半出關…… 仲未完成成個蛤蟆”工“

12 挪威森林貓網上禮品店大整合， 完成咗90%

本來得1間咖咋，不過賣到甘上下，發現1間店賣12個設計，銷路有限，
有客人想買某個設計的某件產品，就要訂做…… 甘咪將12個設計拆開做12間店啰。
本來想將本來間店升級，不過又唔敢，個個月要俾錢，但唔等于一定賣得回本。
咪試試將佢地分開啰。

整緊的時候，突然有奇想，每個圖都加句嘢落去，咪延長咗練工時間，
個個設計都有成50件產品 所以做到眼光光。仲有D細嘢要執……

依家只系半出關，因為仲有其他嘢要忙。有興趣可以去每一間店睇睇，
下面系每一間店的 link，點擊就可以去嚕！
歡迎光臨！！

"The most intelligent creature in the world is the dreamer."

"The coolest creature in the world can melt the heart."

"The most spiritual creature in the world can fly high."

"The most curious creature in the world has the brightest eyes."

"The creature with freest heart can dance with the wind."

"The most cunning creature can earn the most valuable love.”

"The wisest creature is a philosopher.”

"The best observer is the greatest hunter."

"The most brilliant creature in mystery is a gem."

"The calmest creature can dominate the most critical moment."

"The most sophisticated creature can be top of the world."

“The sharpest creature in the world is ever above water.”

希望今年有更多空閑時間，搞掂埋屋企個幾張等咗成年要煞科的油畫外……
開始畫下一套挪威森林貓。

閉關練“工”

各位姐妹，公主娘又閉關練“工”，
所以無周圍去8、吹水，同好多留言都好遲先復（已經復ed），
呢場工…… 大概仲要練多2個星期……（該燴，復活節都系到練……）
偷雞上黎寫兩句甘大把，
遲D見！

一篇令愛貓的朋友，為在中國的貓而流淚的文章

中國政府……
無言……
請自己看，我沒有轉貼，因為文章中有圖片，我覺得圖片比文章的張力更強，
所以邀請大家去看原文（英文版本）

請點擊：
http://eddiebear.wordpress.com/2008/03/09/if-you-were-wondering-how-china-is-preparing-their-cat-population-for-the-olympics/#comment-6704

第一次炆羊肉……

無相睇，因為炆完都系黑色一煲嘢……
點影都唔會靚字仔。
我呢世人都成四張黎緊…… 都系第一次煮羊肉。
真系做到老學到老。

無啦啦煮乜鬼羊肉……
事原早輪發現我呢個“超級寒冰掌掌門人”手掌同腳掌都不停出汗，
而手腳都系一樣全年凍冰冰
（夏天，公主爹同公主就好鐘意我，當我系人型冰機）

出汗出到成個 keyboard 都濕曬……
連日來，公主爹發現呢個情況無改善，話要逼我食牛排！！ 
我就拖咗好耐都無買，成日都有借口無買到
到星期六佢已經發火，拖咗我去肉店，發現有羊肉，
判我極刑 - 要我食羊肉！！ 就買咗返黎喇，
之后點煮好…… 我點知道？？！
突然佢想起同番茄哥系香港食果餐飯有羊肉煲，
佢覺得好味，D“蘇”味又唔強，問我識唔識整……
屋企乜鬼亞洲食才都無，全部都系小怪上次帶過黎，我一直都唔舍得用的材料。
點算……
系網上搵咗D料，不過仲系唔知道點入手（其實咪有系到拖）
跟住同小怪傾開，小怪話都系時候我要食翻D甘嘢，
之后我問點整好，小怪就俾咗娘親同我講。
娘親話我屋企百無 不過秘技系用酒可以去“蘇”味。
娘親教咗我飛水，之后點煮，甘就膽粗粗整。
飛完水之后，分咗一份俾公主（煮完佢一定唔可以食，所以分開煮俾佢食）
之后就攞咗我至愛的冬菇、竹笙同紅蘿卜加 Lauro 同紅酒炆，
隨手落咗D紀子落去……
（所以你可以想象煲嘢系黑色多，點影都系一 pat ）
正一中西合璧……
屋企連沙煲都無，都系用鋼煲炆咗2個鐘。
"蘇“味無乜，甘都可以OK……
公主個份再用清水煮咗幾分鐘就得喇。
我都系試下俾公主咋，平時D貓糧有羊，佢都唔要。
呢次返而同我清嘥，照鏡！

其實食過陣，公主爹睇唔到我系挑鬼走咗D羊肉，
凈系食咗兩舊仔，因為我連D冬菇都剪細件，同羊肉差不多大細。
甘大家都系黑色的時候，就唔覺得我系獨吞嘥D冬菇喇！

人物關系

有朋友投訴，話睇唔掂關系中的人物關系，因為出場人物好似越來越多，都系時候整返個表，已經有D頭暈的朋友們可以大概理解，如果有新的朋友都可以睇住個表，知道我講緊邊個

我加咗D到依家都仲未出場的人物，
例如溫達老豆的前菜芭芭拉，呢位姐姐，好有機會再出現…… 世事好難講。
本來溫達老豆系同芭芭拉同居咗成10年，一齊養莉亞，到莉亞生咗溫達之后，
溫達老豆同芭芭拉結束咗17年的關系。而莉亞離開移民去彩虹橋的時候，
溫達老豆有同芭芭拉講過，之后我都見過芭芭拉幾次。
溫達老豆同公主爹講佢同吧渣分手的時候，有言，都系芭芭拉好……
人系咪就系甘，一齊的時候唔識得珍惜，到無咗之后先后悔？

