英雄同公主近況

明日英雄足6個月大（我寫好之后睇下，明日5月28日，都好似系我自己的舊歷生日啵……端午節……系小樓子講定我知道，但無乜記性……求其啦）……依家先貼佢5個月大的相，希望大家唔好見怪
俾張公主同英雄的合照大家睇下先。唔好以為英雄仲好細件頭，公主系四腳企系到。英雄呢就坐系到，仲要dup 底咗少少個頭。睇下一張水平拍的就清楚D我想講乜。

睇清楚D未呢？




英雄究竟有幾大（以下全部都系5個月大的，明日6個月會再影之后再 update)

無得比較，都幾難估計……

有英雄公主爹俾大家有D概念英雄有幾大份。




呢張…… 有人可能會覺得嘔心，所以可以唔睇，但好少機會會見到貓換牙。
幼貓3-6個月會換牙，但唔系好似人甘掉咗系原本個位到生。
恒齒會系乳齒旁邊生，張像睇得最清楚系犬齒（上顎 ）
其他就同乳齒平排（內面）生所以好難影，果段時間日日睇英雄D牙就好似睇鯊魚個口一樣 （成口牙）

多謝郁記提點，最后系部 DS 到搵到個 micro 功能。
但最后都系一手影，因為英雄公主爹唔得閑理我……
我日日都對英雄俾佢睇D牙都睇到佢怕鬼咗我。

我日日睇，系想等乳齒掉下可以收起。
但搵唔到？！ 我成日聽到英雄系到磨牙（依家無嚕，因為出齊曬）我懷疑佢吞曬D牙落肚
公主出牙的時候無影，但都系……搵唔到D牙，但佢無英雄甘離譜，磨牙磨到嘈醒我。

英雄公主娘 G1 成功過關 (後補）

意大利文網站D嘢等英雄公主爹返來執我D恐怖意大利文。所以寫下中文先。
多謝各位老友的恭喜。

后來好奇，睇下老師個 mail 俾幾多人。得14個？
全班21人，有2個退出，應該19人！
19人當中得我一個唔系 breeder，要肥佬最大機會過個應該系我啵 （偷笑中）。

個課程6個星期

個課程6個星期， 每一個星期系一課新的題目，
一共2個老師，其實系4個，兩個系“隱形”我懷疑佢兩個系參謀長。
其中一個系呢個課程的發起人。
講明基本課程，就由貓的構造開始（呢個有趣） - 貓唔可以好似狗甘修剪D毛，貓有幾多塊骨頭（比人類多24件！），鼻入面有幾多細胞，耳朵有幾多肌肉！個肺有乜用，貓觸須有乜用，點用，幾時用，呢 part 好好玩。
貓的需要（飲食同運動量），飲食，如何照顧……呢樣反而我知道多D
貓的防疫分邊幾種，邊幾種一定要打，其他有乜情況下要打。
養貓人的條件同買貓的時候如何選擇貓（呢樣幾毒……但系真，唔系系人都可以養貓，同好多好差的人賣貓，所以真系要張開所有觸覺）
貓常見病，包括老貓經常出現的問題。
純種貓同家貓的分別，點解血統書甘重要，
之后開始系D比較踏入養殖人 Breeder
到依家都唔知道點翻譯 breeder 先好，中國叫繁育人，但廣東話好難聽 jee 又煩又肉酸？？ 個含義系繁殖+養育，Miss 有寫育貓，本來好好聽，普通話同廣東話都好 （普通話正到暈”御貓“），但差咗個繁殖的概念，所以我用“養殖人”頂住先。
什么是純種貓養殖人應有的操守（哇，呢個緊要！！）
做養殖人要有乜特性/個性（原來系有…… 我差咗一樣，但應該都可以）
純種貓顏色（差D死系呢個題目到）
貓展同繁殖導論。

