搬 blog 中

系樂多越耐越想搬⋯⋯

今日dig起心肝開左先慢慢搬D舊文過黎。

唔知道搬成點。超忙中！！

由聖誕開始（12月5日）到現在無時停⋯⋯

舊 blog 無時間更新，其實因為懶⋯⋯好慢。

越慢越唔想寫⋯⋯

羅馬貓展，美人6個月，英雄2歲

英雄 groom 好等評判叫上台，佢上次出展之後，今次鎮定好多。

美人第一次出展，呢張系星期六早上影。

佢自己一個系個 box 到，英雄個 box 系隔離。

不過下午佢見完評判之後都仲系好唔定。

將佢放入英雄個 box 到，佢就乖乖地眠，

同開始食。佢好跟英雄，英雄做乜，佢就跟，

佢見英雄好乖甘眠，佢又跟住眠埋一份。

貓展佢兩個都各自系自己個組別贏了，但無更進一步的到 nomination。但我地已經好開心，因為英雄比之前鎮定。美人呢，第一次但星期日有進步。因為其他 breeder 朋友問佢第一日點，佢叫唔錯，無怪叫，無走貓，淨系評判手到亂郁，同揾阿爹（佢系 papa's girl），classic 第一次出展貓動作，3個朋友（有男有女）即刻圍住佢，叫我地走開少少佢見唔到。每一個都學評判甘抱起佢，對住佢講一論，跟住放佢落桌子，另一個接馬，繼續甘做，等佢習慣下系陌生人手上，見唔到阿爹阿娘都有安全感。星期日佢系評判手就好好多，但評判桌子上的玩具實在太吸引⋯⋯都系郁郁貢，但評判都會明，甘細對D玩具無興趣，隻貓一定有問題啦。

評判對英雄的評價，我地都心中有數，都系果幾樣，但有D系個評判根本唔知道想點（或點講話你隻貓點解唔入圍，其實以為太多主觀因素，根本講唔清，又怕比人鬧），就求其老作（都唔系第一次，所以每次都好期待評判老作比賽邊個贏）。

對美人呢，讚不絕口，其中一個（因為兩日分別見2個唔同的評判）仲以為佢系男孩子，跟住睇下佢張 from 系女孩子（張 form 無名，得號碼，EMS code 同出生日期）！佢成長得好好（我做阿娘的聽到呢句最安慰⋯⋯嗚嗚⋯⋯兩日嗚嗚左2次⋯⋯太高興）佢呢個年紀已經甘大唷！佢呢個年紀已經出齊D毛！（哇！）佢實在比公主同年紀的時候大少少，但毛就真系唔清楚，因為唔同顏色，D質地有分別，同英雄同年紀的時候比，佢又真系好少少，但可能系氣候分別（英雄差不多6個月的時候系夏天）。佢好挪威森林貓 look （呢樣我知道），佢耳朵上果D毛再長D更好（我都知道）但應該會再長（呢樣我都知道⋯⋯）條尾長度ok（我都知道，但另一個話佢條尾長我就唔同意⋯⋯英雄條尾就真系長，不過依家個身長左，條尾未跟得上所以長度變成正常）。個頭好三角，耳朵 setting 好好（我都知道，本來估計佢地話佢對耳朵再大會更好，點知道無人講，反正已經捻定點答⋯⋯我地 breed 貓，唔系兔仔⋯⋯）。反而話佢個鼻梁夠直，額頭夠圓，同個 chin 夠 firm，呢幾點我地本來有疑問，因為我覺得美人個鼻梁同額頭個個星期都唔同樣， 我自己覺得佢個額頭唔系真系好圓，個鼻梁有一小小地唔平，但俾佢張相佢 breeder 同其他 breeder 睇，都話系直（哦⋯⋯甘我唔應該對到甘 close up 睇⋯⋯成日俾人話 我眼有尺），英雄細的時候個額頭都系圓，但大下大下就平左。但兩個評判都甘講，就聽住先。英雄可能做左老豆之後佢個頭會再生，因為發現佢呢年得個身系甘長同高，個頭同條尾無改變，因為個評判有問佢做左老豆未⋯⋯未⋯⋯等阿女大（好在無問我點解唔俾佢 offer stud service⋯⋯）。