鵪鶉的同學

鵪鶉 好耐下之前有講過，成07年的8月的事啰！

呢輪又身痕走去經常光顧果間寵物店到搜刮新嘢。
同一個牌子，有純兔肉！

當然就趁手買咗啦。我俾兔肉問題煩擾咗都幾耐。
我唔知系我低能定真系太過唔多愿出街，所以好鬼孤陋寡聞，

郁記講佢系意大利時，去開個幾間超級市場都有凈兔脾賣。不過我就真系搵過4間超級市場都無。通常都系成只賣、半只或碎件。凈兔脾……無見過……

公主麻煩都嘔，鐘意食兔肉，不過如果系超級市場買果D碎件，通常都系原件“賣剩謝”之后，剁細拼細盒賣，當然就無原件或半賣甘新鮮，所以佢唔肯食……

半只，又太多，我同公主爹都唔系兔肉擁躉，間中都會食，不過次次公主都食唔到甘多。無理由夾硬要我地同佢分甘同味咖…… 其實一只兔脾的份量俾公主就夠食。分分鐘夠食2日添，不過第二日，公主就會厭…… 佢真系挑剔到無貓有 如果系屋企附近間肉店買，因為非常新鮮，第二日佢都會食…… 不過肉店就唔會凈賣一只兔脾俾我。

呢個另外頭痛咗好耐的問題！終于有呢盒純兔肉幫我搞掂

一盒115g 同鵪鶉一樣，比正常的罐頭大（一般罐頭系75g），價錢1.2歐元。

公主一聞到我開咋，就坐系佢張飯“膠地毯”（佢食飯個位，有兩張系Ikxx到買的兩張比一般餐桌用的膠墊大D，專俾寵物用的膠墊）等開餐。

我依家就可以安樂D，仲有多D時間做下其他嘢！（煮少1餐俾公主，可以節省我唔少時間）

年初一，向大家拜年之余，小怪（物）/小樓子你幾時擺檔做算命？

留言未有時間復，唔好意思，呢幾日有大 project 進行中，所以無時間管理家務同 blog 務，雖然今日大年初一，我反而同公司攞咗日假打掃屋企。
之后會復所有留言，甘但點解會上黎寫嘢？好快手寫個消息：

平時公主爹到公司會打電話返屋企報平安，
今日遲咗成個鐘先打翻黎，我問佢系咪大塞車？
佢話唔系，因為系高速公路見到溫達老豆（我大伯），
所以系公路D咖啡廳到整杯咖啡同吹咗兩咀水，
之后就好陰濕甘話有特發新聞，做咩甘陰濕甘笑，
我話，唔好話俾我知，溫達老豆同吧渣結婚，
佢話唔系，甘有乜料要爆？
溫達老豆昨晚飛咗吧渣，乜甘突然阿呵呵！
真系又俾小怪批中（佢批嘢好準）！！！所以就問小怪幾時去擺檔做算命。

又奇怪，溫達老豆又唔系中國人，點解會識得系年夜掉舊嘢
大致情況好似系溫達老豆同吧渣復合之后，系有條件要吧渣改善。
不過就好似無乜進展，所以就飛佢走，
其實我會覺得亦唔單系甘，我覺得溫達老豆有壓力，
奶奶系圣誕之后都無去過溫達老豆屋企，唔單系奶奶，
連我地兩個都無去過（平時2個禮拜都會去下），
小狼老豆就更加，系圣誕之后無見過溫達老豆，
唔單系無去佢屋企，連系奶奶屋企聚會，佢次次都話有事，
成2個月都唔知道幾多次系甘樣避開唔見溫達老豆。
平時系會去佢屋企做星期日家庭日，依家成2個月都無人去過佢屋企。

上個星期，老爺奶奶到過我地屋企，平常都會順道過去睇下溫達老豆，
或打個電話問下過唔過去睇佢呀。不過今次無……點解會知道？
當晚溫達老豆打電話黎同公主爹吹水，仲話剛同奶奶剛傾完電話，
公主爹好正常地話俾溫達老豆知，果朝兩老黎過我地屋企。
公主爹話溫達老豆果下好愕然，呆咗系到，dead air 咗幾秒。先答“系阿……”
好似奶奶無同佢講過之余，系唔想佢知道。

放長線睇睇會唔會再復合喇，不過今次無人會再幫吧渣口，
上次奶奶幫咗佢之后，反而甘鬼樣對奶奶，今次就睇佢自己造化勒。