一個星期有2份至3份功課，原來D功課全部都系 test!! 一路都無講過……
有D功課系問答題，有D系論文，有D系小組論文。
一共16份功課，其中5份系小組。

最令我嘔血系頭4份小組論文。第一同第二、三份我做 leader
做leader 就要把關，因為交功課的人就系佢，有乜唔妥要自己補救。
第一份（其實回想唔系最差的一份）美國位太太話自己忙，
所以貢獻好少仲要遲咗，但點都參與。但最后分咗俾佢執果 part 佢都無回音。
是日 deadline 但我唔想放棄果 part 自己殺埋。
最后俾我地攞到個 excellent。

第二課有兩份小組功課…… 同兩個意大利人，
一份系，比較并說明3個購買純種貓之后3個“購買”家貓的好處
另一份系一年一只貓要花費幾多
最慘系“購買”家貓（所謂家貓系無血統書的貓，可以系D無良養殖人的產品），如果唔系呢個詞就無甘攞膽。
呢兩份都系我做 leader …… 好在成個課程最多會做2次。
其他兩個意大利人，個意大利佬話佢撞車，叫我開波佢好D的時候會 join。
另外果意大利婆，阿仔成個星期唔俾佢瞓，之后佢病。最差系佢話，你寫玩俾我睇，我俾意見！我無啦啦多咗個老師？？！
自己死頂，獨挑大梁鏟起曬兩份功課的 draft，
個意大利婆話想改嘢…… 但 D 嘢無 point…… 我真系寫唔落手喔大佬……
家貓的好處系無甘容易病……下？你真系有病…… 平，系平，但買無健康保證的貓，再平買只病貓做乜呢？？？甘都叫好處……都唔知道佢想講乜……
另一份，問我做乜買D貓樹甘貴……佢用紙板的，2個月換一個…… 我話我環保，連好多貓玩具都系攞D舊布同D可以用的“廢物”整，再 mail 屋企兩棵貓樹佢睇，話我個價錢系呢兩件，佢話，哇你真系好有錢（下？？？）你屋企夠大 （你6只貓屋企細過我屋企？？你點搞呀……）。但佢俾張清單我睇，嚇死…… 貓毛光亮噴劑？？做乜要噴到只貓靈立立？？只貓食得好D毛就自然有光亮咖啦！貓潔面同耳朵清潔濕紙巾…… 用普通毛巾唔得咩…… 我一直都系有塊“貓專用”（依家2塊，一貓一塊）毛巾幫佢地清理……問我做乜有貓要用牙刷……想柄佢！！
算……唔想再見到佢……都唔期望意大利佬會出現，因為到交功課 deadline 前一日都無影。Deadline 當日 mail 俾老師話……條友無出現喔，點呀，我交就得我兩個人（其實咪又系得我一個……）。老師話，你唔好過 deadline 交，你兩個自己決定邊個做 leader。一收到老師回復，我當然就即刻掉咗兩份功課，寫我仲系 leader!! 哇，仲唔趁機fing 走唔需要做呢個吃力不討好的職位咩！
又好好彩2份甘難頂同一份會死的都攞 excellent。

