貓科新生兒科學 Felino Neonatology

上一貼話走開下，終於成行。
其實系去 Pisa 參加 貓科新生兒科學 Felino Neonatology Seminar
好臨到尾先成行。

因為舉辦者系 ANFI Toscana，我系我識得個G2系 ANFI Toscana 的委員兼獸醫（專攻貓科＋配育員）系 FB 話我 知道⋯⋯所以羅馬其實知道的人唔多。
我最後拉到一個，但佢成星期三先知道。臨急安排終於星期六夜晚話我知道成行啦！！

清晨6：00系羅馬北最終個高速公路出口附近見（離我屋企大概20分鐘車程）
公主爹車我到，但等左30分鐘都唔見個朋友⋯⋯收到佢 sms ⋯⋯話個鬧鐘無響⋯⋯
所以會遲⋯⋯最後佢 7：00到。（佢系羅馬南市郊）
跟住就起程，公主爹就翻屋企照顧D大帝⋯⋯唔系好捨得佢地，
但真系有需要參加多D Seminar，特別個講者系 Padova 大學教授 － 研究題目貓狗繁殖，已經出版超過80篇有關論文（國際）
10：15到達會場好在未開始（好正常⋯⋯本來話9：30開始，遲1個鐘頭非常正常 － 義大利觀念）
一半以上的人原來我識得 － 人數實在唔多大概40人左右。識得的都系 show 見過。
但全部都系住系 Tuscany － 得我同朋友兩個系 Tuscany 外地區黎。
G2 朋友當然高興 － 佢其實唔知道我系點樣，佢一隻以為我系⋯⋯西方人樣⋯⋯
因為佢系我個課程的時候，我無擺大頭相。所以佢唔知道我系亞洲人。
有D詫異，但非常開心， 我就認得佢，所以我望住佢的時候佢好奇怪呢個女人想點？
幾好笑：）
一個熊抱之後，佢就拉住我介紹我認識其他 SIA 的配育員同 Tuscany 委員，
主席我識得佢，所以唔需要介紹，因為90％義大利國際貓展佢系主持人，我成日做 Steward，佢認得我 － 我甘容易認⋯⋯唯二亞洲樣⋯⋯有打招呼佢成日唔肯叫我名，費事俾人知穿佢其實認得所有人⋯⋯。 點解我知道佢認得我？因為佢開場的時候話，好高興有2個配育員穿州過省黎參加，已經覺得個 seminar 好成功 －雖然參加人數比參加貓展少好多好多。
個 Seminar 非常有用，學到好多野，包括我個朋友－10年經驗都話好有用，好多野佢都唔知道，就算知道都唔知道個原理，個 seminar 個講者解釋得好好。
中途個 projector 壞鬼左⋯⋯ 逼住食午飯（連早餐都無食⋯⋯無相睇食乜⋯⋯我懶，只可以話 Tuscany 超級難D野會難入口，其實系幾好食，酒店自助餐23歐元絕對算平）跟住先繼續個 seminar 長左好多。

未知道我系 PawPeds 義工（其實系超級奴）的時候其實無乜人理我，

除左幾個知道我系乜水的有傾幾句。

突然發現－我俾人 label 左我代表 PawPeds －我唔知道點解甘 label 因為我只系一個義工⋯⋯

我個亞洲樣會變成睇唔到。

之後我俾人系甘拉住問，特別系暹羅貓的配育員。因為我師傅 Dagny 封公開信，我發左俾阿G2獸醫翻譯成意大利文發報。包括 G2獸醫都好多問題，所以俾人五馬分屍甘追我問 PRA 問題。
我點識得答？？？答到D皮毛，但深入少少已經企系到。我話不如你地寫俾我，我轉發俾 Dagny 等個資深的答好過我亂答。
有人問 PawPeds G1 ⋯
有人問我系配育乜品種⋯⋯ 全場得我一個系配育挪威森林貓⋯⋯

我地北上另一主要原因，我呢個羅馬朋友本身都系純種狗配育員，
佢系純種狗2個品種協會到湊集到資金舉辦 online 課程。
錢有，無講師，無科技。
科技公主爹可以幫手，講師就要問G2獸醫同學。
所以4個人，我－代表科技，朋友其實佢已經 pass G1 － 有錢，
G2 獸醫同學－講師召集人，加一個 Tuscany 委員 － 律師。
就地開會！！！課程有個雛形，大家分工之後希望可以實行。
搞到成18：00先離開 Pisa⋯⋯好累⋯⋯我好似未試過一日講甘多意大利文。

成23：00先到屋企見翻公主，英雄同美人。
悠長的一日，好掛住佢地。
系義大利甘多年。
第一次無公主爹，無貓陪我過生日 － 一個非常特別的生日，好高興發現好多配育員都關注貓的健康問題！好多謝公主爹可以放過我一日（如果唔系朋友陪我一齊去，佢一定唔肯過我，但安排唔到全家去 － 點搞？3貓2人3日兩夜 －為我一個甘舟車勞頓－米玩死我！）