6月6 －7週年實驗品

端午－我農曆生日

6月6 － 結婚週年，話甘快已經7年。

節目－無乜，唔系無感覺，雖然公主爹話出去食餐飯慶祝，我話想同公主，英雄同美人一齊過。

甘自己煮 － 其實公主爹煮，我就例牌整餅。

草莓－公主爹鍾意食，我其實乜水果都鍾意。

反正佢上星期買左2盒，今日我又懶得叫佢買其他野特別整。

上星期五已經用左一盒整左一個草莓瑞士卷（我

又懶⋯⋯無影相⋯⋯）因為有朋友黎食飯兼星期六去另一個朋友到食飯，所以整個大少少的卷一石二鳥：P

有D草莓汁餘下，因為我將D草莓出水（唔系煮⋯⋯切好放糖過夜）先，再隔噻D汁乾身少少先連 D cream （意大利文叫 Panna 英文系 cream ⋯⋯但唔系奶油） 一齊卷，費事卷變餅一 pet 野。

甘就用草莓汁（其實已經有糖）整 strawberry curd，食其實 ok 但個賣相實在嚇人，因為個顏色實在有D似貓糧（定我有病？）唯有加少少食物色素搞搞佢，都ok 最少似翻D可以入口的顏色。

個高的其實系“錯版”我無捻到個矮 tart ring 可以佔據甘多 cream⋯⋯唔夠cream 唯有棟起D 草莓補窿。還好個視覺效果都 ok 但食就唔知道⋯⋯因為D草莓我無做任何手腳，全靠佢好味唔好味⋯⋯

7年真系唔系好覺甘耐。我同公主爹講，你覺得我地已經結婚7年，認識10年嗎？（過多2個星期就系認識10週年⋯⋯）
公主爹答，唔覺⋯⋯甘耐咩？望下公主數數，公主7歲我地米結婚7年。時間真系過得快。
有無7年之癢，有當然有，成屋貓毛唔癢就怪。尋日先幫公主沖涼，上星期四英雄，洗走緊D死毛。聽日輪到美人。呢兩日公主同英雄已經吐左毛，系美人仲未有料到。英雄吐出黎真系好Q大堆。其實連少少食物比平時少好多，D 生肉我系打到好似cream 甘，所以佢就算有毛球，大部分生肉其實都過到D毛（D毛應該系胃到）。同D生肉其實幫到佢黏埋一齊排出黎。（點解講我7周年會無啦啦講毛球？？？）我應該多謝公主爹，好多貓娘娘D老公其實唔鍾意D老婆甘專注D貓（其實有D老公系妒忌D貓）。好在佢其實同我差不多 level 的貓奴。

我地成日無聊地講埋好多奇怪野，例如如果離婚D貓點算？跟我定跟佢？講完一大餐之後結論：
為左D貓，唔可以離婚哈哈哈哈（死唔死？）
又例如如果我死先，我系米要列定張清單點餵D貓？所以佢都要跟進下，公主幾點食乜，食幾多，跟住英雄同美人，邊個食先。（都真系兩個無聊精）

端午更加搞笑，系阿妹尋日同我講生日快樂我先知道。
我淨記得星期二要去買全兔俾3個大帝。因為上星期整過1K已經食噻⋯⋯星期二無 raw 佢地食⋯⋯

我自己生日其實無乜特別慶祝，無論系西曆定農曆。我系連人問我幾多歲都要計計果隻。