之后果一課，非常之唔好彩…… 個小組功課題目系
你現在的國家/地區/省份有無法律/條例管制貓的售賣同合約條款！！
國家…… 意大利又系佢！個意大利婆
分別系今次佢做 leader，但都系無分別……
佢真系理解能力有問題，后來發現原來系佢英文唔掂……所以理解唔到任何英文。
但再后來發現系全面理解力零蛋……出現負數……
國家法律，意大利婆做咗3年養殖人，賣過自己的貓，
意大利文一定好。埝住佢搵好曬編輯好，我翻譯應該好快。
點知道……意大利的法律系麻叉叉叉煩，搵來搵去
佢系甘 send 嘢我睇，大姐…… 你睇一定快過我啦……
但佢 send  D 乜我睇呢…… 倫巴第大區的法律！
我講咗3次條題目系“身在的省份或國家”我地兩個都系羅馬
唔系用羅馬法律，就系用拉齊奧，一系就意大利，你俾倫巴第我睇做乜狠嘢！
（對唔住，真系乜粗口都出曬……）
佢成日話羅馬無…… 意大利無……拉齊奧無…… 我話無可能，一定有！
羅馬同拉齊奧可能無，但意大利一定有。
最后……竟然俾我搵到，系個律師的博客到搵到，之后系倫巴第大區商會到搵到個寵物業組織法律顧問到搵到份合約。
意大利文，mail 俾佢睇，我話應該系呢到抽到所有答案。
佢回我……當下想斬佢，佢 mail 咗一堆另一個省的法律我睇
你唔郁手，我自己黎，我知道起 draft 系最辛苦，我無甘多時間同你玩。
 draft 好 send 俾佢，話，你覺得有乜要改就改。
回，寫得好好，不過有D point 唔妥，同埋點解你要寫曬D 法律出處（邊條法律幾多章邊節）
D point 唔妥，因為本來果段系俾狗專用，我無翻譯就叫唔妥…… 因為過句系系合約到要列明“該寵物受過什么特殊訓練” 狗可以系盲人犬、守門犬，你有辦法訓練貓做盲人貓嗎？？我可以翻譯，咪照翻啰。
引經據典…… 我同佢都唔系第一個讀呢個課程系意大利住的人，你點知道之前果D點寫？D老師又睇過之前佢地寫D嘢，如果系流料信佢地D流的系真，當我地先系流料，我地點算？？當然要寫明出處啦。
佢完全無辦法招架…… 我搵咗D位塞咗佢所謂的 comment 之后掉翻俾佢……
佢睇完之后話我交啰，好，當然系你交，你系 leader…… （吹漲……）
攞到個　ｅｘｃｅｌｌｅｎｔ　又一身彩。

之后一份功課可以選擇自己獨立做或小組做。我一定唔想再同任何人做……
所以已經選擇寫挪威森林貓的意大利歷史同現有情況。
意大利婆　mail 我問，佢自己個品種有齊曬料，只要翻譯就可以，
問我有無興趣…… 我話我呢，唔系養殖人，但我研究咗成4年，
應該都有D嘢出到，多謝曬（真系多謝……）我自己寫。
又好好彩 excellent。

如此這般到第五份，搭檔一個德國佬同英國婆，快到離譜，一個早上，
成份功課我只系寫做唔超過100字，佢兩個系柜臺底抽嘢出來已經成章。
但見識見識多多 兩個貓會的貓展系統的比較，
一個我一直都唔愿意研究的課題。但唔愿唔愿都要接觸，
英雄一定要出展覽……

到最后兩份功課，獨立功課，老師建議系討論區先作討論之后再各自為政交功課。
如果有去 fb 的老友都知道我系討論區的時候好多疑問，
以為有D老手同我意見相反，佢地D point 唔可以說服我。
我D佢地覺得無料到……
到交功課前2日，兩個題目的討論區都系得5把聲。
我 deadline 前2日交貨，deadline 前一天收到通知。
兩份都攞 excellent。
奇怪的事情系……deadline 前一日晚上所有人都系討論區討論！！
下……！ 即系大家都收起到交咗功課先出聲？？！！
我又落去打下先，橫豎我都收到成績。又兩個 excellent yee!

本來懷疑D老師（特別系其中一個） 好求其都會俾 excellent
后來發現唔系…… 其中純種貓顏色我差D死，俾多次機會我改答案，
雖然 pass 但唔 full mark 啰…… 唔高興…… 但都系自己衰，
唔知道英短有 point colour 呢樣嘢，自己有無去睇清楚英短個 show standard。