星期日多得朋友幫忙揾到兩個系佢地個 ring 的兩個 double box 我地本來訂就系2個double，系朋友們同一個 ring，點知道⋯⋯都唔系點知道⋯⋯義大利人系甘上下，到 ring 的時候發現系兩個 single！所以星期六搬左去另一個 ring 到，揾到雖然唔系隔離，兩個之間朋友已經安定好D貓，無謂要麻煩人家，當然即刻搬⋯⋯搬的時候，個 steward head 揾我（已經10點幾⋯⋯），話系我日本朋友叫佢揾我，因為無 steward 俾芬蘭評判（要講英文），下！已經開始成個幾鐘頭，個評判無 steward？！甘即系逼我上馬⋯⋯ 因為規定，一個評判要有2個 steward 幫手⋯⋯佢一個都無⋯⋯真系義大利人的管理方法令人大開眼界。唯有超快消毒兩個 box 搬好之後，著 Steward 制服，掉底兩個細路俾阿爹湊，反正朋友們系附近，無阿娘應該 ok 掛⋯⋯（唔系⋯⋯英雄呢個 mamma's boy 唔見阿娘就超緊張）。之後日本朋友同我講唔好意思，因為佢老公已經做左 steward 佢唔可以掉底 D貓走埋去做，但識講英文的無幾人⋯⋯我話唔緊要，一個好好的經驗，睇多好多野（一如以往我系甘追住個評判問野，因為其他品種的標準我唔熟），同好多未見果的品種！收場的時候 steward head 問我系第幾次做 steward，我話第一次，佢話仲以為我系有經驗⋯⋯（吹張⋯⋯唔怪得乜都唔話我知道應該點做⋯⋯好在評判講2句我已經知道要做乜），系甘遊說我下次做（因為甘辛苦，仲識得講英文的唔多），我話會，跟住⋯⋯俾左25歐元我！我話做乜？佢話做 steward 有薪水⋯⋯我話系呀，佢講笑話早知道我甘懵，節省佢25歐元 哈哈。評判俾張 cert 我，讚得好好，都好開心，雖然累到 PK。原來籌夠 steward cert 可以做學生評判！有朋友話，不如一齊讀咯⋯⋯好，但暫時未得，慢慢黎，太多野要搞，但做 steward 會照做。

話說回頭其實點解死都要翻朋友們所在的果個 ring 到？有朋友互相照應，走開都有人睇住D貓，一定會走開，2件分別見唔同評判，唔同時間見。朋友們分別出展3－8隻，所以大家照顧大家的貓，雖然大家的品種唔一樣，但反而先可以溝通。點解⋯⋯

星期六的時候搬左其他 ring，唉⋯⋯遇到另一個系羅馬的挪威森林貓 breeder，上次展的時候大家都有講有笑，我系一個超級坦白的人，我話佢知道我之後個星期去瑞典接美人翻黎，系 group 3，佢問我好多有關美人血系D野，我又好坦白甘分享。但到佢答我佢隻仔D野的時候，我覺得佢一系就唔知道自己講乜，一系俾人老點⋯⋯佢話佢隻仔（雖然都系挪威森林貓，但同英雄唔同組，所以無關係，就算同組大家上台拗手瓜我都覺得我無野會隱瞞）0％ inbreeding。我話好事，4代0％，英雄同美人都系近4代0％，全套英雄高少少5點幾，美人呢2點幾，佢兩個後代中和少少得3點幾（講緊全套23代）。佢話唔系呀，系全套（16代或以上）系0％？心捻⋯⋯下？！你無野呀麻⋯⋯邊有挪威森林貓前4代唔系 heavy inbreeding？到第8代都仲有 heavy inbreeding 出現啦 ⋯⋯ 所有品種貓都系由 inbreeding 開始⋯⋯無可能0％。算啦，佢可能之後會知道⋯⋯話佢隻貓名門出品 bla bla bla，我對系波蘭的 breeder 同血系唔熟識，不過知道大部分都系由瑞典入口，但果2個名我見過（人名又唔見我甘好記性⋯⋯哀）所以由得佢自吹自擂，（後來我好奇⋯⋯走去 check⋯⋯ 全套系6點幾 inbreeding⋯⋯我又真系好衰同⋯⋯好貓）。上次貓展之後都有聯絡，不停問美人D野，但我又無話佢知道我 check 佢隻仔，費事佢以為我有其他企圖。有問我又必答，佢對美人條血系有興趣系好事，最少系未來可能可以合作。點知道⋯⋯原來佢系買左一隻同美人同組（同顏色）的貓女，細美人一個月⋯⋯ 上次貓展的時候佢一定已經系訂左，但一直唔出聲，系到問⋯⋯系怕美人會贏佢隻貓⋯⋯我想死⋯⋯有乜甘大不了呢？

