時間飛逝，美人在羅馬一個月，足5個月大

一日一日長大的美人

（備註：26日當天天氣很差，唯獨客廳這一個位置才有15分鐘的陽光。

後面的畫，全是出自我筆下）

美人出塞

2009年英雄長征，2010年美人出塞！

美人的配育員夫婦非常好人，老公開車由 Vimmbery 車我地到 Malmo （4個鐘頭，中途停，大家休息下） 

瑞典最南端同丹麥接壤的城市，再坐火車20分鐘左右到哥本哈根機場。

2個鐘頭等上飛機，點知道延誤，等成3，4個鐘頭，

2個半鐘頭左右的飛機，到羅馬，再⋯⋯塞車（系機場入面⋯⋯幾離譜！）1個鐘頭多先到屋企。全程14個鐘頭。

路途其實仲長過英雄，中間透氣位都短D，但美人好乖，等 boarding 太耐，個籠太細，唔想佢辛苦，放佢出黎，系機場甘多人，又跟住個陌生人，無媽媽，婆婆，公公同配育員夫婦，佢都好乖，坐系我大脾四圍望。抵讚。

一個星期已經過去。佢同英雄好投契，玩到顛

 系沙發到玩捉迷藏。

公主害羞，同怕怕地美人，所以保持距離，但可以同床異夢

講講美人的配育員夫婦，兩個都好好人，兩個都有自己的事業，

太太系當地某小型集團的行政和財物管理第二頭目。

丈夫系全球最大的專業釣魚用品銷售（批發），自己也有一間賣釣魚用品的店鋪，另一嗜好系釣魚。

做配育員因為兩個都愛貓，跟住就走上貓展同選配之路。

佢地方向好清楚，一家9貓只有3隻母貓（包括美人的媽媽）系有繁殖能力。

其他的都已經退休，但都有出展（因為貓鍾意去貓展玩，佢兩個陪D貓去，又見下其他貓友）

其中一隻比較年輕的在發情中，太太話，等佢發情完畢要同佢絕育。

我問為何？佢（貓）技術性而言非常好，無任何特別問題。

佢答，佢（貓）唔俾人摸肚子，性情不夠好，遺傳不了媽媽（9貓之一，也時另外一隻未絕育的母貓）優秀的性情，

得了爸爸優秀的某些特質但也得了一些壞脾性，

擔心有了幼貓會不餵哺，所以決定幫佢絕育。

雖然已經系國際冠軍，有點可惜，

但他們的選育第一要求系性情，所以情願幫佢絕育。

一個晚上談論天南地北（太太廚藝非常好！）美人的婆婆成晚坐系我大脾唔肯走，早餐時間又系坐系我到，其他的都要同我玩。

太太話美人的婆婆技術性而言唔系特別好，但佢最好的就系性情，

所以佢地選佢配育，而得得幼貓大部分的脾性都超好。

當中當然有關選配界的八卦一二事情，貓展趣事，同選配目標，貓飲食，行為等等。好爽！4個鐘頭車，同配育員老公交流好多選配的問題，包括有好多人反對純種貓選配，純種貓配育員的操守等等。感覺瑞典選配方面的人的質素同操守都好高。

佢地屋企9貓，9個貓廁所（每間佢地可以自由出入的空間都最少有1個），D貓一齊生活好和諧。個屋企差不多250平米（大約2500平方尺）一層，無樓梯，另外系屋外有一個戶外空間，系廚房有貓門可以出去，計畫整第二個戶外空間，由睡房出發（地下已經鋪緊，但冬天要停工，等3月繼續）到處都系貓玩具，非常乾淨。介紹下9貓先（唔系全部，因為佢地周圍走，無時停）

