗成5個幾鐘，真系好鬼抵，仲玩得開心先好。

大嶼山一日游

公主爹趕住返香港，因為實在唔鐘意中國，最后果日就中午飯后，就走人（班機成7點幾），又驚塞車，所以早走咗，不過75人民幣由王府井到機場，半個鐘都唔洗。返到香港入住青衣的酒店都已經半夜，所以之后果日就近近地去咗大嶼山。

原本好想坐昂坪360，不過十月尾都未重開，所以去到東涌就坐巴士上大佛。因為系平日，所以都好品，我地三人，買做一日套票，30港幣1人，可以坐成日大嶼山的巴士，都幾抵。如果系假日應該系50港幣1人。

上大佛，公主爹好開心，不停甘影，因為終于有寺廟可以俾佢任影，雖然有D地方都唔可以影，不過佢已經好滿足。公主爹未接觸過佛教，第一次俾佢的感覺非常好。系寶蓮寺唔想走，佢覺得好平靜。

上大佛收費好似20+港幣，睇完外面，內面有博物館，都幾好睇，有大佛的建筑情況同記錄。張票之后可以去寶蓮寺小食部換小食，亦可買60港幣（好似仲有90港幣）的午餐。不過唔知公主爹鐘唔鐘意食，所以唔買午餐票。上完大佛，已經成2：00，去個小食部換“小食”，原本"林“唔會多得去邊，之后要落返去買其他嘢醫肚，俾張票位姐姐，問我地要乜點心，同要豆腐花定飲品，跟住已經見到3大盤麵！再加每人2件點心（定3件呢……唔記得），我要豆腐花，公主爹同小樓子要飲品。好飽之余都非常好味，點心都食唔完。公主爹其實唔想走，因為覺得真系好放松，靈魂得到安慰。不過多俾我地拖咗佢走。跟住系寶蓮寺對面坐巴士落大澳。

大澳，香港所余無幾的漁村，落巴士，就有人兜搭游客坐 船睇海豚，差不多有意想坐，不過小樓子話，條船甘嘈，海豚都走頭啦！又系啵，所以就凈系游漁村，公主爹就全程差不多掩住個鼻，佢頂唔順咸魚味不過就幾開心，因為見到好多新奇的事物，例如，香港人可以用汽車電池黎pump 氧氣俾D魚。同系市區見唔到的貓。乜香港D貓甘 細只？系羅馬D貓大咋……榕樹系一種奇觀，點解條漁村都甘干凈……游客區黎咖，傻佬！


大澳都由咗成2個鐘，本來計劃系落鴨寮街，不過到東涌果陣，突然間小樓子”醒起“樣嘢，東涌有個outlet，不如去逛下，如果有合心嘢就買，無就算啦。都好，東涌個outlet 好似叫東薈（我都話我記名系低能咖啦）。一行……2個鐘，買咗好多衫，不過系休閑服裝個部分，小樓子話仲有名牌（Guc i, Po o, CD 等）個邊未睇，不過我對名牌唔乜興趣，最鐘意個牌子叫 Si  ly 因為通常都會有我size。2個鐘頭，7、8袋出黎，用咗都唔夠2000港幣！我話小樓子，我地可以cancel 加連威老道個行程啦，要買的衫都都買齊，仲有驚喜！

已經累到死……加上有D頭疼，所以返青衣城快手食個日式晚餐就返酒店瞓…… 好在小樓子之前買做”辛x“傷風藥，開始"pak”藥的日子……

香港我地黎啦（頭4日香港游記）！

香港頭4日
到香港個陣系6：00幾，黑到乜都睇唔到。講講好模糊甘過咗系香港頭個幾日……

10月15日
我地坐國泰直飛香港，班機本來唔錯咖，我地系窗邊3個人一排，公主爹從來未去過香港，所以塞咗佢坐窗邊，等佢有機會第一時間見到香港，我坐中間，不過最唔好彩的系……我隔離個位阿伯系臭狐貍，臭足我11個鐘。我地系羅馬時間12：45 分飛機，本來以為我地都可以瞓到一陣，不過就瞓唔到（太臭）…… 個位唔系好大，郁動唔可以太多，加上公主爹系一個“坐唔定”的家伙，雖然有電影同電視游戲俾佢玩，但都搞到佢好唔耐煩。

