今日系 Yahoo answers 到睇到有人問：（翻譯義大利文如下）
我有一隻兩歲的母貓，我個獸醫話由於我隻貓體型比較細，叫我揾隻體型大D的貓黎配種。
請問有無人系羅馬有挪威森林貓或緬因貓可以用，要有 FIV，FeLV －ve 驗血證明。
最好系白色籃眼。我好想有一胎玩下。
睇完，我寫左鬧到佢死！！！
1. 成日話流浪貓問題系配育員的責任。唔該自己睇下，有幾多人系到自己繁殖！
2. 你生一胎玩下？有無捻D細的將來會點？生左你送俾人定賣？D貓去到新屋企有乜問題你系米帶佢翻自己屋企，如果唔系，你系米等人掉佢出街成為流浪貓？
3. 個獸醫絕對無腦，母貓體型小，揾隻大的公貓配，D細的如果體型大，母貓生唔出要開刀！！知道唔知道對個阿媽有幾大風險？！！！
4. 個獸醫鼓勵人私下繁殖⋯⋯另一絕對無腦之作。
5. 白色籃眼，貓會指定一定要有獸醫檢查兩邊耳朵聽力正常才可用作選配用。你求其揾隻如果系聾的生出黎的白色籃眼有50％機會系聾！
製造流浪貓問題的唔一定系配育員！我識得幾個人都系自己系屋企俾D貓生，生左送俾朋友，但你可以有幾多朋友接收5胎－25隻貓？到第6胎所有朋友屋企都爆滿，問我要唔要？！因為有D朋友遺棄左D幼貓？下！！甘你仲系甘俾你D貓生？？？依家黎問我？你唔好去死！！
八下有冇下文：有冇人回帖反駁或帖主發爛渣呢？
回覆刪除無，停噻，本來有人話有貓，但唔系羅馬，或系羅馬但隻貓體型細，
回覆刪除我貼完之後好多人俾個 good 我，之後無人貼話有貓。
個帖主無回應呀。
所以大概知道呢種系風氣，私下繁殖，最離譜系個獸醫！！
佢甘鼓勵法，其實最後佢自己有經濟效益。
你講得啱架!
回覆刪除其實最大問題係果D一知半解嘅人去私人繁殖囉!
睇到呢D人, 真係會氣頂架!
不過我唔知外國VET係點, HK果D我相信都唔會叫個貓主唔好拎隻貓去配囉!
我覺得獸醫對呢D事好麻木架!
Vet 有好有唔好，呢個甘做，即系繼續有貓俾佢睇 － 收錢。
回覆刪除隻貓生唔出要開刀 － 又收錢，
隻貓有問題，開刀生的時候順手絕育－又收錢！
有羅馬配育員問我，我個vet 開唔開避孕藥紙（延長母貓叫春時間 －要有醫生紙藥房先可以俾貨）
我話我個唔開，最後佢問到另一個話佢個vet俾紙買藥，好多人揾⋯⋯
多人睇就自然多收入⋯⋯
但系米所有母貓都可以用呢種藥？？系米系配育員揾佢都開。
如果系，即攞D貓黎搞飛但漲自己荷包！！
有朋友帶自己隻公貓去絕育，個獸醫話佢甘靚，絕育浪費渦（？？！！）
我朋友系救隻貓翻黎，佢話唔好搞，絕育了事。
佢話個 vet 好好，可以介紹俾我，我話多謝，米搞！！