今日早上⋯⋯星期日，9點幾先起身，
落樓開花園個窗閘，煮咖啡－公主系到等食，
2黑走左落樓下解決大小（早上落樓第一件事情，唔好問點解，睡房2個廁所系日間佢地唔會去⋯⋯只會夜晚先用⋯⋯）
一個正常到唔正常的早上⋯⋯
點知道公主系甘攻擊花園個落地窗個道蚊門，
奇怪，望下！！幣隔離屋2隻貓仔黎左花園！！
公主繼續系甘飛撲去個蚊窗，隻貓仔嚇到傻左⋯⋯
我叫公主爹即刻黎，趁2黑剛走上黎，
一手抱起美人沖上3樓，甘英雄就自然會跟我（同美人輕好多，抱佢容易！）
放佢兩個入睡房，落樓，抱公主入客廳關門。
公主爹揾到個膠袋（揾唔到個夠大的紙盒⋯⋯已經無盒啦！！）
出花園dig 起兩弟兄入袋，望下隔離屋⋯⋯個窗鐵閘緊鎖⋯⋯即無人系屋⋯⋯
點算？？
公主爹話放佢兩個翻揾到的地方，我話太危險，
放佢地翻隔離屋正門。佢地應該唔會走得遠。
甘公主爹就放佢地去正門過邊，放2黑同公主⋯⋯
3個系甘聞，3個都非常緊張，差D打起上黎（因為2隻貓仔要經過廚房，到客廳先到大門出門口，途經地方留有氣味 － 貓鼻雖然無狗甘靈，但唔輸好遠。）
即刻洗地（今次要落洗地劑消毒埋）⋯⋯ 之後好D 3個正常少少。
我本來想攞D野畏2隻貓仔，我驚佢兩個等得耐無野食唔知道會走去邊，驚佢兩個有危險。
跟住公主爹話聽到隔離屋已經翻黎，好似D貓仔都翻入屋。都好甘都安樂D
下午⋯⋯2隻貓仔又系花園⋯⋯救命！！ 點算？？！！
佢黎，我又掉佢地入袋送佢地翻隔離屋之後洗地？？
甘搞法，我無日安寧⋯⋯
我覺得佢地系有心掉佢地系花園，等佢地走，
反正就快度假，點會帶D貓去？連狗都唔帶⋯⋯D貓更無可能啦！！
係囉, 咁點算? 我覺得根本就係想你地養埋, 在佢哋眼中你哋咁錫貓, 仲唔係掉兩隻貓去的 perfect 人選? 結果你下午真的又洗多次地? 你唔主動解決呢件事, 呢件事就會解決你囉!
回覆刪除紅衫
我系洗左1次地。
回覆刪除我唔養得佢兩個，
我自己 breeding plan 系無 plan 2 個 extra 位俾呢種情況。
養貓唔淨俾食就夠！！我地帶美人翻黎之前都查好耐佢可以唔可以同英雄公主相處得黎先決定！！甘求其帶2隻翻黎，我屋企變戰場都有知！！（同點知道佢兩個有乜病毒系身？？傳染噻害死我自己D貓乍！！）
但同D 無知的人根本講唔掂，佢地分分鐘無理取鬧。
如果系真系要搞，我地要報警，
因為果2隻屬於“社區動物”佢兩個細路移動佢2個入室
其一移動社區動物系違法
其二所有貓每年都最少見獸醫一次。
我地報警佢地會有鑊（佢隻狗連 microchip 都無⋯⋯），但疵住系隔離！！
佢掉乜入我花園都得啦！！要整我地容乜易？整我唔緊要，佢整我D貓我放佢火都有知！！
我殺氣太大⋯⋯盞搞個大頭佛出黎，
唯有等公主爹出動⋯⋯佢話下次再走入黎，送佢地上另一到群貓到⋯⋯
我唔想⋯⋯佢兩個甘細⋯⋯死都有知！
依家求神拜佛佢兩個唔好再走入黎我地花園⋯⋯
送佢地上另一到群貓到是甚麼意思? 掉出街?
回覆刪除紅衫
都可以叫掉翻佢地出街，
回覆刪除呢到如果要送去領養中心，要 call 警察到“現場”（甘等3個鐘頭啦！）
開張紙證明唔系你掉的動物先可以送去領養中心（如果領養中心開（睇幾點⋯⋯唔系24小時），有位就收，無位，唔該你開2個鐘頭車去另一個領養中心“碰運氣”）
狗的程序系甘，但貓一般D警察唔理，除非系受傷貓先會理。
“掉翻出街”，佢地變翻“社區動物”，受義大利法律保護。
無人可以移動佢地。我地呢到本來有幾個甘的貓群。
有D其實系D人唔同自己D貓絕育系甘生，變成一個“社區動物貓群”。
D 貓群一般都有人畏，但最近發現有附近2個貓群唔見左，
有可能系病死噻，因為我見大部分都系病貓。
附近有另一個貓群D貓數目少D，同知道附近有個太太日日畏佢地。
所以公主爹話送佢地去果個，少D貓，肯定有人照顧佢地。
我地收留唔到佢地，能夠做的就系甘多。
我無能力負擔所有其他人遺留落黎的問題。
咁一於咁話啦! 都算係一條出路!
