公主4歲喇！

三條一，公主生日，
甘就已經4歲喇，

生日有乜好做……
咪大魚大肉一餐啰……
不過貓系食肉獸類，日日都系大魚大肉咖啦，
又唔可以局個蛋糕俾佢…… 甘……
又可以點慶祝公主生日呢？

公主爹同我兩條傻佬同傻婆，貢去超級市場，
睇下有乜俾公主做生日飯，
甘就買咗包煙三文魚啰，
一包，公主又食唔曬，甘我地兩個奴隸獸
就將其余整三文魚意大利面。

公主甘快就4歲，好似都唔多覺得時間過得甘快，不過又睇番下公主的體重同體長記錄，又真系依家先似返只挪威森林貓的成貓。

有人問過我，挪威森林貓有乜唔同，除咗系純種貓，貴過人之外……
有名你叫……系挪威森林黎的貓，（唔系村上春樹個個森林）
如果大概認識純種貓的朋友，可能會知道有其他幾種貓同挪威森林貓個樣好似，
例如： maine coon ,ragdoll同西伯利亞貓，就甘睇，唔太熟識的，其實好難分，可以話差不多一樣。
呢幾種都屬于“中長毛貓”，長毛貓得一個品種 - 波斯貓。

挪威森林貓同 Maine coon 、 西伯利亞 一樣都系"天然品種“ 即是本來就有，
唔系養殖人培養出黎的品種。Ragdoll 系屬于人工品種。

體型比其他幾種都細好小，不過呢好小就有好大分別，
體型大的貓種，都好容易有遺傳性心臟病， Maine coon 同 Ragdoll 的病例比較常見，挪威森林貓，反而無乜，雖然有學說話，Maine coon 系挪威森林貓的表親，系挪威越洋到咗北美之后同當地貓發展出的貓種。不過挪威森林貓的遺傳病例其實相對比其他純種貓少好多。

西伯利亞貓，如果唔系系西伯利亞出生，就無可以擁有呢個名，加上出口之后的貓，唔可以繁殖用。

挪威森林貓，本來就系北歐最凍的森林生活，
生活環境溫度：-8C至24C，同潮濕，所以羅馬夏天熱到公主攤系到。
冬天，公主就最高興，因為都系2、3度左右，系佢正常的溫度加上非常潮濕，
簡直系公主的喜訊，不過無乜雪，所以佢無得玩雪……。

甘西伯利亞貓都系好凍地方黎，甘有有乜無同呢？
挪威森林貓的特性 - 會換季，系貓都會換毛，不過系森林住，
又凍又濕，甘多毛，點搞？
挪威森林貓，有2層毛，好似系得呢種貓有甘特性（如果有錯，請提點，
我睇得唔夠多書），
系冬天就會有第二層好似羊毛甘樣的毛，系第一層毛下面生出黎，春天，呢層羊毛就會脫落，所以就系我同吸塵機最忙的日子。第一層毛，系有油面，好似鵝毛甘，系落雨同落雪個陣會”羨“水，甘就唔會”濕身“啦！加上挪威森林貓可以系樹上，頭向下俯沖落河足魚，所以第一層毛就的作用就更加更要，亦因為甘，挪威森林貓系幾高處都好，你都會見佢地好鬼大膽甘，個頭向地俯沖落黎。同其他雪地貓一樣，挪威森林貓腳板底有毛，剛剛好覆蓋住D肉，有人叫呢種做"snow shoes" 御寒之余，系雪地上走動可以好靈活唔會”羨“胎。條尾好似狐貍尾巴，瞓個陣就多件 ming 喇！

由于生活環境系甘難生存，所以性格就因此有唔同。
其實每種純種貓都有唔同性情，有D比較癡人，有D比較獨立外向。
公主為例，可以好癡人，亦非常獨立，但唔會孤立，同人與其他動物都可以相處，
除咗隔離屋pango 之外，唔知幾時開始，公主唔鐘意佢同其中一個細路（3個其中1個），其他細路，佢都會俾佢地摸，唯獨系呢個細路，不過有次我見到個細路系花園同pango 玩，一腳將個波用力踢向公主，所以可能系甘公主唔鐘意呢個細路，甘可憐的 pango 就受罪……

佢自己系花園玩耐咗，會系廚房個窗到望下我地做緊乜，如果唔見有人影，佢就會翻入黎”搵人“，入屋會打招呼（ao)無人理，佢就開始四圍搵，走上走落，搵到為止。

公主好多嘢講，一日唔停口，不過挪威森林貓叫聲唔系meow一聲兩聲，
好似唱歌多D 唔知點形容，等有機會，錄底公主把聲，聽就明。佢入邊間房都先打招呼，一日到黑，周屋走，當然就不停甘聽到佢”打招呼“……

