再追加，11月但全講貓

1.無相睇的嘢
消除基因突變：不可能的夢想 繁體版本，都系講貓選育，同配育員須知的概念。

未有時間翻譯住，等12月有時間休息一下先…… 好鬼辛苦。
最后公司俾我一日翻譯5500字的目標，雖然少咗，但都都系要做餐死。

英雄11月攤系沙發瞓的樣，因為壁爐好暖，佢就好開心甘攤開噻黎瞓，
佢太長……就到條尾，就對手仔入唔到鏡頭。我又唔想郁，如果我郁動佢就會卷翻埋，就影唔到佢呢個款。

英雄上電視
因為貓展，俾拉齊奧ANFI貓會主席叫咗去上電視做 promo。
大家可以見到英雄外，見下我老公個樣（唔好錯過，因為我從來都唔 post 我自己同我老公個樣系 blog 到）。
我無出鏡，因為只限一貓一人。（好彩走得甩）
但熱到兩件嘢死死下。

11月21、22日羅馬貓展
挪威森林貓公開組（成貓）10個月以上 第4組黑色深淺環紋組冠軍。
奇怪的系……佢呢種最典型的挪威森林貓顏色竟然得佢一個，
仲要系唯一一件挪威森林貓雄性成貓！其他唔系雌性就系幼貓。
所以贏出唔難……但去之前就驚驚地，
贏多一場就可以贏到國家冠軍的頭銜，但要等等…… 因為之后果D老甘遠，
12月12日有兩日系 Tuscany 北，但因為 吧渣個女要領洗，
走唔甩（吹漲，非常討討厭的吧渣）12月12、13日羅馬都有貓展，
但唔系 ANFI 主辦，贏咗都無用，但13日會去參展，等英雄適應下。

ANFI 的就要等2010年啰。國家冠軍之后個組別就系……國際冠軍……
唉……唔好埝，贏到最後呢場先算。

法國評判非常好人。
解釋得好好，
一見英雄就話，佢好年輕（very young male)
但一上手，好重，個骨格好好。
個身好長，毛質好好，底層毛未出噻，因為羅馬比較暖，應該2月先會出噻呢。但 ok 咖。條尾好好，夠長，D毛好夠分量，因為個肚到咖啡色唔夠多，失少少分，但因為佢會再大（系，挪威森林貓一直生長到3-4歲）所以算系依家我“評判”只能俾 ok，但你地唔好擔心，佢會轉顏色（系，我睇到英雄D咖啡色開始“走”出黎）。耳朵可以再大D，如果個尖再尖少少就更好，但世界冠軍貓對耳朵都系同佢差不多。額頭再圓少少會 perfect，頭型的三角好靚，耳朵 well set (唔知道點翻譯）。 但無貓系 perfect 甚至系世界冠軍都唔會完全 perfect。佢已經好好，臨場有D緊張，眼夠大，但圓咗少少，有機會帶多D去出比賽，佢會再淡定D 可以改善。CAC 評判仲講咗下次要注意D乜，同睇幼貓的時候要點睇。
好多謝呢個評判！星期日果個意大利評判就不提也罷，評價差不多，但無解釋。
最鐘意法國評判寫的“Expression” 句  comment  - Very sweet，意大利果個無寫。

11月28日，英雄一歲生日

甘快，英雄到羅馬已經8個月。
睇住佢系甘大，系甘生毛，好鐘意玩，好鐘意撒嬌（人同公主）
每一次教 command 佢都學得幾快。雖然佢無公主甘精，
但亦非笨貓。
出 show 可以大覺瞓，系評判手到最多對耳向下。
評判托佢上手的時候佢唔系甘樣，但評判一講嘢，佢對耳朵就向下。
可能法國評判D英文有D古怪……聽唔習慣。

生日飯，兔肉，20g raw 其他90g 系煮過，個面系熟，但入面系生生地。
佢唔鐘意食魚……同公主相反，但公主都鐘意食兔肉。
所以一家4口星期六的晚飯就系兔肉。
如果系公主生日，就系三文魚啰！

再追11月中的“舊聞”

老友真系好唔話得……
系香港空郵一個“寶盒”佢叫做“福盒”
因為無唔見到，我收到系福氣。
好多好專業的整餅用品，
福氣 - 所有由歐洲以外地區俾我的信，
大部分都唔見咗……
因為轉得多唔見的機會就更大。
本來空郵由香港到意大利應該1個星期，
老友本來無話我知道送個寶箱俾我，但見我一直都無話收到嘢，
到第二個星期的時候問…… 有無收到郵包…… 無，我知道佢會寄，
但幾時就唔知道。到第三個星期，系郵箱有通知話10：00無人系屋企（頂！點會無）
所以要去郵局提取。因為收件人系英雄公主爹，所以要佢走去收。
實驗證明，如果收件人系我，信件郵包唔系掛號或速遞，一定唔見。
再多謝老友，唔好再冒險寄啰，我等你黎意大利先俾我啰！

橫豎影開，呢盒嘢系老爺送。
有出生日期噶。可能睇唔清楚
寫住04 12 71
系老爺整理姑媽D物件的時候發現，姑媽要入療養院住。
所以好多舊物都要清理，老爺一見就話，呢件古董，一定要俾英雄公主娘。
金器英雄公主娘唔鐘意收，但呢樣呢，非常高興甘收咗

乜東東？

一套餅模。
好開心，因為老爺真系有我心！







收埋收埋甘多禮物，唔整下嘢，對唔住老友、老爺 同老公 jee。
其實英雄公主爹仲送咗個手提電打蛋器俾我，
因為 Lemon Meringue Tart 個
打 Meringue 打到我幾辛苦，所以阿爹就靜雞雞買咗翻來，但又無影相

呢個 Macarons 又系試下整。
系 Caprese Michealangelo 到買咗D超級栗子，
食唔噻就整咗做 Purre'
整好個 Macarons 就夾咗。

SWEET DIE PEOPLE!!!
系意大利人先食到甘甜，我自己整都系半粒就酸梅干超人甘樣。都系整黎攞黎送俾人多。自己手痕當玩下的滿足感仲高。

追翻10月本來要寫D嘢

呢個系老爺生日餅（撻）Lemon Meringue Tart 的試版，唔系好大個，俾手掌心大少少。
因為未整過 Lemon cude 所以好懷疑個食譜系有問題。
唯有整個細版睇睇得唔得……
個試驗成功。但……
英雄公主娘無心肝，唔記得同個正印因為10月12日趕住出門，就無影翻張相。

呢個撻奇怪地受歡迎（清噻……——），意大利人的口味亦傾向好甜，但呢個 tart 的 Meringue 雖然系甜，但個 lemon cude 其實按意大利人的口味黎講系好酸，但因為個 combination 系生日飯甘飽的一餐晚飯后（果晚系 Pizza，雖然唔系好肥，但甘多淀粉質……）反而非常受落。

生日飯系溫達老豆屋企，因為佢做完手術行動不便，所以全體去佢屋企，當然少不了我最唔鐘意見的吧渣，真系無同佢改錯名，吧吧渣渣，我當日俾小狼老豆1Kg jam filled cookie，因為我應承做整1Kg 俾小狼老豆做生日禮物，但8月佢生日直到老爺生日都見佢唔到…… 所以果1Kg系老爺生日先俾到佢，佢都好詫異，因為無埝過我過後都會整，佢感動到眼濕濕，個吧渣又話甘唔得，要分D俾佢，我彈開，餅我交咗出黎，由小狼老豆自己處置，小狼老豆話睇下點先，個tart 佢一路食，話好好味，我整甘多餅，最好食系呢個，真系想話，甘我以後唔整呢款，其他無甘好食的，你唔好食丫笨7，佢一路食一路問點整，話又乜甘特別，唔系好難 jee …… 同佢整開果整法差不多。當英雄公主娘個腦突然跳轉好快，個口就可以同步，快到連個腦都控制唔到…… 話，當然，你上次俾老爺奶奶的 Muffin 雖然話系自己整的，其實系買的，如果甘講我D餅同專業糕餅店應該有得比嗎？……

言後感覺……突然好多烏鴉系頭頂飛過……
個下臺階，當然系英雄公主爹啦，即刻指住溫達老豆話，佢有小道消息流出黎，但系咪咖？當然吧渣就死口唔認，但睇佢系強顏笑住甘講，就知道溫達老豆無講大話。佢又唔夠膽系老爺奶奶面前向溫達老豆做D乜，呢餐老爺生日飯佢都應該食得衰收尾。

