G2 大功告成！

新鮮熱辣，剛剛收到官方的電郵。
英雄公主娘的 Pawpeds G2 Cat breeding for beginners 合格！！
8個星期過去，獲益良多。
好多系老師的經驗分享，我有問必答，
我D甘的數學低能，竟然D遺傳同計數的題目，
大部分都無乜點錯（我仲系好奇怪……）

電郵入面得7個人名，其余13個同學應該還在努力中。
G1 同 G2 都各有一頁系畢業同學名單，
有登阿娘個名，但唔俾大家睇啰。
因為一睇就知道邊個系我 
我應該系第一個亞洲人讀呢兩個課程。
我希望有更多的臺灣或香港的 breeder 會讀。
因為如果唔想再見到D寵物店賣貓的話，
做配育員有需要有教育，要知道點唔會變成 BYB（backyard breeder 黑市繁殖），點教育買家。
有興趣的 breeder 要先報讀 G1 想知道課程的內容，請 click 個 G1 同 G2。G1 考過之後先可以入 G2 如此類推。

雖然主辦的人同老師（又好奇怪地全部都系女人！！同學有男的，但老師全部都系女！！）全部都系 FIFe 的評判，或配育員，除咗一個系可以去 CFA 做評判……
我覺得佢系天才…… 瑞典D breeder 都叫佢做貓遺傳學天才！

期待，因為將會有再高級的課程。我問過老師，我話我仲未開始…… 一只貓都未生過……下一個 cousre 受唔受我玩咖…… 就算我即刻有一只貓女，都要等佢大，等佢“壞” 要成年我先有第一胎…… 因為個課程話要有幾年經驗先讀得…… 老師話，你通過到 G2 就可以讀高一班啦！唔好擔心甘多喔。下一班仲未翻譯，因為所有課程原文都系瑞典文，老師再加多D international insight （英，美同歐洲貓會D規例，各國當地法律又唔同）先可以變成“國際班”。系呀，D老師叫英文G course 做國際班，因為有法文同德文，仲會有丹麥文。但因為語言關系，都系當地人讀，系英文先系全歐洲，南北美洲多國學生一齊讀。老師有瑞典，比利時，法國…… 所以完全國際化，但最好玩（老師都話好玩）系國際班！因翻譯12個星期的課程，最快要到明年年中先開第一班，我有可能系第二班，所以有時間自修一下。不過話唔埋，我G1的時候系第三班，G2 我已經系第二班，有可能我下一班我第一班都唔定（超級希望）！！

老師透露，將會有個別品種的獨立課程！正！！ 緬因庫貓，緬甸貓，暹羅貓一定有（D老師咪就系呢幾個品種的配育員啰……仲有D成30年經驗……隨手系柜底抽的嘢都系一個課程），挪威森林貓已經聯絡一個識得英文有25年經驗的配育員，開始寫。其他品種如波斯貓，英短都有人開始寫，但無講系寫瑞典文先定英文先啵，所以超級期待！！但無講要唔要考過 G1 先可以報讀，呢樣等開班的時候報告下大家知道。

Pawpeds G2 完成，但未知道最后結果

未知道最後結果，因為第七周份組功課未改。
因為批改的老師屋企有事，所以要等今個周末先改。
其余兩份第七周的都 pass 咗。

第八周，一如所料，真系一人秀，
同 G1唔同，今次絕對系一人秀，三個題目，自選1條寫。
題目1， 信息小冊子 -  有關配育員的責任，目標再自選，對公眾，已經系配育員，或有意開始選配的人或未來貓主如何選擇配育員。
題目2， 特定品種的多態性， 自選一個品種，再自選3個基因座（loci），以最少200只貓作為基礎，計基因頻率（但條題目寫的時候系寫基因座頻率）。有幾多種方法可以用，點解摒棄某些方法，所選用的方法有乜利弊
題目3， 師徒制度，配育員的師徒制度（如果翻譯中文應該叫學長，但我覺得應該叫師徒）越來越模糊，甚至好多配育員都唔知道有呢個制度存在。問題在于好多師傅唔會教，或遠水救不了近火，點樣可以解決呢個問題。 有乜途徑。

