生日快樂－美人1歲！

阿娘其實真系發雞盲⋯⋯以為自己打左 Princess 就甘就save 左⋯⋯
原來個“i"無打到⋯⋯手快快趕呀！

時間真系過得好快，仲記得呢隻貓蜘蛛（我地成日笑佢 SpiderCat 因為成日爬個蚊窗，掛系上面）4個月大由瑞典見到果陣個樣仲系個腦海到。甘快已經同我地一齊8個月。

睇住佢長大，同英雄成日出雙入對，好安慰。
尋日已經準備好雞腿餐今日開 party 用。
美人尋日已經忍唔住走黎偷！最後俾左D佢都仲坐系廚房張枱到等。

我唔知道佢的生日願望系乜。
我地的願望系佢健康快樂，長壽安康。

今日已經送左D祝福俾佢3個細佬同妹妹 ：）
仲收到佢配育員，佢爸爸，哥哥（半個個）配育員的祝福。

美人的配育員收到美人新的相（我定期會報告同俾相佢地，今日系美人大日子當然有今日熱辣辣的新相啦），好開心，話美人D毛雖然唔系好長（睇佢同英雄就知道個分別），但佢件頭比想像中大，同D毛好有光彩。所以佢地好開心：）佢話仲記得一年前的今日佢好緊張，因為 I litter 將會出生，仲記得美人由阿媽個出黎個樣，一切一切都仲好深刻的印象，但眼前的相證明時間已經溜走，醜小鴨已經成長。

實在太高興

尋日第一次整成隻兔仔俾D大帝。
淨唔要D骨頭（因為我部機唔可以將D骨頭磨唔到甘幼，所以我用 basic pack）
同唔要個腎。
起噻D肉，連內臟（心，肝，肺，肥糕，腦，眼，舌頭等等）個肝已經87g D肉有成1k100g！
但無額外加肝，雖然已經買定30g 牛肝。用翻隻兔有幾多肝就算。
加左少少南瓜粉（3g 開出變15g）同60g  basic pack。（南瓜幫下排毛）
我搞隻兔仔的時候有兩條黑色鯊魚系我身邊系甘轉。
美人衰到跳上枱偷兔肉！！佢好多時候系八卦多個真系有興趣食。
甘我就切左分噻俾3個食，
美人系第一次食兔肉，開始的時候有D唔知道想點，望下我好似問食唔食得ga
但見英雄系甘食，佢有食下。公主又奇怪地食，我知道佢系唔鍾意食肝同生。
所以本來捻住佢無興趣。
搞左差不多2個鐘頭（連起肉，切粒，絞碎，混合，分裝）放入冰箱。

今日早上拎左一瓶入雪櫃解霜，
阿爹唔系屋企，我等唔切想睇下英雄同美人食唔食。
淨肉我知道佢兩個應該無問題，但撈埋D眼，肺同腦⋯⋯唔知道會唔會抗拒。
貓就系甘⋯⋯細的時候無接觸果D野會抗拒。
公主成歲幾我 introduce 生肉俾佢，佢唔要。
英雄同美人一到我已經俾生心同肝佢地食過。
因此⋯⋯英雄鍾意食生！！

我偷偷地寮左面個D已經解左霜的回暖餵。大概40g
我分左2碟，本來捻，有肝，公主唔 hu，所以俾其他野佢食。
美人食一半就走開左，（佢成日系甘，食10－20g 走去8一輪之後翻黎再食，系夜晚系睡房無乜可以8，就乖乖地食噻⋯⋯）
英雄，1年來第一次食自動食噻之後，我仲要系就甘放底隻碟佢自己走埋黎聞，
平時⋯⋯要放到佢鼻前甘衰！！
佢竟然走去食埋美人留底果D呀！！創新記錄自動食噻30g！唔需要逼，唔需要引佢！！
佢將兩隻碟洗乾淨！！
上星期D 牛同火雞生肉已經自動食，但未致於走去食埋美人留底果D，同我都系仲隊到隻碟系佢面前佢食。