之后有意見回饋要填翻俾老師，唔填唔可以 pass。
全個課程最辛苦系小組功課D頂心頂肺嘢。

但我頂完兩嘢我又無事，因為第五課的時候
意大利婆份獨立功課搞唔掂，
本來佢寫去討論區問條題目d 答案佢睇唔到有乜分別……
我見佢甘，就私下寫俾佢，翻譯做意大利文俾佢睇。
佢好開心。但之后同一份功課的另一條問題，
佢解錯題目，老師俾多次機會佢答。
佢 mail 我，話佢都系睇唔明……好啦，都做咗好人一次，
唔差多一次。賣人情又唔需要本，賣下有乜所謂。
翻譯咗俾佢睇
佢話擔心老師睇唔明佢D英文，問我可唔可以幫佢望下個答案
我一睇…… 你好似都唔系好明條題目……都系走錯方向啵大姐……
寫多次佢睇，俾埋個例子佢問佢應該點。
話埋佢知道個答案唔系系課書入面，要自己埝……
真系點佢唔明我都無辦法。
最后佢明一半，都好過之前
但D英文就…… 老師真系唔會明…… 好似 read 的意大利文系 leggere，但第三身單數的時候會系 legge， 但同時可以解做法律（當然系睇上文下理點接），佢寫 law 當 read （明顯地系翻譯用具） ，老師明就怪……我話，我幫你執下，唔會改曬，起碼睇得明就算。
改好俾佢交……唉，如果唔系佢一定肥佬。
佢好開心，話好多謝我（當然要啦）佢D英文都唔系第一次系功課到搞成甘。
D功課老師會 comment， 佢話，老師俾 comment 佢，好多時候都話，
其實都好難明佢想表達乜……只能意會，但會俾個 MC 佢肯定佢系知道個答案先俾佢 pass。所以佢讀得幾辛苦…… 我都知道，意大利無D甘課程。英文唔好都會頂硬上。

之后個課程有D時間，佢話會補習一下D英文，
一定要啦，之后G2 仲深，主要講遺傳基因同遺傳病……如何挑選同配種。
D英文唔掂一定死得快。
我自己都驚，雖然自己都睇埋好多，但因為睇得好雜，可能仲衰。
挑選同配種完全無經驗，挑選經過4年不停甘睇D貓
大概知道，但用血統書同 line cheasing 挑選的時候，就真系頭都大

英雄公主娘 G1 成功過關

6周的課程完成，（其實過咗7個星期，因為一個周末系復活節，老師都要休息下）。
上星期二結完滿束后，等待通知 - 5月14日辦學的老師 mail 我

恭喜你！你已經完成并通過 G1 - Cat ownership 的課程。我們希望在今秋可以在 G2 - Cat breeding for beginner 再跟你見面。

課程詳情以及公主、英雄最新情報將后補。追公司D嘢同意大利文網站更新先！！！！

哀掉

好耐無寫呢個 blog，
本來想留待寫好消息，但實在忍唔住，
老友郁記的其中一只愛犬移民彩虹橋。
呢段日子都日日系 fb 睇住，好擔心……希望有乜可以幫就幫下，
雖然都知道幫唔到D乜，只能夠系精神上的支持。
cross fingers 求神拜佛咩都出曬，
但好可惜所有的百寶都不得到神的寵幸……
現在，我希望郁記唔好傷心，唔好難過（我知道非常難……）
堅強地繼續專心照顧另一只愛犬。
FORZA!

報告一下

呢輪忙到懵…… 呢張系上星期的相，但無時間上 blog
英雄同公主開始親密D 我地都可以放松一下。

最大的變化系加咗第三個貓廁所之后，有一個佢地兩個共用的，各貓又有一個，所以和諧好多。

小英雄再過兩日就足4個月大，
湊佢其實比公主容易……因為呢只大食怪，
無乜唔食，放底幾多食到照鏡，唯一麻煩系
公主食得慢，小英雄食完就走去偷公主D嘢食。
公主俾佢騷擾就走人……
所以要盯住佢兩個食飯。費事小英雄食過量。

