聖誕新年快樂

轉眼7小福就快9星期，時間真系過得好快。呢7個星期實在太忙，

忙7小福合群期應該接受的訓練。跟住美人又發情⋯⋯ 英雄超級緊張（因為與愛妻分離）。

搞到一頭煙，還好，美人終於結束17日的發情（系平時的雙倍有多！）

7小福第一次坐車，第一次見獸醫，打防疫，一切都好好，便便檢驗無蟲蛋（無需要杜蟲）

英雄尿尿報告 perfect，獸醫都好驚訝，點解美人都仲有奶，

點解D BB 無蟲，點解爸爸尿尿報告完全無問題，

D BB 坐車無喊，佢開個貓箱見到D BB zzzz 到鬼甘鯰，見到獸醫鬼甘開心玩到唔想走。

一切一切都令獸醫覺得 － 配育員有真心愛貓同為斂錢而做。

獸醫仲特別幫D BB 影相。

新主方面，我地拒絕左好幾個，依家只有一戶人家將會系 She's the one 同

Shirley the Black／Shere Khan／ Suu Kyi 的新家。

其他等放假後，有人問先算。

今日收拾行裝，明日全體出發到 Tuscany 過新年。

我連部絞肉機都 pack 埋⋯⋯我知道我變態⋯⋯成車85％野系貓用⋯⋯

人得1袋衣服同D洗潔用品。

但情願辛苦少少，等D 細路習慣出門坐車（今次3個鐘頭）

唔會俾煙花炮仗等嚇親，攻親（特別系公主）

所以聖誕走佬！（我最開心，唔需要見巴渣！XDXD）