星期六有個女人（同一ring）走黎英雄面前問，佢系 Europa？我答系呀，佢即刻走左⋯⋯招呼都無句⋯⋯怪人，算⋯⋯後來果個羅馬 breeder （就叫佢做癡肥女人吧，簡單D）介紹個怪女人系佢朋友⋯⋯都系 breed 挪威森林貓（義大利北部）。佢有隻貓仔同英雄同組（同色）不過系幼貓組，英雄系成貓國際冠軍組，唯獨可能系 BIV 會碰頭爭 BIV（我又唔覺得有乜問題⋯⋯點解甘鬼祟⋯⋯）BIV佢隻貓仔贏左（星期六，星期日另一隻贏左），因為同 ring 所以聽到佢點奚落英雄同自鳴得意。我走埋去恭喜佢，大讚佢隻貓靚（呢樣系事實，我都知道英雄失分的地方，佢唔 perfect 但有我要的野）。佢個口丫大左3秒之後先識得講多謝。之後都系無辦法溝通⋯⋯佢好求其應酬我打發我走，甘算啦，我開第一步，人家道門繼續關著，我都無辦法。癡肥女人星期六早上有走埋黎睇美人，幾靚幾得意丫，甘就走左⋯⋯佢系自己網站寫佢個新女女的祖父母都系世界冠軍（我識得兩個世界冠軍的 owner）所以佢覺得如果佢個女如果唔系血統書未到手（法國人做野慢⋯⋯），出賽一定贏美人⋯⋯其實我無所謂，有唔同血系出現系好事丫。我乜都無再同佢講任何其他野⋯⋯無謂得罪小人⋯⋯但有去世界冠軍貓展的朋友（MainCoon)一見美人，佢好靚！未見過義大利有甘水平的貓（佢地去好多展，南到北個個城市都去齊），跟住問，佢好熟面口，好似系世界冠軍貓展見過（佢地當中D貓有贏世界冠軍或 BIV ）同佢好似樣的貓⋯⋯ er 系，佢超過一半的阿哥（超過一半，因為同一個老豆，阿哥媽媽系美人的半個姐姐，同一阿媽⋯⋯，所以照計系超過一半）系3－6個月幼貓組世界冠軍⋯⋯我地其實都好後知後覺（死未？）。朋友們：唔怪得啦！我隻就系輸左俾佢阿哥，唔怪得佢甘熟口面。佢阿哥真系超級靚，佢真系好靚女！！好高興義大利有甘級數的貓！義大利挪威森林貓有救啦！（睇⋯⋯佢地將會系我地 BIS 的最大競爭對手⋯⋯但抱的態度如此，難怪佢地之間可以合作，將佢地的品種質素提高）我都知道我系貓展怪人。有幾多 breeder 出展目的唔系贏 BIV BIS 呢？（有⋯⋯我咯）我D朋友好知道我地系甘，好似志在參與就算 ：P

去貓展我有自己一套理論，

一，俾我自己D貓適應下唔同的人，唔同的氣味，唔同的聲音，我屋企靜英英，最嘈果件叫電視機（淨8：30後先會開）⋯⋯ 有人到訪，但系自己地頭，佢地自然會無問題。最多系個個星期帶佢地出超級市場同游下車河一次，見到其他人，但都無貓展甘近距離同多 － 重要離開自己地頭渦！日後佢地就唔會見到陌生人就驚，亂陣腳。出街，去見獸醫等，都唔會覺得 stress，有自信同安全感。依家英雄同美人一上車就大眠特眠，話知你死，有 treats 照食可也。好多路人（路上，超級市場同寵物店）見到佢兩個系個貓箱到，都好驚訝問，點可能佢兩個甘鎮定，我隻貓出門即刻怪叫，賴尿⋯⋯佢兩個仲可以睇住D魚流口水⋯⋯見到狗想出黎玩（無俾佢地出⋯⋯人家店內玩破壞咩⋯⋯）公主呢⋯⋯自小缺乏訓練（我地之前無知⋯⋯），所以出門大嘈特嘈，依家好少少，但好 stress。其實好簡單，佢兩個（英雄3個月，美人4個月）個個星期都帶佢地游車河，英雄因為再細一D開始，所以佢好容易習慣，同佢 breeder 自細已經訓練佢坐車，出門；美人大少少開始，2次之後已經無問題，從來無叫（系突然開快佢會叫兩聲，依家已經無）。間中兩個都會叫，一系太熱，或⋯⋯阿爹手車太辣⋯⋯

