睇翻，真系好耐無乜寫公主。
甘寫翻下先，唔系以為我偏心 ：P
其實公主一直都好好，前日帶佢去獸醫到年檢同防疫針。
順便問埋其他問題。
次次見獸醫都會 draft 定 question list⋯⋯
因為打電話問，成日唔通，一系就無人聽（甘就梗系做緊手術）
講到唔清唔楚，甘見面就講得清清楚楚啦。
獸醫開門，
獸醫：一隻？我以為你地帶噻3隻黎添？
唔啦⋯⋯甘熱⋯⋯又塞車，反正3月已經睇過英雄同美人。
佢地兩個就要成雙成對出入⋯⋯公主無佢兩個系身邊唔知道幾爽。
公主絕育之後食唔停口，經常揾野食。
無野食佢就舔自己肚腩D毛⋯⋯所以無左好大撻⋯⋯
尋日上磅5.2Kg（11.44磅）挪威森林貓女差不多呢個磅數。
獸醫話比上次見瘦左，好事， keep 住甘啦。
問獸醫有無發覺公主呼吸聲無甘嘈？
獸醫：系呀，你地換左D乜？上次話換走水晶砂好少少，但都系仲有。
今次⋯⋯無魚佢食⋯⋯佢好鍾意食魚，但懷疑就系D魚罐頭佢有問題。
公主對某幾個牌子的罐頭魚過敏，成日舔到自己D手臂無噻毛。
就系見佢肚腩D毛無噻，忍心少少停佢魚3個星期。
換部份生肉，佢呼吸聲就正常噻。
我其實系唔知道魚定魚罐頭D飯有問題。
但貓餅都有飯⋯⋯ 但我地唔點俾D貓食貓餅。
所以其實系飯定魚有問題就真系唔知道⋯⋯
但D毛又點解釋呢？
獸醫：佢 stress⋯⋯ 佢情況你地俾佢小食多餐，有無問題？
無，我地反正系屋企開工。
會唔會系同其他貓的關係麻麻所以佢 stress？
獸醫：有可能，但我覺得佢情況唔系同其他貓關係導致 stress。如果系佢會仲神經質過甘。
都系，佢問攞食之後唔俾（未夠鐘）佢就餅埋一邊系到舔個肚腩⋯⋯
甘140g濕糧10g餅會唔會太少？
獸醫：差不多啦，你地自己就，最緊要唔好俾佢太肥，多D活動。
瘦左之後佢經常玩，好過之前好多。
防疫針問題，上次去 Pisa 聽講座，主講個教授有討論幼貓防疫針問題。
因為依家D 防疫針其實可以保障3年，所以有建議唔需要年年打。
獸醫你覺得點呢？因為我都好擔心，太多防疫針會導致其他健康問題。
獸醫：絕對同意。
甘3件應該幾耐打一次呢？
獸醫：其實2－3年一次都 ok。除非佢地會接觸其他貓，例如你地去貓展，睇你地去得幾密。
如果唔經常去，中間唔去1年，果年可以唔打。
ok ok
甘血檢呢？1年1次夠唔夠？
獸醫：夠，下次帶佢地黎先抽血檢驗啦，公主半年後先驗。
英雄3月驗過，所以明年。美人睇你地時間，佢甘細可以等2歲先開始驗。
今年2黑（我地叫英雄同美人 i neri 翻譯 2 黑）唔打狂犬病，反正2012先考慮出展。
獸醫：絕對贊成。如果要出展，我可以開張證書唔打都得呀。（個獸醫真好）
不過你地自己 mark 住，3年後要出展／出國就真系要打。
費事抽查發現佢地無打就麻煩。
我地換噻佢地食生肉同換左罐頭牌子。
我帶埋包 basic pack 俾佢睇。獸醫你覺得點呢？
獸醫望住個 pack D 英文，個腦一定好忙甘翻譯，所以唔可以即刻答。
獸醫：佢地食左有無不良反應？
無，正面反應反而多。英雄美人唔停口甘食，兩個都大隻左，D毛有光澤，無甩毛。
獸醫：你地照足9：1肉同肝比例？
唔系，系9.5:0.5 我怕太多肝會維他命A中毒。
獸醫：甘無問題啦，食生肉記得唔好俾隻多種維他命佢地。
同夏天注意衛生，食唔噻就掉。當然啦！
獸醫：另外隻罐頭 ok 公主食唔食 －
公主依家乜都食。系2黑麻煩⋯⋯罐頭唔要⋯⋯
獸醫：哈哈，寵壞左。
貓餅 Orjien 得唔得？
獸醫：無問題，聽講幾好。佢地食唔食？
美人唔點食，英雄 ok。
獸醫：甘少D貓餅仲好，難得揾到貓唔鍾意食的貓餅。
美人食成220g一日⋯⋯有無問題？
獸醫：佢食得就俾佢食，最緊要系如果佢拉肚子就要減份量。英雄呢？
佢⋯⋯210－240g 少唔少？
獸醫：差不多啦，佢有無食慾？
佢自己食呀！唔需要我用手畏。甘俾住先，佢肯食多D先俾。
獸醫：公主都系全生肉餐？
唔系，佢一半一半住先，慢慢先轉噻佢食生肉。