其實系溫達老豆爆俾英雄公主爹聽，話其實吧渣邊識得整 Muffin 連個 crostata 話系自己整的都系買翻黎……

我懷疑系佢見我成日整餅、整呢整路（乜都整下…… 老友所言絕對正確，no practice no improvement)佢又唔抵得我好似成日整嘢”tump"兩個老人家，所以又有樣學樣。


唉…… 上次溫達老豆屋企俾人爆竊的後話：
因為吧渣D首飾全部被偷噻，奶奶見佢甘唔開心，同話送D佢自己的金器俾吧渣，吧渣就好開心……
問題就出現，奶奶有日中午，知道因為得我一個系屋企，打電話黎同我講：因為佢送金器俾吧渣，所以要送埋俾我，甘先公平…… 奶奶，乜搵D甘嘢玩呀？？ 我當然拒絕啦！多謝佢好意，俾我咪得物無所用，又系掉系保險箱到“藕”到變色。講到我口水干都唔改變唔到佢主意，甘我話，等英雄公主爹同你講吧……我的意大利文越講越亂……等英雄公主爹到屋企，我同佢商量過後佢同奶奶講，我唔系好在意D物質嘢，俾我真系浪費，如果真系要俾我，我會轉送俾小琪（如果大家唔記得，小琪系二老小狼老豆個乖乖女），甘不如直接俾小琪啦。奶奶話甘唔得，因為有一份已經埝住將來自己有乜“冬瓜豆腐”就系俾小琪……老人家埝嘢方法，中國同意大利原來無乜分別…… 最後：甘奶奶，你多D帶下D金器，真系等有乜“冬瓜豆腐”先俾英雄公主娘啰，甘先有意義。奶奶埝下話，甘都系……真系大吉利是……要用到甘絕的“意義”……

人可傳染 H1N1俾貓

H1N1 Flu comfirmed in Iowa cat

今日收到的 newsletter，之前收集質料，貓不會受豬流感感染，但是今日收到這封的時候，真的嚇了一跳！由人傳染給貓。

雖然患病的貓是13歲，年紀比較大，免疫能力也相對低，但是預防勝于治療，如果各位不辛患病，小心不但傳染給人類，這流感也可以傳染給其他的動物，包括以前認為不會受感染的貓。

貓遺傳學翻譯大功告成已經上線

貓遺傳學繁體版, 貓遺傳學簡體版

（請點擊上列需要閱讀的版本便可）

翻譯時間其實不長…… 難處在D terms，國內和臺灣與香港同一學名的版本差異。因為用 dreamwaver 直接寫比較辛苦和……慢……，只有漢語有需要用 dreamwaver……因為管理翻譯文章的荷蘭太太擔心面對看上去差不多的方塊字，連會 copy and paste 都會錯，完全明白，其他歐洲語言（荷蘭太太懂7種……拜服）不完全懂，都可能有些根據可以自己調整，但方塊字也就真的令她頭疼，翻譯完畢後，要校對2次，自己手痕，見到自己寫完之后2日一定會改……修。

加上公司的無理要求，一日翻譯7000英文字的 new target ，想燒咗倫敦總部，我張合約早要我簽，簽咗成個月，仲系倫敦游，未翻我手，簽的時候話 new target 同以前（因為公司賣咗……）差不多，所以叫我地簽，點知到個新目標系舊的 double！！基本上英雄公主娘已經無“工余時間”，但都可以勉強地沖刺完成。

雖然自由時間少了，但會繼續翻譯貓的文章。等我有翻D“文字樂趣”。

埋頭苦干的懶蟲浦頭一陣……續，有相睇！

貼3張甘大把…… 精選相，請唔好投訴 

英雄一生的第一次
1.俾評判評頭品足兼摸身摸勢

英雄一生的第一次 normation （中文唔知道叫乜）
2.俾個39唔識7的人抱（英雄仲覺得佢有怪味，落臺後系甘洗自己），仲要系甘多對眼面前，吵耳的麥克風呼叫同掌聲中、熱死佢的射燈中，跟住5個評判摸身摸勢后，度過非常之唔自在，系甘搵阿爹阿娘的5分鐘！（我地咪就企系影相個位到，因為 normation 貓主要系后面）

英雄一生的第一次
3.show 後飽暖思床褥，好累，normationshow 完之后系16：00要要等19：00先可以松人。早上見完評判之后已經食咗三文魚，完 normation 之後食咗牛肉（全部罐頭……無辦法煮新鮮）。英雄食飽飽之后，上埋廁所，入個細到唔恨的籠到，拖咗佢最鐘意的玩具 Doggy 攬住瞓，佢平時系攬住阿娘或公主，但當日無人俾佢攬，就拖咗 Doggy 黎攬。

貓廁所：個貓廁所唔系個籠入面，食又果到，去又果到……甘唔衛生，阿娘辛苦D帶個大廁所去俾佢好過，但貓展中，有途人（貓展收入場費每位7.5歐元睇貓），見到我系亞洲人面孔，就好唔客氣系個籠前面大聲甘同身邊的朋友講，“你睇下，呢D人幾衰，連廁所都唔俾貓去，擺乜展覽”。我聽到，即刻話“太太，個廁所系下面”，佢 O 曬嘴，以為我唔識得聽同講？我仲揭開臺前面塊布俾佢睇成個屋型的廁所。跟住話：我唔鐘意自己D貓系甘細的地方（63cmx 63cmx65cm高）的地方食同休息都要對住個廁所甘唔衛生。位太太當場同其他同行的人都“哦、哦，有道理”甘好快就閃人。
最唔鐘意D人掉嘢入貓籠，或用手篤！連我地系前面放咗塊透明膠板，都”料“到系塊板同個籠之間小小位都要摸，全場都貼曬，嚴禁放手指入貓籠都系甘……）同旁邊的緬因貓夫婦講，佢地次次都好想系個籠到通電，電下D人先會驚，有D貓主好絕，系暹羅貓的籠前面寫“你可以隨便放手指入黎，佢鐘意咬人，被佢咬到唔好同我投訴”

問心唔系甘鐘意去貓展，大獎一定系圍內人（評判朋友，搞手）贏。仲要等成日，不過今次好在身邊幾個貓主都好 nice，教咗好多嘢同8咗好多嘢。有人見到系場外間 bar 到，有個貓主送嘢俾個意大利評判。話衰在無帶手機，唔系影底佢都好。難得英雄都幾鐘意去，下次再俾佢去羅馬個展。

公主都有去，不過佢唔鐘意甘嘈，嬲爆爆唔靚女所以無影，佢連評判都唔想見，由得佢，我自在佢唔好怕出街，同慢慢無咗上次展覽的陰影，我就已經還神。貓展之后佢系好咗D，起碼系車到唔會嘈，會瞓同無甘 stress。

懶蟲浦頭一陣

英雄公主娘唔系真系懶，
系無時間上黎寫…… 繼續埋頭翻譯一堆嚴重復雜的”貓“稿
兼剛剛旅行（所謂全家旅行都系因為英雄同公主要去佛羅倫薩2日出展為名，先可以離開羅馬1個星期！）翻來。
全家旅游前2日，個XP running 的時候停電…… 個 XP 就甘死咗…………
到托斯卡納度假完之後先理，裝過曬成個 XP 煩到嘔，浪費咗1.5日的時間。
好在所有D file 都無事。跟住就系公司個 mail box 死埋……
堆咗2個星期D嘢要盡快搞掂！

浦頭寫兩句，
其中一樣系：回答系 facebook 其他博友的問題：

挪威森林貓跟村上春樹的挪威森林有無關系？
答案：無

挪威森林貓原產地是挪威嗎？
答案：可以這樣說，因為挪威連接芬蘭與瑞典之間的森林。但由于保育挪威森林貓品種是由挪威的配育員發起。這可能是由于一個挪威世代相傳的神話中出現過挪威森林貓的描述，而令挪威更加會覺得有責任保育。

挪威森林貓是挪威國貓嗎？
答案：不知道，要問住在挪威的人…… 老友，如果你見到，唔該問下小奧。

其實我系維基寫咗挪威森林貓的條目好耐，但一直都無系呢到貼過，
不如大家自己去維基百科-挪威森林貓 到睇，我唔重覆寫啰。

另外，遲D先補公主同英雄度假D相。
我要繼續努力翻譯翻譯 and 翻譯。

做得主人就應該要負責

養貓養狗不是時尚，亦不是玩意，
很多人都是貪一己之快，後果堪輿，
受害的都是動物，人呢，逃之夭夭！！
唔好以為養純種貓、純種狗就可以是潮流之尖。
好過癮，請在買之前考慮清楚，同研究你鐘意的品種有乜特別需要同注意。
如果無時間照顧和教育貓狗， 如果發現自己的生活習慣同環境配合唔到。
請唔好遺害他們，唔好買或領養或收養（唔理你點叫！）