二，同其他 breeder 交流。睇其他貓（同品種或不同品種），學到好多野。因為經驗唔會寫系書到。唔同品種有唔同的經驗，但呢D經驗可能系自己品種上派上用場。

如果出展為左知道點 select 同贏，呢個觀念絕對錯，評判見的只系呢隻貓的外觀，同非常主觀的評選（健康呢？特別系遺傳病睇鬼到⋯⋯性情可以估到少少）。作為 breeder 連自己個品種應該長成甚麼樣子才符合標準都唔知道？甘選配目標呢？連自己目標都唔知道，靠評判講就不停甘改目標乎？？甘點做配育員？？？評判唔一定系 breed 你個品種，佢地可能見果成千的同一品種同色的貓，知道國際間的分別，系同一賽事中佢的經驗話佢知道邊隻佢認為系靚D。如果做配育員唔理貓健康，只為贏而選配，只會導致破壞整個品種基因庫（gene pool）同品種整體健康。點解？有配育員為贏而選配 extrem type，身體越配越長 － 脊骨會有問題，鼻越短越好 －貓呼吸唔正常，耳朵越大越好 －頭骨改變導致其他問題。有D inbreed 到離譜。甘同搞破壞有乜分別？甘做配育員不如唔好做。如果為贏多幾個獎，D貓容易叫高價錢⋯⋯哀（已經聽說有如此3人）。

做配育員系終生學習，我好慶幸有好的師傅，佢同我講，佢已經系貓會所有貓品種的評判，已經選育30年，但仲有好多需要學習，做配育員，如果真心愛貓，需要非常非常虛心學習，因為呢個領域非常大，仲有好多地方佢甘老經驗都只系一個開始 － 佢開始學習。

貓展之後幾日，26號美人足6個月

28號英雄2歲，但天氣唔好⋯⋯無影相，但貓展影左算。等好天先補影啦。

時間飛逝，美人在羅馬一個月，足5個月大

一日一日長大的美人

（備註：26日當天天氣很差，唯獨客廳這一個位置才有15分鐘的陽光。

後面的畫，全是出自我筆下）

美人出塞

2009年英雄長征，2010年美人出塞！

美人的配育員夫婦非常好人，老公開車由 Vimmbery 車我地到 Malmo （4個鐘頭，中途停，大家休息下） 

瑞典最南端同丹麥接壤的城市，再坐火車20分鐘左右到哥本哈根機場。

2個鐘頭等上飛機，點知道延誤，等成3，4個鐘頭，

2個半鐘頭左右的飛機，到羅馬，再⋯⋯塞車（系機場入面⋯⋯幾離譜！）1個鐘頭多先到屋企。全程14個鐘頭。

路途其實仲長過英雄，中間透氣位都短D，但美人好乖，等 boarding 太耐，個籠太細，唔想佢辛苦，放佢出黎，系機場甘多人，又跟住個陌生人，無媽媽，婆婆，公公同配育員夫婦，佢都好乖，坐系我大脾四圍望。抵讚。

