再見 Jerry

含住眼淚寫呢篇 blog。
奶奶的 Jerry 明日早上會去獸醫到
等佢安樂去。

之前幫 Jerry 減肥 的一篇，
如果一直有睇呢個 blog 的姐妹，應該會有印象 Jerry 系奶奶的愛貓。

之前，奶奶有話 Jerry 飲好多水同好多尿尿。
已經叫奶奶搵獸醫，不過個獸醫話 jerry 無乜事，
我唔系甘相信個獸醫，不過我堅持奶奶搵另一個。

直至上星期，Jerry 嘔吐，只系有水，整日系貓廁所，無食欲。
奶奶馬上再叫獸醫黎屋企睇 Jerry，
獸醫話 Jerry 尿道堵塞，開咗D藥叫奶奶睇下 Jerry 果晚可唔可以通。
如果唔可以，第二日早，去診所。
果晚 Jerry 無小小，繼續系廁所唔出黎。

翌日早，奶奶帶 Jerry 去診所，由另一位獸醫睇，
獸醫馬上同 Jerry 動手術，到果一刻奶奶仲未意識到情況的嚴重。
呢位獸醫同時系公主的御醫，所以公主爹打電話去問情況。
御醫話情況非常惡劣，因為尿道塞住，尿液倒流上腎。
清咗，不過要看腎的損毀情度。發炎，問點解甘遲先救……
同問 Jerry 系咪一直都有食貓餅。
呢次的問題，貓餅主要原因，因為 jerry 12歲，早就要換糧。
呢段日子 Jerry  系非常痛 ，Jerry 可以捱到，仲活著系一個奇跡。
其他貓，第一日已經唔可以過到。
Jerry 要留醫2日觀察情況，同等腎功能的報告。

Jerry 系公主爹湊大，所以感情等于系自己家的公主，
我地上星期都好擔心，直至星期六，獸醫話 Jerry 手術后唔肯食嘢，
情況比較穩定，著奶奶帶 Jerry 返屋企，希望 Jerry 可以系自己的地方，
輕松D可以開始自己食。
星期六我地全家，溫達老豆，老爺，奶奶，公主爹同我去接 jerry 出院。
我地先到，Jerry 見到我已經系到呼嚕呼嚕，好開心。
公主爹去摸佢，就 kiss kiss 公主爹。
見到老爺奶奶就更加開心。
公主爹同御醫睇報告，御醫話情況麻麻，希望 Jerry 個腎可以運作，
就算最低可以生存的% 都已經系奇跡，不過無同奶奶講，
呢幾日奶奶同老爺已經非常傷心，我地只希望再有奇跡發生。

返到屋企，我幫 Jerry 整理下D毛，佢又呼嚕呼嚕，
之后見佢不停甘想去尿尿，不過無嘢出，
唔肯食嘢，唯有教奶奶點樣強逼性喂食。
星期日情況差不多，無乜特別，不過尿液中的血少咗。

今日，中午剛收到奶奶電話，
已經聽到奶奶哭過的聲音，已經知道不妙……
奶奶話御醫剛打電話黎，話腎功能報告出咗，
而 Jerry 個腎已經救唔到，等于系宣布死亡。
明日奶奶帶 Jerry 返御醫到，其實系咪真系會俾 Jerry 安樂去，
我唔知道。不過聽公主爹講應該系甘決定。
腎無功能，Jerry 會好痛……

如果你屋企有年過7歲的貓，
發現你的貓上廁所非常多，尿液非常多（正常貓一日的尿液約180ml；
飲非常多水，貓需要的水份約食物的重量的2.5倍
（如過喂濕糧，已經含水分，所以貓會飲少好多水）
希望你多留意，盡快搵獸醫檢查尿道同腎功能。
貓砂盡量唔好用結塊，因為甘，如果尿液中有血液，
系好難睇到，而如果尿液中有血，馬上帶去急診。
每日檢查貓貓的廁所，
如果你的獸醫覺得無任何問題，請不要以為真系無問題，
再搵另一個獸醫檢查。
你的貓到7歲，每一年都要同獸醫檢查要唔要換飲食菜單，
如果你的獸醫做唔到，請你換獸醫。

如果 Jerry 早D搵到御醫，
如果奶奶早D帶 Jerry 睇獸醫，
今日佢會系健康快樂的貓。