復活節快樂！

臨急臨忙趕到隻＊蛋＊出黎，
恭祝各位有個愉快的復活節假期。
點解甘趕⋯⋯
其實系2日前我老師突然提出要玩下。
G2 瑞典文果班，所有人，包括課程指導 （course leader） 同課程參與的同學們都要畫蛋慶祝復活節，個題材系貓的斑紋，G2-EN 因為星期二先發出通知，所以可以自選 EMS code 畫。我地賣大包，提早開最後2課，等D同學可以早D安排點做所有論文。
但⋯⋯ 隻復活蛋個 deadline 系星期四！！
得2日⋯⋯我系課程指導⋯⋯無理由甘樣衰唔交貨。
屋企淨翻一隻雞蛋（2隻鴕鳥蛋唔搞住⋯⋯甘大2日一定唔掂）即刻清理好隻蛋（用針筒系非常快同乾淨，不過唔系吸出黎，系打氣入隻蛋逼D蛋白同蛋黃出黎），coat 層 gesso 等一晚，尋日開始開工搞個背面。我之前其實都有畫過，一系唔上色，一系就一路畫一路脫色！所以今次精， coat 層 gesso 用油彩好過。
今日已經交左 ：P 雖然隻蛋未乾，但影相交都勉強可以⋯⋯ 油彩最討厭系反光，影相好難搞，同失真好多。但我又唔想用水彩⋯⋯所以都系油彩。

PawPeds Health Programme against PRA now in full swing!

The first test results are now entered in PawPeds. Most cats do not have the gene for PRA, but there are some cats that are carriers and hitherto two cats that are affected. Cats with health results entered have the letter h in brackets to the right, you will find a [h]

How to find cats with health results entered in PawPeds:

Go to the SIA database, link http://www.pawpeds.com/db/?p=sia&date=iso

Click on Advanced Search and scroll down a bit, towards the bottom of the displayed, white square.

There you will find Health Info (to the left) and a box with a blue arrow (to the right).

Click on the blue arrow and mark Yes.

Then click on Search and a list of cats with health results entered will be displayed.

Click on [h] and the result for that cat in question will be displayed.

Wherever you are in PawPeds databases and independent of breed, a [h] always indicate that there is a result in a Health Programme to read. The sign [h] is visible both in pedigrees (= the ancestry of a cat) and in cat lists that a Search generates. When you are in the position “looking on a certain cat’s pedigree” for just that cat in question, you should instead click on Health Info (above the cat’s name, to the right).

How to understand the info in the health programme:

Issued by = the Laboratory that has analysed the test

Date = the date when the test was runned in the Laboratory

Age = the cat’s age when the test was done (first figure = number of years / second figure = number of months / third figure = number of days)

Negative = the cat does not have the rdAc-mutation

Carrier = the cat has one recessive gene for the rdAc-mutation

Homozygous = the cat has two recessive genes for the disease (PRA) and is blind/or is going to be blind

Here you will find information from PawPeds about the Health Programmes:

General information http://www.pawpeds.com/healthprogrammes/

PRA information http://www.pawpeds.com/healthprogrammes/pra.html

DNA tests and laboratories http://www.pawpeds.com/healthprogrammes/pradnatest.html

Recommendations http://www.pawpeds.com/healthprogrammes/prarecommendations.html

Contacts/registration of tests result http://www.pawpeds.com/healthprogrammes/pracontacts.html

How to get the result of your cat’s PRA test entered in PawPeds:

Send a copy of the laboratory’s official test result to the Registrator. Do mention that you as owner of the cat, want the result entered and made visible in PawPeds. It is OK to send this by e-mail.

If neither the cat nor its ancestry, is entered in the SIA-database, it is best if you enclose a copy of the cat’s official pedigree or corresponding document (it is OK to forward a scanned copy via e-mail).