挪威森林貓系本土環境中，要同狼”揮“過，要獵食，而呢D本能，點用于屋企，
甘就變成……鐘意玩，4歲貓都仲非常鐘意玩，勇敢依然……
乜都玩……最鐘意的玩具系酒塞，有時唔留意，就俾佢偷咗D酒塞去”鹿“，
仲鹿到我面前，要我扔出去俾佢追……吹漲（非常勇敢地挑戰我的忍耐極限）。

公主鐘意玩水……連自己個水兜都唔放過，有水就申只手落水，摸過之后，
系旁邊繞個圈，撥兩下個地下之后先飲。好似系野外，有水，飲之前要檢查清楚D水同附近環境無危險先飲一樣。當然，連廁所同廚房的水都成為佢玩的目標，所以屋企的浴室的門，一定要上鎖……佢識開門……唔鎖就會發現佢系浴缸同廁所玩水。廚房無辦法，open kitchen， 佢隨時都可以出入自如，不過鬧得佢多，依家都好少去玩廚房掂水龍頭。公主爹淋花，佢就最開心，追住D水柱玩到顛。

如果有留意　pet therapy，挪威森林貓系最常見的貓種之一，有人話好多有癌病的病人，系抱住呢種貓的時候，就會唔痛。而且性情溫順，受過訓練之后，系好多人都鐘意的”醫生“。

4歲，先有成貓型，唔系公主先系甘…… 挪威森林貓系生長得特別慢…… 4、5歲先定型，所以呢年睇下公主仲有無得長同重身就知道定型未。

奶奶的生日蛋糕

今年奶奶生日正日，本來同奶奶做生日，
不過老爺奶奶個胃都唔系好舒服（系個胃定個心呢……）
所以乜都無做，最后到星期六
奶奶話今年都系唔做生日算……
不過我已經秘密地整咗個 La cassata siciliana 俾佢，
一直等佢做生日，甘，唯有星期六下午借話要去奶奶屋企附近買嘢，順手上佢屋企睇睇佢，先帶到個蛋糕去俾奶奶。

奶奶唔知道我整蛋糕，不過老爺就知道，系1號果日，仲俾咗一細舊仔marzipane 老爺食過，老爺初初睇到個陣唔知系乜，因為我烤杏仁時過多咗2分鐘，見都無變色，咪打成粉啰，點知……打咗出離系咖啡色…… 效果唔掂，不過奶奶生日前，已經黎唔切再買杏仁整過……唯有想到最后用Ｄ　glazing 掩蓋下應該都可以蒙混過關掛…… 老爺話好好味…… 我同老爺講，你咪安慰我啦…… 老爺話系好味嘛，比街買的多好多杏仁味，食得出系杏仁　。老爺問，”你系咪想整 La cassata siciliana 呢？“ 老爺，你點知咖 ？估到估到啦，俾奶奶的生日蛋糕有 marzipane，仲唔系你奶奶的至愛咩？

星期六下午去見奶奶，入到廚房，見到一束好靚的蘭花，”奶奶，邊個送咖？“ 奶奶含羞甘答，老爺尋日買俾我咖。之后，佢開個袋，見到個蛋糕，開心到流眼淚　，攞住個蛋糕走去俾老爺睇，”你睇，有寫住俾 mamma 咖！“ 攬住我，多謝多謝。剛剛好，小狼老豆系呢個時候，經過奶奶屋企（其實佢想黎見下奶奶，因為佢成個星期都陪對仔女，所以無時間黎睇奶奶），變咗一個無預約的生日會，大家高高興興，齊齊食蛋糕，大家都話個蛋糕樣樣都似模似樣，但就好似少咗Ｄ嘢，　因為個　pan di spanga 底太干，系咪無落 rum 酒…… rum 酒？個食譜無寫啵…… 我切個陣都覺得ok，不過可能過咗2、3日后，干咗…… 老爺就馬上找個食譜出黎，佢屋企成柜都系食譜，仲有一本1913年出版的食譜，好多菜色都已經失傳。系阿，真系漏咗D酒，不過唔系 rum，系M字頭（死火，又唔記得D名添）。

奶奶好高興，就話，不如黎緊個星期六，約埋侄女小琪（又系鐘意做甜品精）、我同奶奶系奶奶屋企整甜品。晚餐由老爺包辦，當然有小琪就唔會少得小狼同小狼老豆啦。當下，大家都系奶奶頭上（奶奶好矮，所以大家都可以見到佢頭頂）用眼睛打波斯密碼 - 咪提溫達老豆阿。好阿好阿，奶奶好開心，已經開始搵定D食譜，因為可能要預先買D特別的材料。奶奶成日話，”我最鐘意食甜品，不過就最懶整。“ 不過如果能令成家人系一齊過一日，佢一D都唔會懶。