公主呢，食噻自己D野之後，我留底少少系枱面，睇佢會唔會去清。
佢鍾意偷，所以擺明系試佢偷唔偷
佢真系走佢清埋！有肝佢都hu！！

甘我整定D南瓜，方便撈落公主果份。
太高興，英雄大有進展！
公主肯食生。美人應該無問題，只需要⋯⋯放佢入睡房食應該 ok。

生肉迷思（追加）

有乜好加⋯⋯
因為尋晚無俾美人D便便臭醒。其實都無淨尋晚，前晚都系，不過以為系間中一次，
所以無寫。
英雄同美人跟我地入睡房。

我好容易醒，少少聲都會醒。所以佢地兩個成晚乜郁動我系知道－包括上廁所我一定知道。

但唔會嘈醒阿爹，因為阿爹唔容易醒。雖然佢兩個埋金好落力，特別系英雄，

連出廁所之後都繼續埋，包括D食物，埋到D碗 keng keng 聲。

但美人D便便極臭，雖然佢已經好努力甘埋，

點埋都無用，實在惡臭。厲害到可以臭醒阿爹。

阿娘就唯有起身清理清理。如果唔系兩個都無得眠⋯⋯

美人同英雄系睡房同我地眠，公主就自己系外面，唔系大細超，因為公主食噻佢兩個D野。
佢兩個食野鬼甘滋陰⋯⋯25g 一次⋯⋯ 成晚起身幾次先食噻。食左唔系就眠⋯⋯走去玩，
玩一輪先眠⋯⋯仲要揾地方眠，
踩醒我，佢地醒目唔會去阿爹果邊揾地方，
因為阿爹成晚轉身，佢兩個知道“唔安全”所以系我果邊揾地方多。
公主就唔系，放底60g 3分鐘照鏡！！
唯有忍痛分開佢地。唔系佢兩個餓到死，公主就肥死。

但點解公主唔入房放英雄美人系外面⋯⋯
1.因為佢兩個破壞力實在太強⋯⋯絕對發生其他意外，睡房無乜可以破壞包括－無電線，無琉璃）
2. 間房點都細，佢兩個可以玩到唔記得食！！如果俾佢兩個系房外其他地方，一定早上原兜回收。

最少我依家可以眠多少少，唔需要起身差好遠。

我寫系呢到唔系鼓勵所有人都餵生肉。雖然生肉有好多好處，
特別系英雄，我依家將隻碟放系佢前面（貓食具系瓷器或 stone 碟唔系用金屬兜）
聞一輪就會自動食（呢幾日即刻清噻25g 呵呵），唔系好似其他野甘，要逼佢食（都系食得果10g）。
生肉處理衛生好重要，特別系由屠宰至肉店果段路程。
如果肉唔新鮮唔可以餵。肉店衛生唔好唔可以用。
羅馬天氣還好，唔系好潮濕，加上我地同肉店老闆溝通，邊日新鮮到達，果日早上去買，
超級市場貨色唔要。

餵食 － 我系由冰箱攞出黎放入雪櫃解霜，大概8－12個鐘頭。
之後每次食幾多，放入兜到坐熱水回暖（大概3分鐘）之後即刻餵食。
絕對唔可以用微波爐（反正我無微波爐，我好憎用微波爐！）
因為微波爐會破壞所有維生素同最嚴重牛黃酸。