就甘睇，好似差不多，我自己覺得第1條完全無挑戰性…… 因為有一份功課好似系甘上下，加上……做廣告宣傳之嘛…… 2張A4紙根本難唔到我。
第三條，我身同感受，要我俾 idea 完全唔難…… 6張A4紙游說D師傅……都唔系難。寫 plan 更加無難度……
對我黎講，最難系第二條題目，點解，講基因同遺傳果2課無講過乜嘢系基因座頻率，甘當然連點計都無講。完全系由0開始。

英雄公主娘超級犯賤…… 猶豫咗2日都系挑第二條黎寫…… 點解猶豫，我猶豫過兩日其實系到刮料，埝清楚要挑邊3個基因座做，品種唔需要埝，一定想挪威森林貓。有些小把握先話俾老師聽我做呢條。而一班20人，連我在內得4個挑呢個題目，6個挑第三條，其余第一條。
所謂把握其實都系無，但我埝一樣嘢，我錯都好，我學到嘢，因為 fail 第一次通常老師都會俾好多 hints 俾學生改，再改唔得，再俾 hints 改到全部 ok 為止。除非個學生自己放棄 fial 份卷。
我唔怕 fail 如果我真系改10次都 fail 唯有再由頭讀過，但我中間系學到嘢，如果我只系但求 pass 甘我讀黎做乜？？
2日……坐系電腦前面系甘搵質料，維基，多間大學的遺傳學學系D質料，甚至連獸醫的我都走去睇埋。最后搵到條方程式……邊到？系 Pawpes 我自己翻譯遺傳學果到搵翻出黎…… ，搵 Loci frequency 搵到去 population gentic 跟住睇到去 allele frequency，但點都搵唔到個叫 loci frequency 的嘢…… 但系 allele frequency 到搵到個叫 gene frequency!! 系咪死蠢…… 自己唔識的轉彎 loci 有時候會叫 gene！！兜咗個超級大彎，但就系甘睇埋好多理論，正。

搵200只貓，系德國，瑞典，瑞士，意大利同丹麥終于搵夠200只幼貓，連父母的 EMS code 都搵埋（一共53胎）就開始計做寫同。（都搞咗2日……改咗 N次，因為搵到新的料就埝系咪可以用…… 用得又寫過嘥……）

我無乜得可挑選，挑選最容易系 EMS code 到睇到的嘢，本來想做D其他，但……D貓得2-6星期……乜都睇唔到，都系靠 code 做好過，用 excel 自己搞個 system 等 excel 數好過（我連數筷子都可以數錯……）。連 vertical 都做埋（即父母果代），但個 vertical 個總數同個別每一胎根本無乜作用（當然要寫俾老師睇啦）。甘就專心計200只貓，但計的時候已經出現問題，幾多只貓系顯性純合，幾多系顯性異合？？！幣…… 再搵，搵到哈代-溫伯格（Hardy–Weinberg ）條定律，但無用……因為系 selected breeding!! 用唔到呀！！救命，唯有寫落份論文到話，我計唔到個顯性純合同顯性異合，就算俾我每一胎搵多4代，俾多4個星期我都系計唔出。兩代之間又唔可用比較……個 sample size 相距太遠，唔的啦…… 我只能夠將所有顯性的都當系顯性異合計。唯一方法系200只貓都做 DNA test 攞個 genotype 就有的計……甘就交功課……基本上無乜計到D乜……

交咗之後，第二日已經有 feedback

老師話，父母果代我有D嘢計錯（唉……都估到）佢又真系好好心機256只貓一只一只睇！問，有無系一個父親生超過1胎……哎呀……我真死蠢，無埝過呢個問題添！！

再問：你點識得哈代溫伯格定律？你知道唔知道 G3有一課系關于佢咖？！（我唔知道呀，青天大老爺！！）

開始覺得我一定要重做的時候，老師寫…… 整個 project 非常完整，用的方法都好適合，所有理論都非常正確，我非常高興地恭喜你，非常好的一份功課，我好欣賞并且好榮幸地通知你，你合格。

再寫老師所提出的問題如果你有興趣可以作答。因為大部分錯的都系上一代，而老師主要睇果200只貓，所以唔當系錯誤計入合格與否中。

我高興到流眼淚！但我系公司部菜腦到，份 excel 系自己部電腦到……無辦法即做，我仲要搵翻有幾多胎系同一個老豆（我又無留底……又要一胎一胎再睇過……）所以 feedback 老師話我今晚改咗 upload 個新的俾佢。答咗佢，我唔知道 G3 有乜內容，因為我唔識得讀緊 G3　的同學（瑞典文，英文等翻譯）。
夜晚改好個 excel 之後，準備 upload 的時候見到老師留言，叫我唔好 upload，我唔需要計過，將答案寫系 feedback 就可以。甘我就將寫好俾佢。

