英雄美人公主三角關係

8 個月大的時候影⋯⋯

9個月大 ⋯⋯

話甘快呢個細路女就快10個月大，佢其實同公主關係算系甘，最唔妥公主果個系英雄。

其實都唔系今日的事情，但事情根本解決唔到。英雄間中會系柄公主，但並非無原因佢會佢柄。
原因1：公主去完廁所無埋好D金。英雄就會先入廁所蓋好之後出黎柄佢。
原因2：公主對美人唔友善⋯⋯英雄即刻護花心切，即刻柄公主兩野。事情發生最多就系⋯⋯貓廁所，佢地是但一個入貓廁所，另外兩個系門口等（公主通常唔會）。出黎之後就好開心甘好似開 party。公主唔鍾意慶祝，會對美人“唔友善”甘就俾英雄柄佢。

原因3：阿娘只要大聲少少喝住公主（佢絕育之後成日餓，有機會就偷野食，俾我發現就叫住佢）⋯⋯英雄即刻柄佢！呢樣比較新。

解決方法，公主上完廁所即刻清理。但有時候唔夠英雄快，佢系廁所門口等⋯⋯
阿娘唔大聲叫公主，但廁所慶祝會唔一定照顧得到，因為叫唔走佢兩個⋯⋯

其他時間就無乜問題。其實公主唔合群，同佢唔系甘鍾意人抱得問題，我地都捻左好耐點解佢會甘，直至有一次同另一個配育員傾開佢有一胎7隻的時候有乜問題，就有D頭緒⋯⋯

公主有6弟兄姊妹。英雄有4弟兄姊妹。美人有3弟兄姊妹。公主的配育員完全系新手，屋企只有2隻母，一隻系公主媽媽，公主媽媽的第一胎。英雄個配育員20年經驗，成屋都系母貓（公貓住另一處方便管理）英雄媽媽已經做左媽媽幾次。美人屋企9隻貓同住，美人媽媽第二胎。

挪威森林貓一般3－5隻一胎(件頭比較大的貓，一胎的數目差不多系呢個，體積細D的會多D），個媽媽容易湊（件件都甘大⋯⋯阿媽再大都唔系甘容易湊甘多個）。但7隻以上其實個阿媽會好辛苦，（有朋友的緬因貓一胎9隻，但阿媽2個月後就去左）。如果個媽媽系新媽媽有D可能會唔系好識得湊，照顧教育唔到甘多隻細路。多過4 隻幼貓的時候會爭奶頭的時候，你可以話D貓好笨有8個奶頭都要爭？其實佢地先唔笨，阿媽媽躺下4個比較底，另外4個比較高，最後兩個近大腿，所以最方便的得3個。而且佢地決定邊個奶頭系自己，唔容易放棄會打。4－5隻的時候都還好，7隻的時候樓上會壓住樓下果D。所以會打（我地可能唔知道佢地打）

 － 公主可能就系甘情況下唔鍾意其他貓。因為佢比較害羞（佢配育員講），爭奶頭的時候俾其他貓擠左出去。

佢個配育員其實有同我地講，佢有幫手畏奶。但如果畏得佢唔舒服，就會聯想俾人抱等於唔舒服。佢仲要系新手⋯⋯
－ 公主可能系甘唔鍾意人抱。

公主系配育員處其實未見果成貓公貓⋯⋯同年紀的幼貓男孩子佢已經唔鍾意，可能系甘，佢唔識得接受英雄。
但公主系關心英雄同美人，但一同生活總有磨擦的時候，兼佢兩個爛玩精幾難頂。

美人同英雄呢，兩個老友鬼鬼。英雄教美人好多野⋯⋯包括⋯⋯食草。

最近一次英雄走去柄公主，發現一個有趣的現象，美人－ 佢本來系另一處，但聽到佢兩個開片，走埋黎，乜都無做，只系坐系佢兩個附近，奇怪的事情發生，英雄走開。

另一次早上，美人霸左廚房個窗口最好個位，公主走埋去，未等公主“出聲”美人一手踏住公主個頭，公主即刻唔郁。跟住美人放底手，公主就走開左。

有次美人系貓樹個吊籃到，個籃邊高度系我眼前少少，我走埋去，佢一手按住我個頭，我由得佢，跟住佢用另一隻手按埋，要我個頭移近佢，然後⋯⋯佢舔我個頭仲系甘系到 purr。佢依家系渣fit 貓。但公主唔一定想 under 佢，但唔敢亂黎，因為有個護花使者系到左住噻。