食完即刻拎走（雖然有時候食唔噻，我隔10分鐘再引佢地清埋）
要花的時間同心思好多。如果無時間盯住佢地，根本唔可能餵。
我地系一日6－8餐制度（慢慢減餐數加每餐份量，英雄應該食300g 但依家食住200g先等佢個胃適應翻個份量）唔系 free feeding。
除非一日2餐制度可以做到而D貓可以一次食噻 100g（女） － 150g（公） 就無問題。
但唔系所有貓個胃已經習慣呢個份量，大概知道 100g 系上限。
已經 free feeding 開就好難，要請假2星期淨訓練D貓習慣 fix time ⋯⋯
可能都訓練無功。
我地唔系全生肉餐，中間夾罐頭，都系食完就要拎走（唔系公主走去食埋⋯⋯又肥死佢）
所以如果想轉做生肉，先自己做多D功課，同考慮自己D貓同生活習慣可以唔可以做到。
可以做 partly 唔全部，但肉的品質同處理系最大的考驗。

生肉迷思

如果有睇開我寫貓的朋友我有段時間系餵生肉（部份，唔系全部）。
後來英雄有問題（因為前無能獸醫關係，無病都俾佢搞到病左）
換新獸醫之後，新獸醫唔鼓勵餵食生肉。
擔心英雄的腸有問題。
不過問題出現⋯⋯英雄唔想食其他野，淨食貓餅。
都有試過其他牌子的罐頭，唯獨系D最差的佢竟然肯食⋯⋯

英雄其實鍾意食生，甘情況究竟俾定唔俾？
唔聽獸醫叮囑有問題就真系自己攞黎衰⋯⋯
但呢個傻仔，要日日用手餵，之後就有心理問題⋯⋯太粢阿娘⋯⋯
無阿娘就唔食，夜晚佢食貓餅之前都要阿娘摸佢一輪佢先去食幾粒之後又要阿娘陪佢去食⋯⋯
絕對知道貓餅唔好，D唔好的罐頭更加唔好，屋企煮得幾多都煮，
但生生地都有少少驚，同煮過個傻仔又失去興趣（死唔死⋯⋯）

系貓展認識多個配育員，其中一對系義大利（男）另一半系日本人－小百合，
佢地選配土耳其凡貓 Turkish Van，其實我知道羅馬有另一個亞洲人系配育員，
因為睇拉齊奧貓會晚宴的時候見相（我地通常唔去⋯⋯因為之前淨識得一個英國配育員）
2010年9月的貓展同小百合擦身而過，因為佢同佢另一半同其他人傾，
所以無去打招呼，但我地參加一日⋯⋯錯失機會
到2010年11月的羅馬貓展終於有機會同小百合傾下，
原來佢都識得英國配育員。之後聯絡多左。
好多”自己友“（非貓會正式活動，系幾個配育員自己去郊遊，飯局）活動。
可能大家都系亞洲黎，阿爹同佢另一半（我唔夠膽叫佢系佢老公，因為好似無結婚）
因為都有亞洲另一半，同非常傾得埋，所以更加老友。

同佢地好多對養貓選配方面都非常合得黎。因為凡貓的 foundation 得4－5隻，
所以開始的時候已經非常注重近親繁殖的問題，而且佢地凡貓配育員之間都非常合作。
互相交換書，網站，link 一切可以分享的都分享，
直至最近先知道原來佢地系餵食生肉！
我地去佢地屋企同系貓展都見過佢地D貓。
佢地俾埋驗血報告我地睇，話其實佢地獸醫都幾反對餵生肉。
所以無話俾獸醫知道，自己研究就餵左2年。
直至最近個獸醫問 － D貓驗血報告甘靚仔，佢地食乜？
小百合偷笑，話系日本處方呵呵。

甘我地又有D信心俾生肉我D大帝食（除左公主 －佢無鍾意生肉）
佢地好好，俾噻所有資料同一包 basic pack 我地試。
個 basic pack 已經包括骨頭，雞蛋，維生素等等。
60g 粉開236ml 水加900g肉同100g肝（切好或磨好）
分裝入冰箱就搞掂。
甘其實都好簡單，星期五走去買肉（順手幫小百合地買埋2隻兔同1隻雞，本來應該3隻兔同2隻雞，但我地肉店D兔同雞比市區買到的大隻，我打電話問小百合2兔1雞已經6Kg夠唔夠？佢話夠啦，真系大隻過佢地平時買－仲要平－當然郊區D物價系平D）