今日和明日都會是羅馬最熱的兩日，
英雄公主娘亦到非常之“慶”和擔心……
剛剛的星期六、日兩天都去溫達老豆屋企喂狗。
每日兩次，一早一晚，英雄公主爹系星期日晚上喂狗回來的途中同我講：
“下次記得喝住我唔好應承溫達老豆去喂狗……“
一定記得，因為我地兩個每次見完兩只狗之后好唔開心。
走去喂唔系問題，弟兄一場，無計，但每次都令人甘唔開心，
就不如推咗佢算。

溫達老豆一個星期都唔知道得幾多日系屋企，系屋企都唔系經常有時間陪D狗，
現在更加，因為有個女。
吧渣呢，有個女就乜都唔理，當然連個女都唔喂的阿媽，
都唔好旨意佢會去陪D狗。

溫達系 boxer 拳師狗，
另一只系吧渣為咗“圐”住溫達老豆就買咗一只同溫達老豆前女友買的品種一樣的法國斗牛犬（比英國斗牛犬細）。
未有個女之前就成日又攬又嘴只斗牛犬阿豬（因為成只豬仔甘樣，所以我叫佢做阿豬）呵護備至。
兩只狗都系短鼻，屬于室內養，鐘意親近人，鐘意玩，活躍的狗。
短鼻狗怕熱，呼吸系統容易有毛病，唔可以太多塵土的地方養，唔系就好容易會中暑、熱死以及窒息死。兩只都短毛怕冷，所以通常都會屬于”公寓狗“就算有花園都要有草地樹蔭。

英雄公主娘其實對狗無乜特別研究，但都大概知道D，因為有睇下資料……聽下獸醫老友講下D醫務室的事件，兼同英雄公主爹兩個做獸醫助手救活過一只死得的英國斗牛犬，
當然，之后獸醫同狗主解釋下次乜情況要避免，我地又從中偷師。
照顧斗牛犬特別麻煩，法國的仲麻煩因為對耳朵太大，招引昆蟲，容易發炎。
唔跑得多，夏天要有冷氣，冬天要有暖氣。

意大利夏天的蚊子簡直系狗的殺手，所以D狗都應該要得閑去驗血
睇有無俾蚊叮咗但唔知道有病。
養狗之前就應該知道呢D嘢。
如果知道自己其實無乜時間，就唔好養，
知道甘麻煩，自己無耐心就唔好養。
依家仲要兩只！！！

點解甘慶，溫達老豆同吧渣同個女去西西里度假。
因為早兩個星期有賊入屋，點算之后唔見咗成20，000歐元的物品。
所以D狗就留系屋企，但有無埝過，呢兩件唔系看門狗…… 留系到真系做乜？

cheap 精，點解唔送兩只狗去狗酒店？
之前因為莉亞同溫達系我地（我同我老公，我老公同老爺）喂的時候大打，但溫達老豆之前唔講我地知道，所以大家都罷喂，個女出世之前，
佢地去旅游，兩只狗都會住狗酒店。
依家……平時系俾錢人黎打掃屋企兼喂狗，因為甘會平好多，
人家喂就真系掉底D食物就系喂咗……夜晚到的時候先清理個狗飯碗再添食就走。
但星期六、日系意大利的節日，果位太太都要放假。
所以問英雄公主爹可唔可以幫手喂兩日。

留系屋企，但唔系系室內，系一個露天露地的一塊有網的地方，
有一間狗屋系一邊，有兩棵矮樹仔，但樹蔭好少，個地無草地，沙塵滾滾的地上。
難聽D講系一個日曬雨淋，個位唔系好通風好谷下的地方。
但外面有個花園就好靚草地！！系狗住的地方外就有D大樹，
但D狗唔可以去草地因為整到唔靚，有客人黎失禮（取自吧渣語錄）
狗住的地方入面唔可以有樹……點解，唔知道……！

天氣甘熱甘乾，個地下又硬甘大塵，兩只狗真系變咗做 hot dog。
星期六早上去，聽唔到佢地吠，好驚，唔知道系咪死鬼咗
跑到落去，見到佢兩個個頭系地上但唔見個身？？
因為太熱，佢兩個系棵矮樹下挖咗兩個洞坐入去 
無陰功…… 即刻放佢地出黎，開水俾佢地飲，
阿豬要用狗繩，因為會亂走…… 仲要系越叫越走甘奇怪？？
溫達仲自己沖涼，阿豬怕水，我就搵水拍濕佢個頭。但一拍佢，成身塵飛出黎……

兩只好似上氣唔接下氣，真系好鬼驚，好彩條舌頭都仲系正常顏色……
唔系即刻要搵地方搵獸醫……呢個暑假時刻邊有獸醫開……
我地果個都去咗旅行，如果有乜事真系唔知道點算，
溫達老豆又無留底佢個獸醫的電話（真系想斬死佢）
兩個涼咗一陣，但都系呼吸有問題，帶咗佢地去樹蔭到坐，
阿豬完全唔識得用狗繩行，唔識得口令，仲鬼甘大力。
好在有睇波菲媽個 blog 有睇到點訓練狗，
所以用下D方法，有效咖（多謝波菲媽）。
坐一陣之后好少少……
整狗糧……唉……D狗糧系D cheap 到唔恨的（3歐元1K2果種……）
仲要兩只狗加埋一餐先3/4 罐……落鬼甘多米，我望住英雄公主爹話
真系甘多米？1杯罐頭2杯米？系咪錯呀，應該2杯罐頭1杯米呀嘛？
英雄公主爹話……唔好理，溫達老豆話系甘就甘，
你唔記得上次我地俾多咗罐頭之后，
自己掏錢包買D正狗糧罐頭之后俾溫達老豆話咩……
話我地好搞到溫達嘴叼（我……xyz 佢個 pk，自己開波子，只狗食垃圾狗糧，鬼唔望佢架波子俾人偷埋！！)
照喂……無辦法，做好人無好報，雖然我唔要求有報，但睇住佢地覺得佢地好慘。
因為佢地有D臭，特別系阿豬，因為之前佢得寵的時候系無味……

吧渣完全無腦，買個甘細但攔靚的狗飯碗俾阿豬，兩年都無換過個飯碗。
阿豬會大咖嘛，依家佢個嘴放入去之后，就連個鼻都一齊食……
食的時候，D嘢會入到個鼻到，佢食下要停，噴翻個鼻D嘢出黎。
甘你就唔好話佢肮髒，換果個適合佢的闊口淺D的咪得啰……
佢一定系放底D食物就走咗去，到甘上下翻到黎，見阿豬系地下清理自己噴出黎的食物，所以鬼殺甘嘈。
我試下打斜個兜，等佢容易D食。甘咪無事啰……
英雄公主爹就照顧溫達。
佢又好聰明地將個飯碗擺系樓梯到，等溫達唔需要食得甘辛苦。
我話佢，之后整干凈條樓梯，費事俾吧渣知道又多嘢講……
你都唔想聽到條臭八把衰聲咖。
英雄公主爹答曰：話仲好，大條道理下次唔幫。

走的時候都差不多中午，英雄公主爹就整濕狗住過塊地的地下，
等無甘多塵土飄揚，同無甘熱，唔夠5分鐘就已經乾曬……
但我地都要返屋企，唔可以成日陪住佢地。（我家仲有公主同英雄要我地陪）

夜晚又去一次，剛好自動灑水系統開，
就放溫達自己去果個草地禁地到自己玩水飲水，系草地上滾好開心的樣子，
我系主人的話，呢樣先令我開心……見到自己的狗開心，就會笑。
但講真，佢又唔會整爛個草地……睇住佢玩成15分鐘之后自己會走。
阿豬真系好奇怪，唔識得飲水，
系果塊地入面個水兜D水無變過，連溫達都唔飲，
真系好擔心佢兩個甘會中暑……

我埝系唔想飲定有其他問題呢，溫達我地知道佢鐘意飲活水，
所以水兜系真系頂唔住先會去飲，
但阿豬怕活水，個飯碗同個水兜的佢唔飲……點算呢
我試下用手兜住D水，佢就飲！
可能佢個鼻太短，身材矮，所以適合溫達個水兜唔適合佢，
但佢個飯碗都唔適合佢，搞到好似所有兜佢都無興趣去飲水。
但……佢兩個唔知道阿豬唔飲水咖咩！！ 我第二次喂佢就已經知道啦！
第二次拖阿豬行，佢開始知道乜叫”坐“，慢D，停
其實佢學到，唔系一只行為不檢的狗，只系主人無教。
問英雄公主爹，點解溫達老豆可以教到溫達，但點解教唔掂阿豬咖？
英雄公主爹斜我一眼，曰：溫達老豆唔識得教狗。
溫達系我教咖……（英雄公主娘反應：下！！！！頭頂一群烏鴉飛過）
英雄公主爹續曰：溫達老豆邊有時間同心機教丫，溫達同莉亞（溫達阿媽）細的時候都系我湊。莉亞仲乖，因為佢翻到屋企之后前女友有心機教。溫達已經系無佢阿媽甘乖……依家條菜自己都無家教，所以點識得教阿豬……