Dagny (whose first cat’s test is on its way to the lab)

註解：SIA Siamese － 暹羅貓

PRA  (Progressive retinal atrophy) 中譯為「漸進性視網膜萎縮症」

Dagny - Dagny Dickens

我的老師，瑞典人，女性，一直為貓工作，在1957年六月28日擁有第一隻暹羅貓，在1974年十二月正式獲得註冊成為暹羅貓配育員。從1979年至1992年為 FIFe 瑞典分會 SVERAK 的正式血統書管理員。1982年至2002年－SVERAK 品種分會委員。Dagny 是所有組別的評判（接受 FIFe 訓練）現在是 WCF 的評判。Dagny 與挪威的 Eva Minde 合作編訂 FIFe 的 EMS 編碼。現在是 PawPeds 的所有課程的老師，部份課程內容由 Dagny 提供並且翻譯成多種語言。

Dagny 與另外4位來自瑞典，芬蘭和丹麥的暹羅貓配育員合作，開始 PRA 的健康計劃。現在計劃已經接收了超過100 份報告，其中一半的貓是正常異合（carrier），部份患病純合的貓已經出現視覺問題，部份是純合正常（normal）。希望這一個健康計劃能幫助更多的配育員選育，減低患病的貓出現。

雖然我自己是選育挪威森林貓，但是所有的貓對我而言都是一樣。請廣傳！

獸醫唔一定有腦！！

今日系 Yahoo answers 到睇到有人問：（翻譯義大利文如下）
我有一隻兩歲的母貓，我個獸醫話由於我隻貓體型比較細，叫我揾隻體型大D的貓黎配種。
請問有無人系羅馬有挪威森林貓或緬因貓可以用，要有 FIV，FeLV －ve 驗血證明。
最好系白色籃眼。我好想有一胎玩下。
睇完，我寫左鬧到佢死！！！
1. 成日話流浪貓問題系配育員的責任。唔該自己睇下，有幾多人系到自己繁殖！
2. 你生一胎玩下？有無捻D細的將來會點？生左你送俾人定賣？D貓去到新屋企有乜問題你系米帶佢翻自己屋企，如果唔系，你系米等人掉佢出街成為流浪貓？
3. 個獸醫絕對無腦，母貓體型小，揾隻大的公貓配，D細的如果體型大，母貓生唔出要開刀！！知道唔知道對個阿媽有幾大風險？！！！
4. 個獸醫鼓勵人私下繁殖⋯⋯另一絕對無腦之作。
5. 白色籃眼，貓會指定一定要有獸醫檢查兩邊耳朵聽力正常才可用作選配用。你求其揾隻如果系聾的生出黎的白色籃眼有50％機會系聾！
製造流浪貓問題的唔一定系配育員！我識得幾個人都系自己系屋企俾D貓生，生左送俾朋友，但你可以有幾多朋友接收5胎－25隻貓？到第6胎所有朋友屋企都爆滿，問我要唔要？！因為有D朋友遺棄左D幼貓？下！！甘你仲系甘俾你D貓生？？？依家黎問我？你唔好去死！！

羅馬 Ciampino FIFe' 國際貓展

D 相好多朋友系 Facebook 見過。但有D朋友唔用 Facebook 所以我貼下系到。

出展比賽的得美人一個，英雄系義大利唔見得評判住，因為佢要贏多張系義大利境外的證書先可以升班繼續系義大利境內展。但帶埋佢，擔心佢見唔到美人系屋企亂黎。錯有錯著地，佢第二日開始適應翻貓展環境。