公主都整餅？

 我整餅時，公主就最鐘意系

我望望佢，佢就扮無嘢，望下花園，佢最鐘意等我行開行埋個陣偷嘢食……

佢的詭計一直都唔派上用場，
就嬲嬲地會落地下，去望窗。

公主系到發白日夢：
出面系咪有好多小鳥飛過呢？
你唔俾我偷食，不如放我出去玩啦？滿足下我都好吖！
至多我好似今朝甘，凌空足只小鳥俾你吖，
不過今次你咪唔俾我帶只小鳥入屋啵，
我特登足黎送俾你，你咪唔領情啦！
上3次D壁虎你可能唔鐘意，所以唔俾我帶入屋，
其實我驚冬天凍嘛，帶壁虎先生一家移民入屋，
你又唔鐘意，搞到壁虎先生一家移民唔知去邊咯！
娘親，你好人啦……

公主娘：你咪扭轉D嘢黎講…… 壁虎先生一家怕咗你先移民咗詐……
你帶小鳥入屋？你咪盞嚇死佢！我放生佢個陣，你仲嬲緊我，放你出去玩，得，咪再足小鳥，同走去嚇隔離屋只狗 Pongo，仲有，仲有，咪走去另外個邊個欄桿到，用個口dam 起個網，用只手仔偷人D波仔返花園玩……

好阿，娘親，我舉腳發誓，

一定聽你話，你系咪依家俾我出花園玩阿？


依家？成20：00……甘黑，
聽日啦……

娘親你玩我！！

千年道行一朝喪！

我經常都好大大聲，好驕傲甘同人講，我同老爺奶奶關系好好。唔單系好好，老爺奶奶都好疼我，我都好愛惜兩老，我好幸運，大家文化背景差異甘大，能互相理解同體諒，能有甘好的關系，其實唔容易，而且公主爹系帶我見老爺奶奶前，都做咗好多事前功夫，所以關系十分良好。
千年道行一朝喪果個唔系我（要道行喪盡，難度都幾高咖）
事發日期 12月25日：

講講D背景先，如果唔系，其實都幾難明解

奶奶 - 年過70，一位一生貢獻教育的媽媽（奶奶系小學意大利文到教師），作育英才30年，對3個仔盡心盡力教導，一日三餐做足二十幾年，接送返學放學，努力工作同讀書，公主爹話我知，佢細細等奶奶以為佢瞓咗之后，佢就偷偷地爬起身，睇媽媽讀書。奶奶系一位好有教養的老太太。奶奶系那不勒斯人，同老爺結婚后，因為老爺的爸爸要舉家搬家到羅馬，奶奶就系60年代，離開佢屋企，父母、朋友家人、學生學校，隨夫家到羅馬。可以想象奶奶系一個意志堅強的女性同系一個虔誠的天主教徒。

老爺 - 剛剛70歲，一個無乜所謂的人，隨和到唔恨，愛惜3個仔，顧家，好老公同老豆，唯一缺點…… 太好動……你叫佢唔郁等于攞佢命！

兩老健康算唔錯，奶奶小毛病多，老爺07年發現有心臟病，所以要成日提佢唔可以操勞同千奇咪激氣…… 兩老依家攞退休金過活，呢幾年通貨膨脹得緊要，所以可以花的錢越來越少。三年前，老爺奶奶賣咗海邊的度假屋，幫補我地同溫達老豆的新居。

圣誕節，老爺奶奶非常忙碌的節日，佢地系由12月1日已經開始忙，忙買禮物，買圣誕飯菜。呢幾年，24日晚系食魚，25日午餐系肉，26日比較隨意。老爺奶奶比較專注系24 同25日果兩餐。老爺奶奶系5號已經開出菜單，今年2餐的所有，頭盤、主菜、等清單，打電話問嘥3個仔，有無意見？25日奶奶整橙汁鴨，有無問題啊？無人有異議喇，老爺奶奶就開始買菜…… 咪以為買菜好簡單……24日的海鮮，老爺奶奶系特登開車去咗  Abruzzo　(另一個省）買，話舊年系羅馬買到的貨色又貴又唔好，今年去老甘遠買…… 來回4個鐘車程，只是為咗一餐飯的2道菜。果日系10號…… 佢地驚太遲，買唔到好貨色。
之后，奶奶去訂鴨，20日就攞到喇，因為果日，老爺奶奶去菜市場買咗成15公斤的蔬菜水果（個市場比較近，都系羅馬入面）回程就順手攞只鴨返屋企開始腌……