兩狗食飽飽之后，
英雄公主爹問，你同狗打過針未咖…… 我話無呀，不過應該唔難。做乜？
我見到臺上有針同藥，但得一支，
溫達要打針（xyz 你唔早響！我系屋企睇網上資料先嘛！！依家先黎講！）
做乜要打針？今次乜病……
其實…… 溫達半年前驗過血，但溫達老豆唔記得去睇驗血報告。
原來溫達中咗由蚊傳染的病毒，所以成半年之后突然溫達老豆醒起去搵獸醫，
個獸醫話，你只狗有病，但你又無留底手機號碼，所以通知唔到你……
（乜主人黎咖！！）
無端端病多成半年無醫（如果唔系睇在老爺奶奶份上，真系想殺咗佢！）
膽粗粗，見獸醫平時點同公主英雄地打針就有樣學樣，因為唔打又唔得……簡直有被逼上梁山的感覺。
因為英雄公主爹唔夠膽篤針，我明白佢點解唔夠膽，因為佢怕溫達會痛，
所以佢唔會夠膽篤。認識佢甘耐，知道佢好感性，但有時感性咗D系唔應該感性的地方……佢就覺得我夠變態，逼公主食藥的0-100突然冷血程度，覺得我可以做到（吹漲）。

但英雄公主爹準備支針有問題有好多氣泡……（早知道我自己整埋……）點彈點清都清唔曬（D泡唔去個針嘴果邊），但大家都滿有懷疑地望住支滿滿的針筒……點解甘多 cc，成10cc……真系大針
喂，老公你有無聽錯咖？系一早一晚一支共10cc，定真系一晚一次10cc 咖，
佢答：我有問溫達老豆幾多CC 但佢話唔知道，總之系成支藥照打……但如果真系早晚一支，點解得一個干凈針筒？
甘有系……除非條 cheap 精埝住一個針筒用兩次……但亦非無可能的事，都有名叫 cheap 精。

甘我唯有照打，
捏起皮（脖子背部），篤落去慢慢放，好在溫達好乖，唔郁，叫佢唔好拎轉頭，就真系無，因為平時如果我系佢後面，佢會拎轉頭想我摸佢個頭。
到甘上下就拔出，彈下因為有D泡去咗個針嘴果邊，可以清到D，再篤過，
但最后個幾滴清唔到D泡就放棄。
無謂冒險，好在溫達又無事。真系好唔明……點解要我地（兩人一狗）冒險。
如果我地兩個都唔小心，溫達出問題，我地責任好大，
唔好話責任，溫達有乜事我都會永遠自疚。
打完針，溫達去搵溫達老豆……走去大門口坐系到，阿豬就跟住佢去坐系到等。
此情此境，真系覺得狗系人類最好的朋友，但人類唔一定系狗最好的朋友……

入黑，要佢地翻入去個狗住的地方，兩只好唔舍得我地走。
狗都需要人的愛護，只系想人摸下佢陪佢玩下，講下嘢就已經好開心。
狗其實好知足。

翻到屋企，溫達老豆打電話俾英雄公主爹，問兩只狗如何，
還可以……但好熱，兩只好辛苦下。
根據英雄公主爹的復述，溫達老豆停咗一下，
話，剛收到前女友電話，因為前女友剛結婚去蜜月
只法國斗牛犬交咗俾佢妹妹照顧
佢妹妹同男朋友去海濱帶埋只狗，
兩個離開架車去 shopping，留只狗系車內45分鐘，
返到車到發現只狗死咗，救唔翻，
英雄公主爹好嬲：無腦咖，甘熱留只短鼻狗系車到，仲要甘耐，
一定系無開冷氣啦！
溫達老豆：系無開冷氣，但有開窗
英雄公主爹：開窗有鬼用呀！呢種狗唔熱得，一定要有冷氣！（刪下以下100字的粗口—.— 其中50個入我數）
最后……溫達老豆只系想知道阿豬有無事，因為吧渣好擔心（我 xyz 又100字）
甘溫達呢？你自己唔關心溫達咖！溫達雖然個鼻無阿豬甘短，
但有病兼甘熱、年紀唔細，甘就可以少D關心咩？？！！
算……一個平常的星期六晚上變得非常火辣……

星期日，沉重的心情去溫達老豆屋企，
真系求神拜佛唔好有事…… 好在兩只都平安。
做的嘢同星期六一樣。夜晚系少咗無幫溫達打針。

阿豬開始知道我系話事果個，所以唔夠膽亂黎，亂跑。
前后兩日加埋都唔夠40分鐘，佢已經開始識得聽D口令。
點解吧渣同溫達老豆成2年都教佢唔聽？
無俾心機去學，去花時間陪，只系話佢唔乖之后就掉咗佢系屋外果快爛地到。
D狗唔可以入屋企，因為會整花個木地板。

如果要養狗，就應該知道，狗的特性同需要，
唔系到真系出問題的時候先解決，或掉底佢地。

溫達老豆有一次話想養波斯貓。
我發問咗幾個問題之后佢就打消念頭。
呢幾個問題，系所有想養貓的人都應該思考。

1.波斯貓需要日日刷毛，你有時間嗎？無就唔好埝。
2.如果只貓拉肚子，你有無能力同可以追住佢去幫佢擦屁股？（呢個系好正常，兼好有機會出現的事情，特別系長毛貓，如果D貓砂的高度太高，屁股好容易會粘著便便。但好多人就”屎“呢關，佢連個女的尿片都唔會換，點會做？）
3.D貓毛會亂飛，成屋都系毛，你可以忍受嗎？你連個浴缸有條毛都覺得嘔心的，你就唔好埝養長毛貓。
4你可以日日幫貓清理貓砂嗎？（原來好多男人系唔得，除非有個女傭做啦）
就這4個問題已經卻步。
其他如：
如果成屋都有貓砂，你可以容忍嗎？雖然好多牌子都話D貓砂唔會周圍走，
但點都會有D腳印之類出現。有D系貓砂盆下放張地毯之類的物體，防止貓砂離開果個位置，但有D貓挑剔到就系唔鐘意果張嘢，就連貓砂盆都唔用，去其他地方解決。
你的家人同意你養貓嗎？唔好以為買咗就會一定俾你養。到時只貓擺去邊？
如果只貓病，你有時間帶佢去睇獸醫嗎？
你會記得每個月都要同佢做防跳蚤嗎？
你可以改變你的生活習慣去同只貓生活嗎？例如你買家具都要考慮你只貓會鐘意什麼物料，如果佢鐘意的話，就會走去新的家具磨爪，你要考慮后備計劃，點教只貓唔去搞你的家具。或有個地方俾佢磨爪。
屋企夠地方同有一個或以上的地方合適放貓砂盆嗎？
唔系求其一個地方放，貓唔鐘意個地點太近食飯的地方，唔可以多人經過，唔可以嘈，如果你放的地方唔合適，貓會系外面尿，唔系貓的錯，系你的錯，因為你唔知道貓砂盆的地方有特別的要求，唔好因為甘就掉只貓出街。
你屋企的環境適合養嗎？例如：窗的設計會唔會容易跌只貓落街？如果會，就要埝辦法唔好俾只貓跌落街，而唔系唔俾只貓去望窗。
千萬不要被誤導養貓需要的時間同地方比狗小，養貓的要花的錢亦唔會比狗平。

無論養貓養狗，就算養龜都好，都要做個負責的主人。


最后，好鐘意來自香港的miss: 長風萬里 的一個貼子“愛與承諾 ”中的「與狗狗的10個約定」。請所有正在考慮養貓、養狗、養寵物的朋友先看看。你能夠做到這種承諾，能夠付出你的愛，能夠周全考慮生活中會出現的問題，你才去養。

Pawpes 中文版本第一段已經上線

The PawAcademy 學院 
最基本的第一課，”選育一胎幼貓，可能很有趣，卻永不簡單“ 中文繁簡體同步上線。
特別鳴謝子貓物語~~【附庸風雅】 的 Chris Sir 指點，
幾個特別難搞的詞終于有更好的中文翻譯。