最前的系公公（美人媽媽的爸爸），佢超級靚仔！！

不愧系08年 絕育組 World Winner 

美人後面的系婆婆（美人媽媽的媽媽）

趕路中的系美人媽媽，後面望鏡頭的系婆婆。

美人同婆婆（婆婆系母貓老大）玩緊（條尾巴）

太公（美人媽媽的爸爸的爸爸）佢系雄性的老大，又系靚仔一名！

早餐桌系只有佢同美人婆婆可以坐，其他貓唔會上呢張桌。

太公同美人

配育員老公親手做的玩具，

美人同弟弟妹妹離開的時候，

一貓有一件。

成件玩具都系釣魚用品（貴到顛的果D）

配育員夫婦將美人的成長體重同所有文件，照片整成本書，好感動，佢地真系好愛自己的幼貓。連我地獸醫見到本書都話，都唔需要點驗，佢一定健康無問題，無謂 stress 呢個甘乖的小妹妹，都系由頭睇到尾，本來話要驗便，都話可以 skip 埋（佢系獸醫到翻黎先開大⋯⋯）。我話俾配育員太太知道，佢話美人的妹妹剛系法國的驗血報告出佐，FIV 同 FeLV 都 －nev 所以美人都應該系 －nev 可以等照超聲波（心同腎）的時候先驗（1歲）。

我要改名，個博客都要改名

明天起程到哥本哈根，再坐5個小時的火車（轉3次）到瑞典中部。

系配育員屋企度宿一晚，可以同10件冠軍貓一齊系沙發過夜！

後日回程的時候跟對方商議好，來回日期其實系對方提出。

我本來計畫系最早的飛機到斯德哥爾摩，5個鐘頭火車，留一個鐘頭，坐19：00的火車半夜到哥本哈根，等7：00鐘的飛機翻羅馬，甘美人有7 個鐘頭系兩程中間休息。但美人的配育員覺得甘我會太辛苦自己，佢都唔想美人辛苦，

因為正常系回程5個小時的火車，再加2個小時機場 check-in 再加2個半鐘頭飛機。再到羅馬開車1個鐘頭到屋企⋯⋯ 大家都擔心小美人會太辛苦。中間無 long break。可以放美人出黎走動下，同無得去廁所！！

所以美人的配育員提議，佢老公星期五會到瑞典南部，

我星期四到，甘我坐順風車，佢老公車上有一個大到可以放個廁所的 carrier，

俾狗用的最大果種，平時佢帶美人同2個妹妹同1個細路去獸醫到，會帶埋媽媽一路陪住佢地，所以個 carrier 要夠大可以全家入得噻。 

美人就唔需要甘多個鐘頭唔飲得水，唔食得。

我話甘我出汽油錢吧，配育員話唔要，佢老公因公到南部，

佢地好高興可以陪美人多5個小時。

點解叫美人，因為佢叫 S* Vimmerskogen Isadora － Isadora 一套經典電影中文譯名“絕代美人”，個名系配育員改，出世後2星期已經改佐，個名好義大利，但同我地無關！

美人系大家姐，其他弟弟妹妹都已經離開，佢系最後一個，因為英雄上星期六出展，之前唔可以帶美人翻黎，唔系唔知道顧得邊個⋯⋯

剛好英雄出展完畢，要隔離一個星期，就剛剛美人到之後佢可以出關。等星期一美人去獸醫到檢查一下，等多幾日，佢就可以出關。可以同公主同時間見美人，唔系就會前後腳。

英雄出展，贏埋最後一張 CAC 證書，等佐成9個月終於系國家冠軍。仲 BIS （Best in Show）入圍。無捻到個結果甘好，佢甘耐無出 show 都擔心佢好緊張，個會場又熱，差D我地走人，點知道評判就叫91號⋯⋯個法國評判好鍾意英雄，佢話個 expression 好好，俾個 Ex 1 佢（CAC）本來捻，甘好，我地鼠走，等收的時候先去收張 cert （卷D野系籠入面扮英雄系入面，因為之前公主我地試過得 ：P）點知道評判話，等再叫比 nomination ：S 走唔甩添！！我仲懵到以為系同挪威森林貓比入 nomination 再同其他品種再比入圍，因為台上我見唔到其他貓，個評判好好，佢系一隻一隻叫上台，英雄系最後，之前我同英雄公主爹都系背住個台，所以乜都見唔到，上台後，個評判向觀眾解釋挪威森林貓得標準，英雄又乜特別出眾，no cat is perfect 評判又解釋英雄可以點再好D，跟住話 "This cat is a very good sample of a Norwegian forest cat adult male, he is my preference today, and I nominate this cat for the BIS"！奇怪⋯⋯已經入圍？？