小英雄開始識得坐膊頭，佢好跟人，
但都好獨立，無人理佢會自己坐埋一邊瞓。
一玩就顛，有時公主怕咗佢，唔想玩就炳佢兩嘢。

肥仔…… 2公斤有多，長40cm（唔計條尾巴）



好趕甘報告一下就要 offline，因為趕住做功課，如果有上 fb 的老友就知道我系到讀緊個 cat ownership 其實系 breeding  course 三步曲的第一步。6個星期的課程，難應該就唔會，但功課都幾多，最麻煩系要做 group assignment （1組3人，個個星期換人），要聯絡唔知道系歐洲定美國澳洲的同學做一份1星期內要起貨的功課難度最高！大家都有自己嘢要做，仲要2份獨立 assignment 要交再加呢份 group…… 大家所住的地區真系好鬼唔同，我第一組一個系英國一個系美國就時間睇功課都就到懵。唔講住，要趕呀！！！

英雄長征

2 小時在丹麥的車程，7小時的酒店住宿，5分鐘的火車（酒店去機場），2小時候機室等候（多謝丹麥的保安，預備咗間房間俾小英雄離開個貓箱3分鐘，幫個箱做 X-ray ）、2小時15分鐘飛機、15分鐘等穿梭巴士（去停車場）、10分鐘穿梭巴士車程、45分鐘車程到羅馬新的家。第一日系封閉的 cat proof room，第二日解封都系 cat proof room 到，第三日公主終于俾小英雄出黎巡視新的屋企！全程小英雄（系丹麥的2小時車程唔知道）都無喊過，好堅強！系飛機可能喊過但太嘈聽唔到，失聲到第三日終于聽到佢的 meow！

好多謝個 breeder，佢地系一對上了年紀的夫婦。特別開2個鐘頭車21：30到哥本哈根送小英雄到我地手（回程又2個鐘頭）。仲有4大包貓餅（我都唔好意思收甘多，最后話會過重收下2包）、3罐貓罐頭（有大有細）、玩具、貓碗同我地要求的貓布。好感動，佢地話系呢胎小貓中最愛就系小英雄，但佢地感覺我地系一定會好疼佢，所以送到遙遠的意大利都會好放心。所有文件做到好足，連小英雄出世的時間同體重都有記錄，問我要唔要佢的成長表，佢地日日幫佢磅枰。我話我好相信佢地，所以暫時唔需要，到小英雄做老豆的時候，我需要佢地更多的幫助，佢地好好人，隨時歡迎我的問題。意大利的 breeder …… 點會甘好……

小英雄完全唔怕陌生人，見到人都可以玩（比公主的脾氣好得多），個 breeder 教導有方。

我叫公主爹去瞓，因為飛機系6：50起飛，4：50要到機場，我同小英雄系酒店玩到傻咗，等佢無甘多精力系飛機到喊，（所以我成晚系合埋眼1.5小時，小英雄瞓，我就瞓下）。

公主第一日因為見唔到小英雄，不過系聞到味，好緊張甘系間房外。到佢無甘緊張（其實佢系驚）就將D膠布同木板拆走，2貓相見，但公主就繼續好驚，但俾些許時間佢的隔住個網接觸，但公主第二日的時候唔俾小英雄離開間房，死守系門口。
第三日，公主要入小英雄間房間巡視，之后俾小英雄出房，但繼續保持距離。
同預算中的 plan 差不多。希望一周內佢地可以 rub each other.

玩咗一日之后，瞓足3個鐘頭！

呢個 blog 可能就快要改名

系到埝其實系咪要改……又真系可以唔駛改。
系咪都無乜點郁動，我地都系羅馬，
都系羅馬愛上挪威公主先…… 但3月8日之后，我地就唔只得公主一個……
多咗件，
已經有名有姓，有曬出世紙，仲未親身遇上（相唔出得，因為有 copyright)。
公主爹已經嫌佢個挪威名難讀，已經有個乳名出黎 （都系挪威名不過系1個音節）
我就想見到之后相處幾日先決定個中文系點。