生肉迷思 － 3

上星期四，揾左幾間電器鋪，
終於買左呢部機，投資左129歐，
但D foodwork 其實無浪費

好多自己系屋企整生肉的都買大新牌 TS-108
我地系小百合 屋企見過。
都揾左一段時間點買，但硬系有D野我覺得唔妥。
因為D機通常系美國黎（其實台灣做⋯⋯）要博變壓。
鬼甘大陣仗⋯⋯整生肉已經夠大陣仗（最少我都仲系雞手鴨腳）
仲整部甘煩⋯⋯所以一直都系用 TC Feline Premix basic 頂住先。
但長期唔系辦法，因為成份中的 bone meal 我覺得太多。
如果系渡假帶 premix 用就方便，平時系屋企就唔化算
差不多40歐一包600克 －可以整10K肉（950g肉50g肝）
我班大帝一個星期3K⋯⋯同次次都掉噻D骨頭，覺得太浪費。
都系dig起心肝買機。

睇黎睇去，其實問題最大系個個網站寫同一部機個規格唔一樣！！
大新果部系廠商個網站系寫 1200W
甘我就揾 1200w 的機啦。
但如果歐洲D網站睇，同一部機一個寫450W另一個網站寫1000W
究竟點呀大佬⋯⋯同公主爹睇黎睇去，最後都系要去D電器鋪到睇好過。
捻住有人問會好D，點都系講緊50歐元或以上。
義大利個 barf 論壇有人用話我買的呢部話ok唷，但150歐（網上購物）。

唔好以為D電器鋪好近⋯⋯我地開車差不多半小時由一間去另一間。
出門之前要 plan 由邊到開始睇⋯⋯
甚至連超級市場都唔放過。
因為睇實物真系好，反轉部機睇或揾個盒睇都好。
好多系 power 450w unlock power 1000w
甘其實乜系unlock power？？？
問售貨員⋯⋯竟然無人識得答（救命）
甘大新果部寫1200w 甘當然我地唔見有 1200w就唔買啦！
走完噻幾間 plan 上的電器鋪都揾唔到，有D失望（因為都離開屋企成3，4個鐘頭，我又唔放心D大帝自己系屋企熱）公主爹話屋企附近都仲有一到有一間。
不過果間好豆泥⋯⋯我話可能D甘騎呢野先系D豆泥地方有！
依家城市生活D人點會有時間系屋企自己絞肉整香腸？？？

去到揾見唔到，問售貨員（以為年近55歲的太太），佢指俾我地睇就系呢部，已經有D 希望的感覺（見底啦！！）。
問有無盒？有不過要等等入倉攞，因為系最後一部⋯⋯
等佢的時候就掉轉部機睇佢屁股。unlock power 1600w！！哇！！
公主爹話有個 reverse 按鈕，系佢啦！
太太拎住個盒翻，公主爹就研究個盒，我問阿太太售貨員知道唔知道乜系 unlock power？
佢話，哦，當部機俾D肉 block 住出唔到黎，部機可以最大輸出系 1600w逼佢出黎，
平時無事無幹，順利的輸出就500w，呢部好夠力呀，可以打冰。
一聽到打冰就知道系佢！！因為打生肉到最後會掉舊冰落去，
等所有野都流埋出黎無浪費！
唉，唔好睇佢年紀唔細，我地之前問D售貨由20歲到40幾歲都有， 個個都淨丫大個口答唔出⋯⋯
我問， 打骨頭得唔得？太太答，唔得唔得！
我話連冰都打到唷，太太捻左一下，但骨頭比冰硬，
我話生骨唔系真系甘硬呀。個太太望住我，你買部甘貴的機黎打骨頭做乜？
畏貓
我估佢想反眼，不過唔可以乍哈哈。
你整香腸啦，部機可以整香腸，可以磨 cheese， 切菜。
我話我要黎磨骨頭絞肉俾貓食。
佢完全唔理我繼續講可以整俾人食。公主爹就系甘偷笑。
最後太太話，甘部機你要唔要，你可以買呢部，雖然系 display 貨，無 discount
你要我可以幫你訂，星期六有貨呀。
公主爹話，唔好等，就呢部啦。D貓等唔切。
我相信阿太太一定覺得我兩個玩佢⋯⋯

整左已經2次，D骨頭完全無問題，連 reverse 都唔需要！正！
呢個星期未買到 taurine，VitBcomplex，Vit E 同三文魚油丸⋯⋯
我要果D規格衰到連英國都唔肯寄黎義大利⋯⋯吹漲！（美國更加！！其他歐洲地方都話義大利唔俾進口）
唯有再揾（已經問藥房，藥房話⋯⋯你自己上網買啦⋯⋯）
唔通真系要偷渡？？