上次貼咗篇純種貓 vs 家貓之后，就更加 dig 起心肝去做義工幫 Pawpeds 翻譯。
Pawpeds 系民間團體，
發起人全部都系認真地希望培育更健康的純種貓為本開始呢個組織。
而且希望透過教育更多人認識繁殖純種貓其實只能夠當系一種嗜好，
基本上唔可以將純種貓作為生財工具。
而且辦學主力教育新手、初學的人，唔會唔知道應該要學D乜。學壞之後就煩……

翻譯途中有好多問題，特別系D名詞，因為中文現有的或無的都要”老作“，
醫學的都仲可以”維基“下。

如： Breeder 一詞，我系自己個 blog 都拗咗好耐頭唔知道點處理好。
繁殖人、養殖人都系我呢個細 blog　到用過，但點都系”唔到肉“
之后搵到”選育人“比較貼切，將　Breeder 的定義帶得出少少
A person who  SELECT the right animals for breeding.
但選育唔好聽，向 Chirs sir 求教，
Chirs Sir 建議用”配育員“ 我覺得好貼切，普通話同廣東話都好聽上口。

另一個系 backyard breeder 一般網上見都翻譯成”後園繁殖人“
但又系唔到肉，兼唔系果樣嘢……所謂的 backyard breeder 系無系統，
同亂黎求其搵兩只有血統書或扮純種貓(狗）就生的唔專業繁殖，但收費昂貴如同專業用心的配育員一樣的的”敗類“私人繁殖人。
後園最多聯想到私人但差的情況又出唔到……
都系高人指點”黑市私人繁殖戶“兩岸三地都明白。

再謝 Chris Sir。

私人繁殖，其實好多配育員本身都無公司，算系私人，
如果以意大利的法律，如果配育員有5只可以繁殖的母貓就需要變成一間公司作業。但如果唔夠5只的時候，開公司就煩到唔恨。但黑市一詞就好好。
見過有狗的 Breeder 系將D血統書亂點鴛鴦，個老竇唔系果個，
但為免個老竇出現太多系唔同的血統書到，就求其搵另一只同色同種的填個名上去…… 呢位系有公司的 breeder 唔系“私人”但只狗仔同“黑市”出的都無分別。
但收費系正常價……

講開配育員。
今期 ANFI 季刊出現一則律師的聲明。
廢除兩個系托斯卡納的配育員的 ANFI 會籍（有曬姓名同貓場個名，但系邊種貓就無講），因為違反會規（因為系聲明無寫做咗D乜），將被終身禁止申請成為 FIFè 的會員。ANFI 系 FIFè 意大利的屬會，但講明系 FIFè 的話，即就算去法國或瑞士的 FIFè 屬會申請同樣都會被拒絕。呢樣其實好多人可能都唔知道，好多掛系某國乜會的會員，但個貓場可能系隔離國家。因為識得一個身在葡萄牙的但個會籍系西班牙的…… 真系要8下點解同點操作先……

睇落好似已經通知埋 WCF （另一個歐洲大陸的重要貓會）不接受呢兩個配育員的申請。如果系甘，佢地唯有系去英國果兩個會，但英國通常唔系本土就唔會蘇。再唔系就唯有去美國（個人覺得最垃圾的貓會），但山長水又遠……都無乜用。等于判咗佢地兩個死刑……要佢地做“黑市”

純種貓 vs 家貓

早段日子看到香港有關蘇格蘭摺耳貓的貓主成立病友會的新聞。突然覺得，原來當年自己都是對純種貓非常無知。香港對這方面的資訊實在少得可憐，也覺得是香港的貓會應該下點功夫做些教育的工作。

什么是純種貓？

每一種貓都有特定的外觀標準。新品種的貓，需要向貓會申請進行繁殖，由第一代開始，設定標準之后，經過三代繁殖之后，三代的所有子孫都同樣擁有一樣的外觀標準，再經過貓會驗證，才可以承認成為一個品種。

得到貓會承認的純種貓將會發出血統書 pedigree 或 certificate of origin，一般情況下，兩頭同一品種的純種貓交配所生的幼貓才可以擁有血統書，養殖人為幼貓申請血統書的時候，需要將父母的血統書登記號碼、品種和顏色（可以利用ＥＭＳ　ｃｏｄｅ）等等資料一同提交申請，幼貓才可以擁有血統書。某些品種可以與某些指定品種進行交叉配種外，例如摺耳貓可以與英國短毛貓混配。如果需要混陪也需要遵守貓會的規定。

血統書／出世紙的疑惑？

沒有血統書／出世紙的貓絕對不是純種貓。沒有血統書的貓，一般稱為家貓。甚至賣家說這一頭是純種貓，父母都是純種貓，但沒有血統書，這一頭貓，不是純種貓，所以別被這些無良的養殖人欺騙。雖然家貓的經濟價值不及純種貓，但不等于貶低家貓，家貓跟純種貓擁有得到同樣的愛和照顧、與生存的權利，這是鐵一般的事實。

血統書／出世紙載有該注冊的貓的４代或５代所有祖宗的名字和注冊號碼，因此亦等于貓的“來源”。這一張證書，費用不多，但對于養殖人來說，這一張證書非常重要，由于可以追溯所有祖宗，加上現在的科技發達和互聯網，有多個國家有　health programme  的數據庫，如果所有的養殖人合作，同一個品種的貓都經過遺傳病檢查結果公開（無論+/-）方便所有養殖同一品種的養殖人或貓主追查遺傳病和病發率，讓養殖人可以挑選適合的貓配種，貓主也會知道自己的愛貓會有多少病發機會。

題外話：剛巧今天，我家的公主的全條血統書的線完整了，所有16-18代的祖宗名錄已經齊備，一條苦了我們差不多1年時間去追的線……只是因為有一個養殖人不合作而已、另一個已經過身……但可幸，有多個國家的養殖人支持和幫助（特別鳴謝法國以及瑞士挪威森林貓會的主席、和法國挪威森林貓養殖人de Fjorgyn 的 Ms. Martine Hovsepian），今天，可以說，我們完成了一個mission impossible。

養殖人 Breeder

養育繁殖的人，歐洲貓會有許多的規定需要會員（養殖人）遵守。大部分的規定都由貓本身的健康和福利出發，包括，

每一頭貓應該最少有多少的居住空間

母貓2年內不能生產超過3胎幼貓，保障母貓和幼貓的健康良好，如有第4胎出現，需要有獸醫檢查發出健康證明，第4胎的幼貓才可獲得血統書。

幼貓必須在滿12周后才可離開母貓，并必須已經進行防疫注射及晶片

所有擁有血統書的貓不可以售賣給寵物店、或任何參與測試之用。

養殖人必須將所有配種用的貓、幼貓的健康報告和配種記錄保存良好，以便隨時需要。

等等。

如果有人向貓會告發養殖人違反會規，將會被取消會員資格 – 即不可繁殖純種貓。

養殖人的操守要靠個人修養，以及為何養殖純種貓。由于純種貓每一頭的價值非常高，所以吸引許多根本只為利益的人開始繁育。大部分負責任的負責人都是因為愛這一個貓種而出發，每一頭幼貓都是心肝寶貝，而繁殖是為了保護和令該品種能夠維持或更加優良，當中包括避免遺傳病擴散。過去近50年，雖然有許多品種都因為人工繁育而改變外觀甚至出現許多因為外觀而帶來的病（如波斯貓的扁面，有機會找一下1932年的波斯貓你可以看到跟現在的波斯貓有多大的分別），但現在貓會開始改變這一個因為潮流而帶來的后果，更加注重貓本身的健康而繁殖。

從養殖人購買與在寵物店購買的分別

在貓會登記以及操守良好的養殖人，如果有幼貓出讓，將會對新的貓主提出許多問題。因為他們愛他們的幼貓，而不是因為金錢而出讓，他們需要知道他的幼貓是否會得到良好的照顧。

跟養殖人購買頗花時間，需要先到貓場參觀，但保證這一個花時間的過程買家一定有得著，因為買家可以看到所有貓的生長和衛生環境，認識幼貓的父母，可以看父母是否很友善，基本上如果父母都是很友善的貓，幼貓將會學父母一樣、幼貓是否已經接受上廁所的訓練、幼貓是否活潑，如果覺得貓貓的生長和衛生環境不理想，已經可以不打算跟這一個養殖人購買。到寵物店可沒有這樣的優勢。

許多養殖人都會要求買家大概講述家居情況，需要的貓的性格，如果覺得家居情況可以改善，都會建議買家改善家居環境配合幼貓的需要，特別是安全方面，如有露臺，需要封上防止幼貓墮下等等。如果覺得不能改善，會謝絕不賣，性格方面亦如一。