一個星期已經過去。佢同英雄好投契，玩到顛

 系沙發到玩捉迷藏。

公主害羞，同怕怕地美人，所以保持距離，但可以同床異夢

講講美人的配育員夫婦，兩個都好好人，兩個都有自己的事業，

太太系當地某小型集團的行政和財物管理第二頭目。

丈夫系全球最大的專業釣魚用品銷售（批發），自己也有一間賣釣魚用品的店鋪，另一嗜好系釣魚。

做配育員因為兩個都愛貓，跟住就走上貓展同選配之路。

佢地方向好清楚，一家9貓只有3隻母貓（包括美人的媽媽）系有繁殖能力。

其他的都已經退休，但都有出展（因為貓鍾意去貓展玩，佢兩個陪D貓去，又見下其他貓友）

其中一隻比較年輕的在發情中，太太話，等佢發情完畢要同佢絕育。

我問為何？佢（貓）技術性而言非常好，無任何特別問題。

佢答，佢（貓）唔俾人摸肚子，性情不夠好，遺傳不了媽媽（9貓之一，也時另外一隻未絕育的母貓）優秀的性情，

得了爸爸優秀的某些特質但也得了一些壞脾性，

擔心有了幼貓會不餵哺，所以決定幫佢絕育。

雖然已經系國際冠軍，有點可惜，

但他們的選育第一要求系性情，所以情願幫佢絕育。

一個晚上談論天南地北（太太廚藝非常好！）美人的婆婆成晚坐系我大脾唔肯走，早餐時間又系坐系我到，其他的都要同我玩。

太太話美人的婆婆技術性而言唔系特別好，但佢最好的就系性情，

所以佢地選佢配育，而得得幼貓大部分的脾性都超好。

當中當然有關選配界的八卦一二事情，貓展趣事，同選配目標，貓飲食，行為等等。好爽！4個鐘頭車，同配育員老公交流好多選配的問題，包括有好多人反對純種貓選配，純種貓配育員的操守等等。感覺瑞典選配方面的人的質素同操守都好高。

佢地屋企9貓，9個貓廁所（每間佢地可以自由出入的空間都最少有1個），D貓一齊生活好和諧。個屋企差不多250平米（大約2500平方尺）一層，無樓梯，另外系屋外有一個戶外空間，系廚房有貓門可以出去，計畫整第二個戶外空間，由睡房出發（地下已經鋪緊，但冬天要停工，等3月繼續）到處都系貓玩具，非常乾淨。介紹下9貓先（唔系全部，因為佢地周圍走，無時停）

最前的系公公（美人媽媽的爸爸），佢超級靚仔！！

不愧系08年 絕育組 World Winner 

美人後面的系婆婆（美人媽媽的媽媽）

趕路中的系美人媽媽，後面望鏡頭的系婆婆。

美人同婆婆（婆婆系母貓老大）玩緊（條尾巴）

太公（美人媽媽的爸爸的爸爸）佢系雄性的老大，又系靚仔一名！

早餐桌系只有佢同美人婆婆可以坐，其他貓唔會上呢張桌。

太公同美人

配育員老公親手做的玩具，

美人同弟弟妹妹離開的時候，

一貓有一件。

成件玩具都系釣魚用品（貴到顛的果D）

配育員夫婦將美人的成長體重同所有文件，照片整成本書，好感動，佢地真系好愛自己的幼貓。連我地獸醫見到本書都話，都唔需要點驗，佢一定健康無問題，無謂 stress 呢個甘乖的小妹妹，都系由頭睇到尾，本來話要驗便，都話可以 skip 埋（佢系獸醫到翻黎先開大⋯⋯）。我話俾配育員太太知道，佢話美人的妹妹剛系法國的驗血報告出佐，FIV 同 FeLV 都 －nev 所以美人都應該系 －nev 可以等照超聲波（心同腎）的時候先驗（1歲）。

我要改名，個博客都要改名

明天起程到哥本哈根，再坐5個小時的火車（轉3次）到瑞典中部。

系配育員屋企度宿一晚，可以同10件冠軍貓一齊系沙發過夜！

後日回程的時候跟對方商議好，來回日期其實系對方提出。

我本來計畫系最早的飛機到斯德哥爾摩，5個鐘頭火車，留一個鐘頭，坐19：00的火車半夜到哥本哈根，等7：00鐘的飛機翻羅馬，甘美人有7 個鐘頭系兩程中間休息。但美人的配育員覺得甘我會太辛苦自己，佢都唔想美人辛苦，

因為正常系回程5個小時的火車，再加2個小時機場 check-in 再加2個半鐘頭飛機。再到羅馬開車1個鐘頭到屋企⋯⋯ 大家都擔心小美人會太辛苦。中間無 long break。可以放美人出黎走動下，同無得去廁所！！

所以美人的配育員提議，佢老公星期五會到瑞典南部，

我星期四到，甘我坐順風車，佢老公車上有一個大到可以放個廁所的 carrier，

俾狗用的最大果種，平時佢帶美人同2個妹妹同1個細路去獸醫到，會帶埋媽媽一路陪住佢地，所以個 carrier 要夠大可以全家入得噻。 

美人就唔需要甘多個鐘頭唔飲得水，唔食得。

我話甘我出汽油錢吧，配育員話唔要，佢老公因公到南部，

佢地好高興可以陪美人多5個小時。

點解叫美人，因為佢叫 S* Vimmerskogen Isadora － Isadora 一套經典電影中文譯名“絕代美人”，個名系配育員改，出世後2星期已經改佐，個名好義大利，但同我地無關！