其他配育員朋友問我開心嗎？我話⋯⋯無感覺⋯⋯最好唔好入圍，快D 帶佢走，唔系熱到佢個口合唔埋。佢地笑，話都知道我會系甘答，叫我地忍下。濕下英雄個頭同鼻梁。

到 BIS 的時候都驚英雄甘耐無被 Steward 托過成年，佢上年已經唔定，今次仲甘耐無出 show 驚佢會走貓，但個 Steward head 好好，話佢甘緊張，由佢出馬托佢見評判。佢又好乖，成場無出聲，系甘任D評判舞。Steward 托起佢， 佢又無周身郁，輸佐 BIS，無所謂，steward 落黎話，英雄好乖，個樣系緊張，但無動作（另外一隻，一上台 Fiiii 評判，即刻入籠 disqualify）。

點解等甘耐⋯⋯如果大家記得，佢剛一歲得時候，我地帶佢去照 HCM 同 PKD 順手驗血（FIV 同 FeLV）無佐D 毛，等成7個月先長到差不多。俾佢出Show 都系想知道佢一年有無變化，我地日日見住佢，知道佢系長佐，高佐，但同其他挪威森林貓比較，佢系米正常，定太瘦，又乜出眾的地方，呢D出眾的地方仲 valid 嗎？一樣我可以肯定，佢性情超好。美人的配育員都系以性情為最首要的配育條件。（當然近親繁殖再之前要肯定個比率底先會考慮），外觀隨後，但大家都希望保持挪威森林貓的體型骨骼壯大的特色，毛髮的特質為優先外觀配育條件。因為好多挪威森林貓現在變得輕盈同細佐幾個碼！！（英雄贏其他2只挪威森林貓得原因都系佢骨骼同毛質都系“正常”挪威森林貓應有得特質）

所以同美人的配育員很合得來，大家的方向都好一致。大家都唔會大量繁殖，大家都希望自己的幼貓都又一頭好愛佢的家人。大家都系以保持挪威森林貓標準為目的。

翻黎之後我要改名，英雄美人公主娘。公主都系我地心肝寶貝，唔會少佐佢！

懶到盡頭，盡地一次貼噻D相

好耐無俾大家睇兩件如何，因為忙（其實懶都系其中一個借口，但真系連星期六日都開工……所以無時間寫下博客……）今次就一次貼噻D相啦！滿足噻大家的愿望。
早上經常見到的情況

下午公主就會瞓成甘……超人貓1號
呢張系佢絕育手術後第一張同大家見面的相，
佢肥咗好多，但卻非太肥，
正常肥少少，復原時間其實比較長……
因為前獸醫2年來積壓下來的抗生素加無醫療妥當。
所以比一般的絕育手術後復原時間長。
我所謂的長，系公主變翻做自己，鐘意自己玩，自己想象有老鼠系樓梯的全面身心復原。身體其實佢復原得好快，但心理就好耐……

佢瞓到翻轉，點解……有時候系我 Ttouch 完佢，
有時候系太熱,但佢又會縮埋對手一舊甘瞓……

超人貓2號……
佢D毛終于出翻曬

呢個位系佢早上，中午都會瞓，
一系就走入房床底（夠噻涼，特別系開完冷氣之後）

佢好鐘意我地系呢個時候搞佢手板。

其實佢地依家如果唔系英雄太爛玩，
公主唔系太累，唔想玩
佢地都幾老友。




呢個博客……又會改名……我做阿娘，唔會偏心，
所有“細路”D名都會系博客上出現
大家等下啦。我希望新的“細路”順利抵埗……
之前唔順利的唔寫，費時大吉利是。

G2 大功告成！

新鮮熱辣，剛剛收到官方的電郵。
英雄公主娘的 Pawpeds G2 Cat breeding for beginners 合格！！
8個星期過去，獲益良多。
好多系老師的經驗分享，我有問必答，
我D甘的數學低能，竟然D遺傳同計數的題目，
大部分都無乜點錯（我仲系好奇怪……）

電郵入面得7個人名，其余13個同學應該還在努力中。
G1 同 G2 都各有一頁系畢業同學名單，
有登阿娘個名，但唔俾大家睇啰。
因為一睇就知道邊個系我 
我應該系第一個亞洲人讀呢兩個課程。
我希望有更多的臺灣或香港的 breeder 會讀。
因為如果唔想再見到D寵物店賣貓的話，
做配育員有需要有教育，要知道點唔會變成 BYB（backyard breeder 黑市繁殖），點教育買家。
有興趣的 breeder 要先報讀 G1 想知道課程的內容，請 click 個 G1 同 G2。G1 考過之後先可以入 G2 如此類推。

