“飛碌”亂 tag 故事

尋日的事情，今日寫。
“飛碌”已經系危險之地，好多所謂 “friend”其實系唔知道佢系邊位。
無啦啦俾人利用亂 tag 就更加火到黎埋！
故事開始：
受害著：1. PawPeds 校長，2. 公主爹，3.小百合 4.小百合另一半 5. 羅馬英國人緬因貓配育員
搞事者：羅馬緬因貓配育員2號 － 用郁記的描述 －慌死用尿射你唔死的狗公（郁記唔該指正，大概系甘意思）因為郁記系我屋企見過呢個人。

講講大概背景，校長 breed 兩個品種，緬因貓同土耳其凡貓，本身系貓會評判（但懶到出汁，唔到要停佢牌佢都唔會揾地方去做評判果種）。佢好低調，兼⋯⋯唔系好識得用“飛碌”。由於系校長經常周遊開遺傳學／health program／研討會／講座，所以識得佢的人唔少，“飛碌”上的“朋友”名單過千，由於校長唔會好記得邊個打邊個，來者不拒的“friend”政策，有殺錯無放過，反正佢唔系點用“飛碌” － 淨用黎放下生活趣事同D相（包括有隻烏鴉卡住左系個抽氣扇，個女畏隻烏鴉食野的相之類），嘲笑下自己D貓笨樣，或D貓生日（18歲唷，當然要同大家分享下啦！）同⋯⋯玩下D無聊 game。

事情如此：
最近校長隻土耳其凡貓生做3隻幼貓。大家都登佢高興 －大家包括所有認識佢同所有凡貓的配育員（當然包括小百合同佢另一半）。受害者中除左英國人同狗公唔識得校長（無接觸過，無書信來往果種，佢地知道校長系 PawPeds －佢地用緊個 COI 計算系我介紹⋯⋯但狗公將個 database 變成佢賣廣告的手段 － 激死我！！），但系同校長系“飛碌”的 friend。其實最近我地對狗公地的行為有D反感⋯⋯包括點對待D貓，同不擇手段出位同贏貓展。

尋日校長將一張佢自己影的貓媽媽運送幼貓的相。有自己的描述（貓媽媽成日要霸佢張床）絕對系生活瑣事的態度。
奇怪在：公主爹收到通知，話狗公配育員 tag 左佢上校長張相到。tag 的人當然包括狗公，仲有其他受害者（除左校長）。我好Q慶，狗公地博出位賣廣告搞到甘醜樣，要tag 就 tag 自己算啦，做乜拉埋我老公落水 － 佢好低能以為我同我老公系同一個 account！！所以tag 我老公就以為系tag 我！小百合同佢老公都仲可以明，但之系英國人呢？只系想其他睇到的人以為系校長 tag 唔系佢 tag 自己系到博出位！！

我即刻系 msn 問校長，可以唔可以 remove 公主爹個名，校長話“點 remove？我搞左好耐都搞唔掂！！”明顯地佢好唔高興。我教左佢點 remove 後佢鬆一口氣。佢話唔明狗公想點？
我話好簡單，利用你黎宣傳。配育界所有人都知道校長系邊位，當然如果系“校長 tag 佢”就變成佢地位都超然。
校長話狗公無腦⋯⋯系 tag 都 tag 凡貓D人！佢連tag 貓爸爸個配育員都懶⋯⋯tag 佢？（踢穿佢系佢唔識得 tag⋯⋯）

呢D狗公，連最少的尊重都唔識得，系人地D相 tag 自己博宣傳，博出位就算啦，仲要拖埋其他人⋯⋯ 佢有本事 tag 校長D緬因貓丫，成日話校長D貓唔可以贏show⋯⋯校長自己系評判都唔知道緬因貓應該系點樣咩？上次我俾隻狗公睇校長D緬因貓個近親繁殖率低到嚇死佢。佢仲話甘唔得，系低但total inbreeding 唔超過25％無事⋯⋯發神經，4代6％已經叫多，校長開始做配育員的時候你連乜系緬因貓都未知道系乜啦，系中學到讀緊乍。

隻狗公仲要系律師⋯⋯ 成日扮代表⋯⋯ 先生你有 cattery 個牌4年乍，條路好長，甘已經唔肯接受新野，系甘玩埋D手段，害死你自己唔緊要，唔好害D貓同我地！好彩校長知道我地系點人，但明年佢黎羅馬做評判，狗公地就死得難睇 － 校長黎羅馬系我同其他 G2 同學搞到佢黎 － 佢就快俾人除牌，因為2年評唔夠3個展（可以想像佢幾懶⋯）所以問有無展俾佢評救翻個牌。好彩佢今年評夠數，12月應該收到邀請信黎羅馬評。我已經同個搞手講，如果校長黎做評判我唔會帶貓黎參展。費事瓜田李下。最多我叫校長黎屋企睇我D貓食蛋糕就得。

等校長有時間要幫佢搞搞“飛碌”個 setting⋯⋯佢一定仲系 default⋯⋯