為咗呢兩餐飯，當然花咗唔少錢，不過老爺奶奶都好樂意，仲有，佢地要買9個人的禮物，可以想象唔單系錢，仲有體力，果段時間，我地日日都要問住老爺身體如何，真系好驚佢頂唔住……

23日今年24 同 25日的飯局，移師去溫達老豆屋企，要帶的嘢太多，所以23日老爺奶奶開始搬咗部分的廚具去溫達老豆屋企，加上溫達老豆屋企間客房到寢具唔齊，奶奶就連寢具都自己帶過去。

24日
晚餐系老爺一手主理，老爺煮海鮮非常正！當晚就系3弟兄，老爺、奶奶同我共6個人，兩個侄子要同媽媽婆婆過，所以無出現（二佬小狼老豆同前妻離咗婚，兩個仔女，小狼16歲，小琪14歲），吧渣要同佢婆婆、阿姨過，所以之后返“屋企”先見到佢（唔記得講，9月左右佢搬咗黎同溫達老豆住，變成家中女主人）。餐桌擺設無乜，有4杯Ikex 的蠟燭，玻璃杯同膠碟，呢樣嘢比較奇怪，因為通常奶奶堅持系節日系唔會用膠碟，不過可能溫達老豆屋企無洗碗機（個烤箱同洗碗機話咗買好耐都唔見影）所以費事洗甘多嘢咪用膠碟呱。奶奶仲問我25日朝去我地屋企烤鴨可唔可以，我話當然無問題啦！不過奶奶又唔放心老爺一個系溫達老豆屋企炸蘑菇，所以最后同公主爹即場系網上搵咗個無系烤箱的食譜整鴨。洗碗過位系老爺，佢唔俾我洗，我最后都系系后面掩掩揚揚一輪之后，搶到個抹碗位。過咗半夜吧渣就返到黎喇。

25日開火事件
我 地到達的時候，老爺奶奶如常地系廚房忙到抽筋，我就問有乜可以幫手，奶奶叫我幫只鴨轉身，老爺就話佢自己搞得掂，有D奇怪，正常，吧渣都會系廚房咖，今日 唔見咗人，系客廳玩Wii。我就繼續系廚房幫下兩老，等小狼、小琪同小狼老豆都到，就煮頭盤，個醬系意大利腸熬到番茄醬，系奶奶的拿手好戲之一。搞掂之 后，上臺……我本來無留意張餐桌的擺設，膠杯同膠碟，連昨晚的蠟燭都無埋，系見到奶奶到餐桌的時候呆一呆先留意到有D唔同。
頭盤完就當然系主菜， 吧渣就問奶奶系咪用意大利腸整個醬咖，奶奶話系阿，有3條，甘吧渣就起身，上廚房攞咗一條腸返上餐桌自己食，奶奶望一望之后，就去廚房攞鴨落黎，跟住小狼 同小琪同佢地老豆都話，鴨其實麻麻，攞咗好細件試咗，不過頂唔住，所以放棄。跟住，吧渣話唔鐘意食鴨，連溫達老豆都話唔食，兩個連試都唔試，奶奶就對溫達 老豆講作句”依家你凈鐘意食大餐廳的大餐，屋企家常菜唔對你口味喇！“火藥味非常重，奶奶好少會甘樣，之后就同小狼老豆講，應該仲有意大利腸，攞俾兩個仔 女食吧，不過大家見狀，都唔敢郁…… 公主爹打完場，話鴨味唔系個個受得，不過多謝奶奶用心整…… 救唔到幾多，不過緩和一下氣氛。不過又奇怪，當場唔食的人唔凈溫達老豆吖，點解凈對佢開火？？
之后個日系到我地屋企食飯，吧渣就列張清單佢同溫達 老豆有乜唔食……其實好鬼煩，吧渣唔食 lasania 、炒飯同甜品…… 溫達老豆唔食lasania 同甜品…… 我已經唔系甘高興，我屋企唔系餐廳……乜依家搞到好似預先點菜…… 不過人家都開聲話唔食呢唔食路，做東道就自然會就下，點都系我老公的大佬，無謂因為煮多兩樣嘢搞到唔順超。之后同公主爹講，好少見奶奶甘火，公主爹話奶奶 夸張咗，唔食咪算啰。我就話有D嘢唔妥…… 公主爹話我多心 。我登奶奶傷心……一心一意做到最好，得唔到欣賞之余仲好似系佢做錯嘢甘，一盆冷水照頭淋…… 是日邊個洗碗？吧渣同溫達老豆……個組合有D怪，因為通常溫達老豆系唔洗碗，我又好如常地去幫忙啦，點知吧渣話唔洗，好我又唔會堅持，你又唔系老爺奶奶， 我唔會搶黎做，加上之前差不多成盤 profitol 都俾你吞咗，咪由得你同溫達老豆系廚房密傾。