買家的權利，買家有權要求養殖人出示所有的幼貓的父母健康與驗血/DNA證明，包括 FIV, FeLV 不同的貓可能帶有的遺傳病，多種都可以利用 DNA 檢查，視乎是什么品種有相應的 DNA 檢查。買賣雙方將會簽合約，合約內容包括幼貓什么時候可以離開貓場，根據貓會規定是12周，但有些養殖人偏向多一兩周保證幼貓的健康良好才離開貓場，離開時間需要雙方協議。幼貓的文件，包括：血統書、晶片、健康證明（由獸醫簽發，一般情況在離開貓場之前48小時內）、聲明幼貓沒有傷殘或缺憾，如果到達買家幾多時限內發現問題，必須立即通知賣方并將幼貓帶回貓場退款等事宜、如果幼貓有任何病，必須通知養殖人，有些更嚴格的養殖人會要求，不可將幼貓轉讓給其他人，如買家因任何理由要遺棄幼貓（已經是成貓），必須由養殖人轉介或帶會賣方代養；幼貓不可以作為禮物，如果需要是送禮，必須由將會照顧幼貓的人到貓場，并且養殖人有權認識這位受禮人，由于買方需要從貓會得到轉讓證明書，而超過某一個歲數的貓轉讓的費用越高，這一項亦是希望能避免買家隨時轉讓給其他人作其他用途。有些養殖人會邀請買家在支付訂金（金額由雙方協定）后，在幼貓步入第7周開始多到訪讓幼貓有機會在移居之前這一段需要學習社交時段多認識新的主人，保障幼貓在新居有更平穩和安全感。一般養殖人都會提供售后服務，包括養育指南，和隨時候教，有什么疑問都可以隨時發問。

以上是一般跟養殖人購買純種貓的步驟，為期大約2個月可能更短，如果在寵物店，我相信最大的好處是即時的滿足感，但非常肯定，在寵物店買到的一定是沒有血統書的貓，而叫價奇高，沒有健康保障（如父母的驗血證明、獸醫的健康證明、晶片等等）是否真的要求一頭“像”純種貓的貓而到寵物店或騙子購買或所謂“領養“呢？這一個風險不是人類去承擔，如果幼貓本身有病，病發期可能在離開后7日至14日才出現病癥，有些隱藏期更加長（如腎病）。受苦的是他們，我們只是光著眼睛看，去感受而已。浪費金錢讓無良的養殖人繼續繁殖病貓，支持寵物店繼續售賣這些可憐的貓，這是買家的錯。我希望每一位將會考慮到寵物店買貓或狗的朋友，先閱讀這一篇文章，再跟本地狗會，貓會聯絡，詢問更多資料才決定是否要買一頭純種貓或純種狗，不要誤會純種貓或純種狗是一個身份的象征，到貓狗場領養的也一樣是可以成為你家的寵兒。純種貓/狗的價值是因為養殖人所花的心血、時間、研究、培養和金錢保障他們的健康和愛而來。每一頭純種幼貓是需要超過一年的準備而生產，當中包括父母的營養、健康（包括驗血和其他的檢查）以及研究血統書。請尊重所有正在用心繁殖的養殖人，不是天下烏鴉一樣黑，更不要以為所有的養殖人都是無良，這個世界上是有用心培育血統優秀健康的純種貓的養殖人，只是因為  you don’t know you don’t know. They exist.

貓“廁”文化

愛貓的老友住系屋企幾日，有一日早上我清理貓廁所的時候，
佢突然問”咦，你系用水晶貓砂咖？唔吸水咖啵…… 點解會用？“
一問就2個問題：
點解要用水晶貓砂？水晶貓砂吸水嗎？

市面上的貓砂大概都系果幾種
粘土、砂同現在歐洲有D系木糠環保。主要有結塊同不結塊的分別。
價錢有平有貴，只要只貓鐘意用就可以。

結塊，水分會將貓砂結為一塊。好多人都會覺得方便D清理。

雖然，英雄公主娘貪靚，但換水晶貓砂唔系靚的原因。
如果大家記得 Jerry 奶奶現在患有腎病的愛貓，
病發前佢系用結塊的粘土貓砂。問題就出在這里。
因為 Jerry 的腎出現問題，尿液有血，但因為結塊，加貓砂本身比較深色。
所以奶奶察覺唔到 Jerry 的尿尿有血。如果奶奶早可以睇到。
Jerry 就可以更早治理。
（講開， Jerry 最近都幾好，同老爺奶奶去咗山上間屋到避暑）
Jerry 住院期間用水晶貓砂。
再同老友獸醫傾過之后，
所以慢慢同公主換水晶貓砂（慢慢的原因，再落少少會講）。
健康的貓尿尿應該系淡黃色，用水晶貓砂等于可以每日睇到貓貓的健康情況。
如果較深色，可能系吸收的水分唔夠，或食得太多干糧（呢個情況系英雄同公主身上比較少見，因為佢地主要系食濕糧）
貓主就可以調節一下貓的飲食。
如果情況持續，可能要去驗尿，睇系咪腎同尿道有問題。
個人相信，防御好過治理。所以日日監督住，發現任何動靜都可以行動。

水晶貓砂吸水問題
健康的貓一般一日排出的尿液大約180ml 除非天氣太熱，
貓飲多咗水，可能會有多少少。
但如果突然好大量飲水就要注意貓尿尿的次數，尿的顏色，體重。
有可能系腎有毛病，或糖尿病。
水晶貓砂基本上系可以吸收得到呢個分量，
但因為每一只貓的尿尿姿勢可能有些許分別（男女都有別啦）
所以落點可能太集中就會好容易落到底。
水晶貓砂比較大粒，同底部的接觸面比較細，所以感覺好似唔吸。
所以清理便便后，就要炒底翻下D貓砂就可以。

貓廁所數目
一只貓最少要有一個貓廁所。
有D貓鐘意用兩個，一個開大，一個開細。
但最好系隨時有一個備用廁所。
個備用廁所系方便如果要換另一款貓砂或另一個牌子、
或由有香味到無香味的貓砂的時候用。
以及，方便貓主洗貓廁所的時候，唔需要好急快手快腳洗。
又要就住貓唔需要用廁所的時候先洗。
貓廁所最好每日最少清理一次，一個星期最少洗一次
隨時有一個干凈的，放好貓砂之后，放回原位，
要洗果個就可以慢慢洗干凈同消毒。

點解換另一款貓砂需要多一個備用廁所。
貓唔系好鐘意換嘢(除咗玩具同食物鐘意貪心忘舊外）
如果佢鐘意用開某牌子的貓砂，你想換，
你最好問咗阿貓先，唔系佢唔鐘意個新的貓砂，
就會系廁所以外，搵個佢鐘意的地方（如洗手盆同浴缸）方便。
點問佢，用個備用廁所放新的貓砂系原有的廁所附近。
貓好好奇，有多個廁所，佢一定會貢入去望下。
如果佢唔鐘意新的貓砂，就唔會用，
如果鐘意呢，佢兩個廁所都會用。
之后可以慢慢淡化原來用開的貓砂。
需要時間，所以慢慢換，等貓慢慢適應。


貓廁所位置
唔可以太多人經過的地方，地點需要安靜，
遠離人同貓飲水同食飯的地方，最好系另一間房。
好多人會選擇系人的廁所入面。
但好多貓其實唔鐘意，因為水聲太吵，兼貓好鐘意浴缸同洗手盆。
等于系吸引佢地去果到開。
如果有陽臺都系一個好的選擇。
如果貓鐘意果個位放佢的廁所，最好唔好隨便換地方，
換咗佢又可能唔鐘意，又會系廁所以外的地方解決。


所以……英雄公主娘屋企有5個貓廁所。
3個分別系兩層樓唔同的位置，另外兩個系備用。
公主同英雄用的都系有蓋屋型，唔鐘意“海闊天空”甘方便。
3個廁所原意系一貓一個，方便我檢查每一位少爺小姐開乜
點知道佢兩個，齊齊去一個地底果個開大（6日洗一次），齊齊去2樓其中一個開細 （5日洗一次）。
凈咗果個，就系當需要去果個廁正在有貓用緊的時候就會去用，
等于佢地自定的“緊急后備廁所”（7日洗一次）。
分開洗有原因，除咗尿尿果個最容易臭之外，
因為發現我一齊洗曬3個，洗走曬佢地D味之后兩個就發爛顛掙廁所……
所以分開洗之后就無事。