雖然主辦的人同老師（又好奇怪地全部都系女人！！同學有男的，但老師全部都系女！！）全部都系 FIFe 的評判，或配育員，除咗一個系可以去 CFA 做評判……
我覺得佢系天才…… 瑞典D breeder 都叫佢做貓遺傳學天才！

期待，因為將會有再高級的課程。我問過老師，我話我仲未開始…… 一只貓都未生過……下一個 cousre 受唔受我玩咖…… 就算我即刻有一只貓女，都要等佢大，等佢“壞” 要成年我先有第一胎…… 因為個課程話要有幾年經驗先讀得…… 老師話，你通過到 G2 就可以讀高一班啦！唔好擔心甘多喔。下一班仲未翻譯，因為所有課程原文都系瑞典文，老師再加多D international insight （英，美同歐洲貓會D規例，各國當地法律又唔同）先可以變成“國際班”。系呀，D老師叫英文G course 做國際班，因為有法文同德文，仲會有丹麥文。但因為語言關系，都系當地人讀，系英文先系全歐洲，南北美洲多國學生一齊讀。老師有瑞典，比利時，法國…… 所以完全國際化，但最好玩（老師都話好玩）系國際班！因翻譯12個星期的課程，最快要到明年年中先開第一班，我有可能系第二班，所以有時間自修一下。不過話唔埋，我G1的時候系第三班，G2 我已經系第二班，有可能我下一班我第一班都唔定（超級希望）！！

老師透露，將會有個別品種的獨立課程！正！！ 緬因庫貓，緬甸貓，暹羅貓一定有（D老師咪就系呢幾個品種的配育員啰……仲有D成30年經驗……隨手系柜底抽的嘢都系一個課程），挪威森林貓已經聯絡一個識得英文有25年經驗的配育員，開始寫。其他品種如波斯貓，英短都有人開始寫，但無講系寫瑞典文先定英文先啵，所以超級期待！！但無講要唔要考過 G1 先可以報讀，呢樣等開班的時候報告下大家知道。

Pawpeds G2 完成，但未知道最后結果

未知道最後結果，因為第七周份組功課未改。
因為批改的老師屋企有事，所以要等今個周末先改。
其余兩份第七周的都 pass 咗。

第八周，一如所料，真系一人秀，
同 G1唔同，今次絕對系一人秀，三個題目，自選1條寫。
題目1， 信息小冊子 -  有關配育員的責任，目標再自選，對公眾，已經系配育員，或有意開始選配的人或未來貓主如何選擇配育員。
題目2， 特定品種的多態性， 自選一個品種，再自選3個基因座（loci），以最少200只貓作為基礎，計基因頻率（但條題目寫的時候系寫基因座頻率）。有幾多種方法可以用，點解摒棄某些方法，所選用的方法有乜利弊
題目3， 師徒制度，配育員的師徒制度（如果翻譯中文應該叫學長，但我覺得應該叫師徒）越來越模糊，甚至好多配育員都唔知道有呢個制度存在。問題在于好多師傅唔會教，或遠水救不了近火，點樣可以解決呢個問題。 有乜途徑。

就甘睇，好似差不多，我自己覺得第1條完全無挑戰性…… 因為有一份功課好似系甘上下，加上……做廣告宣傳之嘛…… 2張A4紙根本難唔到我。
第三條，我身同感受，要我俾 idea 完全唔難…… 6張A4紙游說D師傅……都唔系難。寫 plan 更加無難度……
對我黎講，最難系第二條題目，點解，講基因同遺傳果2課無講過乜嘢系基因座頻率，甘當然連點計都無講。完全系由0開始。

