小樓子萬歲！

上個星期在網上見到小樓子，她突然同我講……

“你張出世紙我幫你搞掂咗啦。”當時好驚訝又感動，本來同小樓子講好，等我返香港，我自己攞張出世紙去法院蓋章。費事麻煩小樓子走來走去，兼可能要攞我張授權書。最后小樓子自己打咗電話去法院問可不可以她幫我代辦，之后就無話俾我聽，就走咗去搞……“到時你返香港咪煩少樣啰！” 多謝小樓子！“一世人兩姐妹無計啦！”

小樓子好唔話得，當知道我地返香港的機票到手后，就馬上向公司請假，全程陪我地。連上北京都跟我地上。其實小樓子都系北京住過加埋都有幾個月的時間，我問她，“你唔怕悶？北京你都行昀啦！”，“可以故地重游”，其實我知道小樓子想多D時間同我在一齊……

有朋友問我，小樓子系06年圣誕節已經黎羅馬做乜見過啦， 做乜甘快又去香港見她。其實，原本的計劃系今年11月返香港同小樓子做生日……不過11月有事，要提前，就提前幫小樓子做生日吧！經常想念小樓子，經常擔心她在香港唔知會點，我好明白小樓子唔系細路，不過她永遠都系我心目中的小女孩，永遠那么窩心。每一次分手的時候都在想，什么時間可以再見到小樓子，每天打開MSN（我唔鐘意講電話，所以無打電話返香港），都想見到她出現，想問她今天她過得好嗎?身體如何？有無人激親她？

一生人能有這樣一個甘好的妹妹，我覺得好心滿意足
注 ：公主娘個名都系小樓子幫我改，她幫我改咗之后，我就改嘥用公主娘到處游。

芝士凍

個芝士凍系試板……

見阿心靈湯同郁郁貢的爆牙的芝士凍做得靚，心思思想整好耐，不過硬系無動手。阿公主爹在進行減肥計劃，所以材料方面一直都想搞light D，所以就攞咗她們兩個的食譜合體，再加咗D嘢……enter
我問咗阿心靈湯cream cheese 系邊只，她用的系P字頭個款。但我又唔想太heavy,所以改咗用 Ricortta 試試。另外就系郁記的食譜中的檸檬汁同檸檬皮，個cream 的打法，系跟郁記個個食譜黎做，又真系幾快打得起，生果方面，當然就無阿郁記甘正，有新鮮藍梅，上次做水果撻有D 罐頭桃余下，就用完吧。最后系個底，郁記個個無底，心靈湯個個系消化餅加牛油做的，最后就試下用Tiramisu 的手指餅做。enter
旁邊個D餅其實嗤唔實，就益咗公主爹可以“撻”嘥D餅黎食！個餅其實都幾穩，棟得起！又好檸檬味。好在做個底之前就放咗張保鮮紙 ，如果唔系就脫唔到個模。
材料：
200g Ricortta enter
200ml  cream enter
4table spoon sugar enter
2  片魚膠片 enter
1 個中檸檬皮 enter
1 個中檸檬的汁 enter
做法跟郁記個個食譜就搞掂！

Sanibox

呢包嘢非常好用，簡直系與貓或與狗同住的爹娘最好的發明！爹娘們一定受惠！

呢包東東系可以洗地板（寫住可以洗木地板添！）、洗貓廁所。除臭效力驚人，但唔會傷害貓貓和狗狗。我一直都為咗幫公主洗廁所而頭疼，因為驚唔夠干凈，公主就會走去花園到搞搞震。洗得干凈，又驚有毒，愛公主變成害咗她。長久以來，都系用嬰兒用的消毒劑幫公主洗廁所，不過洗完之后，成個廁所（人用個個）都非常消毒劑味。公主爹投訴，啊娘你下次洗公主個廁所時，唔該輕手D落消毒劑…… 公主爹我已經好輕手啦，不過消毒劑味好強勁，我已經連人個廁所都洗埋都仲有味……
用咗呢包嘢之后，D廁所（人同貓的）唔單止唔味，仲好清香。呢包嘢系贈品，系我地成日去買貓糧的寵物店的太太送（阿太太系老板的媽媽所以年紀唔細）。阿太太經常計錯數，每次都同要提阿太：“阿太，你計少咗x 歐啦！”，阿奶奶家的Jerry (加菲貓真板）亦系老主顧，所以阿太對我地印象好深刻。第一次阿太送咗兩包俾我地，我用足一個月。第一次過之后，已經想買，所以再去寵物店的時候，就問阿太，幾時有得賣正貨，阿太依起趴牙，又俾多兩包過我地，“好用貝！上次我俾你系薰衣草味，試下呢只檸檬味啦，唔系急，未有貨上架之前，用呢D板先啦。我仲有好多啊！下次再俾另外的味你地試” 多謝阿太！