第二日再去睇，佢話，我好高興有你甘用心的學生。 全對。

其實我都好高興有呢班老師，因為佢地全部都系義工，無收錢，寫所有的 materials 兼翻譯，因為所有原文系瑞典語，有開德語同丹麥語，所以工作量完全唔少。每個星期同改21份卷x2 如果有組的功課就 7份，如果無組功課，系一個63份卷，抽出黎的時間系好多。因為改完唔等于完，如果有錯，要引導到個學生答中為止。所以完全唔容易。老實講21個學生，每位60歐元8個星期5個老師，D學費基本上都系夠維持個網站運作。我好多謝佢地的心血，我唯一能表達的就系，俾心機讀同做功課。

我知道有D同學卡住咗系第三周，第四周兩份功課，有D第二周都未搞掂……改到第八周都仲改緊……我都幾驚訝……所有老師協議，所有功課系六月4日要改好嘥，改到 pass 為止，如果一份唔 pass 都唔可以 pass G2。

所以我要等6月4日以后先會收到正式通知 pass or not。我等星期一睇份第七周組功課點（雖然都知道應該 pass，不過世事難料）。

安然進入第7周！

第三周的功課，最后都無問題，原來果兩樣漏咗的，
好隱晦地已經寫咗，但老師睇漏眼…… 因為實在唔夠明顯。
經過同老師的討論之后，佢再睇一次，話系，但實在系字內行間到幾乎感覺唔到。
但經過我地講一講佢又睇到，所以 ok。Pass 咗

第五周，3份都系獨立功課，錯1條。
其實都唔系凈我一個錯，問過其他同學，大家都誤解咗條問題系問
如果新生的幼貓系中途卡住咗，而且系尾出，應該點做……
但因為錯咗，個老師會再俾機會，甘就唯有一只一只字再睇清楚條問題，
原來系第5分鐘出現的事，即唔系中途啦！！
應該系第一次收縮，即……等，無嘢可以做。
除非到中途見幼貓卡住先要出“手”。Pass 埋

第六周，獨立功課，幼貓性別，都唔系太難，唯有2張差D俾佢考起，特別系我完全未有自己的幼貓。全中過埋。
份組功課系15條，中途同德國婆的意見太差異。我做 leader （一個最吃力不討好的位置）
份功課系俾父母的 EMS code 再俾幼貓2張相問幼貓系乜顏色同 EMS code
但無俾前面品種果個碼例如 挪威森林貓系 NFO，緬因庫貓系 MCO，
無咗呢個碼其實都幾大問題……因為有D品種，如 Ragdoll 系暹羅紋 (point 中文重點色） 但因為所有 Ragdoll 都系 point colour 所以個33 系唔寫。緬甸貓系33 但所有緬甸貓都唔會寫個33。但D幼貓細到根本唔知道佢系乜品種的時候，估餐死……最火熱的系 agouti 定 non-agouti。

最后系錯3條，但我救咗成6條（3條系 agouti，1條 silver, 另一條系 cream 老豆加 blue 阿媽，因為佢話個女得一個可能性，我話唔系應該系3個……），其中一條系我錯，因為只貓系 non agouti，德國婆對。佢就好意氣風發甘話，你睇，都話我無錯，我無理佢，費事同佢講話甘我救咗過6條你要唔要計下呢？
我主要系要所有都答對， pass 。
好在同組的葡萄牙佬，佢比較中立對待事情。
德國婆錯D乜…… D genotype 錯，
錯父母 genotype 甘幼貓可能性的顏色一定錯……
有幾條真系差D反面。好在葡萄牙佬系到，佢話佢覺得我寫果個系正確，
唔系真系唔知道點收科。
再改果3條，最后都系我同葡萄牙佬兩個自己“針”掂，
半采納德國婆的就送出去，（因為我系 leader 要我交先做準但都系問過德國婆有無問題，但佢見我同葡萄牙佬都同意系甘寫，佢反對都無用，又無理據，唯有話 ok)
好在都過埋……
葡萄牙佬話……佢同德國婆都已經系 breeder 咗好多年，佢自己3年，德國婆5年，
但D genotype 竟然系我呢個全新手最好。（因為葡萄牙佬第一次D答案同德國婆差不多一樣……走漏嘥眼……）
還好有個真系讀書的系組到，如果唔系錯超過一半真系唔知道點搞。
我話……無辦法，因為我無經驗，我只能夠系靠死讀，自己搵相睇，
將勤補缺啰。