26日奶奶的苦水噴泉
晨早，整面包，老爺奶奶最鐘意食面包，公主爹都好鐘意食屋企整的面包，所以早早起身就發面包啦。老爺奶奶到屋企，差不多12：30左右，剛剛個面包就出爐，老爺奶奶當然就系第一個試食,老爺問，系咪無落鹽呢，系阿！無鹽咖，老爺就呵呵，你奶奶最鐘意系無鹽面包。面包好好味，熱騰騰的面包系最好味，又切咗件食 我知道老爺鐘意食有鹽的面包，不過老爺有心臟病后，醫生話老爺要少鹽、少油、少勞動、少勞氣、戒煙、少咖啡…… 老爺成日話少咗好多人生樂趣，平時一個星期打2次網球，依家無得打…… 面包唔單系因為奶奶鐘意食無鹽，加上呢幾日的大魚大肉，其實都好多鹽，所以少一樣有鹽，就少一樣。奶奶當然就對各面包又愛又恨，因為唔可以未開餐就食甘多 面包，所以叫我收起，如果唔系，佢會忍唔住食太多。
吧渣同溫達老豆遲到，算啦……都知佢地系遲到怪物…… 入到屋，吧渣走過黎廚房，我就話又面包，要唔要D吖，當時只有我系到，甘佢就攞咗舊食，”無鹽咖，唔得啵“，乜嘢叫唔得？？？ 我凈系講咗句”奶奶同為老公鐘意食無鹽面包“ 之后笑一笑，佢就跟住話，”我都想自己整，不過要等1月有錢先買部面包機，甘你系點整面包咖？“，我咪答，“烤箱”，吧渣好無癮就走咗去客廳。
系之前個篇為寫咗佢趕住走同食咗D乜，所以呢到唔重復……
吧渣同溫達老豆走咗之后，老爺同公主爹系客廳玩哥爾夫球（電視游戲），難得老爺搵到D可以輕量運動的項目。我洗碗，奶奶就好細聲開始吐苦水，因為佢唔想老爺聽到…… 不過太細聲，我就話，奶奶，我地出去掉垃圾，一面行一面講吧。

苦水 -
老人家的苦水特別苦，特別系覺得奶奶受咗冤屈。25日開火只系好少的一部分，奶奶其實系嬲吧渣…… 不過因為佢系溫達老豆條菜，所以奶奶唔可以鬧佢，所以只能夠對溫達老豆開火。
苦水1：
25 日早，奶奶晨早系廚房整鴨，吧渣落樓（睡房系3樓，廚房同客房系2.5樓）就話，好香阿，好好味甘啵。奶奶個刻當然就好開心，覺得自己辛苦整都系好值得的 事情。到上餐桌先覺得俾吧渣玩，朝早花好香好正，點知一聲唔出，自己攞咗條腸食，系餐桌上話唔食鴨。覺得吧渣非常無教養同非常假。

苦水2：
吧渣經常請朋友返溫達老豆屋企食飯，張餐桌布置得好靚，仲特登成日花錢買碟買玻璃杯、買燭臺、買公仔配搭，每次都有主題！24日 晚，奶奶已經問溫達老豆攞D燭臺擺設，溫達老豆話唔知吧渣擺咗去邊……其實打開個柜就系曬到，不過奶奶當然唔會走去搞，點都系溫達老豆屋企。好喇，25 日，吧渣系屋企咖，點解上曬D膠碟同膠杯？系咪溫達老豆的屋企人就可以甘對待。奶奶要求唔系高，洗碗又唔一定系得吧渣，通常一家人食完飯，我同奶奶都會幫 手洗廚房。無擺設都算，不過膠碟同膠杯就真系過份咗。奶奶覺得吧渣當溫達老豆屋企人的地位好低，同自己唔爭氣，太依賴吧渣會擺設布置餐桌。

苦水3：
25日早，吧渣落樓，其實得條底褲同件薄T通屋走，奶奶唔出聲，佢住系到，系佢”屋企“佢點著衫，無得講……不過唔該用下個腦，老爺都系到咖……著成咖出現，博乜啊？奶奶系女人，不過唔該尊重自己尊重老人家，著返D嘢啦。