10月16日 再遇小樓子！
終于到啦！不過黑嘛嘛，公主爹開始懷疑佢俾我“賣豬仔”……吹漲…… 抵埗后，行入香港國際機場，佢就開始感覺“我無俾人賣豬仔”，香港國際機場比羅馬個個靚仔好多好多，一落機就有免費地圖，同落機前已經知道去邊到攞番D行李，對外國游客黎講，系好方便的事。我要跟所有其他游客隊，用護照過關。第一次感受到一個游客點睇香港。真系好好，俾我去過D國家都有效率同妥當。（弊……免費幫 HKTA賣咗個廣告添） 無show 香港機場D相俾大家睇，因為實在太熟口熟面。攞咗D行李后，因為太早，所以叫小樓子千奇咪黎機場，我地搭酒店穿梭車到酒店先見小樓子。

到旺角間酒店（九龍維景）都唔到8：00，我到resception 到問我地可唔可以放底D行李先，因為我記得check-in 系下午2：00。個resception 話即刻搵間房俾我地先，應該9：00就有可以啦。（服務態度香港至好！系羅馬你放底行李，到check-in 果陣自己抬件行李上房）甘，就等等啦，因為預約咗11：00系灣仔做身份證，仲有時間，加上我地都想沖個涼先。轉頭，就見到可愛的小樓子啦！每次見佢我都好開心，本來今次返香港系11月，系想同小樓子做生日，不過羅馬11月有事走唔開，所以就提早返黎，預先同小樓子做生日啰。小樓子一見我地，就開始系個包包入面攞曬D百寶出來喇 - 一張電話卡、我張信用卡、同最緊要 - 兩張八達通！9：00 有房喇，就快手快腳沖個涼，就出門去灣仔做身份證，因為時間關系，想到灣仔之前，已經去埋銀行做兌換港幣。

灣仔 - 我系網上預約咗，所以到個陣都無乜大問題，不過都幾多人做證，等scan 要15分鐘，公主爹問我點知道要15分鐘……有電子牌寫咖嘛……佢就已經好驚訝香港的服務喇……眼見好多做身份證的都唔系香港人，我估時間會比一般長，都要1個鐘先可以走人，為免昏昏入睡的公主爹系到等（驚佢會瞓著），所以小樓子就同佢去令公主爹精神一震的灣仔電腦廣場，期間仲帶咗佢去香港最出名的“茶餐廳”要做個“常餐”添。終于系12：30 搞掂埋個臨時身份證（果張紙）。約咗個系灣仔做嘢的好朋友午飯。公主爹第一次食點心，好奇怪地，佢唔似的好多鬼佬甘愛上點心 - 唔鐘意蝦餃個皮，不過鐘意食蘿卜糕同煎腸粉！本來想橫豎都系灣仔，意大利個領事辦事處都系附近，加上個日下午會開（得星期二同星期四下午會開）想去搞埋封向香港警察攞無犯罪記錄證明書，不過公主爹就快可以企系到都瞓得，甘就唯有打道回府（酒店），夜晚再同呢個好朋友吃飯啦。返到酒店，公主爹就已經爬上張床到，呼呼入睡，我同小樓子就去行我地最鐘意的超級市場街街，買咗D日用品，當然唔會少的我的至愛 - V他奶同益x多，仲有咖啡。
差不多4：30，拖咗公主爹去九龍塘的省善真堂，見我公公同婆婆。點知個出口改咗，我同小樓子都唔認得路，兜咗個好大的圈，行得都幾累人。公主爹第一次見道觀參拜，佢本來唔肯拜，不過我話，你入人家屋企，就一定要打招呼啦，你當打招呼就的咖喇，我都系甘安撫自己去拜，最后佢都有對每一個神像上香同鞠躬。佢對D神像同D金銀衣紙，好有興趣。佢覺得D神像做的好靚，不過當然我就唔俾佢影相。
夜晚就去做旺角“朗豪坊”上面間酒店到自助餐。之前，公主爹問：點解我地好似進入除咗出入酒店果段路，同系灣仔電腦中心之外，都好似成日系地底同室內……第一日之嘛……俾D耐性啦，聽日帶你上地面哈……個自助餐非常唔錯，魚生非常正、壽司都好正、意大利的cheese 都有水準、仲有好多特色嘢同個好掂的朱古力泉，公主爹叫多咗一杯紅酒，我地4個人都系1450港幣（1頭約360港幣）。非常滿足。公主爹知道成餐都系一頭少過36歐，就話抵阿！抵阿！我個女朋友其實系病緊，不過死頂陪我地，所以走個陣，因為唔同路，小樓子反而可以陪多佢一陣，所以就小樓子送咗佢上車先。我地就返酒店。