佢成7歲半先開始肯食，慢慢黎。
獸醫：無問題，最緊要佢無不良反應，有就換翻少少罐頭。
帶左公主同英雄D便便去驗，美人唔合作⋯⋯果日早上無料到⋯⋯
獸醫：無問題，反正一齊住，如果佢兩個無，美人都會無。
如果事但一個有就要驗埋美人。
本來想 book 同美人照心（超聲波）但我話未知道佢系米有左⋯⋯
獸醫：如果系為左知道佢系米有左照超聲波就無謂。
獸醫你誤會啦！！我系話如果佢唔系有左就帶佢黎照心呀！！
獸醫：呵呵，我以為你地同其他 breeder 一樣，一有就想照。甘等下先 book。
問題⋯⋯（又黎）Frontline 真系唔想用⋯⋯ Neem oil 英雄頂唔順。
揾到隻超聲波狗帶？work 唔 work？
獸醫：唔 work，唔好浪費錢買。
我都無乜辦法可以提供 neem 系暫時我知道天然同效果最好⋯⋯
但英雄唔用得（佢即刻紅噻俾我睇！！）無辦法。我有乜新資料會話你地知道。
公主要唔要洗牙？佢有牙垢⋯⋯
獸醫：佢唔嚴重，仲好似同上次見一樣，
我都覺得佢無嚴重到，用左 新牙膏之後 keep 住無繼續。
獸醫：佢甘情況唔再壞其實唔需要洗，洗親就要麻醉。
反正佢未需要洗，唔好洗。
針已經打左，睇噻眼，耳口鼻，心（個心好正常^^）
可以打道回府！
食多食少，食乜唔食乜，
回覆刪除要照顧三個既飲食都真系唔容易啊！
Miss 我地系貓奴丫麻⋯⋯無辦法⋯⋯加上貓唔識得講野，
回覆刪除唯有留意佢地。
發現美人兔肉麻麻地。英雄都仲 ok
但火雞同雞食甘耐都無問題。（因為無雞肝，所以兔之外D肉系落牛肝）
我懷疑系因為兔餐有其他內臟所以唔 like。
呢個星期試緊兔肉兔心同兔肝。其他野無落。
又好似 like 翻少少⋯⋯ 定系鍾意牛肝？？
要睇定D 先。
⋯⋯我地買左塊白版⋯⋯日日寫每個食左幾多⋯⋯
個心好正常，正！ ^^b
回覆刪除系呀 郁記，我其實最擔心公主個心⋯⋯
回覆刪除09年就系呢個獸醫話聽到公主個心唔正常嚇到我地死。
可能系 over dose 抗生素搞到個心有問題。
照過話有少少厚左，但 ok 先俾獸醫同佢做絕育手術。
所以一直留意住佢呼吸同要獸醫 check 住佢個心。
麻煩呢幾日點呀？
佢行為表現同以前差唔多，
回覆刪除牙肉仍然唔夠色水，
不過經過我家姐對我「訓話」，
我放鬆咗....
我其實知道治療 AIHA 係似坐過山車，
無奈我好難放鬆心情，
呢兩日我不時提醒自己，
只有我眞正放低咁麻煩先能夠感受到我嘅正能量 ^_^
好開心聽到你放鬆左。
回覆刪除呢場仗真系唔系一日半日會打得完。
動物好敏感，你識得放鬆佢自然會跟住你放鬆，
對你同麻煩都系正面呀。
努力唷！你記得食下補翻數。
我覺得你呢個獸醫好好, 起碼佢好有心機答你嘢, 而且佢唔係只係背佢識嘅書, 係會update而家出面市場有D咩嘢! HK果D真係拍死隻馬都追唔到! Neem喎! 我肯家無獸醫知囉! 仲話餵生肉? 九成都話唔好! HK果D好多都好抗拒餵新鮮生/熟肉, 成日話唔balance, 我真係好想話佢: 醫生你自己食嘢都唔係計過有幾多protein, 幾多脂肪, 幾多vit. a,b,c,d,e先食啦! 有無營養不良?
回覆刪除而且, 會考慮餵生/熟肉嘅貓狗主, 一定會睇好多相關資料架! 唔會忽然話餵就餵嘛! 當然除咗D老一輩嘅人啦!
不過講開neem, 我之前買Azmira俾波波同架喎! 係organic架! 有無試過呢隻牌子?
順便....
郁記, 唔好諗咁多, 總之記住兩個(應該係三個)都要開開心心, 食得瞓得就算! 萬一真係有乜事, 自己都唔會後悔就OK啦!
薏迪呢個系第3個獸醫⋯⋯之前兩個我真系想殺左佢地！（都話我殺氣大：P）
回覆刪除好獸醫好難遇上，呢個系個 breeder 朋友（英國人）用左15年。
羅馬好獸醫無幾多個⋯⋯識得睇貓更加少。
呢個獸醫其實專科睇 exotic animals，所以成日要update。
Azmira 呢到無⋯⋯