改良了的磨爪器

個磨爪器唔單只有新的繩子！

仲高咗好多！公主爹高1.7米（鬼佬來說，系矮仔一名）所以大家可以想像有幾高。 本來個磨爪器只是到公主爹條肥腰到，一年前換的繩子都給公主玩散，要再換。一年來，我們都想做有座由地板到天花的磨爪器（我們兩個都系“ＤＩＹ＂信徒）。不過羅馬的材料好難搵，兼有技術性的問題，所以最后都只是改高上個節，等夠材料同解決技術性問題再做座新的。 我們買繩子的店是在家附近的一家類似五金大超級市場，個日買的時候，公主爹問我要多少？我話舊年個３鹿加在一齊用咗９０米，不過個老板娘就已經唔太高興要度９０米俾我們。依家個鹿筆舊年個３鹿肥仔，長１米，鬼知要幾多！我就話不如買夠１００米，橫豎都要繼續整，就同店東話要１００米，當然，店東就面有菜色，１００米點度俾你兩條友仔，咪玩我的樣，我就瞄到鹿繩上高寫１公斤賣多少，就同店東講，可以用重量嗎？個店東就依起爬牙，好啊好啊……經濟Ｄ用重量買平Ｄ……咪講廢話……都系一樣，我知你懶咪幫咗你一把，都唔醒水……　磅完之后就話，打個折俾你啦（其實都無平幾多）。之后就問，你地買甘多繩做乜，公主爹就答做貓用的磨爪器，店東個樣好似想講，兩個神經病。當然我就開始開口講，貓如果唔用磨爪器就會磨家具，講到呢到，公主爹就話趕住走，推咗我上車。上車之后，就話，好彩他推我走，不然，個店東就有麻煩，我問他會有乜麻煩……　公主娘開口講貓可以嚇走人！因為可以連續講６個鐘！

新貓／狗罐頭

新上市的貓／狗都可以食　－　百分百鵪鶉!

鵪鶉 - 我之前要買返來煮給公主，不過要新鮮的都幾頭癢。因為平常都系一盒裝，4只……點食……我同啊公主爹都唔太好鵪鶉這家，好在附近剛開咗家肉店，可以買1只，不過唔經常有。上個星期去寵物店shopping見到呢盒新的，就買咗返來試試，公主肯食，仲好似幾鐘意！！！ 我們老懷安慰。最少我可以唔用日日去肉店問……只系買雞肉給公主的時候見到有先買：D 罐罐頭的肉系肉醬，通常公主都唔like，不過呢罐又食……貓系難以理解的動物（比女人更麻煩）……

腫腫面

公主好健康，不是因為有病所以面腫腫……

第一次見到公主面腫的時候是有點擔心（都3年前的事），個日好驚慌地讀了一篇關于貓面腫的文章。不過見那張附圖的貓腫得真的比公主厲害很多，再看公主過一點時間就沒有，才放心。貓面腫可以是FIV（貓艾滋病）得病癥，不過公主４個月就已經打了這種病的防疫針，加上沒有跟其他貓有“聯絡”所以有這種病的可能性很底。慢慢地就發現……公主面腫是　－　想睡覺的特徵……　每晚１０：００就開始腫，開始在我們身邊轉，要我們跟她上床睡覺！！只有啊爹不成，只有啊娘也不成，一定要兩個都上床，不然不放過我們。還要睡在我們兩個的中間，加上她的“御用枕頭”　－　我的就眼鏡盒才睡……

吧凳

呢兩張凳都搵咗好耐……

其實系我麻煩，呢兩張凳本來應該早就買，我們的廚房是開放式，張吧凳是在廚房對著餐方個邊，可以系個爐前邊對住花園食小食或午餐用，不過個廚房都整好咗成年半，但就看來看去都看唔中張吧凳…… 看中的，唔系太高，就太低，價錢太高（有一張價錢250歐元：S)，就顏色唔對……本來已經看好 Ike_ 的一款，不過就硬不想買多見 Ike_ 的家具，我屋企就快變他們的showroom。 最后竟然在一本我們經常去的DIY （意大利 Fai Da Te） 的用品店的冊子見到呢款，就問公主爹覺得點？公主爹都鐘意，但就話我地成日去，都唔見有，唔知仲有無……，一個星期后又開車去看，其實個show 場好大，張凳系一個角落頭，如果唔系特登搵，都見唔到。價錢唔系太貴，比Ike_ 個張平10歐，不過就重身好多（木材也好好多）。不過就高咗D，但公主爹檢查完畢后，話要該低10cm 應該唔難。就托咗它們返屋企。 打開個盒，先知道系越南的制品，不過木材系南非……一時間個腦就有張世界地圖，點搞都唔明…… 反正依家我們的早、午餐都系在呢兩張上度過。 公主當然唔會放過呢兩張凳，不過就凈系在我們晚飯時先霸住張吧凳。

益？多

個日俾郁記提一提，又真系好耐無貼blog…… ：P 掛住搞香港北京2星期游，兼加上要煩惱啊爹同啊娘去玩2個星期，公主一個系屋企要準備D乜，所以無寫一陣。 今日寫一寫，等有時間（我仲有其他嘢要搞，部相機D相都仲未load 落部電腦到^_^: )再貼其他的文章和照片。

話說益？多（無圖，怕給俾人話我賣廣告） 在意大利的電視上賣了好一段日子的廣告，講真個句，如果我唔系細細個已經飲，看完個廣告都唔知道乜系益？多；更唔會看完個廣告特登走去搵同買。公主爹第一次看完個廣告，就問乜來架？？？因為個廣告只系話有益健康……用乜做，有乜好處（親愛的廣告客戶，健康都有好多種，請問邊種健康？？？），味道如何等等都唔講，凈見到一堆好似著改裝白色旗服的女人在類似實驗室的環境里走來走去。跟住就指定的consume shot 就這樣…… 好搵笨（客戶）的廣告。 好，知道益？多打意大利市場，超級市場應該好快有喇！我們都系去羅馬市內的大超級市場（如果有印象，我們系住在市郊），搵咗都3個幾4個月，都唔見。終于在8月的第一個星期見到啦！一排7支，不過俾我印象中的1999年香港益？多版本細咗三分一……兼無寫每一支有？ml…… 公主爹請咗大佬溫達老豆試飲，他話都估唔到味道系甘樣，不過都幾好味，如果唔系公主爹買咗，試過，就真系唔會想過自動去買……加上價錢令人懷疑 你估羅馬賣一排甘樣的益？多，要多少銀兩？（估中無獎，小樓子唔準出聲，因為我講咗俾你聽） 提示：貴