壞學生事件

之前提過新果班有個壞學生。
點壞，點解知道佢系壞蛋？
事情如此
開班之前2日（我問校長系米開？因為成2個月無消息⋯⋯）校長話系呀，甘就發信俾所有學生同老師。佢話平時系之前果日發⋯⋯甘我問開就發埋啦。
由於系 to 所有學生 cc 俾老師，甘D學生如果自己八卦就會睇到同邊個一斑。因為有 group assignment 好自然甘就會睇，究竟有機會同邊D人一齊做功課。
有一個葡萄牙挪威森林貓的寫俾校長，話發現有個英國的緬因（Maine coon）的同學操守有問題，佢俾條 link 校長。話本來唔想寫，但覺得校長有權知道校內有呢種人，點處置由校長決定，因為有黑市繁殖戶系班內，其實好影響 PawPeds 聲譽。
呢班系中班，初班唔 pass 無得讀。初班 pass 可以放個獎牌系自己網站。雖然只系證明 pass 左，同真正操守無乜關係，但已經好多人睇住個獎牌揾配育員。所以如果俾個壞人用就真系有D問題。
本來呢⋯⋯配育界也是非圈，流言八卦新聞少不了，兩個配育員之間的恩怨情仇都有好似肥皂劇甘睇。一般校長唔會點理，問題系有條 link，甘人就系甘，有就睇下啦，一睇⋯⋯發埋俾我同師傅兩個睇。疑點1：一個葡萄牙一個英國，一個挪威森林貓，一個緬因貓，9唔搭8地點會有恩怨情仇？？解答：佢兩個系 G1 時候系同學嗎？校長查下話系呀，甘我話，問下G1做佢兩個老師啦。好呀（但估校長無問⋯⋯）疑點2：條 link 其實系緬因貓 forum 點解個挪威森林貓的會知道走去八？甘八公？但條link系幾個配育員齊齊圍毆打壞學生！甘就開始查下查下事情究竟由邊樹發生。
原來系一個德國配育員告英國壞學生，上法庭，裁判德國配育員勝訴，敗著要賠償兼放貓？放貓？？？事情非常複雜。原因德國購入2隻緬因貓成貓（但佢本身系選配其他品種）因為期間德國配育員唔可以即刻接收，所以揾左壞學生幫佢收留2隻女幾日，等佢可以有時間由德國去英國帶去。但呢位壞學生就扣留左2隻貓7個月，期間連 passport 都燒左，2隻貓未經德國配育員同意就配左！哇！我系個德國婆我都會告到佢甩褲！！壞學生敗訴後無俾賠償⋯⋯又上多次⋯⋯
然後發現鋪天蓋地都話呢個壞學生賣病貓。大部分都系呢個德國婆放的消息。所以我同校長師傅3個就發神經甘系到揾D比較確實的證據。因為可能系流料，但如果系真呢？其實都知道G1個獎收唔翻，但點做？唔俾佢讀？唔得⋯⋯佢個貓會無查封佢，無藉口，仲衰系佢攞左另一個貓舍名，新舊兩個都無查封！！敗訴之後佢用個新的貓舍名（包括讀 G1 的時候已經系新名），再睇佢個網站D貓，校長本身系選配緬因貓，所以一睇⋯⋯佢D幼貓一定會有問題，因為2隻 queen 都系由 backyard （校長叫 industrial）貓舍黎，好多貓有問題。＊解釋一下，每個配育員都會申請貓舍名 Cattery name，好似牌子甘，例如英雄系 Europa， 美人系 Vimmerskogen 如果對挪威森林貓有研究，就知道佢地系乜，出D乜貓，乜樣，乜顏色等等。但甘都唔可以話佢操守有問題，只能夠話佢唔知道自己做乜⋯⋯校長太仁慈⋯⋯刮下刮下揾到個自稱系壞學生到買左2隻病貓的女士，我就寫去問，佢有噻證據，2隻病貓加錯血統書，點錯⋯⋯根本唔系佢兩隻貓的。佢去貓會問過，根本無幫佢兩隻貓註冊！佢暫時唔告佢，因為壞學生答應會俾翻張真的佢，之後告佢賠償醫藥費用。其實好幾個都系甘情況，但有樣野，買家全部都唔系配育員，無去佢屋企睇過D幼貓，全部系網上睇到廣告就買⋯⋯貓送到屋企，連壞學生個樣都未見過⋯⋯佢地唔知道甘情況應該向貓會投訴！所以佢可以繼續甘生產可憐的貓！
我將D料俾噻校長同師傅，再系D group到揾D英國配育員問問，英國選配界同外間隔絕，因為大家貓會唔同，標準唔同，同英國入口貓超麻煩，所以同外間無乜聯絡（連校長成15年經驗都無識得一個，可以想像）我已經好小心，唔講名，淨叫英國緬因貓配育員私下揾我。問左10個10個都話唔識得佢，但知道好多流言，發生乜事，但 no comment!!
開學，校長都系無決定，系留意有無將D分組功課分到佢同葡萄牙仔一組（好在無）我同師傅兩個已經話唯有盯到佢好實。因為校長無決定只叫我地睇實D其實等於⋯⋯佢將會死系我手⋯⋯：P
開學6日後，大部分學生已經交噻功課，唯獨佢無，但我要等deadline 過先可以出催命符（上果班差D過成2個星期先交齊⋯⋯呢班算唔錯1份半份過1日都交噻）壞學生向校長提出離開！哇！開 party呀！！ 師傅同我都鬆口氣。校長話仲未完事。1 佢要求退學費，無可能，因為寫明交左無得退，學費學校 keep等下一斑有位可以讀（我兩班都有人系之前到甘上下太忙走左，再翻磚頭讀）。但佢寫到自己好慘⋯⋯話無野做，自己有精神病（可能俾德國婆搞到佢神經）學費可以夠D貓食一個星期（？！60歐元乍波大姐⋯⋯甘折墮？），但之後校長無講點收科，好肯定校長唔會俾翻。2 睇住英國貓會有無查封佢，一有動靜網站要出聲明。
唔知道系米我問英國的時候消息流出去呢？唔理甘多，希望佢快d俾人 ban鬼左。
葡萄牙仔有問我點解壞學生唔讀，系校長決定？我話唔系，系佢自動離開。我叫佢幫手，有乜英國的消息就話俾校長知道。因為佢同英國貓會內部有聯絡（我地無）。佢話絕對無問題，對D甘的配育員絕對唔會手軟，整死佢唔好等佢繼續害D貓。