苦水4：
奶奶無講到好明，不過我知道呢件苦水其實最傷佢心…… 奶奶聽到吧渣同某人講電話，話溫達老豆今年俾佢的圣誕禮物系去都柏林旅游，30日出發1月6日返到羅馬。奶奶到25日先知佢地出游 佢兩個成日四圍旅游，本來系好普通的事，點解甘偷偷摸摸？因為奶奶系1月頭生日，佢地返黎已經過咗奶奶生日……我同公主爹好早就知道佢地去都柏林，不過溫 達老豆話去過周末，所以都無捻過奶奶生日佢唔系到。奶奶每年生日，唔一定正日做，不過都會系果個星期六或日做。能令奶奶最高興的事情，系一家人一齊，奶奶 的夢想系買間超級大屋，成家人一齊住…… 但溫達老豆系星期日晚到羅馬，甘已經等于今年唔同奶奶做生日。明知奶奶最憎人唔坦白，如果真系唔想同奶奶做生日，坦白D，搞到吧渣系奶奶面前講電話先俾奶 奶發現，咪攞黎衰……

苦水5：
老爺奶奶賣咗海濱度假屋，D錢”借“俾我地同溫達老豆新居用。當然上等之人，有借有還，老爺奶奶亦從來唔會攤大手板問攞翻錢，醒目，就會自己還。溫達老豆 今年同吧渣旅游唔知幾多次，因為吧渣鐘意……洗咗好多錢搞個花園、一部新跑車，吧渣都買咗好多嘢俾溫達老豆，包括一部剪草車（成1000歐元)做圣誕禮物，不過就無買樣非常緊要的嘢叫：洗衣機…… 甘點洗衫阿？老爺奶奶啰！老爺個個星期開車去溫達老豆屋企攞衫，次次一大堆，奶奶洗衫同涼衣服，奶奶洗衫好仔細，分顏色，分溫度洗，所以個堆衫洗4輪，奶 奶唔可以燙衫，會頭暈，所以干咗等老爺熨燙，燙完送翻溫達老豆屋企……吧渣做咗乜？咪就系乜都無做啰。奶奶估吧渣將佢自己D衫攞俾佢婆婆洗，…… 如事者，老爺奶奶幫溫達老豆洗咗3年衫……奶奶唔講都唔知道，原來溫達老豆到依家一毫子都無還過俾老爺奶奶，花錢系D唔等洗嘢上高，勞役兩個老人家…… 我覺得奶奶太好，如果唔想受就出聲，不過老爺系最疼溫達老豆，所以奶奶唔出聲，免溫達老豆分心工作，同老爺嘈家無寧日……
我地剛入伙時，未有洗衣機，奶奶叫我去佢屋企洗衫，因為干唔切，果日無得收，老爺話等干咗幫我收，點知佢燙埋送過黎我屋企。之后，我同老爺奶奶講我唔再攞衫去洗，我自己手洗，到有洗衣機。我唔想老爺奶奶辛苦，雖然佢地話無所謂，1次半次可以，不過就系洗咗個1次，老爺就同我燙曬D衫，勞煩佢地，我過意唔去，我仲年輕力壯，可以自己洗衫，雖然做多咗功夫，不過比勞煩佢地來得安樂。
奶奶部洗衣機舊年壞咗，我地出錢買個臺俾佢地，奶奶話，當時都有同溫達老豆講，不過佢無反應，反而系我地叫佢去睇要邊款，出錢買（唔系還俾佢地個筆，系額 外俾出黎）。奶奶一直都對呢兩件事個心一直有條刺…… 溫達老豆勞役咗奶奶部洗衣機甘耐，部機壞咗，吧渣攞咗返佢屋企洗咗1次甘大把就巴巴嗶嗶同人講，溫達老豆呢，部洗衣機佢有份用，不過要買部新的時候就咋唔 知。奶奶覺得，溫達老豆變咗，越同吧渣系一齊，就同奶奶的距離越遠 （呢樣比較大wok）。
吧渣令溫達老豆洗咗好多錢，成日系我同奶奶面前話溫達老豆買咗鉆石首飾俾佢，不過見我無乜反應，之后就唔再系我面前招搖，唉……吧渣，你想我俾個乜反應你吖…… 我都無鐘意首飾同鉆石，當然就無反應啦。奶奶其實看在眼里……

仲有苦水6、7、8 不過我同奶奶已經行咗去掉咗3次垃圾，已經令老爺懷疑，所以奶奶就話下次再吐過…… 苦水6大概系唔鐘意吧渣搬去同溫達老豆住，好似系因為無人話俾兩老知，系兩老自己發現…… 大概估到為何奶奶唔高興，不過等佢申好過我自己亂估。