美人系大家姐，其他弟弟妹妹都已經離開，佢系最後一個，因為英雄上星期六出展，之前唔可以帶美人翻黎，唔系唔知道顧得邊個⋯⋯

剛好英雄出展完畢，要隔離一個星期，就剛剛美人到之後佢可以出關。等星期一美人去獸醫到檢查一下，等多幾日，佢就可以出關。可以同公主同時間見美人，唔系就會前後腳。

英雄出展，贏埋最後一張 CAC 證書，等佐成9個月終於系國家冠軍。仲 BIS （Best in Show）入圍。無捻到個結果甘好，佢甘耐無出 show 都擔心佢好緊張，個會場又熱，差D我地走人，點知道評判就叫91號⋯⋯個法國評判好鍾意英雄，佢話個 expression 好好，俾個 Ex 1 佢（CAC）本來捻，甘好，我地鼠走，等收的時候先去收張 cert （卷D野系籠入面扮英雄系入面，因為之前公主我地試過得 ：P）點知道評判話，等再叫比 nomination ：S 走唔甩添！！我仲懵到以為系同挪威森林貓比入 nomination 再同其他品種再比入圍，因為台上我見唔到其他貓，個評判好好，佢系一隻一隻叫上台，英雄系最後，之前我同英雄公主爹都系背住個台，所以乜都見唔到，上台後，個評判向觀眾解釋挪威森林貓得標準，英雄又乜特別出眾，no cat is perfect 評判又解釋英雄可以點再好D，跟住話 "This cat is a very good sample of a Norwegian forest cat adult male, he is my preference today, and I nominate this cat for the BIS"！奇怪⋯⋯已經入圍？？

其他配育員朋友問我開心嗎？我話⋯⋯無感覺⋯⋯最好唔好入圍，快D 帶佢走，唔系熱到佢個口合唔埋。佢地笑，話都知道我會系甘答，叫我地忍下。濕下英雄個頭同鼻梁。

到 BIS 的時候都驚英雄甘耐無被 Steward 托過成年，佢上年已經唔定，今次仲甘耐無出 show 驚佢會走貓，但個 Steward head 好好，話佢甘緊張，由佢出馬托佢見評判。佢又好乖，成場無出聲，系甘任D評判舞。Steward 托起佢， 佢又無周身郁，輸佐 BIS，無所謂，steward 落黎話，英雄好乖，個樣系緊張，但無動作（另外一隻，一上台 Fiiii 評判，即刻入籠 disqualify）。

點解等甘耐⋯⋯如果大家記得，佢剛一歲得時候，我地帶佢去照 HCM 同 PKD 順手驗血（FIV 同 FeLV）無佐D 毛，等成7個月先長到差不多。俾佢出Show 都系想知道佢一年有無變化，我地日日見住佢，知道佢系長佐，高佐，但同其他挪威森林貓比較，佢系米正常，定太瘦，又乜出眾的地方，呢D出眾的地方仲 valid 嗎？一樣我可以肯定，佢性情超好。美人的配育員都系以性情為最首要的配育條件。（當然近親繁殖再之前要肯定個比率底先會考慮），外觀隨後，但大家都希望保持挪威森林貓的體型骨骼壯大的特色，毛髮的特質為優先外觀配育條件。因為好多挪威森林貓現在變得輕盈同細佐幾個碼！！（英雄贏其他2只挪威森林貓得原因都系佢骨骼同毛質都系“正常”挪威森林貓應有得特質）

所以同美人的配育員很合得來，大家的方向都好一致。大家都唔會大量繁殖，大家都希望自己的幼貓都又一頭好愛佢的家人。大家都系以保持挪威森林貓標準為目的。

翻黎之後我要改名，英雄美人公主娘。公主都系我地心肝寶貝，唔會少佐佢！

懶到盡頭，盡地一次貼噻D相

好耐無俾大家睇兩件如何，因為忙（其實懶都系其中一個借口，但真系連星期六日都開工……所以無時間寫下博客……）今次就一次貼噻D相啦！滿足噻大家的愿望。
早上經常見到的情況

