糖霜曲奇＋3D 蛋糕

遲來的祝福。

Hall of frames:送給摯友的禮物 

挪威森林貓 Dragons Wood Sic （壽司）糖霜曲奇 直徑70mm （呢個俾我老公！）

挪威森林貓 Claudia's house Scarface 糖霜曲奇 直徑70mm (呢套送左俾另一對系羅馬的挪威森林貓配育員好友)

緬因貓 Mafalda di Black is Black 糖霜曲奇 直徑70mm （呢套送左俾黑仔契媽 Black is Black cattery Shirley Kent）

土耳其梵貓 Arvani's Sahara Hotnight (Yaya) 糖霜曲奇 直徑70mm （呢套送左俾親如姊妹＋小百合T契媽  Kinalikedi Cattery － 義大利唯一土耳其凡貓貓舍 － 高野小百合）

緬因貓 Black is Black Poker 糖霜曲奇 直徑70mm （呢套送左俾黑仔契媽摯友，另一個窩心的好友同佢老公，一個真心愛貓的大好人）

好友 （多謝佢地一直的幫忙） ＋ 老爺奶奶 糖霜曲奇 直徑70mm

老公客戶 糖霜曲奇 直徑70mm

老公弟兄子姪 糖霜曲奇 直徑70mm （呢套其實比較求其⋯⋯ 因為唔想寫巴渣個名，所以全部唔寫 :P ）

招財貓 － 日本摯友和老公生日蛋糕。

More at
https://www.facebook.com/pages/Dolci-x-Regali-da-Dragons-Wood/348257671934047