奶奶吐咗D苦水后，有番D笑容，等兩老離開屋企后，我就同公主爹講，奶奶唔老黎吧渣…… 公主爹先恍然大悟,佢以為奶奶系嬲溫達老豆而已！之后將奶奶的苦水講俾佢聽，連公主爹都唔知道溫達老豆6號先返羅馬……同意奶奶嬲得有道理，甘呢年（吧渣同溫達老豆系返埋差不多一年）吧渣對奶奶的奉承，就甘一朝喪盡。

公主爹好陰濕甘笑我，吧渣失寵（其實差不多系俾奶奶判咗死刑），我應該好心涼。我唔系心涼，我系好高興！高興在原來我唔系心多，原來唔系因為我唔系意大利人所以會誤解身體語言同話中有骨，原來我觀人于微的能力仲系到。

新年大團圓

昨日好趕甘寫完之后先發現，
點解我整咗6個餅，得4個系個 blog 到咖？
因為漏咗個1月1日的 La babà ！

La babà 正常都唔系甘樣咖，不過新年嘛…… 整個“銅錢”樣，好意頭D甘啰。

不過31日太趕頭趕命去奶奶屋企食飯，所以個 baba' 其實發得唔夠盡，比預期中矮咗D，好彩唔難食

全程整甘多個甜品，都幾開心咖，因為奶奶系好鐘意食甜品，（除咗個麻煩的吧渣之外，其實個個都鐘意）奶奶從小就習慣每逢節日，佢爸爸都會特別買D甜品做節，久而久之，變成無甜品店節日系唔夠完美，奶奶會有D失落感。奶奶系呢個節日已經有好多失落的感覺，我的蛋糕甜品都可以做到安慰佢心靈，所以我都好樂意做”阿茂“

阿茂日記（12月23日至12月31日）

圣誕夜…… 整餅夜…… 多多唔區……少少唔留

下面過個系水果撻，24晚就唔見咗。
上面果個就系熟口熟面的果醬撻，
不過好在我留做佢系屋企，系26日先上場。

成個假期，整咗6個餅，
不過有一個唔記得影相……

24日平安夜，通常都系去奶奶屋企食飯，不過今年，奶奶應溫達老豆要求，就移師去咗溫達老豆屋企搞平安夜同圣誕日午餐，因為大家都無俾老爺夜嘛嘛渣車，所以24日晚兩老就系溫達老豆屋企個客房到過夜。

年年系呢個節日，我都想出翻小小力，因為見老爺同奶奶都已經為果2、3餐9個人的飯忙到天昏地暗，甜品已經無力去思考同整，所以已經同公主爹講好，今年俾我做D甜品，幫幫兩老之余（兩老都70過外），我覺得公主爹年年個生日蛋糕都系 Panatone 好可憐，大家都可以高高興興，我做多少少對我都好吖，我會覺得有貢獻，唔系大食懶（雖然我有洗碗，不過都覺得做得唔夠……）


其實23日已經開始整24日的蛋糕，第一個最容易，最熟手的，當然就系果醬批，
其實無捻住24日同個果醬批開刀，不過佢有好在可以放系雪柜好耐，所以系備用甜品（我點知甘多個蛋糕，邊個我會失手……所以有個后備會安樂D）。之后就系水果撻，今次整用咗D新招：個餅皮用冰水開；落咗Dcream 之后，上一層薄薄的 gel 先放鳳梨后再上最后層 gel。效果非常好，因為上幾次整，個餅皮太軟唔夠酥化。同D鳳梨出水，搞到D cream 水汪汪甘……

25日圣誕日，開火日！

圣誕正日，整多兩個餅（其實咪24日中午整啰）。

白色果個系 La Mimosa，
系公主爹訂做（當然系我做）到生日蛋糕。
前景過個系簡單版本Profitterol, 簡單版本系因為我無落好多朱古力啰，呢個甜品又系公主爹的至愛之一，所以佢生日點可以無？