10月17日（香港真系慢D都俾人鬧！）
叫咗小樓子唔好出黎，免得小樓子悶，加上夜晚都會去小樓子屋企。等我去做意大利領事館搞掂D嘢先見面，中途就打過電話問候自助餐女朋友，點知佢病到唔返得工，我就“鵝”佢去睇醫生。

到中環廣場的意大利領事辦事處，當然就先 scan 過個袋（點都好過中國領事館），辦公室細細，不過無人，走到柜臺，位女士本來用英文問我地有乜事，不過公主爹就已經流咗D意大利文出黎，個位女士就話：”啊！我記得啦，你寫過mail 黎問！“公主爹簡直就感動到震，系意大利點會有呢種事發生！好快手地就手寫咗封所謂“要求信”俾領事辦事處，要求發封要求香港警察發無犯罪記錄證明書。我多口問，如果我要翻譯張出世紙，要多少銀兩？位女士問我張出世紙去做香港法院做咗證明未？做咗啦（因為時間關系，小樓子已經晨早已經去咗香港法院搞掂咗）我就攞出黎啦，果封俾香港警察的信都搞掂埋俾咗我，甘就同我講，可以幫我做翻譯份出世紙，加上香港警察的證明書系會返領事辦事處，所以可以幫我翻譯埋。兩份翻譯，收費 433港幣！當然就做啦！我系羅馬問，一份翻譯已經80歐元！兩份就已經要160歐元（港幣差不多1700），仲要我郵遞過去郵遞返，我唔信意大利的郵政服務（經常寄失），如果我系意大利向香港警察申請無犯罪記錄證明書，仲要返多一份系羅馬的指紋翻譯，又多70歐元的成本，已經返到黎香港，就最好一氣呵成。翻譯張出世紙要3、4日左右，不過張證明書要等香港警察，所以到走個陣都應該未有。公主爹驚嘆，乜連系香港的意大利領事辦事處都效率高甘多，系羅馬，做差不多的嘢都要成2、3個禮拜。