第7周，應該系最后一個星期有 study materials。2份獨立功課，1份組……
算份組的一定又系勞氣，不過今次唔系我做 leader
最后果個星期應該同上一期一樣，黎個大考……將7課的嘢一次2份論文。
所以我會停止報告。專心搞埋呢兩個星期。
大家祝我好運吧！！（好驚…… ）

第三課，依然未明朗，第四課清關

今日第三課 group assignment 個 leader 浦頭
話原來要佢一個同老師交待答案，但佢剛感冒好翻，
所以今晚先整合遞交。

第四課，
功課1 同功課3 都全對
張血統書5個錯誤真系錯咗一個（我都估到……）
補答中埋（就系我一直都懷疑果個先系答案），可以休息一日（唔擔心個課程，公司D嘢繼續要做，無得休息），等星期四第五課開！

第三課，未明朗，第四課已經交咗功課等死中

第四課開咗，星期六同星期日好乖甘坐系到睇咗28頁所有 genotype 的 code
搞到我成腦都系 A-B-C-D-I-L-Mc-Oo(oy)spsp ww.....

D功課就系 Aa Bb CC dd ii Ll mcmc oy spsp Ss ww =？貓
dd-Ii-Oo + Dd-ii-oy 男的乜顏色，乜比率，女的系乜顏色乜比率


俾一份血統書搵5個錯處，但血統書上面的都系 EMS code 唔該同學自己解碼，
個碼唔需要俾老師睇，但你唔自己解碼一定搵唔到錯在哪里……
（我懷疑我系咪有1個系錯…… 等老師話我知道再話你知）
星期日早上，我對著英雄写佢個 genotype 出黎……  （話時話，佢應該系 AA-BB-CC-Dd-ii-ll-mcmc-oy-spsp-Ss-ww， A 可能系 Aa 但好難講要睇下佢本血統書先）
英雄公主爹见状况曰：阿娘你都系快D上樓上搞掂你份功課。


但第三課份 group assignment 補鑊中。
份功課系處境處理。FeLV 同 FIP 出現系貓場，但唔可以肯定系個貓場D貓出問題，如何處理。leader 系奧地利老師，但葡萄牙律師因為周末要忙出 show 所以星期五佢未等奧地利老師分配工作就分咗個 FeLV 俾我，佢自己啃個難搞D的 FIP，奧地利老師就留翻黎執漏（分配得好好呀）星期四交咗，老師話
FIP 有兩個 point missed!!
因為大家D時間都好唔夠，所以我都無特別留心挑剔人家的漏洞,
兼佢果部分寫得好好，系要非常小心睇，好刮空心思先可能埝到有乜漏咗。
但……大家3個人對住3日后的結果都好似唔系好知道漏乜，所以今次改變策略，
唔系等 leader 一個答老師，而系玩每人答老師2個漏洞，甘6個中應該仲有2個中。 等老師改。當然都驚老師話，唔該你地決定2個先交俾我，但唔嘗試點知道得唔得呢

第三課份獨立功課，共22題，
第一次交原來自己懵炳 send 錯咗個 wrong version…… 所以錯7題
老師話20題先可以 pass， 每一題，再仔細問叫我改。
其實7題入面我最后個 file 都系有5題錯。
錯在那里，錯在自己多心…… 同有錯的觀念（唔好睇到2代都系顯性就以為唔帶隱性！甘就錯咗3題，所以以后見到顯性都咪甘快手寫兩個大草落去。

另外2題，阿爸系紅色，阿媽系白色。紅色系顯性，白色系隱性。生出黎所有5棵花都系白色，請問阿爸同阿媽的 genotype 系乜？我答唔知道……因為系白色的機會系50%，點可能全部白色？？！ 一定有其他嘢無講，（所以我話錯在我心多……）