今日終於搬噻D文

但搬唔到D留言。其實舊 blog 會 keep。因為好多留言好有意思。
懶⋯⋯系真系懶寫 blog。因為 facebook 實在太方便。同舊 blog 上相超辛苦。
加上好多 blog 友都搬，所以都系時候搬。
個blog 令我結識好多朋友。一個美麗的回憶。
但會繼續系呢到寫，因為 FB 無辦法俾我長篇大論發神經甘寫。(定我老左，長氣）
搬的時候系一篇一篇甘 copy and paste，睇翻自己寫D野，由3句變2000字！哇，死唔死⋯⋯

呢論無寫，因為實在太太太忙⋯⋯
本來以為唔同公司續約恢復自由人身份會無甘忙⋯⋯有多D時間畫翻畫（其實都差不多，不過系電腦畫 ：S)
有好多朋友其實已經知道我幫我老公 D  Apple App 做 graphic design，後期⋯⋯越玩越興奮⋯⋯
玩埋 3D 動畫，再玩到⋯⋯3D 插畫，3D系一個無底深潭。依家開始要跟埋市場策略（點解好似走翻去做廣告甘⋯⋯）做到老學 到老，40幾歲人先開始⋯⋯但打自己工好好多。

聖誕500 cookie 大 project，然後⋯⋯PawPeds G2 開始跟第二班 （2月23日開始左）
今次得我同我師傅兩個跟，因為本來以為得12個人⋯⋯所以本來系得我一個，上次同我一齊跟果位葡萄牙挪威森林貓配育員跟 G1 英文⋯⋯點知道最後成16個（依家15個，有個壞學生自動離開），所以校長踢師傅落理幫我。但師傅已經跟緊G3瑞典文，G1法文，所以G2英文我分多D工作量。唔系師傅無時間翻譯 G3！！我等 G3等到眼都突。雖然師傅俾左本書名我自己睇住先，我都睇到差不多尾。可能要問校長俾個名等我買黎睇。