英雄公主娘超級犯賤…… 猶豫咗2日都系挑第二條黎寫…… 點解猶豫，我猶豫過兩日其實系到刮料，埝清楚要挑邊3個基因座做，品種唔需要埝，一定想挪威森林貓。有些小把握先話俾老師聽我做呢條。而一班20人，連我在內得4個挑呢個題目，6個挑第三條，其余第一條。
所謂把握其實都系無，但我埝一樣嘢，我錯都好，我學到嘢，因為 fail 第一次通常老師都會俾好多 hints 俾學生改，再改唔得，再俾 hints 改到全部 ok 為止。除非個學生自己放棄 fial 份卷。
我唔怕 fail 如果我真系改10次都 fail 唯有再由頭讀過，但我中間系學到嘢，如果我只系但求 pass 甘我讀黎做乜？？
2日……坐系電腦前面系甘搵質料，維基，多間大學的遺傳學學系D質料，甚至連獸醫的我都走去睇埋。最后搵到條方程式……邊到？系 Pawpes 我自己翻譯遺傳學果到搵翻出黎…… ，搵 Loci frequency 搵到去 population gentic 跟住睇到去 allele frequency，但點都搵唔到個叫 loci frequency 的嘢…… 但系 allele frequency 到搵到個叫 gene frequency!! 系咪死蠢…… 自己唔識的轉彎 loci 有時候會叫 gene！！兜咗個超級大彎，但就系甘睇埋好多理論，正。

搵200只貓，系德國，瑞典，瑞士，意大利同丹麥終于搵夠200只幼貓，連父母的 EMS code 都搵埋（一共53胎）就開始計做寫同。（都搞咗2日……改咗 N次，因為搵到新的料就埝系咪可以用…… 用得又寫過嘥……）

我無乜得可挑選，挑選最容易系 EMS code 到睇到的嘢，本來想做D其他，但……D貓得2-6星期……乜都睇唔到，都系靠 code 做好過，用 excel 自己搞個 system 等 excel 數好過（我連數筷子都可以數錯……）。連 vertical 都做埋（即父母果代），但個 vertical 個總數同個別每一胎根本無乜作用（當然要寫俾老師睇啦）。甘就專心計200只貓，但計的時候已經出現問題，幾多只貓系顯性純合，幾多系顯性異合？？！幣…… 再搵，搵到哈代-溫伯格（Hardy–Weinberg ）條定律，但無用……因為系 selected breeding!! 用唔到呀！！救命，唯有寫落份論文到話，我計唔到個顯性純合同顯性異合，就算俾我每一胎搵多4代，俾多4個星期我都系計唔出。兩代之間又唔可用比較……個 sample size 相距太遠，唔的啦…… 我只能夠將所有顯性的都當系顯性異合計。唯一方法系200只貓都做 DNA test 攞個 genotype 就有的計……甘就交功課……基本上無乜計到D乜……

交咗之後，第二日已經有 feedback

老師話，父母果代我有D嘢計錯（唉……都估到）佢又真系好好心機256只貓一只一只睇！問，有無系一個父親生超過1胎……哎呀……我真死蠢，無埝過呢個問題添！！

再問：你點識得哈代溫伯格定律？你知道唔知道 G3有一課系關于佢咖？！（我唔知道呀，青天大老爺！！）

開始覺得我一定要重做的時候，老師寫…… 整個 project 非常完整，用的方法都好適合，所有理論都非常正確，我非常高興地恭喜你，非常好的一份功課，我好欣賞并且好榮幸地通知你，你合格。

再寫老師所提出的問題如果你有興趣可以作答。因為大部分錯的都系上一代，而老師主要睇果200只貓，所以唔當系錯誤計入合格與否中。

我高興到流眼淚！但我系公司部菜腦到，份 excel 系自己部電腦到……無辦法即做，我仲要搵翻有幾多胎系同一個老豆（我又無留底……又要一胎一胎再睇過……）所以 feedback 老師話我今晚改咗 upload 個新的俾佢。答咗佢，我唔知道 G3 有乜內容，因為我唔識得讀緊 G3　的同學（瑞典文，英文等翻譯）。
夜晚改好個 excel 之後，準備 upload 的時候見到老師留言，叫我唔好 upload，我唔需要計過，將答案寫系 feedback 就可以。甘我就將寫好俾佢。

第二日再去睇，佢話，我好高興有你甘用心的學生。 全對。

其實我都好高興有呢班老師，因為佢地全部都系義工，無收錢，寫所有的 materials 兼翻譯，因為所有原文系瑞典語，有開德語同丹麥語，所以工作量完全唔少。每個星期同改21份卷x2 如果有組的功課就 7份，如果無組功課，系一個63份卷，抽出黎的時間系好多。因為改完唔等于完，如果有錯，要引導到個學生答中為止。所以完全唔容易。老實講21個學生，每位60歐元8個星期5個老師，D學費基本上都系夠維持個網站運作。我好多謝佢地的心血，我唯一能表達的就系，俾心機讀同做功課。

