無知與無家教

隔離屋（5家人D屋系貼住，所以個花園系隔離），我地系中間，所以兩邊都有人。
左右兩邊其實系朋友，兩家都有細路。
一家好少少（但都系唔好得去邊⋯⋯） 另一家3個細路簡直系無家教同無知，
其實唔淨D細路連父母都系無知同無家教。

呢3個“細路”最大果個已經成16歲，中間14，15左右兩個仔加個細妹13歲左右。
大仔讀書不成，阿媽本來系整義大利手工麵條，將間鋪頭發大俾個大仔做野⋯⋯
3個細路都好鍾意動物，屋企已經成個動物園，
有狗，有鸚鵡，有鴨（唔系講笑）。隻狗日日都系屋企喊 － 因為所有人翻噻工／學，
留佢系屋企廁所⋯⋯ 我地已經同佢地講過隻狗無人系到喊。
 佢地答話唔 知道 － 當然無人系屋企點會知道？
我地其實系可憐隻狗，佢喊得甘淒涼⋯⋯

近日，中間仔同細妹系附近拾獲2隻3個星期都唔夠的 BB 貓。
問我地點畏，教晒佢地，仲叮囑佢地要帶D 貓仔去見獸醫。
其實佢兩個細路系“偷”D 貓翻黎，因為之後果日我去買野翻屋企途中見到佢地話拾到2隻貓果到個貓媽媽系到揾仔，個口仲擔住一隻好驚甘揾地方。
我即刻企定，等佢安心帶個 BB ，佢見我企定，望住我一陣之後好快甘就爬上附近D屋個花園。
因為佢望住我超過5秒，雖然都相隔7，8米的距離，我見到貓媽媽有一隻眼發白，明顯地系 Feline Herpesvirus /又稱 Feline Rhinotracheitis 俗稱 Cat Flu。 
我同隔離屋個阿媽講，D BB 過多3，4個星期要去打防疫。佢支吾以對⋯⋯
之後發現D貓仔3星期已經系佢地個花園自由走動⋯⋯附近D貓就鬼殺甘嘈。
1－個貓媽媽知道D仔系果到，2 －D貓公知道有兩隻貓仔（系兩隻都系仔）系果到 －物競天擇，D仔無阿媽保護，D貓公會獵殺佢地，多隻香爐多隻鬼。
我地已經無甘好氣，講左 N 甘多次，人家都覺得我地 多餘⋯⋯
英雄就日日趴系花園個窗前，驚死其他貓入屋⋯⋯米話佢，我都驚。

尋日有個女傭系佢地屋企系地板（個花園已經變石屎地⋯⋯ 但 Cheap 精D料唔好要洗好耐都唔慌乾淨個種）洗到鬼甘嘈⋯⋯ 跟住發現2隻貓仔跳過黎我地個花園！！
其實系美人發現（好在英雄系樓上⋯⋯唔系不敢想像），佢好興奮，
公主爹即刻走出去，dig 起一隻，跟住另一隻已經走入黎，dig 起埋佢，
叫隔離屋⋯⋯無人應⋯⋯ 我即刻去揾個紙箱俾佢兩個。
放佢2個入箱，未入屋，我同個紙箱（外）同公主爹消毒！！
都低能，你洗地洗到濕噻D貓仔當然揾地方走！
系洗都放D貓入屋，個地乾左先放佢地翻花園啦。

公主爹話⋯⋯放佢兩隻去翻被執走個位。等佢地阿媽黎湊佢地走。
我話唔得，佢2個仲細，已經稱3個星期，個阿媽應該唔認得佢兩個，
無受阿媽訓練點揾食， 附近D公貓虎視眈眈⋯⋯甘放佢地同殺左佢地無分別！！
我話送佢兩個翻隔離屋先啦，如果佢地再走過黎先算。

公主爹好無可奈何甘俾我踢左佢去隔離屋。
隔離屋個清潔女傭話唔該噻，話佢2個唔系一次走入人地花園（即另外一邊隔離屋⋯⋯）
公主爹入屋，我踢佢入廁所消毒 － 連人連衫。
佢洗到乾乾淨淨我先俾佢出廁所⋯⋯

到夜晚，隔離屋無人黎多謝或講任何野，公主爹好慶，
我話慶乜丫⋯⋯都知道佢地無知，
公主爹話無知都可以接受，無家教先激氣。
無知－D動物對佢地黎講系玩具，無知 － 我地已經講好多次應該點做都當聽唔到（其實佢隻狗5年無打防疫同見獸醫⋯⋯）
個老豆唔鍾意動物，佢系屋企隻狗要出花園， 系屋企隻狗唔可以上沙發⋯⋯
當然兩隻貓就會放系花園，之不過⋯⋯貓會爬會跳！！

無家教，公主爹送翻2隻貓過去唔系應分，最少都多謝一聲。
我話都唔駛旨意，佢地一定怕左我地又“鵝”佢地，
所以唔會過黎。
我話就算我地封好噻個花園都無用，佢地甘態度⋯⋯
唉⋯⋯唔想捻⋯⋯想快D賣出呢到走人去⋯⋯