呢幅嘢本來都唔想貼出來，因為實在呢幅嘢完全無原創性（難聽D個句 – 仿制品），兼且唔多like 抽象派D畫。不過貼出黎“申申”。
請注意，申得好超長，小心
呢幅嘢來由:公主爹大佬溫達老豆間新屋落成個陣（講緊2004年佢間屋連水、電、煤都仲未裝，正式得4堵墻），我應承咗佢送張畫俾佢當入伙禮物。到依家都3年，間屋其實系一邊住一邊裝修（間屋幾大，所以可以甘搞），所以到依家，間屋大部分的裝修都做好，佢先舊事重提。而溫達老豆就話佢突然間愛上咗Piet Mondrian D畫，死火，你咪同我講個名！我十世都唔會記得D名
（識得我D人都知道我系對名字超級低B）。最后知道系“格仔畫”就“哦--”一聲。要呢樣…… 算啦，雖然我唔鐘意做復制品（第一次就甘俾咗佢），仲要你系公主爹個大佬，我又應承咗你，你鐘意個款，當然順你意，唔會托手掙。到現時為止大家都可能問，公主娘，你想“申“乜呀？都好似你都好同意整啵……
畫唔系問題，不過到開始要郁手整個陣…… 溫達老豆剛剛升番上“女朋友“個位的小姐”吧喳“出場。有名你叫就真系”吧渣“佢其實唔克我憎，本來都有兩咀，不過我都系當聽眾的時間比較多。不過呢次唔系好妥佢…… 由于”吧渣“好想成為呢間屋的女主人，每樣嘢都好落力，而佢有真系出錢又出力，佢系聰明兼有錢女一名，不過好多時就系反而俾聰明誤。舊年暑假俾溫達老豆”燉“咗佢落”女性朋友加同事“個位，一年后新鮮熱辣上番位，當然事事更賣力。
第1回合：叮！叮！
同我開始講呢幅“嘢”（認真唔想叫做畫……）個個唔系溫達老豆，而系”吧渣“。個日去溫達老豆屋企時，佢掛住同公主爹搞電腦，但又想開始動工搞呢張嘢，所以系吧渣先俾”briefing”我。佢第一句，”呢張系燈畫“，我呆一呆
，燈畫？個個樓梯位，都無覺眼夠位放個”燈箱“，放得落會霸咗半條樓梯位，樓上連張床多未上，你搞個燈箱，你張床過唔到啵之余，仲有好核突！跟住，吧渣就話，點解要燈箱，后面裝6盞燈就得啦。小姐，6盞乜燈同點裝
？幅畫唔算大，但都唔細 1米高0.8米橫。6盞射燈？1 排3盞個種定系開6個洞的入墻燈？？？幅畫要用玻璃先掂。吧渣就話，點解要玻璃，厚膠片（纖維玻璃）咪得啰。我返眼……小姐，6盞幾火射燈？ 12 W好吧，6盞加起來甘高溫，膠片（就算系纖維玻璃）會好快變形（溶都似！）。仲有，6盞射燈，幅畫等于有6個光暈系后面，你唔加柔光層同張畫要離開堵墻要有番一定距離，甘咪等于系個燈箱咯（笨蛋）。吧渣開始有D唔耐煩。就攞張print出來，我一睇，再走去樓梯望望，就問，溫達老豆凈系鐘意呢張？吧渣問我，系啊有乜問題？我就話，P.M 的創作概念系”和諧的大都會光與影“呢組系巴黎成名的系列，其實有好多張，印象中有更同個個樓梯位光源與位置對咀形的畫，不如叫溫達老豆再多挑幾張，我再從中挑張合乎，再睇睇佢鐘意唔鐘意。吧渣扁咀！我想死！！！
第2回合：叮！叮！
今次，4人大混戰，溫達老豆、吧渣、公主爹、同公主娘（公主無份）
其實，唔好睇個陣型好似2對2，其實系2.5對1.5。溫達老豆兩邊都要睇臉色（真難為啰）公主爹同意公主娘所講的一切，連溫達老豆都同意個下先搞嘢。本來溫達老豆都想盞燈系后面（因為吧渣好堅持），不過因為唔想用玻璃，（因為吧渣堅持要膠片，神又系佢，鬼又系佢
