飲水器究竟安全唔安全？

公主爹成日想買飲水器。
我一直都幾反對，所以一直都無呢樣野俾3個大帝用。
我知道活水貓會鍾意飲，仲鍾意玩！
我成日系驚會漏電發生意外。
雖然好多人都話安全，但一次意外足以致命。




上次羅馬展覽，美人半個大佬的主人系西班牙帶半個大佬個女黎出賽。
美人個配育員選擇新主好挑剔，真系查家宅之後先會俾隻貓跟走。
所以好多擁有 Vimmerskogen 的貓的主人都系幾好人。
西班牙夫婦出發之前系“飛碌”到問我美人會唔會出展，
我話唔會，不過會去睇⋯⋯ 佢地有D失望，因為好想見下美人。
叉開少少，系“飛碌”好多美人D半個大佬，老豆，半個家姐，阿姨同美人細妹等等親人D主人揾到我地。所以我地有保持聯絡。

我地淨系去星期日，星期五晚同小百合講西班牙夫婦會黎。
請佢地幫下忙，因為羅馬展覽無英文：（所以擔心佢地會盲縱縱。
星期六盡可能揾到佢地幫佢地翻譯下。或叫佢地上台見評判的時候話聲佢地知道。
（最後⋯⋯原來佢地識得聽少少意大利文：P）
星期日見到佢地好開心 ：）好彩原來佢地系小百合隔一個 box 到乍！
交流好多，講好多關於美人半個大佬D趣事等等。
佢地俾2隻貓我地睇，一隻14歲，一隻2個月大，話系一次意外一齊身亡⋯⋯
乜意外？飲水器漏電！！下？！真系會漏電！！！
所有飲水器都有個火牛將電源變成 12V，應該電唔死，最多電到跳起。
但意外就系想像唔到，所以先叫意外⋯⋯
其實個飲水器本身無問題，原來系玩水，D水潑到個插頭，同個地下濕左漏電。

好多貓都鍾意玩水，掉D玩具落水玩。
英雄鍾意甘玩，美人衰到偷野掉落水玩⋯⋯

我另外一樣最驚的系條電線，貓鍾意玩”繩“樣的野。
我地臨上床之前都會將所有電線拔掉。
佢地走近少少D插頭我地都留意佢地做乜。
公主最乖，對電線無興趣，唔會掉野落水玩同唔會玩水。
另外2隻怪獸就要盯得好緊。

甘我不如唔好裝飲水器⋯⋯反正佢地其實唔系好飲水⋯⋯玩多過飲⋯⋯
因為無乜貓餅俾佢地，濕糧D水分足夠。

公主爹聽到之後，都唔再堅持話要買飲水器。
有飲水器的朋友（在場聽到的）都即刻系飲水器下鋪一大塊地毯同將個飲水器移位。