我愛 Tuscany

點解：其實好簡單D人質素同羅馬差好遠。

我地經常去（其實系想搬去）的地方系一個偏僻小鎮。但個鎮都屬於旅遊區，因為 Michelangelo 的出生地同故居博物館都系果到。

一個好簡單的例子。

26日 Santo Stefano （我老公主保聖人）我地25號其實無出門，入屋就兩個人10貓，人就求其揾野食飽 zzzz左10個鐘頭（呵呵！）26日屬於假期，本來無捻到公主爹鍾意果家系 CM 的餐廳會開，點知道碰運氣，佢開，仲有位！

因為系節日假期，所以 fix menu ， 30歐元一位食足3個鐘頭！

餐廳唔算好大，大 hall 爆滿100人左右。100人唔多也唔少。

餐廳唔屬於好高級，但都有檔次。

坐底之後我發現一樣野，唔嘈 － 當然100人有聲，但無細路喊，四圍走，跳搞搞震。最嘈只有一檯15人歡呼左3次，就系甘多。其他時候系完全唔嘈！

唔系無細路，我數過，12歲一下的超過15個，5歲一下的有6個。但無 BB 喊，鬼喳甘叫。D細路埋檯之後系無離開檯，當然上菜之間有空時間，都系D大人走出走入去食煙乍。

我同公主爹講：同羅馬分別好大！羅馬甘多人的 sala 一定嘈到我第二道菜未上已經走左。

公主爹答：系呀，羅馬人水平越來越差⋯⋯

例子2

公主爹個老死（叫去阿六）系羅馬出生，講講佢⋯⋯點解佢會系 CM。佢媽媽個妹妹(兩個都系Tuscany 人但原本系 Ang 個城，兩個都唔系嫁 Tuscany 人，兩個的老公都系 AB 人)嫁左個住系 CM，所以定居系 CM。阿六個爸爸好堅，一手一腳30＋年前系果到自己起左間屋。本來系渡假屋，但依家可能搬去定居。因為羅馬生活費太貴。

阿六有 CK 毒癮，系羅馬公主爹有時間就去炳佢，但人都大，呢個弟兄唔可以睇到甘實，直至事情鬧得太大，阿六老豆 dig 左佢上 CM 重新生活，戒左（但公主爹懷疑佢仲有食，但無系羅馬甘狼死）。系 CM 認識左 TT－我好鍾意呢個女孩子（其實都唔細，依家都36歲）。有印象的blog 友會記得我幫佢設計結婚邀請卡。TT 系工程師，系軟件公司做，但軟件公司系另外一個城到，要開45分鐘車先到。

我地懷疑 TT 系知道阿六系羅馬有毒癮的事，所以盯得佢都好實下。兩個婚後系同 TT 父母同住。

TT 父母其實系小學程度都無的人，一生都系鞋廠車鞋，到依家退休，教育水平完全唔高。

阿六得一個家姐，TT 系獨生女，所以婚前已經計劃生寶寶。可惜TT流產左2次，之後做檢查，系荷爾蒙問題，做左一年療程之後受孕。整個過程完全唔簡單，TT 一一照做，從飲食到食藥，調節心理等等。受孕其實風險好高，但佢都搞掂。11月9日寶寶呱呱落地。我地鬼甘開心。

今次上去都系想見下呢個肥仔D。

1月1日TT父母邀請我地午飯。佢兩個好鍾意我地，因為我地兩個都好疼 TT，上次佢兩公婆吵架，個死仔阿六走左上 CM！！TT 懷孕中！甘激佢想點？？我地去探 TT 父母，兩個講左發生乜事情之後，公主爹即刻上 CM 鬧鬼阿六，TT 在場，我同 TT 講，佢下次蝦你，話我地知道，我帶埋竹劍上黎教訓佢，即刻笑翻。所以 TT 同佢父母都好鍾意我地。當然我地都好鍾意呢家人，好多小事可以睇到佢地系點。

12月30日 其實TT 爸爸的媽媽剛剛過身3日，本來唔想打擾佢地，系探望下，同阿六 TT 肥仔D出街食飯。點知道佢地好熱情甘邀請我地1月1號一齊午餐。我地答應，兩個老人家鬼甘開心已經開始預備⋯⋯

30日其實午飯家餐廳離TT家唔遠5分鐘車程，因為肥仔D第一次去餐廳，所以擔心佢扭計，TT 可以即刻帶佢翻屋企。出門之前我地已經同 TT 講，你唔覺得 ok 唔好勉強，下次先啦。佢話點都要試，唔系佢的社交生活完全唔正常。TT 未可以系公眾地方餵奶，問題其實幾大，有命你叫肥仔D，佢好鬼重，TT 抱唔到甘耐餵佢。所以 prefer 系屋企餵飽佢，等佢 zzzz 先出門。點知道果日佢唔肯 zzzz。到餐廳，5分鐘肥仔D開始喊，TT 即刻帶佢翻上車，叫阿六陪我地，佢自己車肥仔D 同自己翻屋企。仲同我地道歉，道乜鬼？我地反而唔好意思！！

飯後翻 TT 屋企睇佢，佢食緊2塊麵包。。。我話 TT 你無食飯？？佢話肥仔食到依家，所以午飯就甘算，佢稍候先再食D正常野。

1月1日中午，阿六，TT 同佢父母其實大部分時間都系餐房，除非肥仔喊，TT 先會離開去睇佢乜事。佢地的概念系唔可以令個 BB 成為世界的焦點，因為佢系世界的一部分而已，唔系全部。

TT 同我地講唔好意思，佢食D野同我地唔同，唔系口味問題，佢要繼續食個特定的 diet。因為上次破解，肥仔食完奶之後唔舒服，所以唯有慢慢轉 diet。我心捻 －唉，點解都系義大利人，TT 同巴渣相差甘遠？？

TT 話之後會離開軟件公司，系屋企附近揾D收銀之類 light D 的工作，可以多D時間照顧肥仔。好浪費。。。堂堂工程師做收銀，但佢真系好注重家庭教育，同一早已經系甘計劃。。。雖然父母同住，佢真系可以繼續佢的 career 但佢情願放棄，因為肥仔點都系我要生，父母最多系俾少少支持我，但系“我的責任”去教育同養大佢。好感動。。。

飯後我如常堅持幫手收拾，佢地其實住系一座大樓2樓，下面有花園，後面系田園。入門一定經過花園，我一直都有一個問題，系羅馬如果系經過呢D花園，會發現好多麵包屑諸如此類餐檯遺留物體。因為張檯布用完之後就去露台一揚，所有麵包屑等等落噻花園，奶奶話甘D鳥有野食。。。到收檯布，我問 TT 媽媽，台布我去邊到揚？露台？佢即刻碌大對眼望住我，唔得唔得，甘會弄髒花園騷擾其他主客！我問，平時你地點清理，佢有一個桶系廚房，夠大俾張檯布疊到某個大小揚D麵包屑落去。

請記得 TT 媽媽系小學程度都未到，公主爹阿媽系教小學的老師。我覺得懂得尊重同教育水平完全唔掛勾。所以D人用頭銜黎同我講野的，我當佢死（好似巴渣成日話自己屋企果邊全部都系建築師，我真系無理佢，我最唔 like 建築師同律師！！）