跟住，就去香港警察總處搞個無犯罪記錄證明書。不過我帶錯路……行錯咗去灣仔警處。公主爹當然有D怨言，不過都無反面。終于到香港警察總處，其實個到系……差不多到的金鐘的灣仔……新的大樓，都幾靚仔。公主爹好懷疑甘問，呢到真系警察總處，點解好似商業辦公大樓多D啵……你咪攞羅馬D警察局黎比啦！上到去，因為無預約，所以有D擔心聽日要走多次過黎，點知又幾好彩，無人。攞咗個號碼，都唔到2秒就叫做我去，公主爹就坐系到等。我做緊個陣，有另一位職員問幫我做緊果位姐姐，個鬼佬系咪做證咖，我就答，系我老公，佢等我，甘佢就笑笑口甘走開咗。完之后，要落兩層樓交錢，之后要返上黎攞指紋。我同公主爹落去交錢個陣（港幣165）就好興奮甘同我講，“香港真系慢D都俾人鬧！”我話“系吖，我同你講過，小樓子都同你講過吖”但系，道聽圖說點都唔親眼見甘有震撼感！佢話我做緊果陣，有個男孩子，好似唔知要點攞個號碼，就系佢猶豫之際，入面有個職業系個咪到叫，雖然公主爹唔識廣東話，不過見人家的表情就知道佢俾人鬧佢慢。交完錢，上返樓上攞指紋，又系放底張form 就叫我，當然公主爹就繼續好仰慕香港的效率喇。搞掂咯！走人，去邊到好呢。差不多午飯時間，早上系酒店的早餐都食得好夠，未餓，當然就唔會去同人爭位食飯，所以就帶公主爹去咗Pacific Place 都逛街。公主爹問：香港有幾多個shopping mall， 好似我地去到邊都有？幾多個……我唔識數啵……有地鐵站就有shopping mall，呢個答案已經令公主爹目瞪口呆，唔怪的香港系購物天堂。去Cit_ S_ _ 下面個超級市場，就當然會睇睇意大利的貨品價格，其實同系羅馬一樣……有D仲平D添……公主爹就當然打開眼界，因為羅馬D超級市場，其實無甘國際化，乜國家的嘢都有D。佢就開始有好多奇想。
之后就返酒店，抬件大行李去下一間酒店（系北京返黎之后唔系同一間酒店）到行李存放，因為橫豎都要去交錢，想凈系攞件手提行李上北京，就先抬咗去青衣先再去小樓子屋企搞掂佢個防毒。點解會搵間系青衣的酒店，原因系想近小樓子多D，小樓子系住系“山卡啦”，唔想佢成日騰到老遠，所以就搵咗青衣呢間酒店啰。不過唔知果日唔乜講廣東話，到酒店個陣，我講廣東話同個接待員講個陣，佢面容有D扭曲，黎理解我系到講乜……我都知我好耐唔講廣東話，所以表達上一定會有問題（小樓子經常笑我，其實我的廣東話系香港個陣都唔系好得去邊……）不過都幾順利，D職員都好有禮貌，間酒店好新，其實系個住宅區入面，見到有個商場。已經安心好多。但由于時間關系，要趕去小樓子屋企，所以就走人。
小樓子屋企真系幾山卡啦，可能我地無搭巴士，坐火車，所以就兜遠路，不過驚會塞車，所以最后都系兜下好過塞。到個陣，小樓子就已經攞做我地兩張八達通去增值。上到樓上，就見到娘親喇。娘親第一次見公主爹，大家都有D緊張。不過都好快無乜嘢，因為公主爹已經見到部電腦，就一支箭甘去咗部電腦前面。我好耐無見我娘親，不過大家其實都無乜嘢講。都系”鵝“佢要多D運動同小心飲食。當時娘親沖咗杯”龍珠“，公主爹就好鐘意！又愛上中國茶。我系第一次間公主爹會自動要多杯茶！仲唔止一杯！
搞到甘上下，都系時間晚飯，小樓子訂咗深井裕記燒鵝。唔知大家知唔知道：意大利人系唔食鵝咖。不過我老點公主爹話系鴨，所以佢就唔在意。仲有魷魚、菜同（唔記得有多碟定得甘多……）。上菜大家就粥粥飯飯。公主爹愛上白米飯……唔重要粥。佢第一次同中國人食晚飯，就鬧笑話。佢好似自助餐甘，將所有想要D餸夾到自己碟到，我娘親就覺得好奇怪，問我屋企系咪唔住中國菜。我話系啊，得我兩個，所以都系煮意大利菜多，最多煮果樣中國菜咪叫：炒飯啰。我就同公主爹講，唔系甘同中國人吃飯咖。佢有D覺得唔好意思，不過凡事都有第一次，依家知道就得啦。之后……佢好開心甘食”鴨“不過就問，點解香港D”鴨“甘大。果刻無答佢……費事佢無食欲，佢最鐘意系梅子醬，鐘意到攞黎撈飯。我娘親就笑公主爹，好似個小朋友一樣。當然就唔洗講，呢餐都好正啦！仲幾實惠添。出黎發現有好多間燒鵝，不過都系假嘢，如果唔熟識香港的朋友去深井，記得唔好去大街上果幾間，正宗個間唔系系路邊咖！之后就話俾公主爹聽”鵝“同”鴨“的故事，佢話只要唔好話俾mamma地知就的喇。佢覺得鵝同鴨分別不大，食唔出，凈知道，燒鵝好好味。