PawPeds 挪威森林貓課程揾我幫手寫 study material （搜集資料多）
PawPeds 文章繼續翻譯 （停一停，因為管理位太太搬屋，寫左都無得上住）
PawPeds G1 意大利文翻譯（我無甘勁可以翻譯意大利文，不過幫個朋友睇有無會錯英文意思）
公主，英雄，美人都安好，但D相貼噻上 FB⋯⋯美人個 GSDIV 報告出左，一如所料，normal，因為父母都系 normal，但義大利 ANFI 今年新規定，所有貓爸爸同媽媽最少要有 EX （出展）同品種中指定的 DNA test result。本來呢，我可以懶，問 breeder 攞父母個 result 交，但寫明要系 test result，我費事到時佢地唔接受，要我嘔個 result 甘煩，所以 test 左算。反正美人已經系第3代 normal 佢條 line 好 clean.（唔知道中文點寫！！）

之後意大利文的網站要改（working list 上由最低升到頭5啦！！）

搬 blog 中

系樂多越耐越想搬⋯⋯

今日dig起心肝開左先慢慢搬D舊文過黎。

唔知道搬成點。超忙中！！

由聖誕開始（12月5日）到現在無時停⋯⋯

舊 blog 無時間更新，其實因為懶⋯⋯好慢。

越慢越唔想寫⋯⋯

羅馬貓展，美人6個月，英雄2歲

英雄 groom 好等評判叫上台，佢上次出展之後，今次鎮定好多。

美人第一次出展，呢張系星期六早上影。

佢自己一個系個 box 到，英雄個 box 系隔離。

不過下午佢見完評判之後都仲系好唔定。

將佢放入英雄個 box 到，佢就乖乖地眠，

同開始食。佢好跟英雄，英雄做乜，佢就跟，

佢見英雄好乖甘眠，佢又跟住眠埋一份。

貓展佢兩個都各自系自己個組別贏了，但無更進一步的到 nomination。但我地已經好開心，因為英雄比之前鎮定。美人呢，第一次但星期日有進步。因為其他 breeder 朋友問佢第一日點，佢叫唔錯，無怪叫，無走貓，淨系評判手到亂郁，同揾阿爹（佢系 papa's girl），classic 第一次出展貓動作，3個朋友（有男有女）即刻圍住佢，叫我地走開少少佢見唔到。每一個都學評判甘抱起佢，對住佢講一論，跟住放佢落桌子，另一個接馬，繼續甘做，等佢習慣下系陌生人手上，見唔到阿爹阿娘都有安全感。星期日佢系評判手就好好多，但評判桌子上的玩具實在太吸引⋯⋯都系郁郁貢，但評判都會明，甘細對D玩具無興趣，隻貓一定有問題啦。

評判對英雄的評價，我地都心中有數，都系果幾樣，但有D系個評判根本唔知道想點（或點講話你隻貓點解唔入圍，其實以為太多主觀因素，根本講唔清，又怕比人鬧），就求其老作（都唔系第一次，所以每次都好期待評判老作比賽邊個贏）。

對美人呢，讚不絕口，其中一個（因為兩日分別見2個唔同的評判）仲以為佢系男孩子，跟住睇下佢張 from 系女孩子（張 form 無名，得號碼，EMS code 同出生日期）！佢成長得好好（我做阿娘的聽到呢句最安慰⋯⋯嗚嗚⋯⋯兩日嗚嗚左2次⋯⋯太高興）佢呢個年紀已經甘大唷！佢呢個年紀已經出齊D毛！（哇！）佢實在比公主同年紀的時候大少少，但毛就真系唔清楚，因為唔同顏色，D質地有分別，同英雄同年紀的時候比，佢又真系好少少，但可能系氣候分別（英雄差不多6個月的時候系夏天）。佢好挪威森林貓 look （呢樣我知道），佢耳朵上果D毛再長D更好（我都知道）但應該會再長（呢樣我都知道⋯⋯）條尾長度ok（我都知道，但另一個話佢條尾長我就唔同意⋯⋯英雄條尾就真系長，不過依家個身長左，條尾未跟得上所以長度變成正常）。個頭好三角，耳朵 setting 好好（我都知道，本來估計佢地話佢對耳朵再大會更好，點知道無人講，反正已經捻定點答⋯⋯我地 breed 貓，唔系兔仔⋯⋯）。反而話佢個鼻梁夠直，額頭夠圓，同個 chin 夠 firm，呢幾點我地本來有疑問，因為我覺得美人個鼻梁同額頭個個星期都唔同樣， 我自己覺得佢個額頭唔系真系好圓，個鼻梁有一小小地唔平，但俾佢張相佢 breeder 同其他 breeder 睇，都話系直（哦⋯⋯甘我唔應該對到甘 close up 睇⋯⋯成日俾人話 我眼有尺），英雄細的時候個額頭都系圓，但大下大下就平左。但兩個評判都甘講，就聽住先。英雄可能做左老豆之後佢個頭會再生，因為發現佢呢年得個身系甘長同高，個頭同條尾無改變，因為個評判有問佢做左老豆未⋯⋯未⋯⋯等阿女大（好在無問我點解唔俾佢 offer stud service⋯⋯）。