）你求其選一樣。最后兩個男人走去睇真D個位之后，最后決定，一燈大師（因為溫達老豆唔想搞到城墻都系洞）。盞燈由上照落。跟住，塊纖維玻璃要幾厚？2mm、5mm 定3mm、7mm？？ 呢次就大混戰，各有各意見。最后，邊個去買料個個去就問個廠商如果甘裝張畫，盞12W射燈系上邊，張畫甘大，問廠商意見，因為每間廠出品質唔一樣，我地無謂系到大混戰。就甘話收工可以返屋企！我個頭好痛，因為唔習慣同吧渣講甘多嘢，佢一輪咀……簡直系疲勞攻擊！吧渣唔會放過任何一個“有表現“的機會。佢唔俾我收工！仲開始”教“我用乜顏料同點畫！我已經無力氣同佢玩，哦、哦、哦就算，開始明白點解D男人對老婆哦哦就算。因為根本唔想理佢！
第3回合：叮！叮！
有日溫達老豆突然打電話俾我地，話他買緊張纖維玻璃（以下叫膠片）。問我地系唔系屋企，佢直接攞張膠片過黎。我話好，又問溫達老豆，可唔可以問間廠攞兩塊一模一樣的細膠片的板，我要做Test。我聽到溫達老豆問的時候，吧渣系旁邊，吧吧渣渣話張畫唔系甘大工程同有難度，問點解要做test？溫達老豆“按“個電話唔夠快，俾我聽到灑
……當然我就唔系甘高興，不過唔知系咪真系老咗，D火收咗無爆粗（
包括廣東話、普通話的意大利粗都無，又真系無鬧人好耐啵
），無出聲當聽唔到算。溫達老豆話，有樣板，無問題，等陣見。好，張膠片送到屋企，5mm，不過一放底，就知道張嘢其實唔夠厚。棟企就已經變形，當然多1mm 或2mm會好D，不過算吧，我唔甘好氣講。 溫達老豆有3張print 系手，我就挑咗呢張，佢無意見，因為其實佢都系最鐘意呢張（
奇怪，點解上次吧渣話佢鐘意另一張？？）跟手，佢兩弟兄去吹電腦水，吧渣俾兩張樣板俾我，就話“你唔洗試齊甘多只色啵，試1只就夠，我問咗個廠商，佢地話要用上玻璃個種顏料，仲有個種顏料唔可以用噴筆咖”。我又“哦”一聲，點知吹緊水的公主爹竟然都可以聽到灑呢堆“糞話”！等佢地走咗之后，公主爹就問我，做乜唔出聲，我話出乜聲，同個連畫火柴公仔都唔識畫的人，講多盞我勞氣多！佢話點咪點啰，橫掂我都要做test，咪跟佢指示做一次先啦。有樣睇先有得講。
第4回合：叮！叮！
呢幅嘢，其實最好做法系 – 絲印，不過得個一張，浪費錢又太大工程。根據吧渣的“糞話”，用畫玻璃的顏料，甘就買齊只要用的色番黎，橫豎工料錢系溫達老豆俾（本來我話送1張，佢想要多另外2張，所以話不如送3張俾佢，但工料錢佢俾。都好，我又可以過下畫癮）。吧渣話要用筆，我都有試，當然我唔會放棄要試用噴筆。
結果 ： 一筆一筆就如我所料，見到灑D筆足，因為上玻璃的顏料其實好厚，但又唔可以稀，稀咗之后就唔上。噴筆其實系可以，只要用到最大號個咀同針，平圖效果都可以，不過8個鐘先干 zzzzzzz。加上最大問題系……玻璃顏料系好透明，而5只色的透明度又唔一樣。同張原作好實在同鮮艷的顏色相去什遠。除非最后再加層白色。但其實，點解吧渣死都要呢種顏料呢？系咪想要半透明，由后打燈，將顏色打落地下個種效果？但系……張膠片系后面打燈，落到地個陣其實得個黑影……公主爹見到之后搖灑頭，好核突喔 …… 我都無辦法，甘吧渣指明要甘做，你想我點？跟住，公主爹話不如出街去刮顏料，去我經常去浦個間美術用品店再搵，不過間鋪頭放暑假（1個月！）。唔知點算好之際，游咗去L M（唔好問我個全名，我都話我對名系超級底能！），又非常之好彩，俾我搵到罐新上市的噴漆，系專門上光滑表面用！之前都無見過有呢樣嘢出現。買咗罐黃色同藍色返黎試，正，效果好好！仲好快干，2個鐘！好開心地，第二日又再走返去LM 買埋其他要用的顏色。