回覆刪除紅衫
用緊個細格D的網封緊個低，甘佢兩個捲唔到過黎。
回覆刪除等再大D佢低“琴”到1米高跳過黎先送佢地走。
最少到果陣，應該夠大唔會俾其他貓蝦，無淡好食。
尋日公主爹封封下個底，收到波士 call 走去 conference call，
回覆刪除捻住一晚半晚未封好D 貓仔唔會走過黎⋯⋯
點知道20：00 發現佢地又系花園⋯⋯
今次衰⋯⋯公主同美人都系廚房，差D搞唔掂。
又系關噻佢地，系到捻點搞。
公主爹出花園，隔離屋又系無人⋯⋯
已經入黑，點處置2隻小鬼？
公主爹推佢地兩個翻隔離個花園，
我突然捻起，有罐魚系雪櫃（公主鍾意食魚，但過敏，所以好間中開俾佢過口癮，所以俾的份量好少，果罐仲有成100g）
我用紙包好，叫公主爹掉入隔離屋個花園（佢地要鬧都系甘話）
兩隻小鬼跳走去食，甘公主爹就開工繼續封個網（當然就一路系甘鬧）
公主爹話D魚已經食噻⋯⋯只系3分鐘的時間，
2隻已經唔再跳上個網到想走過黎。
其實就系甘簡單，2個餓，揾人畏，所以偷走。
剛好隔離屋個大仔到屋企，當然公主爹訓話一輪，
問，你D貓有無打防疫呀？有無帶去見獸醫呀？
無就唔好俾佢地亂走，如果唔可以入屋，不如揾人養啦。
養動物要有時間同精力跟 （刪下1000字的訓話）
跟住問，個清潔女傭有無話你地知道佢兩個走左入我地花園呀？
答：有
甘你地都知道佢地偷走點解唔做翻D野呢？
無言以對
甘啦，叫你阿爸黎同我講，呢件事要解決。
我封個網已經做多左，應該系你地責任做。
答：哦
到呢一刻隔離屋夫婦無黎同我地溝通。
長此下去...... 唔掂喎！不過，唔想咁樣亦唔可以點樣～
回覆刪除我都唔知道可以點樣⋯⋯
回覆刪除2隻其中一隻系弱雞D，所以先擔心
另一隻醒目少少，都仲好D
所以我一直都唔想放佢地翻貓群。如果有人養佢地最好。
放翻貓群系到無辦法搞的地步先用。
今日同公主爹傾，我話如果佢地唔知道點解決，
我地送佢兩個去我地個獸醫到，等佢揾人收養。
最少我地個獸醫可以同佢地做檢查，打好防疫，
揾個佢可以信的人俾個家佢地。
但⋯⋯8月⋯⋯個個都放假點會有人系呢個時候收養貓丫⋯⋯
要問問獸醫佢會唔會放假先⋯⋯佢都放埋假就真系企系到。
你果邊圍咗網佢哋都跳到過嚟你個花園?
回覆刪除佢哋俾D貓周圍走已經衰, 仲唔餵佢哋食嘢, 點得呀?!
為貓貓嘅福祉, 都係搵獸醫幫幫手好!
不過, 社區貓群有法例保護真係幾好!
薏迪系未圍好下面走過黎，
回覆刪除呢幾日無見D貓仔系花園。
唔理佢地⋯⋯可能系放左入屋。
其實佢地對養動物的概念好差。簡單D講，根本唔識得養⋯⋯
d甘細的會成日餓，因為個胃細，所以密食但量唔多，
但佢地以為系一日3餐就可以⋯⋯ 同得貓餅。
甘我D大帝D罐頭當然好味過 W字頭貓餅好多啦。
所以話呢, 唔好以為外國嘅月光特別圓!
回覆刪除其實只係天下烏鴉一樣黑!!!
外國人唔一定會善待動物!
中國人亦都唔一定會對動物差!!!
我成日話義大利其實同第三國家無分別⋯⋯
回覆刪除唉，既然佢哋決定養貓，就應該負責任d啦！
回覆刪除得閒就同佢玩，唔得閒就任由d貓唔理，
要人幫佢睇，實在好過分！
早幾日系“飛碌”到睇到個香港訓練狗狗的導師寫的note
回覆刪除覺得寫得好好。我將個重點寫系到同大家分享
好多家長以為養小動物系訓練兒女責任心的“工具”
其實非常錯，所有責任感由細系家庭瑣事中訓練，
例如食飯後收拾同洗晚，安排自己的個人衛生，功課時間等等。
甘養動物法，等於教D細路無責任一樣⋯⋯