又鬧下巴渣先，佢條8婆10月的時候我送左幾塊有溫達老豆銀行 logo 同 custom （佢同巴渣都系果間銀行打工，屬於 investment promoter 有自己客，所以聖誕會送禮俾客，我系睇溫達老豆分相，佢甘扣，要送甘多禮俾客，我幫佢整，有體面又收得佢平） 的曲奇俾溫達老豆，佢好鍾意呀，之後佢兩個就系甘催我要攞 catalog。我地趕頭趕命，揾盒，揾籃，影相，計成本等等，1個星期 send 左俾佢地。講明11月15日deadline － catalog 個價錢，之後就會貴D。因為有左 catalog 就無謂噻，send 埋俾黑仔契媽同小百合。Hall of frames 所有人都同我訂左，但其實得黑仔契媽個死黨同挪威森林貓羅馬 breeder 系要 catalog 入面其中幾款餅，無人要packing⋯⋯，黑仔契媽同小百合所有都系 custom  － 黑仔契媽第一單 order 仲送到巴西同德國，因為送巴西甘遠，要11月底搞掂。佢見到果2套一共24塊曲奇，特別系 Black is Black Sparkling blu ice （佢 breed 的貓女）果塊，感動到喊，即刻加碼要2套，一套送熱那亞，有公司 logo 同 greeting，雖然急，我無收 urgent charge （老友麻，佢仲系我第一個客，呢D好客＋好友要好好對待 <3），另外一套要 chessboard 加一塊糖霜俾佢 hand carry 翻英國過聖誕時送俾佢媽媽 （佢話個盒 ok 裝滿佢就得，我連價錢都未開⋯⋯ 最後一共3打 chessboard 成600克！） 同期其實整緊小百合果12套（每套6塊 2塊系2款 custom 2 塊雪花糖霜同 jam filled 2塊 － 大部分送義大利境外，又系11月尾，12月頭要搞掂）黑仔契媽摯友都落埋 order， 12月15日交貨。羅馬另外對挪威森林貓 breeder 夫婦，都系11月中落 order 12月22日取貨。我其實已經忙到團團轉，仲讀緊 PawPeds G3 最後3星期 （話時話，我G3 畢業埋－我老師話我知道，我系第一個 G3 英文班畢業－呢班系G3第一班英文呀！！）。我同老公講 － 米打電話問佢大佬同巴渣落唔落 order，我費事接，佢系有心就自動會落 order 啦。唔落米由佢，你大佬我都仲會幫佢整，條8婆就無謂勒，佢多多事實。
我老公叫得聽就唔系我老公，佢真系打電話俾溫達老豆，問你系米仲想落 order，系就呢個星期要落，我老婆依家D order 已經好多，你再唔落，佢接唔到。佢話落呀，當然落啦，翻屋企同巴渣傾。我都費事同我老公講我有幾唔高興佢打電話俾佢大佬催 order⋯⋯我唔系要求佢俾野我做！我已經講好多次，唔好俾佢兩個覺得我地求佢！！ 我話，佢落就怪。1星期，2星期過左，佢地當然無落 order。我都唔知道幾甘高興。我呢D手作仔，唔系大量生產，我情願 keep D 好客好過接D我 dislike 的人（親戚都系甘話，我唔 like 邊個都無情講）。
個個同我訂的之後都俾 feedback 我，話收到的好高興，D餅好好味，千多謝萬多謝。我好開心。特別系佢地收貨的時候個笑容，其實最開心系佢地感激我好落力，連好少的部份，包裝，佢地都話我要用好多時間一塊一塊包。所以我系收得太平。尊重其他人的工作系最可貴。 呢D客好窩心！佢地仲幫我捻點拉生意！
好勒⋯⋯D order 出噻我就整自己送禮D餅（其實⋯⋯好急！！！左搞右搞得翻7日俾自己⋯⋯）我想24號之前搞掂所有餅，24日開始局蛋糕！！ 老公仲要送餅呢，所以系20號要搞掂所有送俾唔系 breeder 果D，果4隻貓得3日要搞掂，好在都 ok。送俾非 breeder 果D 其中一籃系送俾溫達老豆舊老闆（佢都仲系果間銀行做，但唔同部門）同佢老公，我老公同佢老公好 friend，我都好鍾意呢位先生，佢好好人，所以一大籃，有幾塊系特別設計。 個老公見到開心到不得了，可能佢老婆見到之後有同溫達老豆講D餅幾靚幾好味。（之後佢仲send message 俾我老公，話開噻甘多包唔系糖霜曲奇，擺系盤到好靚但太好味，食又可惜，唔食又好可惜）。
聖誕24日晚系老爺奶奶屋企食飯，得小狼老豆。佢地好鍾意D餅，話好靚。之後就無再翻老爺奶奶到過其他飯局（我25日系到雕個蛋糕，26 號做最後 decoration，邊有時間？！同我老公唔想見到巴渣）。25號溫達老豆send 個 sms 俾我老公，話多謝我地少少心意。小狼老豆打電話俾我老公話⋯⋯佢果包佢已經食左一半，要鎖起，唔系佢就會好快食噻 Kakakaka。
26號，奶奶打電話叫我老公去佢屋企攞D25號食淨D 野走，因為淨好多，佢同老爺兩個食唔噻，無謂掉（我想鬧人⋯⋯都明知佢兩個呢樣唔食，果樣唔食，年年仲每道菜3個選擇⋯⋯系米自己攞黎衰呢？）我老公翻到屋企，話溫達老豆俾左封信佢，話今年聖誕唔送禮勒，所有送禮D錢捐俾D同細路有關的慈善機構（請問邊間呢？通常都會寫系邊間，幫間機構賣下廣告）。好呀，你兩個甘有錢，捐俾人系好事－不過系米真呢？26日早2個同個女去維也納過聖誕渦。甘其實即仲有錢可以捐啦。我同我老公講，你信嗎？我老公答，信佢一成都死啦。一定唔系啦，但老爺奶奶信渦。我話信不信由你。我就唔信勒。佢邊會做善事，系就一定老早廣傳天下。佢唔同我訂餅我無所謂，不過佢自己覺得難睇，米要搞作下咯。
1月3號要面對佢地。我會整個巴渣唔鍾意食的蛋糕 :P （奶奶摯愛，但巴渣唔鍾意  marzipan）整少少 cake pop 俾兩個姪子就算。我無甘好閒情服侍佢兩個。佢2個唔好冶起我把火就得勒。