10月18日（計劃趕不上變化）本來有好好的計劃去游博物館。先去到香港科學館或香港歷史博物館，下午去志蓮凈苑（鉆石山）之后西貢食海鮮（預約咗班朋友）。弊在公主娘記錯系星期二D博物館先關門都關門……去到模門叮……唯有帶公主爹游小輪河。游尖沙咀同中環，行咗個圈，之后就約小樓子系酒店見，大家的是日午餐系 - 包包，公主爹愛上菠蘿包、腸仔包……等港式面包，加上我同小樓子對午餐的要求一向都唔乜。所以大家就好開心”整多個包“。小樓子好精靈地想起志蓮凈苑好似好早關門，就好快地去查查，好彩佢提起，收4：30。已經2：00，去到都唔乜時間游。大家都好坳腳等6；00去西貢的時候，就突然想起不如去太空館啦！
小樓子一路去太空館的時候，就不停甘搵點由尖沙咀去西貢的路程。好感動，連甘小的事情，小樓子都照顧周到……到太空館，我地坐巴士，終于有一日公主爹系地面走動，不過佢又開始懷念香港地鐵。
到太空館當然就要睇天幕電影，剛剛個套系有關恐龍，效果其實非常唔錯，有時覺得條恐龍系自己上面走過，有時又會好似俾條恐龍吞咗！個3D效果系好正。不過有冷場。就系冷場之際，就發現公主爹瞓著咗……因為我都差D瞓咗……為免瞓著就四圍望先知佢瞓咗zzzz。太空館其實好多嘢都舊，應該要更新更新，就更有吸引力。原來小樓子都系第一次去太空館。都好，無悶親佢！
之后系尖沙咀行咗半個鐘左右，不過實在太多人，差不多行唔郁。之后就落地鐵去旺角再坐紅色小巴去西貢。
紅色小巴好快，當然個司機旁邊個咪鏢是裝假狗，明明過咗100好多啦，都仲顯示70…… 6：30就已經到咗西貢，公主爹就見到D魚缸又好感興趣地影啊影。果日系清明前日，好多人，我D 朋友都遲曬大到，因為地鐵上唔到、塞車等。我地約系全記，不過有2間，所以有朋友都搵錯地方。到咗另一間之后又打電話黎話見唔到唔我地。到成8：00 先到齊人點菜，俾預期中遲好多，已經擔心小樓子要好夜先到屋企，聽朝又要早起去機場到北京。朋友們其實都唔互相認識。不過都系好友，有2個中、小學同學，有廣告學院時的同學，依家系插畫家，仲有系一位攝影師，就想一齊高興一下，如果我唔系香港，佢地都可以互相聯絡同有乜事都可以有人幫拖。本來系好高興再見到我的朋友。不過今次再遇，警醒咗我一樣嘢，返省自己的改變，朋友們的變化，多或少……同公主爹原來同我的朋友，有好多的文化差異，只是我一直無機會見到甘深入的案例（會開另一個topic 再講）。唔知系咪對全記有太帶期望，所以有D失望，我好多朋友都知道我以前一直都系素食，到我系上海時開始改變飲食習慣，不過就好少人知道我其實系”有殼海鮮過敏“。所以魚系我最安全的海鮮，魷魚都可以，不過蝦、龍蝦同帶子都與我無緣。所以我唔可以話D嘢令我失望，不過問公主爹同小樓子就知道D食物水準失望。龍蝦伊面好麻麻、鮑魚唔琳、蝦ok，條魚（我唯一可以食）可以，都幾新鮮。椒鹽瀨尿蝦可以……（資料來源：小樓子同公主爹）。跟一眾朋友分手之后有下文…… 不過暫時唔系呢到寫。
小樓子到成凌晨先到屋企。大家都要大覺瞓因為，清明節上北京！

小樓子萬歲！

上個星期在網上見到小樓子，她突然同我講……

“你張出世紙我幫你搞掂咗啦。”當時好驚訝又感動，本來同小樓子講好，等我返香港，我自己攞張出世紙去法院蓋章。費事麻煩小樓子走來走去，兼可能要攞我張授權書。最后小樓子自己打咗電話去法院問可不可以她幫我代辦，之后就無話俾我聽，就走咗去搞……“到時你返香港咪煩少樣啰！” 多謝小樓子！“一世人兩姐妹無計啦！”

小樓子好唔話得，當知道我地返香港的機票到手后，就馬上向公司請假，全程陪我地。連上北京都跟我地上。其實小樓子都系北京住過加埋都有幾個月的時間，我問她，“你唔怕悶？北京你都行昀啦！”，“可以故地重游”，其實我知道小樓子想多D時間同我在一齊……

有朋友問我，小樓子系06年圣誕節已經黎羅馬做乜見過啦， 做乜甘快又去香港見她。其實，原本的計劃系今年11月返香港同小樓子做生日……不過11月有事，要提前，就提前幫小樓子做生日吧！經常想念小樓子，經常擔心她在香港唔知會點，我好明白小樓子唔系細路，不過她永遠都系我心目中的小女孩，永遠那么窩心。每一次分手的時候都在想，什么時間可以再見到小樓子，每天打開MSN（我唔鐘意講電話，所以無打電話返香港），都想見到她出現，想問她今天她過得好嗎?身體如何？有無人激親她？

一生人能有這樣一個甘好的妹妹，我覺得好心滿意足
注 ：公主娘個名都系小樓子幫我改，她幫我改咗之后，我就改嘥用公主娘到處游。