我知道有D同學卡住咗系第三周，第四周兩份功課，有D第二周都未搞掂……改到第八周都仲改緊……我都幾驚訝……所有老師協議，所有功課系六月4日要改好嘥，改到 pass 為止，如果一份唔 pass 都唔可以 pass G2。

所以我要等6月4日以后先會收到正式通知 pass or not。我等星期一睇份第七周組功課點（雖然都知道應該 pass，不過世事難料）。

安然進入第7周！

第三周的功課，最后都無問題，原來果兩樣漏咗的，
好隱晦地已經寫咗，但老師睇漏眼…… 因為實在唔夠明顯。
經過同老師的討論之后，佢再睇一次，話系，但實在系字內行間到幾乎感覺唔到。
但經過我地講一講佢又睇到，所以 ok。Pass 咗

第五周，3份都系獨立功課，錯1條。
其實都唔系凈我一個錯，問過其他同學，大家都誤解咗條問題系問
如果新生的幼貓系中途卡住咗，而且系尾出，應該點做……
但因為錯咗，個老師會再俾機會，甘就唯有一只一只字再睇清楚條問題，
原來系第5分鐘出現的事，即唔系中途啦！！
應該系第一次收縮，即……等，無嘢可以做。
除非到中途見幼貓卡住先要出“手”。Pass 埋

第六周，獨立功課，幼貓性別，都唔系太難，唯有2張差D俾佢考起，特別系我完全未有自己的幼貓。全中過埋。
份組功課系15條，中途同德國婆的意見太差異。我做 leader （一個最吃力不討好的位置）
份功課系俾父母的 EMS code 再俾幼貓2張相問幼貓系乜顏色同 EMS code
但無俾前面品種果個碼例如 挪威森林貓系 NFO，緬因庫貓系 MCO，
無咗呢個碼其實都幾大問題……因為有D品種，如 Ragdoll 系暹羅紋 (point 中文重點色） 但因為所有 Ragdoll 都系 point colour 所以個33 系唔寫。緬甸貓系33 但所有緬甸貓都唔會寫個33。但D幼貓細到根本唔知道佢系乜品種的時候，估餐死……最火熱的系 agouti 定 non-agouti。

最后系錯3條，但我救咗成6條（3條系 agouti，1條 silver, 另一條系 cream 老豆加 blue 阿媽，因為佢話個女得一個可能性，我話唔系應該系3個……），其中一條系我錯，因為只貓系 non agouti，德國婆對。佢就好意氣風發甘話，你睇，都話我無錯，我無理佢，費事同佢講話甘我救咗過6條你要唔要計下呢？
我主要系要所有都答對， pass 。
好在同組的葡萄牙佬，佢比較中立對待事情。
德國婆錯D乜…… D genotype 錯，
錯父母 genotype 甘幼貓可能性的顏色一定錯……
有幾條真系差D反面。好在葡萄牙佬系到，佢話佢覺得我寫果個系正確，
唔系真系唔知道點收科。
再改果3條，最后都系我同葡萄牙佬兩個自己“針”掂，
半采納德國婆的就送出去，（因為我系 leader 要我交先做準但都系問過德國婆有無問題，但佢見我同葡萄牙佬都同意系甘寫，佢反對都無用，又無理據，唯有話 ok)
好在都過埋……
葡萄牙佬話……佢同德國婆都已經系 breeder 咗好多年，佢自己3年，德國婆5年，
但D genotype 竟然系我呢個全新手最好。（因為葡萄牙佬第一次D答案同德國婆差不多一樣……走漏嘥眼……）
還好有個真系讀書的系組到，如果唔系錯超過一半真系唔知道點搞。
我話……無辦法，因為我無經驗，我只能夠系靠死讀，自己搵相睇，
將勤補缺啰。

第7周，應該系最后一個星期有 study materials。2份獨立功課，1份組……
算份組的一定又系勞氣，不過今次唔系我做 leader
最后果個星期應該同上一期一樣，黎個大考……將7課的嘢一次2份論文。
所以我會停止報告。專心搞埋呢兩個星期。
大家祝我好運吧！！（好驚…… ）