比賽結果，美人系佢果組得佢一個，佢有夠 standard 所以兩日都贏左2張證書翻黎。
第一日阿娘走左去做 steward －經常地唔夠人做“妹仔”，因為非常辛苦，5個評判無個系義大利人，一個法國評判識得少少意大利文，所有評判全部英文⋯⋯但5個“妹仔” （有男有女）得1個識得英文（阿娘）同1個識得法文⋯⋯其他唔知道點算成日拉住阿娘解話。所以第一日無相睇，因為阿爹懶影相⋯⋯
睇佢兩個幾纏綿⋯⋯第一日美人驚出個 box 死攬住英雄唔放，甚至要鑽入英雄個肚到⋯⋯最後隔離個朋友幫手（我系台到唔知道發生乜事）抬噻兩隻出黎分開，阿爹先可以帶佢上台。
第一日評判系挪威人，評語：少女入成貓組，佢仲發育中，所以好多野都唔系好肯定，整體 excellent，耳朵形狀優越，面型非常三角，耳朵 setting excellent。毛質非常挪威森林貓。系甘多⋯⋯ 其實⋯⋯佢唔系好知道點睇⋯⋯ 算。美人又非常緊張，我自己仲著住妹仔制服唔可以多嘴問。阿爹又唔問⋯⋯反正都知道佢唔系好識得睇⋯⋯
遇上其他挪威森林貓的配育員，其中一隻系米蘭黎，因為由我個評判睇，所以我有機會同佢講兩句，隻貓好靚仔，我問佢之後我可唔可以去佢個 box 到同佢傾，佢非常好人地話好呀。佢隻仔仔入 nomination 佢問我幾點開始，我話未知道，佢話佢系外面，如果到佢問我可唔可以叫佢，我話無問題。佢隻靚仔入到圍，佢問我可唔可以 present 佢，因為我自己都有挪威森林貓，識得舞佢地。我話當然無問題啦，甘好機會摸隻甘靚的貓，我點會放過！另外一個羅馬的配育員帶隻挪威森林貓參加絕育組，都系叫我幫手。我當然無問題啦！所以兩隻都系我 present BIS。落台等 BIS 的時候，我帶埋阿爹佢睇米蘭配育員隻靚仔，之後佢問我地可唔可以睇下美人，我話當然得啦。佢黎睇，問隻仔好靚，點解佢今日唔出，2張 CACIB⋯⋯要出去贏第三張。明白，佢邊到出品，Europa's 哇！你可以揾到隻 Europa's 翻黎，好強呀。我答：佢系最低 inbreeding 果胎，老豆系邊個，阿媽系邊個。佢有D印象點樣，我話佢個頭型唔系好 standard，佢摸英雄，話佢個頭未生好，幾大，2歲未做老豆。佢叫我地唔好擔心，佢D仔都系發育到1歲左右停噻，到做老豆2歲幾3歲先第二度發育，4個月重成1公斤（2.2磅）。果陣個頭同身先合翻比例（依家英雄系頭細身大⋯⋯）。美人，佢好有潛力呀！邊樹出品 Vimmerskongen，下？邊位，我講美人阿公同佢老豆個名佢就知道。哇！佢來頭唔細！唔怪得佢甘靚。我話暫時未知道，佢仲發育中，個頭有排都唔定型，不過好重手，對耳個型就應該唔會走樣。佢睇完話，美人走勢好好。不過我話揾佢都揾得我辛苦，我主要睇佢近親繁殖同英雄配會唔會低。再睇佢性格，健康最後有無英雄無D野先決定要佢。佢話都明，要齊甘多條件絕對唔容易。問佢有無入圍，我話無，我地唔旨在。問翻佢阿靚仔邊樹出品，Wood Lack！下！Wood Lack 邊個系佢老豆，Ulika 哇！！唔怪得阿靚仔個側面甘熟面口！同佢老豆一樣！（佢老豆系 08年世界冠軍個老豆）你米仲勁！佢微笑，話佢因為識得法文，同法國配育員溝通方便，所以所有  line 都系法國黎。如是者 BIS 米蘭靚仔大獲全勝 仲贏埋 Best of Best。米蘭配育員非常高興，佢話個結果完全唔估計唔到，因為靚仔唔系超好狀態。呢樣真，佢大件過英雄（佢4歲），但上手同英雄差不多重。佢好淡定⋯⋯淡定到系台到等到眠左！！

