本來無捻過寫,呢幾日系網上睇到唔少人寫。
好多都覺得佢系一個天才,有D覺得佢只系形象比較好。
每個人的感受唔同。甘寫黎做乜?
我其實唔識得佢,但佢對我影響好大。
我自問作為一個做 graphic design 的人,佢對我的工作同出版業的影響真系好大。
我欣賞 Steve Jos 的概念,要長期 think different 絕對唔容易
會乾塘,而且甘耐以來,佢都有能力領導一個團體(仲要唔系一個半個)去生產,
創作絕對唔容易。而且所有”作品“貫徹始終甘多年,亦非簡單。
我自己都 lead 過人,所以好明白個難處。
我好彩我剛離開廣告學校,出黎揾工,見到一個報紙廣告好吸引我。
英文,一個圓形上面 排字 (依家可能見怪不怪)。
果一年系1988年(所以我系一個老餅)。打電話約時間面試。
果間公司唔系乜 design house,唔系廣告公司,而系一間製作公司(唔系電影,只系打字,舊式沖菲林果種),公司系灣仔, 我話我好有興趣知道個排版點做得甘好,對方答系電腦。
有同師兄講,問意見,佢一口話:電腦?製作公司乍,你揾設計做好過啦,唔好浪費時間去面試。做打字妹。
我呢,好衰,我無聽佢講,我雖然得果18歲但就因為系18歲見下有乜壞?
見左唔一定請我,但我想睇下乜電腦甘厲害,定對方系一個騙局。
對方系一個新加坡人,帶我睇電腦-一共5枱蘋果,已經有2個女孩子做緊。
佢需要2個讀設計的幫手,睇完 portfolio 之後錠我俾大老闆(加拿大籍華人但唔識得中文)。
佢話佢系香港第一個引入蘋果的人,所以呢項投資對香港將來影響好深遠。
其實當時都唔知道有幾深遠,但聽住先啦。
甘就請左我。
我完全系電腦白癡,最後一次接觸電腦系12歲的時候讀果暑期寫程式,印象中的電腦系黑色屏上出現灰色的字 - 點會做到 design 呢?所以第一次見蘋果的時候簡直覺得- 哇!有人竟然為 design 整部電腦呀!!
印象中的電腦系好Q複雜,連 save D野之後下一堂我都可以揾唔翻⋯⋯
但果部蘋果 - 好簡單,我系無睇 menu 摸下玩下,竟然1個星期已經識得用 page maker 同 freehand (當年連 photoshop 都未有)。
由於當年蘋果系未兼容中文,隔離房有位姐姐系打中文,我見佢日日系甘推部機,射印中文字落菲林到再拎卷菲林去沖“米”紙(其實系白地黑字相紙)。
蘋果組就簡單好多,排版有噻所有功能,齊頭散尾,齊頭齊尾,分中,一按自己搞掂,我連計都唔需要計,整好 print 落白紙到對,無問題,直接由部電腦出“米”紙。
如是著我就變成第二批系香港學用蘋果的人! 但2個月之後我覺得⋯⋯
我要見同學的都夠,因為公司D job 都系來來去去差不多,無乜真的設計做。
所以3個月我就走左,但我個 resume 上面寫住“蘋果”竟然就幫助我之後揾工容易好多。
包括進入 4A 大廣告公司我都系因為廣告公司需要 set up studio 用電腦。
所以未入之前就請定我先,當然蘋果未到就用傳統手稿,
製作公司翻黎D字有錯有漏,又要 fax 翻去改,甘就系甘等呀,改呀。
跟住D art director 話唔鍾意齊頭散尾要整齊頭齊尾⋯⋯ 夜晚8:00
即刻10cm 橫的英文字一粒一粒切開排開 - 相對用蘋果一個按鈕搞掂絕對系天同地。
(仲要唔系一行,系8行⋯⋯)
切好排好,仲要求神拜佛佢唔好入黑房影“米”紙的時候跌(雖然已經系 rubber cement 但都會跌同移位)黑房哥哥影完出黎有影(甘孟開噻D字每個字之間當然有個位就變左影),要一條一條黑影執走⋯⋯ 個工程簡直大⋯⋯但當以前D人已經習慣甘做的時候,唔會有人捻 -點可以簡單一D呢?果刻我明點解個舊老闆話“蘋果對將來的影響好深遠”。
改變 -唔系一日,但個念頭只需要 - 用腦。
Text left-right justification is NOT an Apple thing..... I wrote word editing programs (in BASIC) when I studied in Polytechnic. I had also written image rotation, reflection and duplication programs in IBM PC.
回覆刪除However, Apple was without the doubt easier to use than IBM PC (or compatible) at that time, I think I have forgotten most of the dos commands though.
我都話我完全系電腦白癡,我只系一個 end user,
回覆刪除當年 page maker 同 freehand (Adobe) 系蘋果第一個 apply 俾 design/出版用 desktop publishing。
Win 系之後先兼容 adobe (但好鬼差,因為我有幾年系用 PC 用 adobe 經常死)
但蘋果對印刷出版業真系好大影響 - 數碼化。我記得90年代之前俾隻 PC 去印刷系唔得,D機全部系蘋果,系後期先兼容 PC。
以前淨系拎堆稿去“刨”分色片,影菲林,依家⋯⋯俾張碟(甚至 drop 過去)
中間D程序無噻,直出⋯⋯
用完幾年 PC 用翻蘋果覺得系一種“解脫”
而家PC用adobe好好多啦!
回覆刪除基本上, powerful嘅PC已經同apple差唔遠, 不過都係果句, 用apple嘅感覺會良好D! (呢D係我朋友講嘅!)
我第一次用電腦, 我記得係讀F4! 你12歲已經掂, 真係好利害嚕!
其實用 Apple 我覺得最好系唔需要年年搞防毒。
回覆刪除同我用電腦,唔系電腦玩我。
你都知道我系做 graphic, D 圖好大。我同時開 illustrator, flash, photoshop, quark, 部 PC 炸左啦。