恭祝各位有個愉快的復活節假期。
點解甘趕⋯⋯
其實系2日前我老師突然提出要玩下。
G2 瑞典文果班，所有人，包括課程指導 （course leader） 同課程參與的同學們都要畫蛋慶祝復活節，個題材系貓的斑紋，G2-EN 因為星期二先發出通知，所以可以自選 EMS code 畫。我地賣大包，提早開最後2課，等D同學可以早D安排點做所有論文。
但⋯⋯ 隻復活蛋個 deadline 系星期四！！
得2日⋯⋯我系課程指導⋯⋯無理由甘樣衰唔交貨。
屋企淨翻一隻雞蛋（2隻鴕鳥蛋唔搞住⋯⋯甘大2日一定唔掂）即刻清理好隻蛋（用針筒系非常快同乾淨，不過唔系吸出黎，系打氣入隻蛋逼D蛋白同蛋黃出黎），coat 層 gesso 等一晚，尋日開始開工搞個背面。我之前其實都有畫過，一系唔上色，一系就一路畫一路脫色！所以今次精， coat 層 gesso 用油彩好過。
今日已經交左 ：P 雖然隻蛋未乾，但影相交都勉強可以⋯⋯ 油彩最討厭系反光，影相好難搞，同失真好多。但我又唔想用水彩⋯⋯所以都系油彩。
諗起想食皮蛋.....
回覆刪除Chris Sir 你講開又真系幾似，哈哈
回覆刪除可能我都系太耐無食，所以下意識都畫左出黎呀！
復活節假期愉快；）
一隻細雞蛋，一件大作，唔簡單！
回覆刪除去邊度‘復活’呀？
多謝 Allie
回覆刪除系屋企過，老爺奶奶去山上間度假屋過節。
星期六，日都系屋企。
星期一約左D breeder 朋友午餐聚聚（又系我做說客的時間呵呵）
隻蛋好特別！^^
回覆刪除我林起小學時上美勞堂做復活蛋，
老師教系隻蛋兩邊篤兩個窿，再吹d蛋液出黎……
復活節都無咩特別節目，
一來呢日系公眾假期，超市舖頭都唔開門（旅游區除外），
天氣仲好凍，花草都未長出黎，無乜野睇，咁唯有執下屋啦。
我⋯⋯系幼稚園的時候第一次整復活蛋⋯⋯
回覆刪除我試過吹D蛋液的時候吹爆個蛋殼 @@ 呢次整有針筒幫差好遠。
我到都系差不多⋯應該連旅遊區D店鋪都唔開。
但餐廳會開（但貴好多！！）所以都系屋企算。
我真係未諗過可以用針筒"吹"D蛋液出嚟呀! ^^b
回覆刪除真係好靚!
哈哈..你係畫美人定係英雄呀?! ^+++^
薏迪⋯⋯ 系我老公提議用針筒：P
回覆刪除因為2個窿我都開到好細（其中一個大少少，另一個真系針甘細），方便我填翻。
佢見我吹甘耐都淨得兩滴，話不如用針筒吸，吸就吸唔出，反而我打氣就快。
唔系佢兩個：P，系小美人或小英雄 ，
如果佢兩個生的話，有機會系甘樣，但百分比非常平均⋯⋯
有1／16 機會系好似隻蛋個顏色同斑紋（個斑紋系美人，白色系英雄，但尾端個白色應該無，因為英雄條尾無白色）。
第時生咗, 真係要拎番隻蛋出嚟睇吓有幾似至得!!! ^^
回覆刪除尋日聚會有冇成果呀？
回覆刪除薏迪 ⋯⋯ 1／16⋯⋯ 一胎正常得4－6隻（我望就望得4隻一下，唔好一隻就夠）中的機會幾微渦老友⋯⋯
回覆刪除郁記，有D D D 成果。俾我“毒”左的依家更加中毒。未毒到的，扮無野：P 但應該俾我“吉”中左。