星期日多得朋友幫忙揾到兩個系佢地個 ring 的兩個 double box 我地本來訂就系2個double，系朋友們同一個 ring，點知道⋯⋯都唔系點知道⋯⋯義大利人系甘上下，到 ring 的時候發現系兩個 single！所以星期六搬左去另一個 ring 到，揾到雖然唔系隔離，兩個之間朋友已經安定好D貓，無謂要麻煩人家，當然即刻搬⋯⋯搬的時候，個 steward head 揾我（已經10點幾⋯⋯），話系我日本朋友叫佢揾我，因為無 steward 俾芬蘭評判（要講英文），下！已經開始成個幾鐘頭，個評判無 steward？！甘即系逼我上馬⋯⋯ 因為規定，一個評判要有2個 steward 幫手⋯⋯佢一個都無⋯⋯真系義大利人的管理方法令人大開眼界。唯有超快消毒兩個 box 搬好之後，著 Steward 制服，掉底兩個細路俾阿爹湊，反正朋友們系附近，無阿娘應該 ok 掛⋯⋯（唔系⋯⋯英雄呢個 mamma's boy 唔見阿娘就超緊張）。之後日本朋友同我講唔好意思，因為佢老公已經做左 steward 佢唔可以掉底 D貓走埋去做，但識講英文的無幾人⋯⋯我話唔緊要，一個好好的經驗，睇多好多野（一如以往我系甘追住個評判問野，因為其他品種的標準我唔熟），同好多未見果的品種！收場的時候 steward head 問我系第幾次做 steward，我話第一次，佢話仲以為我系有經驗⋯⋯（吹張⋯⋯唔怪得乜都唔話我知道應該點做⋯⋯好在評判講2句我已經知道要做乜），系甘遊說我下次做（因為甘辛苦，仲識得講英文的唔多），我話會，跟住⋯⋯俾左25歐元我！我話做乜？佢話做 steward 有薪水⋯⋯我話系呀，佢講笑話早知道我甘懵，節省佢25歐元 哈哈。評判俾張 cert 我，讚得好好，都好開心，雖然累到 PK。原來籌夠 steward cert 可以做學生評判！有朋友話，不如一齊讀咯⋯⋯好，但暫時未得，慢慢黎，太多野要搞，但做 steward 會照做。

話說回頭其實點解死都要翻朋友們所在的果個 ring 到？有朋友互相照應，走開都有人睇住D貓，一定會走開，2件分別見唔同評判，唔同時間見。朋友們分別出展3－8隻，所以大家照顧大家的貓，雖然大家的品種唔一樣，但反而先可以溝通。點解⋯⋯

