遲來的出關（出貓）

本來系上兩個星期就出咗關，不過因為 Jerry 甘，
所以無心情寫任何嘢…… 依家補補寫。
我都系懶蟲一號…… 一個post 寫嘥成2個月的大集會。

繼續閉關主要原因系，出埋另一只”貓“ www.romaskogkatt.com
我地第一個全意大利文的挪威森林貓網站。個名同呢個 blog 一樣，
梗系啦，開始呢個 blog 的時候，已經想整個網站，不過等到今時今日先整。
Roma - 羅馬，我地依家住緊，（其實我地系市郊，不過屬于羅馬管轄區）
Skogkatt - 挪威土語森林貓
剛剛4月尾上咗網

上咗網…… 不過好多嘢仲要繼續執，所以差不多到成5月中先叫似樣D。
仲有好多嘢想改，但可以慢慢改下改下啰。
個網站唔只系講挪威森林貓，仲有老、中、青的貓的飲食營養、
一般衛生、健康同點一齊生活、需要注意的事項等等。
寫到我同公主爹兩個趴系到，但仲有D仲系英文，
因為太多醫學詞語，翻譯唔容易，問緊御醫有無時間幫下手，寫翻幾篇
順手幫佢賣下廣告有點話
不過上網之后，有人睇都幾開心。因為意大利文網站中，
有甘詳細講解每一樣維他命、礦物質的功效同系食物中的含量，
對貓有危險的植物清單，有意大利文名、學名、通用名、英文名，得我地個站先有。

賣完自己個站的廣告，呢兩個月做咗乜……
苦工！個花園…… 因為我地呢區系水成石礦產地，所以個花園地下……
前兩年整好個草地，因為地底變咗做石頭，D草死嘥

第一張相系5月2日影，大家可以睇到好荒蕪，
當然啦，之前實在太核突，野草生到鬼甘高，
不過冬天，咪洗埝我會爬出去拔……
所以等天氣和暖，就用咗3日時間去清理。
之后公主爹鑿咗3日翻土要翻10cm，成50袋石頭！！
5月2日，我仲清理緊D石頭咋……
之后就開始搬1200升的新土放上去。
好似唔系甘難…… 不過個花園系2樓。
只可以穿過屋企入面先可以出入！！！
爬樓梯都幾恐怖，掉D石頭同搬D新的土上上落落，
好似地獄式軍訓一樣！！
5月14D草已經出到可以影到，就影張俾大家睇睇，
分享兩個51勞動節的”黑奴“（我地兩個嘥黑咗）的成果。



個花園之外，公主爹買咗件玩具俾我，唔記得影，
依家系車房，又懶得拖佢出黎影。其實系把鋸，可以定位鋸45度個種。
專用黎整畫框。

呢個框，就系我整個啰！
張山水畫唔系我畫，系北京買，
不過裱畫同裝畫框都系我自己一手一腳整。
油好埋之后，公主爹幫我手垐上墻。
整框有木凈咗，我甘節儉，當然用得唔好嘥，
整咗D嘢俾公主 。整乜？

整個十字架！









個十字架其實系墊高公主個飯兜啰！








發現公主鐘意坐系花園前食飯，
好胃口D，食多D，
咪擺張凳系門口，俾佢食，
不過佢一面食，對眼仲瞄住花園有無壁虎先生走過。
個飯兜太低，佢就睇唔到，
之前系用兩個兜墊高咖，
不過佢本來個食飯位已經用咗，
甘米好好利用D木，整多個地方俾公主食飯啰。





日本朋友送咗張畫俾我，其實系佢媽媽送俾我好感動，
佢媽媽未見過我，不過經常聽我朋友提起我，所以上次佢返日本的時候，
佢媽媽買咗2張一樣的畫，一張俾佢，一張送俾我！

我地一見到就好鐘意，
已經知道要擺系邊，
埝咗陣點裝裱，最后決定系兩塊膠片甘裱。
同樣張畫系”垐“上墻到。
最憎鉆墻，所以屋企D畫都系無釘，
得最大個張，實在太大，所以要有螺絲上之外，
全部都系”垐“方便搬屋的時候，唔會見到一個個窿。

煮飯方面，得一樣嘢可以寫…… 第一次煮 Carciofi，英文叫 Artichoke，
中文叫朝鮮薊

我好鐘意食呢樣好似花的嘢，
不過一直都唔知道點整，
奶奶咪教我點切，切咗個頭大概3cm，
莖清理好（好似紅蘿卜甘去皮同切走近根的部分），
切好4份，做美白（浸半個檸檬同水）半個鐘，除D苦味，就可以煮，
用油就甘炒就的，原來甘鬼簡單…… 之后就成日整嚕！
因為實在…… 太鐘意食！

肉類…… 無乜點煮，反而幫至愛的肉檔影咗張玉照

綠色個間系藥房，肉店系紅色個間，
離我屋企唔夠100米，不過系個斜坡頂，
我系斜坡個中間……
肉店老板同老婆同個仔管理。
阿老板成70歲嚕，個仔都成40幾歐啦。
人好好，D價錢俾市內買平一半。
品質一定非常好。因為公主鬼甘鐘意食佢地賣的肉。
咪以為公主系肉店或超級市場買的肉都會食。
佢個挑剔怪，唔新鮮都唔會掂…… 做公主娘應真唔過癮。
點解知道呢間肉店D出品正？公主唔鐘意食牛肉，
我系肉店買牛肉返屋企，都未開個膠帶，公主可以已經坐系佢張飯枱等食。
如果系雞肉，佢已經將個頭申咗入個袋到偷喇！！煮個陣，
如果見唔到佢個飯兜系廚房出現，就鬼殺甘嘈，好似鯊魚甘冤我。
其他地方買個 D ,佢睬我都傻！
肉店的出品，有個特色，我唔覺得臭…… 通常D肉，如果唔搵胡椒等香料，
泡制過煮，我會覺得臭都嘔（特別系公主食個D，點會有胡椒粉），
不過可能呢間肉店D肉，因為好新鮮，所以唔臭。