公主英雄新照片

久違的公主單人照片，呢張系剛買的新 matt 同水兜與食物兜。
其實想買個泉水式，但好驚英雄玩水搞到漏電…… 
所以都系等佢再大D先埝。話甘快，英雄已經6個月大。

上次寫少咗樣嘢，凈系掛住寫佢D牙…… 英雄5個月開始學“同人講嘢”。
系，同“人” 唔系同貓，佢俾公主遲好多同“人”講嘢。
同貓講貓話，同人當然系講“貓人話”貓同貓之間其實多數用身體語言、氣味、同“留言” 即系貓爪痕跡，通常都系遠距離就可以溝通。
如果要用到聲音，發聲時貓的口系會展開。
同人講嘢，唔系所有貓都會發展一套同人類溝通的貓語言。發聲的時候個口系合埋。同發出呼嚕聲唔同。最容易系同你打招呼，入屋叫人。
英雄因為一直都有公主同佢一齊，所以佢基本上唔點同人講嘢……
加上佢郁下條尾我地就知道佢想點，所以佢發展呢套語言遲公主成2個月。
最初佢同我講嘢都系開口（都唔知道佢系咪當我系貓……）但5月開始就有D無開口的語言出現。
到現在6個月，套語言都未發展得好好，無公主甘完整。可能男孩子的語言天份普遍俾女孩子低呢？

就甘睇佢一個好似好細件頭…… 都系俾公主系佢旁邊的時候對比一下就知道。

真系搞到同公主甘高甘大……佢仲有排可以大，可以大成點？估計會有8kg （同佢老豆一樣）或甚至更大……