星期六的時候搬左其他 ring，唉⋯⋯遇到另一個系羅馬的挪威森林貓 breeder，上次展的時候大家都有講有笑，我系一個超級坦白的人，我話佢知道我之後個星期去瑞典接美人翻黎，系 group 3，佢問我好多有關美人血系D野，我又好坦白甘分享。但到佢答我佢隻仔D野的時候，我覺得佢一系就唔知道自己講乜，一系俾人老點⋯⋯佢話佢隻仔（雖然都系挪威森林貓，但同英雄唔同組，所以無關係，就算同組大家上台拗手瓜我都覺得我無野會隱瞞）0％ inbreeding。我話好事，4代0％，英雄同美人都系近4代0％，全套英雄高少少5點幾，美人呢2點幾，佢兩個後代中和少少得3點幾（講緊全套23代）。佢話唔系呀，系全套（16代或以上）系0％？心捻⋯⋯下？！你無野呀麻⋯⋯邊有挪威森林貓前4代唔系 heavy inbreeding？到第8代都仲有 heavy inbreeding 出現啦 ⋯⋯ 所有品種貓都系由 inbreeding 開始⋯⋯無可能0％。算啦，佢可能之後會知道⋯⋯話佢隻貓名門出品 bla bla bla，我對系波蘭的 breeder 同血系唔熟識，不過知道大部分都系由瑞典入口，但果2個名我見過（人名又唔見我甘好記性⋯⋯哀）所以由得佢自吹自擂，（後來我好奇⋯⋯走去 check⋯⋯ 全套系6點幾 inbreeding⋯⋯我又真系好衰同⋯⋯好貓）。上次貓展之後都有聯絡，不停問美人D野，但我又無話佢知道我 check 佢隻仔，費事佢以為我有其他企圖。有問我又必答，佢對美人條血系有興趣系好事，最少系未來可能可以合作。點知道⋯⋯原來佢系買左一隻同美人同組（同顏色）的貓女，細美人一個月⋯⋯ 上次貓展的時候佢一定已經系訂左，但一直唔出聲，系到問⋯⋯系怕美人會贏佢隻貓⋯⋯我想死⋯⋯有乜甘大不了呢？

星期六有個女人（同一ring）走黎英雄面前問，佢系 Europa？我答系呀，佢即刻走左⋯⋯招呼都無句⋯⋯怪人，算⋯⋯後來果個羅馬 breeder （就叫佢做癡肥女人吧，簡單D）介紹個怪女人系佢朋友⋯⋯都系 breed 挪威森林貓（義大利北部）。佢有隻貓仔同英雄同組（同色）不過系幼貓組，英雄系成貓國際冠軍組，唯獨可能系 BIV 會碰頭爭 BIV（我又唔覺得有乜問題⋯⋯點解甘鬼祟⋯⋯）BIV佢隻貓仔贏左（星期六，星期日另一隻贏左），因為同 ring 所以聽到佢點奚落英雄同自鳴得意。我走埋去恭喜佢，大讚佢隻貓靚（呢樣系事實，我都知道英雄失分的地方，佢唔 perfect 但有我要的野）。佢個口丫大左3秒之後先識得講多謝。之後都系無辦法溝通⋯⋯佢好求其應酬我打發我走，甘算啦，我開第一步，人家道門繼續關著，我都無辦法。癡肥女人星期六早上有走埋黎睇美人，幾靚幾得意丫，甘就走左⋯⋯佢系自己網站寫佢個新女女的祖父母都系世界冠軍（我識得兩個世界冠軍的 owner）所以佢覺得如果佢個女如果唔系血統書未到手（法國人做野慢⋯⋯），出賽一定贏美人⋯⋯其實我無所謂，有唔同血系出現系好事丫。我乜都無再同佢講任何其他野⋯⋯無謂得罪小人⋯⋯但有去世界冠軍貓展的朋友（MainCoon)一見美人，佢好靚！未見過義大利有甘水平的貓（佢地去好多展，南到北個個城市都去齊），跟住問，佢好熟面口，好似系世界冠軍貓展見過（佢地當中D貓有贏世界冠軍或 BIV ）同佢好似樣的貓⋯⋯ er 系，佢超過一半的阿哥（超過一半，因為同一個老豆，阿哥媽媽系美人的半個姐姐，同一阿媽⋯⋯，所以照計系超過一半）系3－6個月幼貓組世界冠軍⋯⋯我地其實都好後知後覺（死未？）。朋友們：唔怪得啦！我隻就系輸左俾佢阿哥，唔怪得佢甘熟口面。佢阿哥真系超級靚，佢真系好靚女！！好高興義大利有甘級數的貓！義大利挪威森林貓有救啦！（睇⋯⋯佢地將會系我地 BIS 的最大競爭對手⋯⋯但抱的態度如此，難怪佢地之間可以合作，將佢地的品種質素提高）我都知道我系貓展怪人。有幾多 breeder 出展目的唔系贏 BIV BIS 呢？（有⋯⋯我咯）我D朋友好知道我地系甘，好似志在參與就算 ：P