第5回合：叮！叮！
張畫其實無乜難度（只是要做2次mask，不過落刀要小心D唔刮花張膠片而起到個mask 就得），只系麻煩（張膠片要好干凈，抹餐死，因為張嘢系后面畫，如果個面唔干凈，你睇張嘢個陣就會間到D污跡）、同好很悶（因為全部都系平面同直線）同要喂蚊（車房唔知做乜有好多蚊）就系甘多。公主爹同溫達老豆通電，話最后放棄用玻璃涂顏料，改咗另外一種，可以攞個test 俾佢睇。溫達老豆話唔洗睇個test，直接做啦。好快張畫搞掂啦，俾預期早咗2日添！跟住就系去裝啦！
第6回合：叮！叮！（呢場系公主爹對吧渣） 我只是負責畫，裝就系公主爹同溫達老豆。張膠片原裝兩邊都有膠膜。面向觀眾個面的膠膜，我只是中間開咗個窗，好等我每次做完一只色后睇效果。所以裝的時候，其實都系兩邊都封著。溫達老豆當然急不及待想見見“新歡”不過我凈系俾做個“背”佢睇（我噴個面），背當然無甘靚仔，但佢已經好開心，話想唔到個效果可以甘好，吧渣“瞄”咗眼，當然就唔系好似平常甘“欣喜若狂”收咗個吧渣款，話幾好啊！
公主爹出場，如上述，張膠片都唔細，都幾重手，最麻煩系裝系樓梯，兩弟兄就抬咗張嘢上樓梯。搞好張梯。吧渣就開始出聲喇，高少少，左少少，都話張話要系盞等正中間，再過D。我已經唔出聲，因為我知道有人會光火。溫達老豆就走去攞把尺度，好喇，大概位置都有，公主爹就話mark 上一個之后先再攞水平尺度，吧渣就話，唔得！甘唔準咖！要依家度水平尺，mark 好四個洞，溫達老豆你個邊太低，高少少添！公主爹光火，甘你整，依家我裝，我話點做就點做！溫達老豆知道有火，就同吧渣講，信公主爹啦。吧渣就走咗去，之后聽到好似有人喊（唔知系咪真系喊，定真系佢話有鼻過敏系）。都搞咗好一陣先裝好，因為幅墻有2個洞遇上鋼根，鉆咗好耐先鉆到個洞。大功告成！！ 公主爹叫我撕走塊膠膜，我話唔好，溫達老豆，張畫系你咖，你去“開光”啦。佢好開心甘去撕張膠膜。當佢見到成張畫之后，他轉個頭，我見到佢笑到好似一個小朋友見到最鐘意的玩具一樣
！好鬼童真（溫達老豆有四張幾咖啦），哈哈，佢真系好鐘意張嘢。再望到吧渣，有D唔知點形容佢，好假的笑容。溫達老豆好鬼大力甘攬實我“多謝，多謝，我好鐘意張畫，多謝”當然佢唔會少得去攬下公主爹啦！(吧渣呢？ - 無）
如果成件事吧渣唔系甘過分落力，搞到我覺得煩，我都覺得都幾開心咖，因為張畫令到溫達老豆甘開心。公主爹問我，有無覺得個晚裝好張畫之后，吧渣的笑容中系有妒忌？哦！有乜好妒忌……可能佢唔開心，佢的“表現”唔理想，我反而覺得佢好可憐，甘賣力反而效果不如期望。其實如果溫達老豆真系愛佢，佢唔洗甘需要表現成為“女主人“，系因為對呢段情唔信心定系佢地的戀愛模式？？
。enter