第二日，我上午無做妹仔，因為隔離個朋友星期日唔展，阿爹的描述令阿娘非常擔心同樣情況出現⋯⋯所以同妹仔阿頭講星期日我唔撈。由於阿爹甘辛苦先可以拎美人出 box，阿娘甘懶⋯⋯當然要捻辦法。我打開道門，放美人最鍾意的 remover cream 系枱，用半個鐘頭引到佢自己走出黎，佢乖就當然有甜頭啦。跟住準備下佢就帶佢上台，阿爹抱住佢，佢系甘震⋯⋯ 我問佢尋日都系甘震呀？系呀⋯⋯佢又唔系震唔停，間中停下，我就系佢停的時候俾 D cream 佢，震一陣，又停，又俾，之後就唔震，系甘望住我，我等一陣又俾少少。（我俾的份量其實好少，系手指頭點少少連1mg都無）。輪到佢見法國評判。法國評判話佢好好，但毛唔夠長，無底毛（當然⋯⋯佢甩噻⋯⋯換季呀麻！），呢個評判之前評過英雄，我知道佢識得睇挪威森林貓，所以當然就系甘問佢個額頭同個下巴佢點睇。佢話佢個頭生緊，其實個三角面型未完美，但個額頭同下巴應該會好 Standard，最重要佢10個月1個星期已經甘重，佢骨骼好好。好高好長，毛質地好好。我問顏色 ok 嗎？好好，佢顏色比例好好，好夠暖色調。佢好 elegant，叫我去佢後面睇，佢擺好美人，話佢真系好靚。 跟住佢同美人玩，美人又同佢玩！仲捻住佢驚到唔識得郁，仲鬼甘快手，評判同佢玩得開心，抱佢，佢就系甘 rub 評判，評判個頭靠近佢，佢仲嘴評判系甘rub⋯⋯簡直系到出賣色相，好在英雄唔系到，唔系就大鑊。評判話美人系好有潛力的 show cat。當兩隻不相伯仲的貓一齊比，評判會俾隻好似美人甘識得收買評判的貓贏，甚至佢系無另一隻甘 standard 都會贏出。（甘大家明白啦！）Nomination 美人無入圍，其實都知道，佢太細同D2歲貓女比一定無份，同佢D毛唔夠長。

午飯妹仔朋友揾我，佢系法國評判的妹仔，話下午唔夠妹仔做 BIS 問我可以唔可以幫手，我望下阿爹，佢話無問題，佢一個搞得掂。甘我口痕問佢，另外隻 group 3 法國評判點評語。點解我會問佢，因為我識得個主人，佢都系羅馬，但一個是非人，成日系我地後面唱衰我地，但見面就笑口⋯⋯假到絕，佢成日同人講佢隻女靚個美人，因為佢隻女的公公婆婆都系 World Winner，我系台到見到佢，佢個女系靚，好淡定，無好似美人甘震騰騰。但有無需要唱衰人呢？但小人就系絕對唔可以得罪⋯⋯朋友話評判鍾意美人多過果隻貓女，無得同場比（因為美人公開組，佢果隻仲系幼貓組）美人有佢無的，佢有美人無的，但整體美人好過佢（因為佢識得收買評判乎？）。我著制服就上台，另外個羅馬挪威森林貓絕育組個主人好緊張走黎揾我，話佢隻貓好緊張，點算，系米依家就要帶佢上台。我問隻貓做緊乜？佢話終於佢眠緊，我話可以等5分鐘，依家你佢揾我老公攞 F3 噴少少系手俾阿貓聞，甘佢就聞唔到其他貓的味會無甘緊張。我會同阿頭講我 present 你隻貓，你唔好擔心。佢帶隻貓上台，佢驚驚地，我就 T-touch 佢一陣放佢入 box 等 present。絕育組先，我 present 挪威森林貓，雖然無贏，但個配育員好開心，好多謝我同阿爹幫手，佢之前Dshow 無甘定。米蘭挪威森林貓星期日代左我個位，但好似有D唔同，佢唔點同我講野，最後佢問我可以唔可以present 佢隻靚仔，我話無問題（注意：Steward 系 BIS 唔可以 present 自己的貓）因為點托隻貓有技巧，我問佢我托得ok嗎，佢話 ok 但可以再好少少，教我點托高個屁股同前面隻手點”聊“到佢抬起個頭。同我托慣挪威森林貓我托得佢地好舒服呀，所以個個挪威森林貓的配育員都想揾個識得 present 的妹仔，因為隻貓舒服就唔亂郁，有分加。如是者 BIS 靚仔贏出但輸 BOB 但已經好好。之後同米蘭配育員講左幾句後，羅馬個是非配育員走黎揾佢，系甘擦鞋⋯⋯甘我明乜事情啦。又唔知道講D乜⋯⋯尋日同米蘭配育員仲好好地，今日甘⋯⋯ 我唔理，我問佢攞張卡片，佢話尋日俾左阿爹，我話保險少少攞多張。