呢兩個都無難搞，個 Mimosa 其實比想象中容易搞好多。個 Profitterol 25日唔夠15分鐘已經清盤！ 好彩公主爹快手攞咗兩個，（之前仲系屋企偷咗個食），如果吾系，佢真系無得食……其他邊個食咗？兩個侄子，二佬每人2個，奶奶同老爺各1個，如果大家仲有印象，系溫達老豆張嘢到提過吧渣呢個人物，咪就系阿吧渣食曬D Profitteroｌ　啰……　因為佢話佢唔食蛋糕同甜品之類的嘢，不過就至愛朱古力同　Ｐｒｏｆｉｔｔｅｒｏｌ　（乜朱古力唔系甜品咩？？Ｐｒｏｆｉｔｔｅｒｏｌ　無　ｃｒｅａｍ　咩？）我整得，當然銷得就非常開心，不過我唔系甘高興佢獨吞曬，兩個侄子侄女都好鐘意食，二佬（侄子侄女老豆）都鐘意食，甘點解個吧渣可以獨吞咗一半，我差Ｄ出口話，我主要系整俾公主爹做生日，好心有些少禮貌喇，不過我無出聲……　唔單系因為系公主爹生日，唔想唔和氣，其實氣氛已經唔和平，因為之前系上第二道菜時，奶奶同溫達老豆開火！好似系小火，只因為大家都柑住先，無謂圣誕節甘祥和的日子充滿火藥味……（之后開個topic 8下發生乜事）
由于　Ｐｒｏｆｉｔｔｅｒｏｌ 俾吧渣食咗大半，個　Ｍｉｍｏｓａ　當然就成為攻擊目標，侄女特別鐘意食 Mimosa 所以食得比較多，加上系發育時期，食量比較驚人都好正常，不過當然唔系太離譜個種。最后個 Mimosa 都有1/8個，俾奶奶攞返屋企慢慢嘆。

26日 Sant Stefano
系我屋企搞，都系公主爹的日子…… 所以都有正個芝士凍，加上老爺鐘意食檸檬味，就整咗個檸檬味芝士凍，平衡下，唔好好似凈對奶奶好  老爺會妒忌 
果日老爺、奶奶、溫達老豆、吧渣黎我地屋企，二佬同對子女要去其他地方，所以無黎。
本來26日我無捻住整炒飯，同咖哩雞，因為已經訂咗個 lasania ，本來可以透透，點知25日，吧渣已經系到吧吧渣渣話，”我唔食 lasanina 咖啦， 溫達老豆都唔食咖“，甘無理由人家黎屋企食飯，唔好好招待人家，所以就整多咗兩樣嘢啰，其實好似吧渣個日無系好想黎，不過好”委屈“甘要黎個種，入屋已經話3：00要走，因為4：00 佢同溫達老豆要去佢祖母到，之后6：00約咗人打牌（當然唔會無溫達老豆份）。！不過大帝……你到個陣已經1：30，遲到之余仲甘，你不如無好黎啦，我唔想見到你…… 不過已經黎咗就算 。溫達老豆又唔知搞乜，好似吧渣甘呢樣唔食，果樣唔食，最后咪有系食咗炒飯同 lasania！又話唔食甜品，咪有食咗1/8個果醬批……
3：00 溫達老豆好似唔想走甘…… 俾吧渣拖到甘走…… 之后奶奶同我吐苦水，乜苦水？ 25日開火的苦水啰……

久違了的公主

唔系今日影咖……
系我地系香港返到屋企個日影咖……
不過點解依家先俾大家睇？

呢張系廚房影

呢張，公主系佢個磨爪器上高

黎張大頭
系花園公主最鐘意個棵矮樹仔下。果日公主無知幾高興，
終于兩個仆人返黎啦！
佢又可以系花園打躉，去嚇鄰居的狗狗同等壁虎先生路過……



我系香港俾公主爹逼我買咗部新手機，返到黎就開始用手機影相……

我臺 laptop 已經太舊（用足6年），當我想將個 driver 裝入去時，就發現內存已經拉唔郁，唯有等公主爹換佢臺比較舊的電腦俾我用，先可以開始將D相攞上黎俾大家睇。

公主爹臺 desktop 俾咗我之后，佢就買咗臺迷你Mxx ， 因為工作所需，要有臺Mxx ，同pc 并用，就甘就換咗臺舊少少的俾我……

臺舊 laptop 我無打算唔用，不過佢要退休，唔會好似之前甘，日日勞役佢20個鐘，依家佢系廚房養老，最多系我系廚房要上網先用佢。其實對臺 laptop　好有感情，佢系我最好的投資之一，幫我搵咗唔少錢之余，遙距小樓子同當時仲系男朋友身份的公主爹！
有一次同個客人開會，客人唔小心請咗我部機飲咗杯咖啡！系上海夜嘛嘛搵人整，仲要2日要搞掂，因為所有重要做project presentation 的檔案都系曬入面！（無backup,因為系仲未做完的project).之后雖然佢仲可以用，不過個 DVD reader  就開始唔掂…… 到依家，已經系唔可以同時開 firefox 同 photoshop，或者 photoshop 同 illustraor！甘點做嘢呢？最后都要離棄佢，等佢退休。