呢個都好，因為貓的便便同尿尿都系佢地溝通的途徑。
所以齊齊用一個開同一樣，等于多咗2條溝通的途徑。

做阿娘應該好安慰，如果唔系佢地一定系系廁所外解決。

英雄高高在上

如果系公主同英雄活躍時段無動靜的時候……
阿娘就要四圍搵貓，
特別系英雄呢只好奇的7個月幼貓……
真系膽大包天，無有識死。好在阿娘經驗老到，
唔會隨時俾佢嚇到大叫，仲識得拎定部相機去影佢D罪證！
果日早上，通常佢食飽飽之前就會玩餐飽或先去洗手間方便一論。
通常都會嘈到死，但果日，好奇怪……無聲，上樓上搵下先。

入到睡房抬頭一望……
英雄你玩乜呀……駛唔駛上到甘高呀，
佢由個蚊窗到爬咗上窗到。
好在果日無開到個鐵花，唔系佢甘重
一定整爛個蚊窗鹿咗落樓下。
佢仲好淡定甘系個窗門上玩平衡木向我方向行。

我問佢：你想點呀？（佢唔識得廣東話…… 所以系英文）
佢就望下我，好似話，：點落黎呀阿娘？
阿娘：我唔會上黎救你，你要自己埝辦法落黎。
見佢好似唔系好有信心跳落地，因為個窗門會郁，
我走埋去扶住個窗門，
阿娘：OK, go 指住張床
佢聽到阿娘俾口令 go 佢就跳落床到。

挪威森林貓其實系幾高都夠膽跳落地。
所以我知道佢系夠膽自己跳落黎，
不過佢知道個窗門會郁，所以有D擔心。

我從來都無埝到佢可以自己爬到上去，
所以一直都好放心打開個窗門，
但至此之后……
如果開窗，睡房門都要關埋，
免佢又爬上去，如果佢等唔到我到，
心急或好勝自己跳落黎，個窗門會 fa 到佢，
甘的意外，當然唔想啦。

烤箱中的棋盤

食譜來源

老友走咗之后，成日心思思想整下的”花神“嘢
俾我搵到個甘款的，就試下啰，
第一次整，果樣唔合理想，下次會調校個寬度，
等D格格正方D。
味道，唔錯唔錯^^

老友系法國的老友，你唔會孤獨，我一定會支持你

老友系法國的老友話，如果有新聞話有人用機關槍掃警察局，果個人一定系佢。
我聽到的時候話，老友，話俾你法國的老友聽，佢一定唔會系一個人去掃。
英雄公主娘一定系佢旁邊…… 今日英雄公主娘會加多句，
老友的老友，英雄公主娘會系你旁邊攞住的唔單只系機關槍……大炮、火箭炮都出埋！
我張居留證差不多到期，需要更新，好，無問題，雖然之前已經困難，
但最后都交咗張 form 搞掂，點知道，其實都唔明白，我更新 jee
點解又要我 show 張結婚證書？？ 所以交的時候無張結婚證書的副本。唔系我埝住唔交，系基本上成份嘢連要交幾多張相都無寫…… 系東抄西抄先知道大概要D乜。

掛號信寫要我今日10：36帶同欠缺的文件去我所住果區的警察總部交翻份結婚證書的副本同要影相（都唔知道做乜要再影……—、—）
英雄公主爹好醒目地陪我去，本來我唔想佢曬一日假期陪我去，
但佢甘堅持……話驚到時我會出事~~

今日10：15到警察局…… 點解整居留證果個門口好似無開……
唔通改咗個入口？
入到警察局詢問處，得一個警察，旁邊排護照的就人山人海。
我有預約（email 同掛號信）問應該去邊處呢？
哦，唔開，無人開工所以唔開，你要等到星期六，但最好都系打個電話睇下佢地開唔開
呢到系咪警察局？系，果邊應該系入境處啦，點可以話唔開就唔開咖！
無……佢地4個人都病曬，全部都病到星期六……（艾滋病呀？！）
我已經開始系到用英文粗口系到系甘鬧，
英雄公主爹就唯有擾亂警察哥哥的視線，
佢真系驚我會柄個警察…… 因為我系到鬧，（意大利文）我有交稅，我老公都有交稅，我地兩個都要返工，今日特登請咗一日假黎交嘢，有曬預約你地班PK 全部病？！
個警察答：系，你地講得好有道理…… 之后好無奈甘一句 :Italia
yes, it's worst than a third world country!
英雄公主爹即刻推我面向門口…… 問個警察甘星期六要翻黎攞預約？
個警察可能聽唔明我講乜掛，因為英文……
佢話，你最好都系打電話問其實佢地點安排。
因為一日佢地發40個預約，由尋日開始到星期六應該一個有成200個預約……
如果你星期六黎到佢地都仲病（我想究竟邊到可以買到手榴彈）
可能仲要再等，你最好都系星期六打電話睇下有無人聽先再問下點。

老友系法國的老友，你唔會孤獨，我系意大利同日可以用所有的武器對住警察局掃。只要你出聲，我一定會同你一齊去掃。

吧渣真聰明

好耐無寫下D屋企八卦嘢。

剛剛老友系巴黎學成之后黎探我，唔知道系咪好耐無人同我用廣東話講嘢，佢一到，我就好似機關槍甘“訴”足2日吧渣D衰嘢。甘都系時候交代下呢位仁姐做咗D乜。

吧渣最近同溫達老豆生咗個女，懷孕期間成日話頭暈生熱，成日睇醫生，次次落樓唔見幾百至幾千歐羅但好奇怪次次都會話花咗幾多錢但醫乜呢？唔知道。開刀生，又話日日住院費1650歐羅，全部都系私家醫院（呢到叫診所）生同睇醫生。小樓子話呢個真系“金菠蘿”甘又系，人家有錢點花都得 gee。我又唔系管佢D數，理鬼佢。但最唔順眼系佢成日系到系到話唔食肉，奶奶同溫達老豆成日就叫佢食，因為醫生話唔食個 BB 唔會健康，但死都唔食，要人求佢甘款，但求都唔肯食，我覺得，作為一個阿媽，真系愛個BB會做一切，要食最唔鐘意食的嘢都會搵辦法，夾住個鼻都會吞咗佢。話自己唔舒服之后果日就走咗去海外旅行……哦，甘即系假咖？

生咗之后，老爺奶奶想抱下又話唔好整醒佢，所以2個月見咗 N 次，兩老都未抱過個孫。

大概情況系甘，點解可以“訴” 機關槍訴足2日。如果大家有睇開我寫屋企D八卦嘢（關系）就知道早前大概一年左右，溫達老豆問英雄公主爹（當時仲未有英雄，所以叫公主爹）點解我甘怪，唔同人講嘢。事件發展到上個月，老爺問英雄公主爹，阿娘系咪有嘢唔妥，好似唔同吧渣講嘢，系英雄公主娘有問題，定系我同吧渣之間有爭執？…… 點解會甘問，因為溫達老豆問老爺，老爺再問英雄公主爹……問到甘遙遠……其實之前未問到呢個 point 老爺已經問過一次系咪我有問題。不過，相信老爺奶奶都系有眼，發現系我凈唔同吧渣講嘢，個女出世都唔去睇。

最后，最近的一個星期日，去老爺奶奶屋企食午飯，小狼老豆，小狼小琪都系到，到小狼老豆佢地3個走咗之后，玩“圓桌會議”講呢單嘢，意大利人家庭關系非常重要，所以要搞到甘嚴重。其實事態唔系好嚴重 jee。但我唔高興在點解要搞到大家都甘麻煩？老爺奶奶第一句問我，系咪佢兩老開罪我？！下？！無嘢呀化？？老爺奶奶，你兩個點會呀？老爺奶奶松一口氣，問甘你系咪同吧渣有嘢唔妥，點解你唔同佢講嘢？哇！正點到。我話好簡單，第一我唔鐘意同D虛假的人講嘢，系公司我可能無辦法，閃唔切就逼住要面對，但我翻到屋企就唔會理；第二，我唔鐘意同D唔識得尊重人的人講嘢，唔尊重我已經唔會理，唔尊重老人家死罪。老爺奶奶叫我舉例…… 當然一籮隨手都可以。吧渣中曬呢兩個條件，所以我唔鐘意同佢講嘢。老爺奶奶都明白，佢地話吧渣依家連個女都唔喂（下2個月都未夠），話上次奶奶去睇，個女喊，奶奶問吧渣個女做乜喊，如果想人抱就唔好抱，但吧渣個答案系個女餓，甘奶奶好自然問，甘餓就自然要喂，吧渣解釋，唔可能個個鐘頭甘喂……2個月已經無奶，個女 出世已經underweight，2個月都仲 underweight，你又唔喂，甘唔好同奶奶喊苦。又話吧渣成日扭轉兩老講D嘢話俾溫達老豆聽，溫達老豆打電話問老爺奶奶，兩老又唔夠膽照直講，免佢兩個吵嘴。