去貓展我有自己一套理論，

一，俾我自己D貓適應下唔同的人，唔同的氣味，唔同的聲音，我屋企靜英英，最嘈果件叫電視機（淨8：30後先會開）⋯⋯ 有人到訪，但系自己地頭，佢地自然會無問題。最多系個個星期帶佢地出超級市場同游下車河一次，見到其他人，但都無貓展甘近距離同多 － 重要離開自己地頭渦！日後佢地就唔會見到陌生人就驚，亂陣腳。出街，去見獸醫等，都唔會覺得 stress，有自信同安全感。依家英雄同美人一上車就大眠特眠，話知你死，有 treats 照食可也。好多路人（路上，超級市場同寵物店）見到佢兩個系個貓箱到，都好驚訝問，點可能佢兩個甘鎮定，我隻貓出門即刻怪叫，賴尿⋯⋯佢兩個仲可以睇住D魚流口水⋯⋯見到狗想出黎玩（無俾佢地出⋯⋯人家店內玩破壞咩⋯⋯）公主呢⋯⋯自小缺乏訓練（我地之前無知⋯⋯），所以出門大嘈特嘈，依家好少少，但好 stress。其實好簡單，佢兩個（英雄3個月，美人4個月）個個星期都帶佢地游車河，英雄因為再細一D開始，所以佢好容易習慣，同佢 breeder 自細已經訓練佢坐車，出門；美人大少少開始，2次之後已經無問題，從來無叫（系突然開快佢會叫兩聲，依家已經無）。間中兩個都會叫，一系太熱，或⋯⋯阿爹手車太辣⋯⋯

二，同其他 breeder 交流。睇其他貓（同品種或不同品種），學到好多野。因為經驗唔會寫系書到。唔同品種有唔同的經驗，但呢D經驗可能系自己品種上派上用場。

如果出展為左知道點 select 同贏，呢個觀念絕對錯，評判見的只系呢隻貓的外觀，同非常主觀的評選（健康呢？特別系遺傳病睇鬼到⋯⋯性情可以估到少少）。作為 breeder 連自己個品種應該長成甚麼樣子才符合標準都唔知道？甘選配目標呢？連自己目標都唔知道，靠評判講就不停甘改目標乎？？甘點做配育員？？？評判唔一定系 breed 你個品種，佢地可能見果成千的同一品種同色的貓，知道國際間的分別，系同一賽事中佢的經驗話佢知道邊隻佢認為系靚D。如果做配育員唔理貓健康，只為贏而選配，只會導致破壞整個品種基因庫（gene pool）同品種整體健康。點解？有配育員為贏而選配 extrem type，身體越配越長 － 脊骨會有問題，鼻越短越好 －貓呼吸唔正常，耳朵越大越好 －頭骨改變導致其他問題。有D inbreed 到離譜。甘同搞破壞有乜分別？甘做配育員不如唔好做。如果為贏多幾個獎，D貓容易叫高價錢⋯⋯哀（已經聽說有如此3人）。

做配育員系終生學習，我好慶幸有好的師傅，佢同我講，佢已經系貓會所有貓品種的評判，已經選育30年，但仲有好多需要學習，做配育員，如果真心愛貓，需要非常非常虛心學習，因為呢個領域非常大，仲有好多地方佢甘老經驗都只系一個開始 － 佢開始學習。

貓展之後幾日，26號美人足6個月

28號英雄2歲，但天氣唔好⋯⋯無影相，但貓展影左算。等好天先補影啦。

時間飛逝，美人在羅馬一個月，足5個月大

一日一日長大的美人

（備註：26日當天天氣很差，唯獨客廳這一個位置才有15分鐘的陽光。

後面的畫，全是出自我筆下）

美人出塞

2009年英雄長征，2010年美人出塞！

美人的配育員夫婦非常好人，老公開車由 Vimmbery 車我地到 Malmo （4個鐘頭，中途停，大家休息下） 

瑞典最南端同丹麥接壤的城市，再坐火車20分鐘左右到哥本哈根機場。

2個鐘頭等上飛機，點知道延誤，等成3，4個鐘頭，

2個半鐘頭左右的飛機，到羅馬，再⋯⋯塞車（系機場入面⋯⋯幾離譜！）1個鐘頭多先到屋企。全程14個鐘頭。

路途其實仲長過英雄，中間透氣位都短D，但美人好乖，等 boarding 太耐，個籠太細，唔想佢辛苦，放佢出黎，系機場甘多人，又跟住個陌生人，無媽媽，婆婆，公公同配育員夫婦，佢都好乖，坐系我大脾四圍望。抵讚。