下午公主就會瞓成甘……超人貓1號
呢張系佢絕育手術後第一張同大家見面的相，
佢肥咗好多，但卻非太肥，
正常肥少少，復原時間其實比較長……
因為前獸醫2年來積壓下來的抗生素加無醫療妥當。
所以比一般的絕育手術後復原時間長。
我所謂的長，系公主變翻做自己，鐘意自己玩，自己想象有老鼠系樓梯的全面身心復原。身體其實佢復原得好快，但心理就好耐……

佢瞓到翻轉，點解……有時候系我 Ttouch 完佢，
有時候系太熱,但佢又會縮埋對手一舊甘瞓……

超人貓2號……
佢D毛終于出翻曬

呢個位系佢早上，中午都會瞓，
一系就走入房床底（夠噻涼，特別系開完冷氣之後）

佢好鐘意我地系呢個時候搞佢手板。

其實佢地依家如果唔系英雄太爛玩，
公主唔系太累，唔想玩
佢地都幾老友。




呢個博客……又會改名……我做阿娘，唔會偏心，
所有“細路”D名都會系博客上出現
大家等下啦。我希望新的“細路”順利抵埗……
之前唔順利的唔寫，費時大吉利是。

G2 大功告成！

新鮮熱辣，剛剛收到官方的電郵。
英雄公主娘的 Pawpeds G2 Cat breeding for beginners 合格！！
8個星期過去，獲益良多。
好多系老師的經驗分享，我有問必答，
我D甘的數學低能，竟然D遺傳同計數的題目，
大部分都無乜點錯（我仲系好奇怪……）

電郵入面得7個人名，其余13個同學應該還在努力中。
G1 同 G2 都各有一頁系畢業同學名單，
有登阿娘個名，但唔俾大家睇啰。
因為一睇就知道邊個系我 
我應該系第一個亞洲人讀呢兩個課程。
我希望有更多的臺灣或香港的 breeder 會讀。
因為如果唔想再見到D寵物店賣貓的話，
做配育員有需要有教育，要知道點唔會變成 BYB（backyard breeder 黑市繁殖），點教育買家。
有興趣的 breeder 要先報讀 G1 想知道課程的內容，請 click 個 G1 同 G2。G1 考過之後先可以入 G2 如此類推。

雖然主辦的人同老師（又好奇怪地全部都系女人！！同學有男的，但老師全部都系女！！）全部都系 FIFe 的評判，或配育員，除咗一個系可以去 CFA 做評判……
我覺得佢系天才…… 瑞典D breeder 都叫佢做貓遺傳學天才！

期待，因為將會有再高級的課程。我問過老師，我話我仲未開始…… 一只貓都未生過……下一個 cousre 受唔受我玩咖…… 就算我即刻有一只貓女，都要等佢大，等佢“壞” 要成年我先有第一胎…… 因為個課程話要有幾年經驗先讀得…… 老師話，你通過到 G2 就可以讀高一班啦！唔好擔心甘多喔。下一班仲未翻譯，因為所有課程原文都系瑞典文，老師再加多D international insight （英，美同歐洲貓會D規例，各國當地法律又唔同）先可以變成“國際班”。系呀，D老師叫英文G course 做國際班，因為有法文同德文，仲會有丹麥文。但因為語言關系，都系當地人讀，系英文先系全歐洲，南北美洲多國學生一齊讀。老師有瑞典，比利時，法國…… 所以完全國際化，但最好玩（老師都話好玩）系國際班！因翻譯12個星期的課程，最快要到明年年中先開第一班，我有可能系第二班，所以有時間自修一下。不過話唔埋，我G1的時候系第三班，G2 我已經系第二班，有可能我下一班我第一班都唔定（超級希望）！！

老師透露，將會有個別品種的獨立課程！正！！ 緬因庫貓，緬甸貓，暹羅貓一定有（D老師咪就系呢幾個品種的配育員啰……仲有D成30年經驗……隨手系柜底抽的嘢都系一個課程），挪威森林貓已經聯絡一個識得英文有25年經驗的配育員，開始寫。其他品種如波斯貓，英短都有人開始寫，但無講系寫瑞典文先定英文先啵，所以超級期待！！但無講要唔要考過 G1 先可以報讀，呢樣等開班的時候報告下大家知道。