7小福 － 5福已經分道揚鑣

無寫好耐，忙，忙接見有可能系新主的家庭。忙準備D 小福離開我地。
Joke 笑我會喊7次，5福離開我已經喊左唔知道幾多次。

每隻小福離開，我都忍唔住系新主面前喊出黎。
最離譜系 She's the One 同 Shere Khan，我喊到收唔到聲外，仲搞到新住喊埋一份⋯⋯
佢兩個系最早離隊。佢兩個都系羅馬。7日之後同原居貓已經可以接觸，Shere Khan 都仲系好驚隻狗，She's the One 反而可以走到去 Whisky （隻狗狗個名）面前審視一番。
之後系 Steve Jobs，新主老公見我眼濕濕已經叫停，佢驚佢都喊埋一份⋯⋯ 拉仔拉心肝，但去到 Tuscany 一個島上⋯⋯ 最掛住系佢⋯⋯
本來 Suu Kyi 先離隊，但新主架車壞左，所以到2月2日先黎接佢。Suu Kyi 去南部一個 900米的山上，新爸爸媽媽我都好有信心，雖然遠，但我知道佢好好。佢到之後第二日已經同新主屋企D2隻狗狗非常friend！D 貓需要少少時間，但佢應該應付得到。
Sayuri T 最後安定系羅馬，5福之中最後揾到新爸爸。

5福離開我都有一張繡有佢地個名，有爸爸媽媽，弟兄姊妹氣味的毯仔跟。路途遙遠的，更加有2張用過有“屋企”氣味的尿墊方便路途上緊急需要（Steve Jobs 同 Suu Kyi 最後都無系路途上大小便到渦！）。佢地最鍾意的玩具，新舊各一加一條新的長的野雞毛（超鍾意， 我地要成日收埋），罐頭，系羅馬的有2pack 生肉，得 Steve Jobs 無，因為即刻6個鐘頭路程，所以俾唔到⋯⋯Suu Kyi 新主被風雪困系羅馬3日先可以起程，原定留一晚就走，所以我都俾2 pack新主系羅馬餵住先，所有文件 － 除左 pedigree － 因為未到。貓 cheese － 佢地最鍾意的 treats。一小包貓餅，應急用（好在俾左 Suu Kyi）。所有新主未黎接之前已經收到 guide。 黎接的時候，guide 上唔明的即刻問，特別系餵生肉部份，全部新主都餵生肉，所以問題特別多，包括份量同骨頭肉比例。因為“食譜”無寫比例，完全靠睇便便顏色黎調整。

5福好乖，5個系旅途上都無喊，到新屋企即刻適應。新主都好乖，個個都打電話，sms 報平安。之後相，短訊，電話不斷，開心的聲音亦不絕。5福好快接受新家庭，有D到新屋企已經向新主呼嚕。跳上新屋企成員身上瞓。新家庭都好開心。每次見到佢地系新家庭非常開心，我都感動到喊出黎。我地一切的努力都希望佢地成為一個可愛的家庭成員。佢地無辜負我地的努力。雖然非常掛住佢地，但佢地已經大，要離隊。

我地接見唔少新主要求，亦拒絕不少我地認為唔得，唔夠好的家庭。為求佢地一定要到一個溫暖同愛佢地的家。唔得，唔夠好的家庭定義 － 如果視貓如物件的家庭全部拒絕，屋企唔夠安全的拒絕，希望生一胎的拒絕，我話知道你系獸醫，經理定建築師！個 title 唔等於你會知道同會用心去愛同照顧貓 － 特別系獸醫 － 竟然要求唔夠12週歲要到新屋企，放系聖誕樹下？？！！乜Q獸醫？你以為你系 獸醫一定識得照顧貓？錯！友人有一隻貓軟便加有小小血，化驗完一次又一次，X ray 話無野，但D 便便都系有血，獸醫淨系話－佢腸太敏感，友人求救問俾乜隻貓食好，我問你用乜貓砂？答：結球果種，我答：換貓砂，換水晶砂睇睇。1星期後－ 便便正常翻⋯⋯ 之後我話，如果負擔唔起長期水晶砂，換普通唔會結球的就可以。所以聽到系獸醫我可以無動於衷。

英雄最唔能夠接受D BB 走，美人反而安然無恙。努力調節英雄心態中。到最後都無俾公主再接觸7小福。其一公主會 stress，同令小福們學到一個壞印象 － 除左爸爸媽媽之外，所有貓都系壞蛋 － Shere Khan 就因為甘同原居貓需要多D時間先可以一齊⋯⋯

好多人會話，既然選擇做配育員，都知道D 幼貓會走，做乜甘貼心佢地，辛苦自己？好多配育員選擇唔甘親近D BB，免離開的時候神傷。我依然記得美人的配育員，系美人離開的時候都系我面前喊（當然我又喊埋一份⋯⋯）美人已經系佢選配10幾年的第10幾胎。公主的配育員呢？公主離開我完全唔感覺到佢唔捨得。公主系佢第一胎⋯⋯ 美人配育員的話，猶在耳邊 － 我知道佢地離開我會好傷心，但如果佢地唔系系一個溫暖同愛的環境成長，佢地唔會成為一個好的家庭成員，性格唔會好。所以我情願辛苦自己，但為佢地一生的幸福同新主的將來著想， 我選擇辛苦自己。我完全同意佢，美人的性格好過公主好多，選配唔系淨選配外觀，性格系配育員必須努力大課題。所以我都系情願辛苦自己，喊多幾千次，但我能夠以後D 幼貓將會系一個一流的家庭成員，能夠接受各種考驗。

仲有2 福尋新主。因為兩個系 Show quality 同 breeding quality （賽級同繁殖級）要揾合作的人需要更耐心同小心。特別Sic 同 Shirley the Black 都系男孩子，更加要小心加小心。
我最擔心 系Shirley the Black，佢太乖，同系全黑，系人都跟！！義大利好多巫術壞人，專門拐帶黑貓！！！雖然我好想佢留系我附近，但如果天意要佢去更遠的地方，我情願佢去一個更安全同真心愛佢，好好利用佢優秀條件繼續挪威森林貓品種延續的人的屋企。