佢的叫我睇在佢地份上同佢講嘢，佢地唔想見唔到個孫女。我話 no way，我依家同佢 say hi and say bye 已經俾足面， 多D我都唔會做。老爺奶奶繼續鵝鵝鵝足我一個鐘頭，我話 I will not surround。我同老爺奶奶講，好簡單，吧渣成日擺到自己系公主一樣的貴格，將所有人降低身份，隨便佢，我屋企夠有只公主要我服侍，仲有英雄呢，我唔得閑捧住佢，我又唔系要同佢住，我又唔需要靠佢，我驚佢有牙咩？我仲多牙啦！老爺埝一埝，又系啵，佢要玩自成一格我無理由降格…… 你又講得幾有道理。但奶奶唔系好想放棄。最后，英雄公主爹最后都要出手打救我，話我已經好咗好多，之前連見都唔肯見，唔好再逼啦，佢打文化牌，兼英雄公主娘的世界只有黑同白，無灰色（讀書玩個98個灰tone 就有灰色）奶奶唯有接受最后的 say hi and say bye 結案。因為英雄公主爹講咗一句，如果吧渣逼到英雄公主娘甘埋身，我一定發爛咋同發癲，你地未見過英雄公主娘有幾恐怖，系一個一發不可收拾炸彈。所以有吧渣在場，佢一定要在場，費事佢真系撩起我把火，英雄公主爹就要負責滅火（拉開我）。

臨走，奶奶突然拋咗句嘢，話吧渣都唔知道系咪想個女早斷人奶，可以交俾人湊自己可以返工，但溫達老豆已經話叫佢唔好返工，佢又唔肯……我無出聲，佢生個女只系想綁住溫達老豆而已，點會真系湊女呀……唉，奶奶繼續，我唔會同佢湊咖，我都辛苦咗成30+年我同老爺都應該系享受余下的時光做自己鐘意做的嘢。雖然我都鐘意個孫但我唔可能日日湊。奶奶，你都幾挑通眼眉。跟手問咗老爺一句，老爺最近有無間溫達同吧渣只狗，老爺話唔覺眼，次次去都系鎖咗佢兩只系地底…… 我話之前吧渣日日又攬又嘴兩只狗咖，依家甘gee？老爺奶奶張口互望……無言，我目標達到。

接下的我無講俾老爺奶奶聽，其實我心知肚明，我唔同吧渣講嘢，對我完全無影響，對佢亦無影響，佢又唔會食唔安，坐唔落，橫豎我系佢心目中只系一個“低等人家”，我唔俾佢踩仲有大把人咖，佢成日以為自己好聰明，以為我聽唔明系到任佢儒辱，懵柄我就算聽唔明，但我睇得通，我唔出聲 jee，到發現我唔同佢講嘢先知道我原來系明，甘又點，其實大家生活河水不犯井水，一年都見唔多過4次，做乜搞到甘煩要搵人拉翻D關系？佢連對手個底（我）都未清楚就去到甘盡，吧渣真聰明咖 jee。佢兩條縮骨精，估都估到想做乜，我地同溫達老豆住得近，之前溫達老豆成日周圍飛的時候，系我地去喂溫達同死咗的莉亞。之前吧渣問我教唔教佢英文，當時話有時間先啦…… 如意算盤 - 想我免費湊女，因為系低等“仆役”工作當然系英雄公主娘做咖啦，因為磨骨粉D甘工作當然系只有好似吧渣阿婆屋企個工人做，英雄公主娘同我阿婆屋企個工人無乜分別 jee……同我死開，想我免費教個女英文，成日有人打電話黎求教，因為呢區得我一個教兼好彩我D學生都系由唔合格變優良翻黎（因為怕我柄），但我都無時間教，今年推咗唔知道幾多個……有時間我系要收錢雖然唔多，我點都要收，因為我有付出，兼我系用心教，唔系誤人子弟，我D學生見翻我都好開心，呢樣系我的回報，所以吧渣唔該行開，因為我見到你我只會嘔吐。講開，吧渣未浦頭之前，溫達老豆無甘縮骨，以前佢搵我幫手都會俾錢就算唔多都會俾……

我唔同吧渣講嘢，原因好簡單，如果我低頭，我只系鼓勵佢更蟹，到時大家更無日安寧。佢知道老爺奶奶疼我，所以講到好似系我唔妥兩老，等兩老擔心，都好絕，估計甘會逼到我。估唔到我會坦白成甘攤開曬我D原則講，我又甘企硬，英雄公主爹幫埋我，佢未遇上過亞洲對手，以為同意大利D對手差不多或更低，呢樣最錯，好似老友講，佢朋友個法國老爺講，中國人好深，好難睇得通。依家佢攞住張皇牌系手，所以老爺奶奶都要屈服。我條頸硬過鑽石所以我話唔講就唔講，一系開口就要佢死，呢樣有少少腦都應該知道我對住佢開口通常都無乜好說話出（如果大家記得上一次講佢個女13歲教育方案，我只系一句就全場鴉雀無聲果一幕）。請自由選擇點到即止定玩爆大鑊。我情愿爆鋪勁，玩大佢，但我驚老爺奶奶受唔起，所以 say hi and say bye 就收工。

公主英雄新照片

久違的公主單人照片，呢張系剛買的新 matt 同水兜與食物兜。
其實想買個泉水式，但好驚英雄玩水搞到漏電…… 
所以都系等佢再大D先埝。話甘快，英雄已經6個月大。

上次寫少咗樣嘢，凈系掛住寫佢D牙…… 英雄5個月開始學“同人講嘢”。
系，同“人” 唔系同貓，佢俾公主遲好多同“人”講嘢。
同貓講貓話，同人當然系講“貓人話”貓同貓之間其實多數用身體語言、氣味、同“留言” 即系貓爪痕跡，通常都系遠距離就可以溝通。
如果要用到聲音，發聲時貓的口系會展開。
同人講嘢，唔系所有貓都會發展一套同人類溝通的貓語言。發聲的時候個口系合埋。同發出呼嚕聲唔同。最容易系同你打招呼，入屋叫人。
英雄因為一直都有公主同佢一齊，所以佢基本上唔點同人講嘢……
加上佢郁下條尾我地就知道佢想點，所以佢發展呢套語言遲公主成2個月。
最初佢同我講嘢都系開口（都唔知道佢系咪當我系貓……）但5月開始就有D無開口的語言出現。
到現在6個月，套語言都未發展得好好，無公主甘完整。可能男孩子的語言天份普遍俾女孩子低呢？

就甘睇佢一個好似好細件頭…… 都系俾公主系佢旁邊的時候對比一下就知道。

真系搞到同公主甘高甘大……佢仲有排可以大，可以大成點？估計會有8kg （同佢老豆一樣）或甚至更大……

英雄同公主近況

明日英雄足6個月大（我寫好之后睇下，明日5月28日，都好似系我自己的舊歷生日啵……端午節……系小樓子講定我知道，但無乜記性……求其啦）……依家先貼佢5個月大的相，希望大家唔好見怪
俾張公主同英雄的合照大家睇下先。唔好以為英雄仲好細件頭，公主系四腳企系到。英雄呢就坐系到，仲要dup 底咗少少個頭。睇下一張水平拍的就清楚D我想講乜。

睇清楚D未呢？




英雄究竟有幾大（以下全部都系5個月大的，明日6個月會再影之后再 update)

無得比較，都幾難估計……

有英雄公主爹俾大家有D概念英雄有幾大份。




呢張…… 有人可能會覺得嘔心，所以可以唔睇，但好少機會會見到貓換牙。
幼貓3-6個月會換牙，但唔系好似人甘掉咗系原本個位到生。
恒齒會系乳齒旁邊生，張像睇得最清楚系犬齒（上顎 ）
其他就同乳齒平排（內面）生所以好難影，果段時間日日睇英雄D牙就好似睇鯊魚個口一樣 （成口牙）

多謝郁記提點，最后系部 DS 到搵到個 micro 功能。
但最后都系一手影，因為英雄公主爹唔得閑理我……
我日日都對英雄俾佢睇D牙都睇到佢怕鬼咗我。

我日日睇，系想等乳齒掉下可以收起。
但搵唔到？！ 我成日聽到英雄系到磨牙（依家無嚕，因為出齊曬）我懷疑佢吞曬D牙落肚
公主出牙的時候無影，但都系……搵唔到D牙，但佢無英雄甘離譜，磨牙磨到嘈醒我。