我就買左450g火雞同450g 小牛肉50g肝（唔夠膽俾甘多肝⋯⋯試左先）
到屋企，英雄同美人聞到有兔有肝，仲唔跟到我實？
我都系穩鎮少少，切好用熱水沖左一次先撈埋個basic pack
都未入冰箱，佢兩個等唔切，我就俾d佢地⋯⋯甘就食左D。

星期六送D兔同雞俾小百合，佢地叫我地順便睇佢地點整。
小百合屋企有幼貓同有隻 mix breed （佢地救翻黎）有D問題，
所以唔可以成日離開屋企，當然我地去探佢地仲好啦。

我同小百合講個食譜中有南瓜 －呢個季節去邊樹揾呀⋯⋯
小百合即刻俾埋一罐南瓜粉我地！
話佢地通常都訂多D，因為義大利郵遞非常差，
上次訂貓奶遲左，D幼貓無奶2日！
所以以後都訂多D

佢地整得仲高級，有台絞肉機，其他材料唔系一包搞掂。
好多瓶瓶罐罐。
因為佢地連骨頭絞，所以個 basic pack 用唔著。
小百合另一半示範我睇點切兔仔，邊D要邊D唔要（唔要的淨系個腎，其他連頭連眼都要埋）
邊個部份邊隻貓鍾意食，所以唔絞碎，切粒。
其實佢地連洗都無洗隻兔仔⋯⋯
D 貓就系切的時候不停系廚房附近問攞食呵呵。
我話美人同英雄都等唔切要雪24個鐘頭⋯⋯
佢話，其實唔一定要雪24個鐘頭。
貓對細菌能力好過人好多，所以佢地都好放心就甘俾。
因為買的系全兔同全雞，越少切口系肉店越少機會有細菌。
所以佢地一買就買全體，屋企環境細菌點都唔多（除左D貓自己D細菌）
切好其實已經可以俾，叫我下次唔好買切左的，
甘就唔需要用熱水沖。

佢地間中都會用 basic pack，同D南瓜粉等，
以後可以一齊訂，一包過送去佢到（我到就免⋯⋯10世都唔到⋯⋯）
甘去貓展點算？D 生肉唔帶得甘遠？
有罐頭，俾左罐我地 －都系 internet 買。
美人食，最奇怪系英雄肯自己食！！
所以唔該下次訂順手入埋貨俾我地！！

午飯佢地系屋企整埋請我地食 ：P
阿另一半同阿爹一樣非常鍾意入廚，而且整得好好味！
好難得揾到一對同我地甘“臭味相投”的貓奴才。

英雄同美人食左幾日生肉＋罐頭，少左好多餅

英雄對生肉當然無問題，美人最初麻麻，但見英雄食得津津有味佢又要搶黎食。

甘就食埋

暫時無乜問題，仲即刻重左。
大小正常（當然D 大大細件左無甘臭）
少左餅其實美人唔肯，但我就唔俾，系阿爹先會俾（所以俾佢激死我）
食生肉之後果餐佢地早D餓，可能消化快左所以餓得快，
變相其實食多左。終於明白點解小百合隻大仔可以一日食300g生肉餐！

公主呢⋯⋯掉噻D肝出黎，食左D，不過佢食的話，我要加好多南瓜俾佢。
因為佢唔食得甘豐富的蛋白質。不過南瓜又唔知道佢食唔食⋯⋯
等星期五有新鮮肝同兔仔，再整睇下點先！

勞動節都過埋⋯⋯無 post？

系⋯⋯忙⋯⋯到⋯⋯顛！
博友都可能發現我少左去人地屋企留言。
但我系有日日睇，但無留乍。
有時間會補數。