一個星期已經過去。佢同英雄好投契，玩到顛

 系沙發到玩捉迷藏。

公主害羞，同怕怕地美人，所以保持距離，但可以同床異夢

講講美人的配育員夫婦，兩個都好好人，兩個都有自己的事業，

太太系當地某小型集團的行政和財物管理第二頭目。

丈夫系全球最大的專業釣魚用品銷售（批發），自己也有一間賣釣魚用品的店鋪，另一嗜好系釣魚。

做配育員因為兩個都愛貓，跟住就走上貓展同選配之路。

佢地方向好清楚，一家9貓只有3隻母貓（包括美人的媽媽）系有繁殖能力。

其他的都已經退休，但都有出展（因為貓鍾意去貓展玩，佢兩個陪D貓去，又見下其他貓友）

其中一隻比較年輕的在發情中，太太話，等佢發情完畢要同佢絕育。

我問為何？佢（貓）技術性而言非常好，無任何特別問題。

佢答，佢（貓）唔俾人摸肚子，性情不夠好，遺傳不了媽媽（9貓之一，也時另外一隻未絕育的母貓）優秀的性情，

得了爸爸優秀的某些特質但也得了一些壞脾性，

擔心有了幼貓會不餵哺，所以決定幫佢絕育。

雖然已經系國際冠軍，有點可惜，

但他們的選育第一要求系性情，所以情願幫佢絕育。

一個晚上談論天南地北（太太廚藝非常好！）美人的婆婆成晚坐系我大脾唔肯走，早餐時間又系坐系我到，其他的都要同我玩。

太太話美人的婆婆技術性而言唔系特別好，但佢最好的就系性情，

所以佢地選佢配育，而得得幼貓大部分的脾性都超好。

當中當然有關選配界的八卦一二事情，貓展趣事，同選配目標，貓飲食，行為等等。好爽！4個鐘頭車，同配育員老公交流好多選配的問題，包括有好多人反對純種貓選配，純種貓配育員的操守等等。感覺瑞典選配方面的人的質素同操守都好高。

佢地屋企9貓，9個貓廁所（每間佢地可以自由出入的空間都最少有1個），D貓一齊生活好和諧。個屋企差不多250平米（大約2500平方尺）一層，無樓梯，另外系屋外有一個戶外空間，系廚房有貓門可以出去，計畫整第二個戶外空間，由睡房出發（地下已經鋪緊，但冬天要停工，等3月繼續）到處都系貓玩具，非常乾淨。介紹下9貓先（唔系全部，因為佢地周圍走，無時停）

最前的系公公（美人媽媽的爸爸），佢超級靚仔！！

不愧系08年 絕育組 World Winner 

美人後面的系婆婆（美人媽媽的媽媽）

趕路中的系美人媽媽，後面望鏡頭的系婆婆。

美人同婆婆（婆婆系母貓老大）玩緊（條尾巴）

太公（美人媽媽的爸爸的爸爸）佢系雄性的老大，又系靚仔一名！

早餐桌系只有佢同美人婆婆可以坐，其他貓唔會上呢張桌。

太公同美人

配育員老公親手做的玩具，

美人同弟弟妹妹離開的時候，

一貓有一件。

成件玩具都系釣魚用品（貴到顛的果D）

配育員夫婦將美人的成長體重同所有文件，照片整成本書，好感動，佢地真系好愛自己的幼貓。連我地獸醫見到本書都話，都唔需要點驗，佢一定健康無問題，無謂 stress 呢個甘乖的小妹妹，都系由頭睇到尾，本來話要驗便，都話可以 skip 埋（佢系獸醫到翻黎先開大⋯⋯）。我話俾配育員太太知道，佢話美人的妹妹剛系法國的驗血報告出佐，FIV 同 FeLV 都 －nev 所以美人都應該系 －nev 可以等照超聲波（心同腎）的時候先驗（1歲）。