另一題仲衰

阿爸系紅色，阿媽系紅色。紅色系顯性，白色系隱性。生出黎所有5棵花都系白色，請問阿爸同阿媽的 genotype 系乜？我都系答唔知道……因為俾盡都只有25%
就系呢兩題，個老師話唔可能唔知道，問：顯性系乜符號，隱性系乜符號，甘點可能唔知道呢？

下…… 甘我咪跟住佢甘問，我又甘答，但我補一句，25% vs 100% offspring 普遍嗎？

補答結果，全對，（執翻身彩）老師用佢自己的選育經驗例子解釋我（佢系 breed SIA -暹羅貓！超復雜），個比率唔一定系可以反映實際情況，佢用佢同一公一母的兩胎出現的顏色offspring 的分別解釋我聽）好多時候就系因為認為隱性出現的機會唔大，俾個比率呃鬼咗，所以好多時候就系甘，錯配咗D有問題的貓出黎，因為好多時候有遺傳病系隱性。所以要我地明白的唔只系選育顏色或特質，連遺傳病都要對隱性基因好小心處理，唔好以為一只系無隱性基因而另一只有，就一定會配一半的帶隱性遺傳病基因的貓出黎。（真系要玩到查4代……第4課，實際上真系要追蹤10代）

第二課

復活節休息一個星期，
但第二課的組論文搞足一個星期…… 好在有個星期休息的時間去搞翻掂
其他兩份獨立功課都 pass 咗
但組功課因為3人一組，我點堅持自己的論點都無用，另外兩人唔同意之下
交咗第一次，彈翻轉頭。
原來我的論點完全正確，當一個基因池出現太細的情況下，
過分嚴苛的選育只會令個基因池太細而出現更多遺傳病問題。
本來4公7母貓，我保留4公6母，但其他兩位呢……挑下挑下就得翻2公3母……
咬到面到青埋都無用，因為我自己未系正式配育員（正式的意思系繁殖過一胎貓）
所以另外兩位雖然資歷都唔多2年……但點都叫多過我的情況下，
唯有上咗，彈翻轉頭的時候其中一個仲非常唔憤氣……
我仲要做埋心理醫生……唉……我但求份論文過，唔系就肥埋我。
最后咪攞翻我最早 draft 過分出黎用，pass 咗。
所以我都系要對自己有D信心。

G2 第一周安然過去

3 份功課，頭兩份獨立功課，
1.1 pass good 關于本地法力同貓會對貓的住宿規范。貓會的都系過幾條，意大利呢…… 全部都系俾狗，但搵到一堆系大圍料，俾所有畜牧業的，頂住下，個老師都知道意大利系無特別法例系專俾貓，所以覺得我好用心做份功課。所以俾個 good
1.2 approved 呢份比較麻煩…… 問屋企如果要有一只繁殖用的貓公，要檢討自己的居住環境而做，寫好之后，（因為我地暫時無可能系花園到整多間屋俾英雄嘛……）個老師回復我突然問，如果你可以有一個系屋外的地方整，你會點整？下…… 哦，甘又寫咗320字（30分鐘搞掂）因為我已經“遲”咗（唔關我事，因為個系統無發到我份功課俾改卷過果老師，好在我系甘問，終于知道邊個改， mail 佢話我睇唔到佢改咗先知道原來佢無收過！！所以即晚搞掂曬）。回復： Nice work approved。
最后一份系同兩個同學一齊做，如何 promote breeder's responsibility to existing breeder, new breeder and general public
1個系荷蘭，1個英國，我系意大利，3個人2個 Fife 英國的系 另一個貓會。
荷蘭小姐失蹤幾日，最后都出現，因為佢老爺入咗醫院，但佢最后俾咗2個good idea 出黎。
英國的都有好多 input， 我自己做 leader，通常都系第一個發所有 idea 逼其他人快的交嘢出黎，（呢樣好 work，因為D idea 其實都系果幾個，我有3個行貨加幾個發神經的，俾佢地搞腦汁出料） 等到最后一分鐘整合嘥。
Excellent

周二剛開始，比較深，最慘系要我計數…… 我連數筷子都可以數錯的人，計數等于叫我去死……
今次我唔系 leader 松口氣，但 idea 又系我第一個發（唔系大家攬住一齊死……）我發咗就可以安心做兩份獨立功課（都幾難……）
報告完畢，開工做功課，平日太多嘢做，無乜時間理……