一睇⋯⋯我知道佢系邊個啦！我識得佢個 cattery 名，因為我有特別留意佢其中一隻貓女，但已經收場， 佢做左成日妹仔，仲要開夜車14個鐘頭翻米蘭，唔好煩住佢，等我寫mail 煩佢好過⋯⋯ 我mail 佢話佢知道果隻貓女個配育員其實有 propose 過同一組合的幼貓俾我，但我無要，因為我知道佢已經有隻一樣血統書的貓女系義大利，甘根本系搞破壞！所以我無要到。佢回覆我，多謝我講佢聽，同知道我系點的人，佢好高興我無要，同從呢件事件知道我真正系一個點的人。佢話黎羅馬一定揾我，叫我教佢煮亞洲菜，如果我地北上話佢知道，佢想請我地食飯。

羅馬挪威森林貓絕育組個配育員系會場外同羅馬個是非配育員同我老公吹水（都話小人唔得罪得，呢D情況阿爹最識得做），絕育組個配育員問阿爹美人邊樹出品，個是非配育員竟然搶答 Vimmerskogen （我老公系主人都未答⋯⋯）跟住就將話題轉到佢隻貓的祖父母系世界冠軍⋯⋯ 因為美人個配育員（貓舍）系義大利唔出名，所以唔系好多人識得，因為佢地無點出口貓（我系美人出塞好似寫過）最遠果隻米就系美人⋯⋯通常都系丹麥同挪威，破例的一次系西班牙，之後就系美人同佢阿妹去左法國，所以義大利無乜人認識唔奇怪，但如果系講貓名，就系人都知道系邊隻，因為阿公系絕育組世界冠軍（但佢唔系 Vimmerskogen 出品，所以個名無呢個名）⋯⋯突然阿爹答嘴，哦⋯⋯世界冠軍，甘美人個75％阿哥都系2010年幼貓組世界冠軍，我老婆唔俾我講，不過你講開我又講下咯。阿爹形容佢塊面即刻紅噻，絕育組個配育員就唔識得合埋個口，但佢系好高興個樣。阿爹仲同佢兩個講“唔好話俾我老婆知道我講出黎，佢一定鬧鬼我，佢唔鍾意用佢阿哥個世界冠軍個名銜出黎講，費事人地期望太高”。其實我唔系唔俾佢講，佢老作，不過我覺得成日掛系口邊都無乜意思⋯⋯ 寫俾大家睇會寫，但系貓展成日講咩⋯⋯講得多都厭啦。

一個高興的週末，見到好多野，識得多D人，同品種唔同品種，羅馬，米蘭，佛羅倫薩的配育員，特別因為做妹仔，如果做得好，贏得好多配育員會信任，容易開始講野：）

最高興其實系⋯⋯入場的時候獸醫檢查，有乜好高興？因為獸醫檢查英雄個口（因為要睇有無貧血 － 病毒性疾病）打開佢個口，佢想叫隔離個獸醫黎睇（通常2－3個獸醫），睇乜，睇英雄D牙，有乜好睇，因為無牙垢⋯⋯對我系好正常的事情，我日日同佢地刷牙，英雄自細習慣仲鬼甘鍾意。佢話檢查過甘多貓（果日200隻，平均一個獸醫檢查65隻貓，D獸醫通常都唔止去一個 show 幫手）無一隻成貓好似英雄甘系無牙垢。可能會問，唔俾隻貓系洗左牙？甘果個系獸醫一睇就知無洗牙，同明顯地佢右邊系黃過左邊（左邊好白）因為佢用右邊食野。我話我日日幫佢地刷牙，佢話如果個個好似你甘就好咯，我地唔需要同貓洗牙甘麻煩。（有錢都唔要？）